الرديتر .. عندما يصبح هاجساً

[Riyadh City]

السلام عليكم


حبيت استشيركم في مشكلة وهي تنظيف الرديتر ..


كان عندي فورد ومافيه الا العافية ويوم جاء الصيف قلت اجازيه بخير وانظف رديترهـ ومن عقبها ما عين خير صارت المكينة ما تحمل روحها من الحرارهـ
الي جتها وصارت الماء تخر من طبات ومن رديتر وبعتها بخسارة كله من لقافتي :no:


بعدها بكم سنه سويت نفس الخطأ مع تاهو كان شحليله وحدي بس وديته ينظفون الرديتر ويا نظافة القرادة صار ينقص ماء الرديتر وأمبير الحرارهـ جتله حالة أسهم
ساع فوق وساع تحت :D


الحين ودي بصراحة أرتكب نفس الحماقة من جديد بحكم ان الصيف بدى لكن أخاف أعفس الموتر الثالث ويجيه ما جاء ربعه :rolleyes:
هو مافيه حرارة بس ما ادري احس اني اهوجس تجاهـ حرارة السيارة وأبيها تكون
مرتاحه ..


مدري يا أخوان هل السبب في دلاخة ورش صناعية النسيم والا الموتر يكون على وزنية دورة ماء وما يبي احد يلعب فيها والا وش السبب ؟


واذا فيه نصايح أو ورش مخبورهـ بهالمجال ما نستغني عن نصايحكم


في حفظ الرحمن

[لاتكب البيالة]

شف يالحبيب مدام موترك مابه خلاف ما تحتاج تنظيف الرديتر

انا موتري يبي يكمل 5 سنين ولا اذكر فكيت غطاء الرديتر الا مرة ومويته صافية وقلوا ما شاء الله ماكد نقص ماه بعد
تبي ترتاح نفسيا لاتجي السيارة الا به خراب واضح ولا الرديتر او صوت طقطقة خفيف وهالامور تركها اسلم

[متعب الخليفه]

تبي الصرحه
الديتر يبيله مهندسين
لأنه هو عقل المكينه
بس دامه مايقطع ولا فيه شي انسه
والله الله لبغيت تنظفه تروح للمهندسين

[حيدر الو]

نصيحة لاتدور على المشاكل مادام الموتر مافيه شيء واذا عندك فلوس ماتدري وين تحطها بارسل لك رقم الحساب

[الهوى جنوبي]

اقول (لايلدغ المؤمن من جحر مرتين) خلك من اللقافه ولا تقوم توسوس دام الموتر ما فيه شي خله على طبيعته تحياتي،،،،

[abw1122]

يا اخي اذا ارتفعت عليك الحراره في الصيف سيخ الاديتر

بس مهب عند اي واحد يماني او بنقالي رح لورش اتراك او فلبينين يعطونك ضمان سنه على شغلهم

انا بنقالي خرب على اديتر البرادو بعد ما سيخه ورحت للتركي قال لو انك جيتني اول كان صيخت لك الاديتر وعطيتك ضمان عليه سنه
اما الان لازم تغيره لانه ما يلحم وبيتشقق كل شوي لان البنقالي ثقل يده عليه وهو يبي خفه يد ومهاره

[راعي الطلعات]

يا اخي اذا ارتفعت عليك الحراره في الصيف سيخ الاديتر

بس مهب عند اي واحد يماني او بنقالي رح لورش اتراك او فلبينين يعطونك ضمان سنه على شغلهم

انا بنقالي خرب على اديتر البرادو بعد ما سيخه ورحت للتركي قال لو انك جيتني اول كان صيخت لك الاديتر وعطيتك ضمان عليه سنه
اما الان لازم تغيره لانه ما يلحم وبيتشقق كل شوي لان البنقالي ثقل يده عليه وهو يبي خفه يد ومهاره

ماشاءالله تبارك الله ياليت نعرف بس وين هم هالناس الطيبه الي اعرفه ورشة السعوديه يمدحون تنضيفهم واهتمامهم في الاديتر

وشكرا لك

[وضح النقى]

يقول المثل

حرك تبلش

وأنت بعقلك والشباب ما قصروا بالنصايح

[ابوخالد المطيري]

السلام مادام السيارة مابها شي لاتوسوس واتركها

[مثير]

اخووي لا تنظف الاديتر إلا ارتفعت الحراره لان كبس الوكاله غير كبسه الورش ووتلقاه ينسم وهذا الي يخليه يرتفع حرارته من تجربتي لموتري

[هارون97]

اخووي لا تنظف الاديتر إلا أذ ارتفعت الحراره لان كبس الوكاله ليس مثل كبس الورش
ألأ أذا كان الماء وسخ حمر