ريموت ونش تويوتا

[أبو فروة]

السلام عليكم ورحمة الله وبركاته
كيف حال اهل المكاشيت

عندي ونش تويوتا وابغى الريموت اذا هو يباع عند محل ولا فيه احد يرهم له

لا هنتوا جميعا

[أبو فروة]

غريبة ما فيه احد عنده خبرة بالموضوع:confused: :confused: :confused:

حصلت الريموت بالوكاله بس سعره غالي جدا

وان شاء الله برهم له ريموت ترهيم ... والله يستر ما يحترق علي :( :(

[عـبـود 911]

الريموت غالي قيمته فوق الـ 1200 ريال

ولا تحصله اللا عند الوكاله

بس سمعت ان فيه طريقه تركب له فاصل بالغماره واعتقد ان هذا افضل حل

فاصلين

تركب فاصل مخفي عادي

مثل هذا
http://images.google.com/url?source=imgres&ct=tbn&q=http://www.mekshat.com/pix/upload02/images100/mk103673_13.jpg&usg=AFQjCNGvB36ZSgR3dbyceDX0FQs9gKX8wg

هذا يوصل كهرب للفاصل الثاني الفاصل الثاني عبارة عن فاصل ميال فايدته للسحب ولا ترخي الواير عشان لو تحط فاصل واحد اللي هو الميال خطر يغيرونه البزارين على شي ويعلق ثم تبلش والحل مثل ما قلت لك فاصل ثاني يكون مخفي لتوصيل الكهرب للفاصل الميال

للأسف ما لقيت صوره له بس هو له ثلاث وضعيات 1- فوق ( يطلع الواير )
2- بالوسط ( طافي )
3_ تحت ( يشد الواير )

[صحاري 97]

تلقى الريموت بشارع الغرابي
والظاهر بمحل السلام

[wrs3975]

مساك الله بالخير أخوي أبو فروة ... إسمع طال عمرك .. سبق وإني إشتريت جيب شاص ودورت الريموت في السيارة مالقيته .. وسألت راعيه الأول قال مأدري عنه ... والظاهر إنه هو مشتريه بدون ريموت .... المهم إتصلت على الوكالة قالو موجود والسعر 1800 وبعد الخصم 1600 قلت يمكن ألقى بالتشليح ... ماخليت محل وأنا أدور مالقيت ... المهم ذكرلي واحد مستعمل سعره 1300 قلت مافيه إلا هذا الحل ... وعلى العموم ماأنصحك بالترهيم لأن له سلبيات كثيرة منها تعطل الفاصل وإستمرار الونش بالعمل وبالتالي ...... مما يلحق الضرر بمقدمة السيارة .... حاول أن تجد واحد مستعمل .... تحياتي لك وللجميع

[أبو فروة]

السلام عليكم ورحمة الله
اخواني
عبود 911... صحاري 79 .... wrs3975
ما قصرتو ا واشكركم على مروركم وتفاعلكم
مشكلة الريموت المستعمل من الصعب تحصله
لكن ولله الحمد حصلت ورشة كهربائي سعودي وسوى لي ريموت ترهيم واشتغل معي
لكن قال إن ا لاصلي فيه حساس للحرارة اذا سخن الونش يفصل وقالي لا تطول في عمليه السحب عشان لايحترق الدينمو
وجزاكم الله خير

[ابوفيصل السهم]

السلام عليكم
ياخوي فيه ورشة حقت ترهيم سطحات يمكن تلقا عندهم (ورشه الراجحي) في الصناعية اللي مقابله الحراج منجنوب .او مر السسليماني
الله يوفقك وتلقا انشاء الله واذا لقيت علمنا

[قلب الأسد7E]

أحسن فكره الفاصل