الله يخلي لنا اللاندكروزر.. بلا شروكي بلا باثفايندر!!!!

[بركان]

اللي يبي يركب موتر عز
يشتري لاندكروزر ويفضل ال VXR
يا هو موتر كل اللي تبي فيه متوفر حتى ونش السحب ومكان البطاريه الاضافيه ومكيفين وثلاجه وووووو.
راحة وفخامة وامان (يعني كل ما تحتاجه تحت سقف واحد) بس الله يعينك يبي لك ترخي الدراهم.....
لكن اشتر النوع اللي استبنته تعليق لكي تضع تانكي مويه (95 لتر) مكان الاستبنه اللي تجي في نوع خلفية لكزس.
ويكون عندك سيارة مدينه وبر متكامله .

وبدون زعل يا اهل الشروكي والباثفايندر
تراكم عزيزين واخوان.

[alferis]

الله يستر مايطلع واحد بكرا بعنوان:
الله يخلي لنا الباثفايندر.. بلا شروكي بلا لاندكروزر !!!!
صارت المسألة دعايات للسيارات بدون مقابل وكل يوم طالعلنا واحد بموضوع جديد لكن هذا مهو غريب لان كل واحد راح يمدح السيارة التي تناسب متطلباته ولكن الغريب أن يكون هناك كلام حاد في اثبات ان هذه السيارة افضل كأن له نصيب من الشركة او الوكيل الموزع .
فأقول انا حفظني الله .
أن السيارة لا يمكن ان يطلق عليها انها الافضل لان كل سيارة لها استخداماتها ولها ايجابياتها وعيوبها فمثلا الذي هوايته انه يطلع لأقرب نفود ويقعد يطعس ويناقز ويتلفت يدور اطول طعس عشان يجرب فيه قدراته من المستحيل انه راح يفكر مثلا بالفكس ار لانه لا يلبي احتياجاته والامور التي يريد استخدام السيارة لاجلها فمن الطبيعي انه يفكر بالشروكي والربع والباثفيندر وكل موتر من هذه المواتر ايضا لها عيوبها وايجابياتها فمثلا الشروكي سعرة مناسب والموتر خفيف ومريح لكن يعيبه الاصوات الي فيه وقلت العازل وكذلك الخرابات التي تلحق به ولو نضرنا الي الربع لوجدت انه قوي ولكنه غير مريح والمقصورة ضيقه ويستهلك وقود والباثفيندر كذلك تجد انه مريح وقوي المحركات لكنه قدام ليس بدفرنس مثل الربع فيكون اقل تحمل لوعورة الطرق.
وكذلك بعض الناس اسلوبه في الرحلات يختلف تماما فتجد رحالاته ابعد من راعين التطعيس تجد رحلاته الي الصمان وغيرها من المناطق فمن الطبيعي ان تجده يتجه الى الفكس ار او الباترول لانه اوسع ويخذ عفشه ولكل واحد منها عيوبة وايجابياته فلما تنظر الى الباترول فتجد انه دفرنس فى الامام فيكون افضل من الفكس ار من هذه الناحيه خاصة لليجلد جلد مهب صاحي وكذلك عند التحميل تجد ان الفكس ار ينزل نزول شديد ويمكن ان تلاحظ هذا عن نظرك الى الاستبنه في اسفل السيارة فتجد انها قريبة من الارض ولكن لما تري الي الفكس ار تجد انه انظر من الباترل (من وجهت نظري لان الاذواق تختلف) وفيه مواصفات جيدة ........
علي العموم لا اريد الاطالة وكلامي هذا لا يعني ان العيوب والمميزات مقصورة على ماكتبت ولكن اردت ان اكتب هذا لابين ان لكل واحد له استخداماته ورغباته
وايضا مم جعلني اكتب هذا ما لاحظته في الردود التي كانت في موضوع الله يخلي الشروكي بلا لانكروزر بلا بافندر حيث تجد البعض يستميت في اثبات ان هذا الموتر افضل من ذك وكأنه يدافع عن عقيد او مبدأ وقد يغلط البعض في كلامه من اجل هذا
ولم يفطن لقول الرسول صلى الله عليه وسلم (أنا زعيم ببيت في ربض الجنة لمن ترك المراء وإن كان محقاً... ) او كما قال

[مشغول]

هلا أخوي alferis


كلامك واقعي وجميل .. بارك الله فيك

[شبث]

السلام عليكم ورحمة الله وبركاته. المعذره على هذا التشبيه والتايوتا وغيرها معروفه, ولكن كله ولا الباثفايندر خفيف نفس ديره وبر واثبت نفسه فعلا بعد تجارب عديده خصوصا في الربع الخالي اذا جتك الرباضات والطرد , كنه خزز ماشاء الله يزبنك ماهو مثل البعير لامنه برك في نقره يبيله ونش والا رافعة تشيله , والشركات في تحدي ومنافسه وهذا يعني ان الحرب سجال بينهم وكان التايوتا والان نيسان وغدا الله اعلم . والله اعلم , 4 سنوات مع الباث فايندر بعد تجهيزه الحمدلله زي الساعه 200000 كيلو ثلاث ارباعها بر . ولواللي معي تايوتا كان راح طعام جحوش. وهذا رايي الشخصي لاافرضه على احد , مع الاعتذار للأخوه الحبايب وتقبلوه بصدر رحب .

[السالمي]

يا أخوان

كل شخص وله ميوله

وسيارات الدفع الرباعي ماهي متوقفه على الاند كروزر او الشروكي

فيه سيارات عديده وكل شخص وميوله

انا عن نفسي مارغبت الا الشروكي والباترول

لانها خفيفه مع البر وتعطيك قوه ودبلاتها مشهوره

خاصة الشروكي ولايهون الباترول

[القناص]

والله التايوتا حليو
.
.
.
لولا سرعة "انقلابه" اي اللاند كروزر.

توازن اللاند كروزر لك عليه شوي والا الباقي تمام.

كما حصل لاحد ابناء العم واللي كان معه جيب في اكس ار انقلب فيه قبل تمير..
ولقي فيها حتفه اسكنه الله فسيح جنانه.

وكما حصل لاحد مشرفينا في المنتديات واللي فكه الله.

دعواتي للجميع بالسلامه والصحة والعافيه.

والتوفيق في اختيار الجيب الافضل

وما خاب من "استخار" ان شاء الله

.

[أبوفيصل]

الفارس

وربي درر .. كلامك جداً جميل وواقعي .. اثابك الله.

[بن نويشر]

يقولون بأن اللاندكروزر التاليات إنها أحسن وأقوى من الموديلات الأخيرة ! سؤال لأهل الخبره فهل هالكلام صحيح أم لا؟

جزاكم الله خير .........

[راعي الطويلة]

شباب .. ويش رايكم باللاند روفر ؟؟؟

أنا وأعوذ بالله من كلمة أنا ..

ملكت منها أربعة مواتر (( رنج روفر م 90 / ديفندر م 96 / ديسكفري م 98 / ديفندر ربع م 2000 )) وما خليت بها مكان ( بالسعودية وخارجها ) بصراحة ما شفت منها الا كل خير أعتمادية ولا اروع ....

ترون جربت الشيروكي ولا يعُلى عليه .. بس ضيق .
جربت الباترول ولا مثله .. بس يصرف بنزين .
جربت اللاند كروزر سيارة خبال .. بس بعض المناطق ما ودك تكسره بها .
جربت الباثفندر سيارة ما بعدها .. بس صرفية وضيق .

في الأخير نقول لكل واحد الله يعطيك خير موترك ويصرف عنك شره .

وسلامة الجميع


أخوكم

راعي الطويلة

[الجيب الربع]

كل له مزاج وكل له مركب

أخواني الأعزاء السيارات حظوظ ومزاج وقابليه وكل وما يرتاح له عندك الخواجات مثلا يحبون اللاندروفر اللي اسمه ديفندر ويضربون فيه الربع الخالي مع اننا مانطالعه بنص عين بس عندهم يسوى شي كثير.
بالنسبة لي أنا استعملت جي اكس آر 93 خليجي 9 سنوات بر وديره وخارج المملكه وكان لايعلى عليه مع إني اسمع إن الجي اكس آر السعودي ثقيل ولا يزبن بالغراز إلا أن الخليجي كان خفيف نفس ويجملك بالزنقات

والآن عندي الربع أربعه سلندر وياي أمامي وخلفي مافيه أحسن منه مريح ولايصرف بنزين هذا للبر

والجي اكس آر 2002 للسفر والديره

والله يطعمنا من خيرها ويكفينا شرها وياكم