تكفووون ياهل الباترول الفزعه ذبحني الحرررررر

[ابوايوب2004]

السلام عليكم يااخوان انا سيارتي باترول 2004 مشكلتي مع المكيف ذبحني احيانا مافي احسن منه وفجأه يفصل ويصير هواء بس.. مافي كهربائي مكيفات الا مريته الى الان مااحد عرف علته تكفون فزعتكم الي عنده خبره لايخليني والي يعرفله راع مكيفات متميز يدلني عليه مع العلم اني من سكان الرياض

وشكراا

[A.B.A]

السلام عليكم

أخوي أبو أيوب 2004

صارت معي السالفة أن المكيف يشتغل مافية أزين منة وفجئة لمن يحتر الكومبرسور يفصل ويصير الهوا حار

وطلع العلة مو بالكمبريسور طلعت العلة بحساس البرودة حق كبينة السيارة يعطي الكمبريسور معلومات خطا

لأنة تلفان

هذا والله أعلم
أخوك أبو نواف

[لاتكب البيالة]

صراحة اقولك للاسف ان المكيف مع سهولة اجزائة وفكرة عمله ما تلقى احد عرف له

طبعا السبب ان هالاجانب ما درسوا ولا شي من شغله كل الدعوه تجارب على سياراتنا

تلاحظ طلعنا عن الموضوع
لكن اتوقع ولا اجزم مدام انه يشتغل احياننا ويبرد اذا الفريون مابه شي والكمرسور ما به شي اذا ما بقى عندنا الا الحساسات اللي نسمية ثرمستات وطبعا الثرمستات خرابه ما يبين (مثلا تشوف شي محترق ولا شي منفصل) لكن تخرب احياننا تفصل على كيفه او تفصل على درجة حرارة غير المحددة وهل المشكلة بمكيفات السيارة والبيت واذا بغيت تأكد ان الخراب منه افصله وخل المكيف يبرد ولاحظ اذا ما وقف بتل يبرد اذا الخراب منه
اتمنى اني افدتك وتمنياتي لك بالتوفيق والبراد

[أبو أسامة]

نفس كلام الشباب ........ والله يسهل أمرك ............

[ابوشدوق]

ياابو ايوب ولا يهون الاخوان اعتقد والله اعلم ان المشكلة من الفريون يكون ماهو اصلي لأنه قد حصل مع واحد من ربعنا الشيء هذا وماترك شيء الا صلحه بالفريون وبالنهاية وداه للوكالة وبعد الكشف عليه وجدوا ان الفريون ماهو المطلوب وبعد تعبئتهم له اشتغل تمام وشكرا

[q.8]

غير الكمبريسر وريح راسك

[الطيار2000]

والله ياخوي انا اعاني من نفس المشكلة احيانا يشتغل المكيف الامامي والخلفي ما يشتغل وأحيانا العكس ياليت احد يدلنا على فني مكيفات ممتاز في الرياض

[ابوايوب2004]

ابشركم يا اخوان عرفت المشكله مريت كهربائي وغيرلي الكتاوت حقت المكيف ولا عندك احسن منه والله يعطيكم العافيه

[ثاقب]

السلام عليكم

فضلا ابو ايوب وين مكان هالكتاوت بالضبط

[bmw_07450]

ماشاء الله
الحمدالله انك حصلت المشكلة والله لايجيب المشاكل
بس ياليت تعلمنا وين مكان الكتاوت الي غيرتها علشان يستفيدون بقية الاعضاء

[ابو مكازي2002]

ابو ايوب تكفى علمنا وين الكتاوت عشان انا عندي نفس المشكله
تحياتي

[أبوراشد]

فيه حل بسيط وهو تماتيك المكيف تبدله بتماتيك ثلاجه منزليه بـ 20 ريال

...

[ابو مكازي2002]

فيه حل بسيط وهو تماتيك المكيف تبدله بتماتيك ثلاجه منزليه بـ 20 ريال

...
وين مكانه وشلون يغير وشلون شكله؟؟؟؟؟

[ابو مكازي2002]

ابشركم يا اخوان عرفت المشكله مريت كهربائي وغيرلي الكتاوت حقت المكيف ولا عندك احسن منه والله يعطيكم العافيه

ابو ايوب 2004 ترك علقتنا وين مكان الكتاوت لا هنت
تحياتي

[عاشق الموطن]

رد على الشباب وان شاء الله تفيدهم بتجربتك

[لاتكب البيالة]

ههههههههه اتوقع ابو ايوب اصلا سجل عشان يسأل السؤال شوفوا مشاركاته ولا خطأ في ذلك

لكن اتوقع انه قصد بالكتاوت اللي هو حساس المكيف او الثرمستات والان صار كل حساس او مزمن او حساس الشحن كله صارت كتاوت:d
الزبدة اللي مكيفه ما يبرد يفصل الحساس ويشوف اذا برد ولا فصل اذا المشكلة من الحساس

[ابو مكازي2002]

والله مادري وين راح ابو ايوب علقنا وبعدين اخوي لا تكب البيالة وين مكانه كتاوت الd
تحياتي

[ابوايوب2004]

اعذروني يا اخوان في التأخر في الرد لاني لا اجد الموضوع في الملف الشخصي


اما بالنسبه للي يسأل عن الكتاوت حقت المكيف فيجدها في علبة الكتاوت اللي بجنب البطاريه اما كتاوت المكيف فهي اللي مكتوب على غطا العلبه العبارة التاليه


(air Con )
واقول لاخوي لاتكب البياله احسن الظن الله يجزاك خير
وااااسف مرة اخرى على التأخر

[ابو مكازي2002]

اعذروني يا اخوان في التأخر في الرد لاني لا اجد الموضوع في الملف الشخصي



اما بالنسبه للي يسأل عن الكتاوت حقت المكيف فيجدها في علبة الكتاوت اللي بجنب البطاريه اما كتاوت المكيف فهي اللي مكتوب على غطا العلبه العبارة التاليه


(air Con )
واقول لاخوي لاتكب البياله احسن الظن الله يجزاك خير

وااااسف مرة اخرى على التأخر

الله يعطيك العافيه بس وين الناس تاخرت علينا بعدين عندي سوال مكيف موترك لمس ولا فرارات ارجوا منك التوضيح لا هنت ابو ايوب2004
تحياتي

[ابوايوب2004]

الله يعافيك


المكيف لمس

[ابو مكازي2002]

الله يعطيك العافية
تحياتي