المساعد الشخصي الرقمي

مشاهدة النسخة كاملة : اهل الخبره في Vxr


VXR3
20/04/2009, 04:41 PM
السلام عليكم اخواني الله يجزاكم خير
انا عندي جيب VXRموديل 98 وماكينته خبطت ولاني عارف هل انا
اوضبها ولا اشتري ماكينه مستعمله وحصلت ماكينه مستعمله موديل 2000وعليها ضمان شهر لكن
ماشفتها لاني انا في الشمال والماكينه حصلتها في الرياض واخاف اشتريها واتوهق وتكلفتها 15300 وتكلفه
التوظيب مع المخرطه والقطع تقريبا 12000 ابي مشورتكم الله لايحرمكم الجنه أي افضل التوضيب ولا ماكينه مستعمله وهل ممكن احصل ماكينه ارخص من كذا لان سعرها غالي الي يدلني ولا يعطني رقم جوال احد عنده مكاين جزاكم الله خير
رومنسي غير
20/04/2009, 05:22 PM
وعليكم السلام ورحمة الله وبركاته ،،،
اي نعم عندي لك راي وانت وقدرتك وشطارتك ,,,,
شوف حبيبي /
لازم تتواصل مع احد في الرياض قبل كل شي :director: .
ملاحظة . خبري في المكان هذا 4 سنوات مضت .
الموقع : تشليح النظيم
المكان : الشارع الثاني والمعترض ايضا فيه .
الأسم : فيه اماكن كثير وتحصل جيوب موديل 98 وفوق (( يعني الشكل الجديد )) .
خلي اللي يروح يدور لك على جيب معدوم ( خارجيا ) يعني بدي ما فيه ، بس ماكينة تحصل في جيوب كثير الماكينة سليمة يعني الضرر يكون على الراديتر والمراوح الخارجية في الأغلب .
كان عندي رقم واحد ( يمني الجنسية ) بس والله للأسف :( أختفى .
تحياتي والله يعينك يا اخوي ,,,, رومنسي غير
بني حنيفة
20/04/2009, 05:34 PM
اخوي تعاااال بجيبك لرياااض بسطحه ..
وده لتشليح ويربكونه لك واختر اللي تبي من تشليح حائر...
VXR.2007
20/04/2009, 08:08 PM
يا خوي وش اسباب تخبيط الماكينه
q.8
21/04/2009, 02:50 AM
نصيحة لوجه الله تعالى

لاتبدل مكنيتك مهما حدث انصحك وضبها لان ناس واجد نفسك فكرو يغيرون مكاين سياراتهم وابتلشو يركب المكينه اليوم بعد شهر تدخن وفيه مشاكل مالها اول مالها داعي

لو تبي تركب مكينه ركب مكينه مديل جديد 2007 او 2006 اما 2000 انحش لها 9 استخدام يمكن اقل ويمكن اكثر

خذلك شي نظيف ومضمون وممشاه قليل

وواضب على تغير الزيت بأنتظام وانصحك مره اخرى وضبها افضل
دله وفنجال
21/04/2009, 03:30 AM
السلام عليكم...


هلابك اخوي وعسى الله يعوضك بخير منها ان شاء الله...

الاراء اختلفت بين الشباب من مؤيد للتوضيب ومعارض...

ولاكن خلي في بالك شغلتين الاوله اذا تبي تغير المكينه احرص على الموديل الجديد يعني المكينه ماصارلها 3 او 4 سنين ولاتاخذ مكينه ماعليها ضمان ابد وضمان شهر مايسويلك شي ...ولاتنسا تاخذ ميكانيكي موثوق معك لجل يفحص المكينه قبل كل شي لان التشاليح الذمه في المخبات الا من رحم الله... وفيه عندك تشليح المعجل بلقصيم في بريدة يمدحونه وسعاره ممتازة...

الامر الثاني اذا كنت تبي توضيب فأنصحك انك تشتري انت القطع لان بعض الورش هداهم الله يطيحلك بقيمة شغل اليد على حساب القطع يعني يجيبلك شي مش حالك كم شهر او كم سنه ثم تبتلش مره ثانية...
وحرص على ورشه ممتازة ولها سمعتها ومجربه ...وحرص على الضمان لانه من حقك...

ونت واختيارك والي تشوفة افضل لك...
الهوى جنوبي
21/04/2009, 11:03 PM
نصيحتي لك نصيحة مجرب وضب المكينه وابعد عن التشليح ترى الغش عندهم مثل شرب المويه ومثل ما قال اخونا دله وفنجال احرص على شراء القطع بنفسك وعليك بالاستخاره والله يختار لك الصالح
تــحــيــاتــي
ق ص ك
21/04/2009, 11:31 PM
نصيحتي لك كأخ انك تبعد عن المكينه المستعمله لانك ماتدري وش استعمال اللي كانت معه قبل
ولاتدري كم بقى فيها من عمر
وللتوضيح
من شهرين شايف لاند كروزو Vxr
راعيه موضبه توضيب ستاندر (يعني كل شي جديد وكاله)
مكلفه مع شغل اليد 9500ريال في الرياض

كان فيه موضوع مثبت ومميز لأحد الاعضاء تكلم فيه عن توضيب المكينه دورته عشان احط لك الرابط لكن للأسف مالقيته
الاخ الفاضل صاحب الموضوع فضل توضيب المكينه عن شراء مكينه مستعمله
اتمنى لك التوفيق
fahd saad
21/04/2009, 11:50 PM
كم سعر المكينه الي بتشتريها 15300ولاتعلم عنها اشي سوا ظمان شهر مع العلم ان التشاليح يوضبون بقطع تجاريه ودليل ان المكاين اوالقيرات اوالدفرنسات ويقول استاندر مانفكت وشفه على الموتر لاتدوم وأنما تخرب بعد مده قصيره فعليك بتوضيب افر لك وتضمن القطع ولاتبخل ابونص عمر غيره
راعي الركيات
22/04/2009, 01:06 AM
اذا المكينه في التشليح بهذا السعر خلها تصدي علي قولتهم ووضب مكينة سيارتك افضل واقل تكلفه
والله يخلف علي ماراح وييسر امرك
ذيب الزبارة
22/04/2009, 05:22 AM
غااالية المكينة عندكم

ف قطر عندنا المكاين ال 8 سلندر رخيصة

على 6 او 7 بالكثير
mds99922
22/04/2009, 06:21 AM
أخوي الشيء اللي تعرفه أحسن من اللي ماتعرفه توكل على الله سبحانه وضب مكينة الجيب وركب القطع كلها وكاله ويكون الميكانيكي صاحب خبره قديمه وأنتبه من العليميه وأتمنى لك التوفيق ,,,,
Magellan
22/04/2009, 10:15 AM
أخوي إذا أنت من الشمال شف الدول المجاورة الخليجية
ومثل ماقال راعي قطر لو تقمز لقطر وتاخذ مستعمله أوفر،،
وترى الكويت رخيصة وشف أخونا DARK2 مسوي كم تقرير عن التشاليح عندهم تبي تحصل أرخص من السعودية ...
الشقردي
22/04/2009, 10:26 AM
الله يوفقك لكن أؤيد انك توضب مكينتك, قطع جديدة+أصلية

التشليح أفضل فقط في حال التكلفة أقل من التوضيب + موديل جديد

على كذا بكم جديده المكينة؟

وهذا الرابط اللي يقول ماجلان عن توضيب المكاين بالكويت لـ DARK2 ومعلومات مفيدة
http://www.mekshat.com/vb/showthread.php?t=200996
VXR3
22/04/2009, 04:32 PM
الله يعطيكم العافيه وماقصرتو واشكر كل من رد علي
ولحد الان انا احاول اني احصل ماكينه موديل جديد
كلمت واحد من جماعتي في الشرقيه وبيدور لي ماكينه او اني اتوكل على الله واوظب
تحياتي لكم
VXR3
22/04/2009, 06:07 PM
السلام عليكم
اخواني انا حصلت ماكينه موديل 2006 تكلفتها مع التركيب 10000
وحصلت بعد ماكينه 2004
ويقول على الشرط لكن يقول لازم تجيب السياره وحنا نركبها لك ومعك ضمان عشر ايام تفحصها
وين ماتبي فحص دوري او عند الوكاله فا ابي رايكم الله يجزاكم خير
تحياتي
دله وفنجال
22/04/2009, 11:15 PM
السلام عليكم...

هلابك اخوي...

والله يبن الحلال هذا يبي يحشرك بقولته لك 10 ايام فقط...

الملابس وهي الملابس يعطونك اسبوعين فما بالك المحركات ...

هذا طال عمرك ياأما انه متوهق بلمكاين ولا انه مسوي فيها شي ...

اخوي قبل كل شي استخر والله يبي يسهل لك الامر وحرص كل الحرص على كشف السيارة من قبل ميكانيكي متخصص وله خبرة لجل لا تتوهق بشي يصير عليك نقمة ...

وفية نقطه ثانية اذا اخذت 2006 اعتقد ان الكبيوتر يختلف على حسب علمي فتأكد هل التغييرشامل الكمبيوتر ولا لا...
واذا كان مع الكمبيوتر فأنصحك بلكامل اي ان القير معه لان الموديلات الجديدة افضل تغييرات من القديم (5 تعشيقات) هذا اذا كان موترك اوتوماتيك...

ولا تستعجل الامور هذي يبيله تفكير الـ 10000 ماهيب هينه الايام هذي...

هذا مالدي وعسى الله يوفقك...
DARK2
22/04/2009, 11:51 PM
بداية احب اشكر الاخوان اللي اشارو لمواضيعي وهذي ثقة ان شاء الله اني اكون قدها
اما بالنسبة لموضوعك اخي الكريم انا بعطيك اقتراحين وانت حاول تختار الافضل
اولا راح نعرض المميزات بين التجفيت ( التوضيب ) وبين الماكينة المستعملة
الضمان التوضيب ( من 3 شهور الى 6 شهور ) حسب ثقة الميكانيكي في شغلة
المستعملة اكثر واحد راح يعطيك ( شهر ) وهذا يحسب للتوضيب
القطع ( التوضيب ) تعتبر جديدة وحسب متابعتك للميكانيكي والقطع اللي انت تجيبها
المستعملة تعتبر قطعها مستهلكة وهذا يعتمد على استعمال الشخص اللي قبلك ولا تنسى انك راح تاخذها من التشليح احتمال الماكينة تكون تأثرت جراء الحادث وثأثير غير مرأي ابسط الامثلة شعر في راس الماكينهنصيحتي لك توضب ماكينتك ولكن تتبع الخطوات التالية
اذا كان المبلغ اللي اشرت علية شامل كل القطع وشغل اليد تشرط عليه القطع اصليه ولا يجيبها الا بحضورك
المتابعة اليومية للميكانيكي ومايفك قطعة ويركب الثانية الا بحضورك وهذا شرط اساسي علشان تفادى الغش واستعمال قطع مستهلكة من عندهم والقطع مالتك يبيعها لحسابة
متابعة المخرطة بنفسك وهذي اهم نقطه
الضمان يكون شامل التبخير والصرفية واهممممممم نقطه الحرارة الحراره الحراره
بعد الانتهاء من التوضيب بأذن الله تخلي السياره تحت التجربة لمدة 10 ايام تقريبا تكون السرعة فيها ماتجاوز 80 ك / س بعدها مباشرة تفحص ضغط الماكينة بالكمبيوتر ويجب انة مايقل عن 70 % وبالحالة هذي ماكينتك ان شاء الله راح تكون اخت الجديدةوكل هذا يعتمد على متابعتك اليوميه وتحت اشرافك وتخلي الثقة ورى ظهرك خصوصا في الامور هذي لانة لو ضمنا الميكانيكي ما نقدر نضمن العماله اللي عندة

واتمنى من الله العلي القدير ان اكون وفقت في توصيل الفكرة فأن اصبت فمن الله تعالى وان اخطأت فمن نفسي الشيطان ( اخوك ابو خالد )