المساعد الشخصي الرقمي

مشاهدة النسخة كاملة : لاصحاب الخبرة واللي يبي الدعوة الطيبة والناموس .. تفضلوا


الاستاذ سعد
20/04/2009, 05:29 PM
السلام عليكم ورحمة الله وبركاته

مساكم الله بالخير والمسرات

اخواني الاعضاء

هذي اول مره اشارك معكم واتمنى منكم ماتخذلوني انا يااخوان ادور لي سيارة هالايام ولقيت لي ايسوزو موديل 2005 فل كامل طبعاا جيب

وابي منكم رايكم في نوع السيزو هل هو طيب وينفع ؟

هل قطعه متوفره واسعارها مناسبة ؟

اللي يعرف عن السيزو لايبخل علي براية

مع العلم اني كنت ناوي اشتري اكسبلور بس يوم لقيت هالسيزو كنه اعجبني قلت لازم انشد اللحاوات الغانمه شرواكم عن السيزو لأني مابعد استخدمتها ولااعرف احد استخدمها

اتمنى المشاركة من الجميع
حيدر الو
20/04/2009, 05:52 PM
وعليكم السلام ورحمة الله وبركاته
مادري كم سعر الموتر؟ وكم ماشي؟ وبالنسبة للسيارة ماجربتها ولكن اسمع انها سيارات قوية واغلب الشركات تستخدمها
الاستاذ سعد
20/04/2009, 07:03 PM
الموتر سعره 47000

وماشي 46الف

ولاهنت على مداخلتك ياحيدر الو
abu_saleh
20/04/2009, 07:34 PM
السوزو من السيارات اليابانية الممتازة وهي ماركتها ممتازة مثل التايوتا والنيسان لكن يعيب عليها قطع غيارهـا قليل وما تحصله إلا بشق الانفس بالنسبة للجيب ، أما الونيت والدينا تحصل قطع غيارها بكثرة ، ثاني وكيلها اليمني أو العيسائي ما يوفرون من قطع الغيار إلا القليل ، ويلزمونك بـأشياء انت مالك بهن حاجة وسعرهم غالي ، انا كان عندي جيب سوزو موديل 2001 م وبعته وفرحان يوم بعته ، تصدق فلتر القير 210 ريال وصعب فكه وتعبية الزيت ، سـألت عن صوفة عصا القير حقت الجيب قالوا لي ما عندنا يوم شديت عليهم جاء المهندس حقهم وقال لي موجود بـس لازم تأخذ اصلاح القير كامل قلت بكم قال2400 ريال قلت ما لي بها قال لي واحد من الزبائن شوف محل الصوف الي تحت كبري تقاطع الامير سلمان عندهم صوف خذ القديمة وجب عليها قلت زين يوم رحت لرعين الصوف تصدق اخذت لي صوفة المانية بسعر 5 ريال ، وبعدين تراك تبي تبلش ببيع السيارة بعد ما تمل منها ما أحد ياخذها من إلا الزولة وبسعر رخيص ، نصيحتي لك انحش من السوزو
الاستاذ سعد
20/04/2009, 08:55 PM
بيض الله وجهك يابو صالح

الله يجزاك خير ويرحم والديك ويسعدك دنيا وآخرة

فعلا نصيحة من ذهب
abu_saleh
20/04/2009, 11:29 PM
حياك الله ويا هلا وسهلا
q.8
21/04/2009, 02:38 AM
انصحك خذلك باجيرو افضل لك منهم هم الاثنين سياره تتحمل الكرف وسعرها حلو وكافي انها يابانيه