استفسار عن زيت قير فور اكسبلورر

[AlMo7TaReF]

السلام عليكم ورحمة الله وبركاته ..
حبيت أستفسر للي عندهم الخبره ..
رحت لكذا غيار زيت وقلت له ابيه يغير زيت القير حق فورد اكسبلور 2002
ويقول مايقدر يغير لأن له عيار خاص وما احصله الا بالوكاله
ياليت اللي يعرف محل غير الوكاله يغير زيت القير يسعفنآ فيه
لأنكم تعرفون مرمطة الوكالة :D
سؤال ثآني ..
سمعت من كذآ رجل شرواكم يقول ان تغيير الزيت حق القير بعض الاحيان يسبب مشكلة ..
لأن فيه ناس قيرهم سليم وبعد ماغيروا الزيت خبط القير :confused: ..


ومشكرين مقدمآ .. :)

[الآسيف2]

تغيير زيت القير لازم يكون مع الفلتر ويتم تغييره في اي ورشه ..

[AlMo7TaReF]

^
طيب وين الورشه اللي تغيره غير الوكاله ؟
( الإكسبلورو يبيله عيار خاص لزيت القير )

[6670]

أخوي الغالي الاكسبلور الموديل الجديد ليس له عيار لذلك لاتستطيع تغيره عند اي ورشه لأن التغيير يكون بفك الصره من تحت والتعبئه تكون بطريق الضغط من تحت ايضا ولذلك لابد من التغيير في الوكاله لمعرفتهم بعدد اللترات المطلوبه.
وراجع رابطه ملاك الاكسبلور لفائده أكثر.
أرجو اني افدتك.

[ABU_ASER]

انا شخصيا من اسبوعين وانا ادور لحل مشكلة غيار زيت الغير ولما رحت الوكاله طلبو مني 850 ريال ولازم اتركها يوم كامل عندهم وبعد مالفيت كل المحلات والورش لقيت ورشة فعلا انهم بمهارة الوكاله وغير ت الزيت والفلتر بس 300 ريال واخذت مهم العمليه كلها ساعه وشغلهم ماشاء الله ولاقطره راحت في الأرض
انا اللي اعرفه انو زيت القير والفلتر لازم يتغيرو كل 40000كلم

[AlMo7TaReF]

يعطيك العافيه 6670
اخوي أبو أسير ياليت توصف لي هالورشة ووين موقعهآ

[أبو فهد 2020]

السلام عليكم أخي الكريم ...لقد غيرت زيت القير وفلتره أكثر من مرة وباختصار شديد تغيير الزيت ب: 100 ريال يمكن يقولك بـ 150 بالبرمجة أي أنه سيشيك على الزيت هل يستحق التغيير أم لا لآ تطيعه غير بـ 100 فقط نعم ب 100ريال فقط ... ولقد وجدت الورشة بعد بحث طويل في الصناعية القديمة خلف تراي ستار وهذا رقم جوال الورشة 2043525 وللمعلومية هذا رقم ورشة تابعه لهم وهم سيدلونك على ورشتهم الأخرى التي يكون فيها تغيير الزيت والتي غيرت أنا فيها الزيت شخصيا وسيغيرونه لك خلال ساعة أو أقل مع العلم أن سيارتي 2002 وقد غيرت الزيت تقرييا خمس أو أربع مرات ..تحياتي لكم جميعا .

[talol]

يا اخوان هل في طريقة اعرف انه الزيت لازم يتغير

[حكيم عيون]

اخوي خلك على زيت الوكاله اطيب لك
انا غيرت الزيت مع الفلتر وكان القير سليم وبعدها بأسبوع خبط!!!

[تركي1]

السلام عليكم
تم يوم أمس. الأحد 25 1 1434 توضيب قير الإكسبلورر موديل 2008

في البداية ولمدة سنة ونصف كنت أسمع صوت طقة قوية في القير عند الريوس وعند الدي وأحيانا قليلا والسيارة تمشي..

وسافرت على السيارة عدة سفرات مع وجود صوت الطقة فيها ...مثلا رحت عليها للأردن وجلست هناك شهرين وتمشيات وروحات مع وجود صوت الطقة ..وغيرها من السفرات القصيرة كا القصيم مثلا... وما صار فيها شيء والحمدلله تمام التمام..


ومن ملاحظاتي لكي تختفي الطقة تسخين السيارة لمدة عشر دقائق قبل تحريكها ...
*وكذلك عند التعشيق لابد من دعس الفرامل بشكل صحيح ومتأني وكامل...ومايكون الواحد عجل يبي يمشي وبس..


مبدأيا القير بعد التوضيب وبفضل الله ممتاز ولا فيه أي صوت ..مع أنني كنت خائف جدا من النتيجة ولكن إلى الآن الحمدلله..

سأضع رقمي لمن يريد معلومات أكثر

عن الورشة التي وضبت القير...أو معلومات أخرى

ولمن يرغب الإتصال أرجو إرسال رسالة يخبرني فيه عن رغبته في السؤال عن التوضيب والقير..لأنني لا أرد على أرقام غير مسجلة عندي
وبالتوفيق للجميع
0554424838

[yousef1410]

السلام عليكم جميعاً ..
كان معي أكسبلورر موديل 2002 وكارتير القير ما له صرة يتم تغييره بالحقن من الأسفل .
كنت أغيره عند مركز ترايستار أو تشالنجر اللي بالصناعية القديمة مع الفلتر ب250 ريال لكن الله لا يوفقهم آمين ..
يغيرون الزيت العادي الأحمر وتبين لاحقاً إن الزيت ما يصلح للسيارة وتسبب في تلف القير وضبته ب4500 ريال والمرة الثانية كان ضعيف وعند البيع بالفحص طلع القير يحتاج توضيب .
المشكلة حتى الوكالة مريتهم الصيانة تقول الزيت خاص ولا تغير الزيت العادي ما يصلح وقطع الغيار يقولون الزيت الأحمر هو الزيت المناسب .
فيه زيت تايتان للبيجو قيمة العلبة الوحدة بحدود 50 ريال وورشة بيجو ما تغير لسيارتها إلا الزيت هذا وتحذر من أي زيت ثاني وإن القير يتلف بسبب الزيت الأحمر العادي .
عموماً فيه فيلبييني بصناعية الخليج اسمه نويل يغير الزيت مع الفلتر بـ 200 ريال لكن الزيت الأحمر إذا بتاخذ بتشتري الزيت بنفسك أكيد بتقل التكلفة .
عنوانه تطلع مع شارع حسان بن ثابت المخرج اللي بعد مخرج المعارض بالنسيم وأنت متجه للدمام وتطلع شمال وتعدى الإشارة الأولى والثانية وقبل توصل الثالثة فيه سكن خواجات عليه حراسات ودوريات ( ياحظهم يحلف بالله جون بن جورج إنه ما عمرهم فقدوا اسطوانة غاز ولا جنط سيارة ) المهم إذا وصلت السكن فيه محطة مقابلة له بالطريق الراجع لجهة الجنوب الورشة بوسط المحطة .