سامحني انا اخطيت !!!!!!!

[ملف علاقي]

ماهي ردت فعلك لو تصرفت بأنانيه اوسويت حركه غير مقبوله اثناء القياده هل تسامحني إذا تذكر ماهي التصرفات المرفوضه من الجميع ارجو المشاركه عن تلك التصرفات للحد منها:
1- الوقوف امام الأشاره بشكل عرضي واناني 0
2- ؟
3- ؟

[بلاتين]

فكره حلوه اننا نطرح مايضيقنا حتى يعرف الجميع انها حركه موذيه .

2- وضع النور العالي قبل قبل مايتعداك بثواني (ياخي لاتعديت حط النور مستعجل للدرجه هذي او هي نذاله ) الله واعلم ...

[Cool 3la 6ooL]

اذا جيت تغير من مسار لمسار تلقى اللي في المسار الثانيه يسرع علشان ما تدخل

مثل ماقالوا من قبل السواقه في الرياض حرب فلا تبين لخصمك وش هي نواياك :)

[لاتكب البيالة]

تطنب بوري بلا سبب <<<< ودي اجلده اللي كذا خاصة عند الاشارة

[بواردي الدلم]

مسألة انك تنلطع عند التقاطع عشان اللي جاي من اليسار يمر بسلام واخر شي يهدي ويلف يمين من عندك بدون مايدق إشاره لا ومن زين الاخلاق مايسلم ولا يشوفك شي أصلا

هذي بحد ذاتها تفقع القلب خصوصا إذا إنت مستعجل أو مسوي سائق مثالي

هههههههههههههههههههههههههههههههههههههههههههههههههه هههههههه

[النوء]

كلمة قالها لي ابوي الله يعافية ويشفيه مانسيتها ابد


(( وانت تسوق انت العاقل والناس كلهم مجانين ))


انا اللي ينرفزني دايم اللي يحجز المسار الايمن عند الاشارة وانا ابي الف يمين

[Abo-ibrahem]

لا ضرب لي احد بوري وانا عند اشاره

ضربه وحده مافيه مشكله نقول عشان ينبه ان الاشاره فتحت

اما انه يعلق عليه يا ان مرارتي بتنفقع

[زاير الغيم]

خل صدرك شمالي..

<<<<<<< مافيه أضيق من صدره فنيجيل قهوه

[الهوى جنوبي]

اذا كنت واقف قي سرا طويل وجاك واحد من اليسار وحاول يسقط عليك هذي الحركه اللي ترفع الضغط

[ابو ناصر 1212]

والله يا اخوان السواقه في الرياض تجيب الهم والغم
مع بعض الناس الي مايفهم وش معنى القيادة
عندي قاعدة في القيادة وهي
((انني أعتبر نفسي أفضل قائد مركبة على الاطلاق))
وان كل من حولي اتوقع منهم الخطأ في القيادة في أي لحظة

[ابوعابد2500]

عني انا اذا فيك خير تعال اسقط علي من اليمين وانا ماخذ لفه فوق حدر لغير تركب الرصيف :D

بس اللي يستاذن صراحه يحرجك وتخليه يمشي:confused:

[NissaN 1990]

موضوع ممتاز جداً ويستاهل التعليق


وبالنسبه لي أنا ما يرفع ضغطي غير اللي يجي من وارك وبينك وبينه كيلو ويقعد يكبس بالنور العالي والمشكله أنت ماشي بالسرعه النظاميه 120 كيلو وداخل الرياض بعد ويعلق النور وراك هذا بسببه أقرب صيدليه أخذ حبوب ضغط

أو اللي يطلع من حاره ويشوفك جاي طاير والمشكله يوم يطلع مايرجع يمسك اليمين ويسرع لا يمسك السيد اللي أنت تمشي عليه وبعد بسرعة 20 كيلو ولا يدعس بنزين وأنت جاي طاير وياويلك لو تدق له بوري أو تكبسله بالنور يزعل من زين فعله بعد ،،،


أو اللي يمشي قدامك سرعة 40 والشارع يكون فاضي بينه وبين الموتر اللي قدامه كيلو وتلقاه مهدي وماسك السيد الأيسر
هذا بعد يجيب لي القولون على طول والمشكله يوم تتعداه تلقاه ماسك الجوال ومشغول عن السواقه ولا على باله

أو اللي يكون وراك على اليسار وهو بعيد عنك وإذا جيت تبي تسقط يدعس بنزين عشان ماتروح قدامه وبالنهايه يطلع باص حق خبز


بسراحه السواقه في الرياض تجيب الهم والغم بس الله يصبرنا
بس تعودنا ما عاد يرتفع ضغطي

والحركات كثيره بس ما بغيت أطول عليكم


آسف على الإطاله

[انوثة الفرس]

اتصدقوون لو افتح صيدليه راح اربح من وراكم
بالذات حبوب الضغط والقولون هههههههههههههههههههههههههه
وانا مواقفي اللي مااحبها
لما اكون ماشيه على الخط اليسار ويجيك وااحد ماشي على 80 والسرعه 120
واكبس له ليتات عشان يروح لليمين
مايرضى
وانا هنا انقهر
ههههههههه
والقهر الاكثر يرفع يده ويأشر كأنه يقولي انتي وش تبين

وبالذات اذا كان هندي او سوداني مع احترامي لهم
هههههههههههههههههههههههههههههههههه


تطنب بوري بلا سبب <<<< ودي اجلده اللي كذا خاصة عند الاشارة

ههههههههههههههههههه
اما السالفه تصير وواجد في السعوديه
وبالذات عادها مولعه صفرا
ههههههههههههه

هههههههههههههههه وربي اني ميته ضحك
على المواقف




وتقبل مروي

[حيدر الو]

بعض الحركات اللي مالها داعي
1_ يمشي في السيد الايسر بسرعة40
2_يقفل السيد الايمن عند الاشارة (دخول لليمين)
3_يطفي الموتر عند الاشارة

[KAYD]

انا ماعندي مشكلة في شي ابد
الا شي واحد مجنني
وهو وانت مسافر على طريق عادي زراعي ( يعني رايح جاي بس )
والوقت مساء وهو اذا قرب لك راعي السيارة صكك بالعالي ثم ماتشوف الا نجوووم
والله مايلقى الا دعوة عليه
والله ذبحوني
والمشكلة تلقاه مؤدب من بعيد ينزل النور بس اذا قرب لك 5 متر صكك بالعالي
الله يهديهم ان شاء الله

[Bader-M]

موضوع رائع و جميلة ويلامس الوقع

من بعض المشهدات التي تصيبني بالاشمزاز هي
عندما يفتح السائق باب سيارة و يبزق بالشارع (اعزكم الله)
حوووووووومة كبد

اما المشهد الاخر فهو
عندنا تمسك المسار الايسر تكون سرعتك طبعية بين 120 - 140 ياتي احد من خلفك و يقوم بتلحيم سيارته بسيارتك و انت لا تستطيع فتح الطريق بسبب السيارات التي بمسار الايمن منك
هذه اكثر المشاهد التي تضيقني

تحياتي للجميع

[monsixnet]

موضوع يستحق المناقشه

[برق الشمال 11]

بصراحة أكثر شيء يضاقني هو في الطرق السريعة إذا قابلك وحد صاك العالي

[ملف علاقي]

اشكر كل من شارك باالموضوع وحرص علي احترام الناس واحترام نفسه اولا وعمل بحديث الرسول عليه الصلاة والسلام ( حب لأخيك ماتحب لنفسك)0جعلناالله من المتحابين المتناصحين 00

[عشق باجيرو]

موضوع ممتاز جدا
المشكلة ان هناك قاعدة في القيادة عند السعوديين جميعا هي (انا اولاً)

[عاشق سدير]

بالنسبة لي اتوقع اللي يوقف بشكل عرضي ويسكر على اللي بيلف يمين


عموماً يا اخوان التسامح من أخلاق الكرام ....
ويا زين التسامح ويازين الاعتذار قبل ذلك..

[ساكن الفيافي]

الي يرفع ضغطي هو الي
1ـ وأنا موقف عند مديور وأحتري واحد يروح بعدين يجي بكل برود يديور بدون ما يدق إشاره وأنا أحتريه تشب النار في كبدي
2ـ يجي بالطرق السيد رايح جاي وصاك العالي عليك تقوم تضيع الطريق ما عاد تشوف وش الي قدامك
3ـ الخطوط يجيك راعي تريله أو دينه أو نقل جماعي وأنت ماشي 120 ـ 140 يجي يخطم عليك عشان يسقط على تريله بعدين يصك عندي الحراره [h]
4ـ وأنت ماشي في السيد الي في النص[ الثاني ] يقوم واحد يخطم عليك عشان وحد يكبس عليه في السد الثالث تقوم تكبس له تنبهه يقوم يغمز [يلعب بالأشارة] هذا ودك تطحنه بس الشكوى لله
على العموم الله يهديهم

[ابولولو]

موضوع جميل ويفيد عني كلش يهون الي عند الاشاره واقف وجيك ابو الشباب ويرفع صوت المسجل اعلي شي ويسوي نفسه فاهم الاغنيه الغربيه ياخي الله بلاك استر علي نفسك وخل ازعاج الناس لاحد يدعي عليك وجهت نظر وشكرا

[الستانس]

هههههههههههههههههههههه ولله سوالف توسع الصدر

الحمد لله معد صرت اعصب خخخخخخخخخخخخخ

كل ما ظايقني احد احس انه قايل نكته واظحك وهذا احسن حل لقيته

برد على نفسك هو طلع عليك وخلصنا ولا حدك ومشا بسلامته

لا تعصب ولا تحرق رزك رووووووووق وافرح ترتاح مره

وترجع البيت مبسوط

اول نظامي اتظايق مره من ذي الأشكال واهاوش وحالتي حاله هههههه
وارجع البيت معصب والأخلاق زفت ومرتاع في الطرق عشر مرات احد ذا واكبس لذا
عشانه حدني ولا لف علي والخ....

الحين الحمد لله وبفضله ونصيحه واحد من الشباب قالي رووق للأخير
وش بتستفيد لو هاوشته ولا حديته ولله مادرى عنك و انه بيحدك وتحده وتتهاوشون الخ....

طنش تعش تنتعش

[m-a-z-d]

يا شباب انا اتحمل كل شي اذا بيرفع العالي علي ماله ألا العالي..
واذا بيحدني ماله ألا رفرف الجيب..

لكن اللي يرفع ضغطي من جد.. أن تمشي بمسارك فجأه يوقف المسار (يصير زحمه)
تحسب انه حادث..وفي النهايه بنقالي بسيارة اجره يركب زبون..كذا ممكن انتحر..:mad: :mad:
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
شطحه(واحد من الاقرباء ساكن بالشرقيه يقول اقدر أعرف اللي جاي من الرياض
واللي ساكن بالشرقيه من سواقته)...............

[بعيد الهقاوي9]

بس كله كووووووووووووووووم
واللي كل شوي يمسك بوجهك فرامل سواء مع اللفات او داخل البلد
الظاهر يبغوك تصدمهم عشان التعويض؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قههههههههههههههههر