.,.,. حـــن قـــلـــبـــي لــلــمــطــر .,.,.

[دمتم سالمين]

بسم الله الرحمن الرحيم

السلام عليكم ورحمة الله

اسعد الله جميع اوقاتكم بالخير والمسرات

هذي اول مشاركة لي في هذا المنتدى الشامخ

واول تقرير اكتبه ايضا عن الرحلات

واعتذر عن التأخير في تنزيل الموضوع

واتمنى ان اكون ضيف خفيف عليكم

كما اتمنى ان ينال التقرير على استحسانكم ورضاكم


http://4upl.com/uploads/4b73e80f56.jpg

مقدمة :

بعدما اعتدل الجو قبل اسبوعين وكما توقعنا ان الصيف قد حل بمصراعيه وانقشع الشتاء وبعد الامطار التي وطأت منطقة الرياض وما جاورها وبعدما ازدانت الاجواء وانخلع الغبار والعج ارتأت العائلة الكريمة بالذهاب الى نزهة برية خفيفة خصوصا انها بدون حريم ( نسوان ):D

طبعا افراد الرحلة هم :
جدي واعمامي وابناء عمومتي وشخصي الكريم ;)

التاريخ : 7-8 /4 /1430

يوم الخميس
كان موعد الانطلاق يوم الخميس بعد الفجر وبالفعل وفي اجواء تحفها السكينة والمودة انطلقنا على بركة الله الى المخيم الواقع في التنهاة
واحنا في الطريق لازم نعدل روسنا شوية على الفجرية بقهوة ام عبدالله الله يخليها لنا

http://4upl.com/uploads/e638d52ad0.jpg

طبعا انقسمنا بموترين ووصلنا الى المخيم وكان في استقبالنا عمي وابنه وكانت الساعة تشير الى التاسعة تقريبا وافطرنا وعينا من الله خير

http://4upl.com/uploads/dfc10aa934.jpg

نزلنا العفوش وقمنا نتمشى حوالين المنطقة

http://4upl.com/uploads/5738dd68f9.jpg

http://4upl.com/uploads/f7ee9aa237.jpg

طبعا المخيم داخل الحمى ( الحمى هو منطقة ممنوع الرعي بها وهناك المجاهدين ( شرطة البر ) طبعا مهمتهم انهم يطردون البعارين من المنطقة لانة ممنوع الرعي بها وطريقتهم يشغلون الونانات عند البعارين عشان يهججونها ):director:
ويوم اقبلت الساعة وحده وشوي قمنا نحظر للغدا ..

http://4upl.com/uploads/021aa4de3b.jpg

http://4upl.com/uploads/330867ff7f.jpg



يتبع...

[دمتم سالمين]

http://4upl.com/uploads/1b566fa8cf.jpg


http://4upl.com/uploads/f1261f0136.jpg



http://4upl.com/uploads/aa569e16bf.jpg



http://4upl.com/uploads/77548725d7.jpg

يـــــــــــــازيــــن الـــمـــنـــدي


في وقت الظهيرة يوم الخميس كان هناك امطار في الرياض وتاصلنا الاخبار ونزعل شوي لا ننا ما امطرت عندنا لان الجو كان حر ويوم تغدينا الا والسما ترشرش رشاش ( مو رشاش رشاش هه) يمكن قعد حوالي نص ساعة
المهم الجو كان خورافي ويوم اظلم الليل شغلنا الماطور
وقعدنا نشوف مباراة السعودية والامارات اعادة هههه
الين جت الاخبار وقعدنا نشوفها وكان يومها ابو متعب الله يحفظه بلندن :good:
ويوم جت الساعة تسع ونص الا والسما تمطر مطره خفيفة ( ديمة ) تدخلك جو
حتى اللي وهب شاعر يصير شاعر :cool:
واللي موب رومنسي يصير رومنسي ههه:rolleyes:
المهم تعشينا ونمنا انا نمت اخر واحد الساعة احدعش هههه لا وكنت سهران :o


يوم الجمعة
الجو اصبح يجنن وبارد والارض مبتلة يعني لاعج ولا غبار المهم صلينا الفجر وتقهوينا وكلنا شابورة مع الحليب ووسعنا الصدر الين افترقنا كلن راح لشغله ( دوامات في البر )

http://4upl.com/uploads/a970a62dae.jpg

اللي راح يصيد طيور

http://4upl.com/uploads/9568410df2.jpg


يتبع...

[دمتم سالمين]

http://4upl.com/uploads/229c9f8bee.jpg

الرجاء عدم دخول اصحاب القلوب الضعيفة :D

http://4upl.com/uploads/7a5c3ae0bc.jpg


واللي راح يضبب

http://4upl.com/uploads/96e90c2724.jpg

http://4upl.com/uploads/e443eb171a.jpg

http://4upl.com/uploads/ef440968f9.jpg

ترا هذا الاسود يسمى شحم ههه

طبعا هذي الصور بعد ماجينا للرياض

والله يعافي ام عبدالله على الطبخ


واللي نام

http://4upl.com/uploads/2591658f32.jpg

واللي قعد يلعب

http://4upl.com/uploads/4bef566c8f.jpg




واللي يتمشى

http://4upl.com/uploads/002d511417.jpg

http://4upl.com/uploads/6c614ff335.jpg

( وجعلنا من الماء كل شيء حي )

لو تشوفون نفس المنطقة قبل المطر اللي جا في الليل ومن بعدها تغيرت 360 درجة

يعني كان فيه فرق بين امس واليوم حسب توقيت الرحلة

[دمتم سالمين]

واللي يصور



http://4upl.com/uploads/f6eed2ac86.jpg


على نياته ههه

http://4upl.com/uploads/a690d22393.jpg

يرمي اوت ( ناول يا ولد )

http://4upl.com/uploads/22cc974067.jpg

http://4upl.com/uploads/438cd8c35e.jpg

http://4upl.com/uploads/39efb0f69a.jpg

http://4upl.com/uploads/91b42221eb.jpg

عاد هذي الصورة تحفه لحالها

اجل قد شفتو ذبان يلمع ههه


http://4upl.com/uploads/2c1cbd48fb.jpg

http://4upl.com/uploads/b19a9492a8.jpg






واللي يكتب تقرير ههه


المهم ان الجو غطى على جمال باريس وطبيعة اثينا وبرودة موسكو
وقل ما شئت فإن الزعيم هو الــهــلال
هههههه وش دخل الهلال في الموضوع

ويوم جت الساعة عشر ونص افطرنا
ويمشي الوقت الين جا وقت الغدا وتغدينا عاد إنا ( يعود على الجميع ) متغدين برا الخيمة ويوم خلصنا وظفينا السفرة الا والله يجيك الهواء الجنوبي اللي يرفع الخيمة ونقعد نظبط الخيمة ونشد الحبال وتونا خالصين الا والسماء تكب من خير الله من المطر وكان المطر قوي لدرجة ان الواحد اذا طلع برا الخيمة ما يمدية يمشي خطوتين الا وملابسه راشحة بس كان جو خيالي والاحاسيس خورافية الصراحة ما تصير بالعمر الا مرات قليلة جدا لدرجة ان اللحظات هذي لو تنشرى لشتريناها ( كم سيمت ):D
بس فاتنا التصوير من شدة اللخمة و الربشة ههههه
المهم صلينا الظهر والعصر ثم رتبنا اغراضنا وحملناها في المواتر وعلى الرياض يالسنايدي


يتبع ...

[دمتم سالمين]

طبعا المطر ابتدا من الساعة اربع الا ربع وطلعنا من المخيم الساعة اربع ونص وتوجهنا الى الرياض وطول الطريق وهي تمطر طبعا قعدنا نتمشى شوي وخذنا كم صورة

http://4upl.com/uploads/e6a52f5c6c.jpg

http://4upl.com/uploads/296fd901d9.jpg

http://4upl.com/uploads/b722664f7a.jpg

http://4upl.com/uploads/31eb28c11c.jpg

http://4upl.com/uploads/a4b4c3138b.jpg

الين وصلنا بيت جدي بالبديعة الساعة ثمان الليل


مما يستفاد من هذه الرحلة :
- ان الانسان لا يعلم ما يواجه من تقلبات في المناخ ... ســــو لابد من اخذ الحيطة من ملابس وغيرها
- الترويح عن النفس مطلوب وخصوصا للصغار
- اخذ الحيطة والحذر في القيادة والابتعاد عن مناقع المياه ومجاري الوديان

ـــ قبل الختام ــــ
( ولئن شكرتم لأزيدنكم )
عدسة احد الزملاء

http://4upl.com/uploads/ba7af302a0.jpg

http://4upl.com/uploads/d51634ef6a.jpg

http://4upl.com/uploads/3bef90ccfa.jpg

http://4upl.com/uploads/9dd2740dc9.jpg

[دمتم سالمين]

http://4upl.com/uploads/0336c5cad1.jpg


http://4upl.com/uploads/135a437c3d.jpg

http://4upl.com/uploads/a1341308fc.jpg

http://4upl.com/uploads/1d3505dc0d.jpg

http://4upl.com/uploads/86a78ccd5f.jpg


ختاما
... اتمنى ان ينال التقرير على استحسانكم ورضاكم ...

ومعذرة للاطاله والمصاله الزايدة

واعتذر ايضا للزوائد ( الروابط ) التي في الصور

واهديكم هذه الصورة

http://4upl.com/uploads/099aa4efda.jpg

( ان اصبنا فمن الله وان اخطأنا فمن انفسنا والشيطان )

مخرج ....
اسأل الله العظيم رب العرش الكريم ان يمن علينا بالامن والايمان والسلامة والاسلام وان يحفظنا من كل شر ومكروه
كما اسأله سبحانه ان يعم بنفع هذه الامطار ارجاء البلاد وان تكون امطار رحمة وبركة
كما اسأله سبحانه ان يشفي مرضى المسلمين وان يشفي صاحب السمو الملكي الامير سلطان بن عبدالعزيز وان يرده الى وطنه سالما غانما وان يشفيه من كل سوء ومكروه وجميع مرضى المسلمين وان يغفر لموتانا وموتاكم وان يتغمدهم الله في واسع رحمته وصلى الله وسلم على نبينا محمد وعلى آله وصحبه اجمعين...

اعداد واخراج :
بــســـام
b-090@hotmail.com

[ربع 91]

ماشاء الله

تغطيه جميله

[المخلفي]

الله يعطيك الف عافيه على هالتقرير الرائع والتعليق الاروع

بصراحه كلنا مشتاقين للامطار

تقبل مروري

[أصول شمر]

الرحله موفقه http://4upl.com/uploads/f6eed2ac86.jpg
سوبر مان 2 هههههههههههههه
الله يعطيك الف عافيه

[سفير الشمال]

وعليكم السلام ورحمة الله وبركاته
الله يسعد أيامك بالخير والمسرات
أخوي دمتم سالمين
ياهلا ومرحبا فيك نورتنا بمكشات والبيت بيتك يالغالي
ماشاء الله تبارك الله
طالما أن هذه أول مشاركه :good::good::good: فالقادم سيكون أجمل بمشيئة الله
أسلوب رائع بجمال الطرح المتنوع بالسرد والتعليق الأروع على وقائع رحلتكم الموفقه ان شاء الله
يكفي أن أحد رفاقكم برحلتكم الجد الكريم أسأل الله أن يطول بعمره وهو بأحسن حال
بإنتظار جديدك القادم
تقبل تحياتي وتقديري

[الغزال الشارد]

ماشاء الله رحلة موفقه الله يعطيكم العافية
وبيض الله وجهك على التقرير الطيب
تحياتي لكم...اخوك ابو نايف

[مشتاق للمطر 2]

الصور جميله مشكووووور ويعطيك العافيه

[ابن سليمان .]

روعة ماشاء الله
شكرا لك أخي دمتم سالمين على التقرير الوافي

[دمتم سالمين]

الاخـــــــوة الاعـــــــــــــــزاء

ربع 91

المخلفي

اصول شمر

سفير الشمال

الغزال الشارد

رادار الشمال

ابن سليمان


اسعد الله جميع اوقاتكم بالخير والمسرات

وشاكر لكم تفاعلكم العطر لموضوعي

واتمنمى ان وفقت في طرح الموضوع

وان حاز على رضاكم واستحسانكم

[ابو عزيز1961]

وعليكم السلام والرحمه
الله يوسع صدوركم بالايمان
شي جميل حفظكم الله

[السقياني]

مشكووور ولاهنت يالغالي والجوو رووعه

[ابوخالد المطيري]

الله يجمعكم علي الدين والخير

[أبا مجاهد]

يعطيك العافيه ياأخ بسام

تقرير جميل ولطيف وظريف


شكرا لك عزيزي

[شلايعم]

لا عدمناك يا ابو فهد
تغطية رائعة ولو أنها متأخرة شوي لكن رجعتنا للخلف والذكريات الجميلة.

[دمتم سالمين]

ابو عزيز 1961

السقياني

ابو تولين

ابا مجاهد

شلايعم


اسعدتني اطلالتكم العطرة لموضوعي

واتمنى ان نال الموضوع على استحسانكم