رساله لأصحاب الباثفايندر .............................$ [الأرشيف]

شبث

25/05/2004, 04:31 PM

السلام عليكم ورحمة الله وبركاته. المشاكل المجوده في البايثفاندر 1- اليايات والمساعدات ضعيفه ويمكن تبديلها بيايات ومساعدات استراليه وتعرف انه فرق عظيم في الرساوه والمطب والتحمل في الصحراء . 2-نزول السياره من الخلف عند التحميل اوعند تركيب مقطوره ويمكن حل ه\ه المشكله بتركيب ( اير لفت) اي كور داخل الياي الخلفي تعبا بالهواء عند التحميل حسب الرغبه وترفع السياره وترسيها كانك ماحملت, لا , ويمكنك الطرد عليها وماتشيه هم. 3-الكفرات وعن تجربه شخصيه ركب تويو اوبن كنتري نفس حجم الدنلوب 16 القراند ترك وانس الموضوع ( رمليه+ حجريه+خط+ رساوه) بس عيبها الوحيد تلقط حصاء . 4- ركب ( لوكات ) فرارات ورن امريكيه للعكوس الاماميه وانسى بعض صرفية البنزين وانسى الرجه ( الرعنه) اللى تحسها بأي 4×4 . ويسعدني المساعده والاجابه لأي راعي جيب وخصوصا الباث فايندر خفيف الطينه .

الجنوبي

26/05/2004, 12:21 AM

الله يعطيك العافيه اخوي شبث
عندي باث 2002والياي الامامي مفقوع وقيمته حول 800ريال وكاله ابي اعرف اكثر
عن الا سترالي امامي وخلفي............
ولك جزيل الشكر.........

MANS00000UR

26/05/2004, 02:29 AM

تبيلك متر فيه كل المواصفات اللى مالقيتها في لباثفنتر

ماللك(((((((((((((((((((((((((((((((( رينج روفر )))))))))))))))))))))))))))))))) وتسلم

شبث

26/05/2004, 07:56 AM

السلام عليكم ورحمة الله وبركاته. يوجد محل في الرياض اسمه ( مركز الدفع الرباعي ) امام مبنى الفيصليه مباشره من جنوب , ويوجد محل الرمايه في شارع التخصصي بالرياض لديهم طلبك وياهلابك .

الجنوبي

27/05/2004, 04:13 AM

اخوي شبث
انا وين والرياض وين .......اذا ممكن تكلفه الياي الا مامي استرالي وهل يطابق صح..............

قرم

27/05/2004, 07:24 PM

قرم

27/05/2004, 07:34 PM

بسم الله الرحمن الرحيم
السلام عليكم ورحمة الله

اخوي ( شبث ) وين موقع ميزانيه النور الأمامي للباث فندر بالتحديد الممل بعد ! لإني تعبت وأنا أدورهن

تراني أزعجت الناس بالنور الواطي اما العالي ماني مستفيد منه خصوصاً عند الحموله .

ثانياً . هناك صوت تحت السياره خاصه بالبطانيج مادري ماعندك فكره عنه ؟ ترى اغلب اصحاب الباث يعانون منه.
ودمت سالم وغانم.::rolleyes:

شبث

29/05/2004, 12:35 PM

وعليكم السلام ورحمة الله وبركاته. اخوي الجنوبي . بالنسبه للياي الامامي والخلفي والمساعدات مصنوعه خصيصا للباثفايندر وهي تركب ( بالميه ميه) يعني شد بلد. الاسعار والله اسف من زمان مشتريها وناسي اتصل على الرمايه بالرياض شارع التخصصي واستفسر منهم عن اسعاراللي تبي . اخوي قرم. موضوع النور سهل جدا الميزانيه موجوده خلف النور مباشره من فوق تدخل مفك مربع طويل بحيث تكون سنة المفك عاديه اذالفيت السكروب يكون ملاصق للسنه المطلوبه مع جنب مثل مفك الصلصه واوزن على كيفك . بس انصحك ماتجيها لانك كل شلت حمل اختلف عليك الوزن ركب يايات وافتك ون وجع الراس ومشاكل النور والطقطقه بالبطانيج وغيره وانا عمري ماسمعت الصوت اللي تقول عنه يمكن لاني مجهز السياره ولاتدري عن المطبات بجميع انواعها .

قرم

29/05/2004, 02:49 PM

بسم الله الرحمن الرحيم
السلام عليكم ورحمة الله وبركاته

جزاك الله خير أخوي ( شبث ) اخيراً لقيتها ( الميزانيه ) بفضل الله تعالى ثم بفضلك .

ليتك تخدمنا وتزودنا ب هاتف راعي اليا يات والمساعدات لأن أخوك من سكان الغربيه وفي حال وجود هاتف

ولو كان بالرياض انا راح اتصل بهم وأعرف من خلا لهم إن كان لهم فرع بالغربيه :good:

طبعاً إذا مافيه حرج ولا كلا فه ولا زلت أقول مشكور وما قصرت وخيرك سابق وتراك راعي جميله

ولوما حصللك تجيب لنا رقمهم :good:

شبث

29/05/2004, 03:18 PM

السلام عليكم ورحمة الله وبركاته. وش دعوى اخوي الناس للناس والكل بالله اطلب اكبر منها ونحن في خدمة الجميع مادام يستاهلون. محل الرمايه بالرياض ورقمه ( 014621627 ) وتحيه قويه بالميه ميه....:burnout2:

قرم

29/05/2004, 03:51 PM

السلام عليكم ورحمة الله وبركاته
جزا والد يك للجنه

كفيت ووفيت:good:

الجنوبي

29/05/2004, 08:34 PM

جزا . الله والديكم اللجنه
اخوي شبث...اخوي قرم
تعاون تشكرون عليه
وافتمونا في عده اسئله كانت على البال...
شاكرين.. واقرب سفريه لجده ونزور الرمايه...

معمرها

31/05/2004, 01:42 AM

......)(بسم الله الرحمن الرحيم)(........
............)(السلام عليكم ورحمة الله وبركاته )(.............

ــــــــ:: يعطيكم ألف عافيه يا اخوان

ودي لو تعطوني عنوان اي محل في الغربيه توجد عنده مساعدات خلفيه للباثفند

و شـــكـــراُ

الجنوبي

31/05/2004, 11:56 PM

اخوي شبث
حلال النشب
ارجو منك افادتي .حيث ان الكيف حق الباث عطل
والباث 2002 والمكيف لمس
والعطل ان الهوا مايخرج من الفتحات تبع الوجه بل من فتحات الا رجل وفتحات القزاز الا مامي
ولا تستطيع التحكم به من الا زرار ف التهويه شابكه على هذين الخرجين على طول؟؟؟؟؟؟؟؟؟
مادري الخلل كهرب ولا غيره
علما ان الضمان مخلص من مبطي.....................

شبث

01/06/2004, 08:15 AM

السلام عليكم ورحمة الله وبركاته الموضع سهل . انزل عند دعاسة البانزين وطالع خلف مفاتيح التحكم للمكيف تحصل قطعه بلاستيك بيضاء مشبوك فيها سيخ حديد وهي على شكل ( L )وبداخلها ممر لهذا السيخ تحصل فيها غبار وبعظ الاوساخ بخها ببخاخ تنظيف وحركها مرتين ثلاث وبعدها يعودالمكيف احسن من اول ( منتاز).( وتحيه قويه بالميه ميه).

BASSAM

01/06/2004, 09:16 AM

السلام عليكم ورحمة الله وبركاته

اخوي شبث وش فايده الفرارات (لوكات)؟ واسعارها ومكان بيعها انا في الدمام
سيارتي باث موديل 2002

هل السياره اصلا فيها فرارت؟

و شكراً لك

شبث

01/06/2004, 10:25 AM

وعليكم السلام ورحمة الله وبركاته . فائدة الفرارات ( اللوكات ) 1 - تخف السياره بالمشي نظرا لتوقف العكوس الدفرنس وعامود الكردان الامامي وتحس عدم وجود رجه او نفظه بالسياره تقل صرفية الوقود واستهلاك العكوس الاماميه والرمانات بالذات . توجد لدى السليماني وماأدري هل يوجد فرع بالدمام , وافضل نوع ( ورن ) امريكي , وسعره تقريبا 450 للجوز . واي سياره 4×4 ياباني تاتي بدون لوكات يدوية التحريك تاتي ثابته يعني مشبوكه على طول الا ماقل في بعض التايوتا والنيسان كميزات اضافيه مثلا , واما الجمس فيأتي اوتومتك ما تشبك العكوس الا اذا شغلت الدبل. وفي امان الله واحسنت اختيار السياره.

BASSAM

01/06/2004, 11:00 AM

السلام عليكم ورحمة الله وبركاته

يعني بعد مااركبها تشتغل فقط عند شبك الدبل صح ولا لا؟

وهل افك القديم ( اشرح اكثر)

تعبتك معي جزاك الله خير

شبث

01/06/2004, 11:12 AM

وعليكم السلام ورحمة الله وبركاته .................................................. .................................... اخوي بسام بعد ما تركبها اذا كانت على 4×2 يعني الدبل ما يشتغل ولا تحاول تشغله ابد اذا بغيت الدبل حرك الفرارات لتكون على 4×4 واكيد تفك القديم وتركب الجديد بداله باختصار القديم ثابت والجديد متحرك يفصل وينشبك يدويا.

BASSAM

01/06/2004, 11:32 AM

يعني باليد ؟

وجزاك الله الف خير.

ابن الوادي

01/06/2004, 01:00 PM

اخواني شبث والجنوبي بعد التحية /
مادامكم تكلمتوا بموضوع المكيف فاسمحوا لي بهالنقطة بس :
انا عندي المكيف لسيارتي الباثفيندر 2003 حصل عطل بالمكيف حيث ان الهوا لايخرج يعني المروحة ما تشتغل .
فذهبت للوكالة فأخبروني ان هناك
خطأ مصنعي للمروحة الأمامية والكتاوت
وقاموا بتبديلها طبعا مجاني (( هذا الخطأ _كما يقولون _خاص بموديل 2002 /2003 ))
ولكم تحياتي

شبث

01/06/2004, 01:15 PM

وعلى فكره وعليكم السلام ورحمة الله وبركاته.:good:

الجنوبي

01/06/2004, 11:50 PM

الا خ العزيز ( شبث)
شاكر لك نصيحتك............ ووصفك لسبب الخلل طلع صحيح في الميه ... ميه.
لاكن بعد ماشواني الحر يومين وانا ما ابغا اسويه الا بالوكاله علا بالي الخراب كهرب ولا كمبيوتر؟؟؟؟
لاكن لالالالالالا للوكاله ومعانا بمنتدانا خبير من الطراز الا ول...............شبث.........................
والله لا يحرمنا مشورتك...................................

الجنوبي

01/06/2004, 11:55 PM

الاخ العزيز
ابن الوادي شاكر لك مداخلتك..
والحمد لله الخلل طلع بسبب شوائب من الا تربه منعت حركه موزع الهواء
ووصف لي الا خ شبث مكانه ونضفناه ... والحمد لله سلك معانا ........
ودمتم سالمين............................................ ...........

شبث

02/06/2004, 09:10 AM

السلام عليكم ورحمة الله وبركاته , وعلى فكره اللي مافية خير للناس مافيه خير لأهله, والله لايجعلنا منهم اجمعين.

Rahhal_xp

06/06/2004, 03:12 PM

بارك الله فيك أخوي شبث، معلومات قيمة ومهمة....

ابوقاسم

07/06/2004, 06:23 AM

احب احيي الاخ شبث اللي فتح لنا الموضوع في حبيبت الكل الباث والاستفادة من خبرتة ومواجهة بعض الشغلات اللي يمكن ان تصير مع الواحد في السيارة .......
واحب اضيف على مسألة الجامبينات اني ركبت خلفيات ثنتيناستراليات ولكني غير مرتاح منهم وذلك بسبب انهم غير مطابقات لحقين الوكالة حيث ان مقاسهم كبير وخصوصا الجهة اليمين تحك في البدي وتطق مع اقل مطبة او صعدة او نزلة لان ممسك الجامبين قريب من البدي غير الجهة اليسرى فهو بعيد ومسافة مناسبة بينه وبين البدي .هذا من واقع تجربة..........
الان عندي مشكلة ابي المساعدة فيها....................
مشكلتي في المقدمة الاحظ رجة في الدركسيون غير طبيعية خصوصا مع المطبات الخفيفة وهي اشبه بتلف ربلات المقص .......رحت للوكالة قال المهندس عندك الجامبينات تحتاج تغيير...........رحت لفلبيني في ورشة قالي عندك المقصات تحتاج تغيير الربلات........وانا محتار بين الاثنين الوكالة او الفني .............
انا حاليا ما ابغي اغير الجامبينات لاني ادور على هيدروليك للسيارة فاللي عنده خبر لايقصر ...........
وشكرا على الموضوع ياشبث ............
والباث ماشاللهعليه يعبي العين ويزيد

شبث

07/06/2004, 08:38 AM

السلام عليكم ورحمة الله وبركاته . شكرا على مروركم وترحيبكم وكلكم ذوق. اخوي الغضى بالنسبه للمساعدات الخلفيه أكيد الحجم اللي انت مركب غير صحيح وسبب لك مشاكل ابحث عن المساعد الخاص بالباثفايندر عند المختصين ببيعها بموجب كتيب المساعدات مثل محلات ( الرمايه ).انا مركبها من سنتين والحمد لله بدون مشاكل ومطابقه مضبوط. ومشكلة الرجه اللي قدام صعبه احكم لازم اجرب بنفسي واسمع الصوت واندعس تحت الموتر . وانا ماقد حسيت فيها بموتري ابد .

AbuAnas

23/06/2004, 01:34 PM

السلام عليكم و رحمة الله و بركاته

جزاك الله خير أخي الشبث على تخصيص شئ من وقتك لأصحاب الباثفايندر و جعله في ميزان حسناتك ..

أنا اشتريت باثفايندر 2004 SE قير اتوماتيك .. و من هالحين الى الربيع ماعتقد راح ادخل به بر ..

ايش تنصحني فيه؟

أبوأنس

جــدار الطيـن

04/07/2004, 11:22 AM

الأخ شبث، الإخوة الأعزاء
السلام عليكم ورحمة الله وبركاته

أنا منضم جديداً لعائلة الباث ، يعني توي شاري باث مستعمل 2001 سبير معلق

وبغيت أسوي له تجهيزات بر من الألف إلى الياء، بس قلت أحسن مو الواحد يعتمد على رايه وأفكاره الخاصة ومبدأ التجربة والخطأ، فقلت مالي إلا أخواني في مكشات على العادة أهل فزعة وراي وخبره

فأبي منكم التجهيزات الممكنة من تانكي ماء(حجمه ومكان التعبية والتفريغ) ومساعدات ويايات ومروحة كهرب وكفرات وفرشة للخلفية وإذا فيه شي غايب عن بالي بعد مثل أي أفكار غير معروفة في الجيوب عادة...

ولكم جزيل الشكر مقدما

Khalid AlGhamdi

04/07/2004, 11:40 AM

الاخ شبث

بالنسبة للفرارات WARN الامريكية فعلى كلام السليماني يقول ماتركب لاعلى الباثفايندر ولاعلى الباترول لكن يركب AVM البرازيلي وقيمته عندهم مع تركيبه 450 ريال .

اما WARN يركب على سيارات تويوتا .

لذلك اضطريت اني اركب الفرار البرازيلي وانا سيارتي باترول ماهي باثفايندر .

سؤالي هل ركبت انت فرارات WARN على الباثفايندر ومن وين

ابو مرهش

13/07/2004, 09:47 AM

اخوي شبث انا معي باث فايندر وابي احل مشكلة انه ينزل من الخلف مع التحميل هل اذا ركبت اليايات والمساعدات حقت الرمايه راح يتحمل الوزن ولا لآ؟؟

بعدين فيه نوعين من اليايات بالرمايه كلهم نفس التحمل بس فيه شي رفيع مره وفيه شي اقصر منه

وبالنسبه لسعر التركيب لآني بصراحه انصدمت اليوم بالورشه يوم يقولي 400 ريال تركيب المساعدات واليايات فهل تعطيني السعر الي ركبتهم فيه

ابو ســــاره

13/07/2004, 12:14 PM

الاخ شبث جزاك الله الف خير على هالنصايح والتعليمات وبصراحة انك رجال راعي مخمخه وحورفه الله يقويك والله لا يشغلك الا بطاعته .
حبيت اشارك بالموضوع ورد على بعض الاخوان بالنسبة للفرارت ورن الامريكية فيه مقاس خاص بالباث انا مركبها عند السليماني بالغرابي وما يركب على الباترول الا البرازيلي وبالنسبة للمساعدات انا مركب الاستراليات من ثلاث سنوات طبعاً ما كان يجي الا خلفي للباثفيندر بصراحة انهن زينات بالحيل لراعي البر والمطامر والطرد بس غير مريحات داخل المدينة والياي الاسترالي كذالك مركبهن جميع زين للتحميل بس يخلي المطب قاسي شوي وسعر التركيب لطقم يايات اربع مع مساعدات اربع 250 ريال وترى الكلام هذا من ثلاث سنوات وما انصح بتركيبها عند الرماية خابرهم يقولون التركيب بخمسمية وما ركبتها عندهم وبالنسبة للي يقول ان المساعد يحك صحيح يحك بس يحك بالكفر من الجهة اليمنى للموتر اشوف المساعد عليه بعض الحكات بس ما تضر بعد الكشتة والوناسه لان الكفر من الوعر والمطامر يميل شوي على المساعد ويعطيه بوسه:D من الطرب الي يشوفه من الاسترالي وترى الباثفيندر مهوب زي الباترول تراه يبي رفق بالحيل انا موتري 2000 وتطلق واخر شي القير صار يبي تغيير يعني على هونكم على الباث تراه دلوع مهوب حق طردي ومقناص حق تمشي ورفق يعني اقدر اقول ماكسيما فيها دبل :p :p :p

جــدار الطيـن

13/07/2004, 12:41 PM

الأخ أبو سارة
الأخوان أهل الباثات

طلعت لي مشكلة مدري هي تحصل دايم والا على حظي بس؟
عندي البساتم اللي ترفع الباب الخلفي منكسرات جهة الباب، يعني الباب أرفده بمرباع إذا جيت أفتحه
رحت بشتريهن ماحد عنده
الوكاله تقول مو موجود بالمملكة مالك إلا طلبيه من اليابان إدفع ونطلب لك:confused:
كم هو به يالحمراني:what:
قال الواحد ب360 ريال:eek:
قلت يا زين المرباع الدعوه نهابه:mad:
السؤال هل أحد عنده خبر عن الموضوع يفيدنا جزاه الله خير...

ابو ســــاره

14/07/2004, 09:45 AM

طيب خذه من التشليح بس شف مساعدات كبوت الاندكروزر يمكن تركب وخابرها رخيصة بعد ترى ما فيه هاك الصعوبة كلها مساعد وعمليته متشابهة مع الكثير من السيارات واذا تبي شي طازه مثل ما قلتلك خذه من التشليح .

جــدار الطيـن

14/07/2004, 01:57 PM

شور طيب أخوي أبو ساره
جزاك الله خير

غضنفر

07/10/2004, 01:01 AM

السلام عليكم
ادري اني متاخر شوي لكن معليه (أن تاتي متاخرا خير من ان لا تاتي ابدا) حكمة سعودية
المهم ان عندي 2003 باثفايندر فل كامل ولي عليه بعض الملاحضات الي ارجو منكم ومن الأخ شبث انكم
تردون علاها
1-السيدي يطمر بعض المقاطع فاذا السيدي مثلا 5 مقاطع يشغل المقطع الأول ثم الثالث ثم الخامس وهكذا
دواليك واحيانا يشغل المقطع الأول فقط
2-صوت الهوا الخارجي عالي جدا و مزعج مع ان الباث مهب مرتفع مرة فهل هذا الصوت طبيعي ؟
3-فيه صوت زي الونة اتوقع انه ياتي من الدفرنس عند حوالي 80 كلم ثم اذا دعست يختفي
4-عندي صوت عندما تقوم السيارة في الثاني او اغير الى الثالث بعد التغيير مباشرة ثواني وعندما ابدأ في السرعة يختفي ما هو السبب ؟؟
الصوت هكذا كرررررررررررررررررررر معليش بس ما اعرف اوصف اللا كذا
5-الموتر ماشي 2000 كيلو بس (توني شاري ماصارله الا شهر)
وسلامتكم
;)

المغامري

17/07/2010, 04:36 PM

السلام عليكم ورحمة الله وبركاتة
عندي سوال بسيط أنا محتار في تعبئة البنزين أفضل 91 أو 95 باثفندر 2003 قير عادي
ولكم أجمل دعواتي ..

التميمي محمد

18/07/2010, 02:39 AM

وين نحصل الفرارات الاصليه وارن

ذبحتني حقت السليماني خايسه بعد فتره بصيطه تطلع صوت طقطقه

ابي الفرارات الاصليه وران وين القاها

التميمي محمد

18/07/2010, 02:40 AM

بنسبه للبنزيم لا يقربك 91 خصوصن اذا صار موترك حجم محركه3.5 لا تعبي الا 95

لان البنزيم 91 يطلع صوت خفيف في المكينه زي صوت البلوف او كانه صوت جنزير مرتخي

انا صارت معي ويوم سئلت اكثر من ميكانيكي متخصصين في مجال مكاين الالمنيوم قالولي لا يقربك 91

اتمنى اكون افدتك؟