سيارتي لاندكروزر 96 ... ودي اطلعه وكالة ؟!!

[طمطماية]

بسم الله الرحمن الرحيم

اخواني اعضاء منتدى مكشات
السلام عليكم ورحمة الله وبركاته

أما بعد

تراني ما أحب الاسلوب الرسمي :) ..

عندي لاندكروزر96 ... والحمد لله ما أشتكي منه أبد ... ولا فيه مشاكل .

بس المكينة بادية تنقص زيت شوي ... السيارة ماشية 300 ألف :rolleyes:

وودي في الإجازة ذي أشتغل فيها من إلى ..

يعني أبي احل مشكلة الزيت .. اكيد خرط - شنبر ... على حسب
وابي المع بويتها الخارجية .... خبركم أكل عليها الدهر
وعندي المراتب جلد وكالة .. ولعبت فيه الشمس لعب .... وودي اشتري له مراتب .
واكمل نواقصها ... داعم يبي من يغيره ... جنوط ... طرطيش خفيفه .

بصراحة متحير أخاف أبدا في المشروع ويصير مكلف .... لأن ماعندي ميزانيه إني أشتري سيارة جديدة وخبركم مقدمين على زواج <<< حس إنه مهم :p

ابي رايكم وإرشاداتكم واللي له تجرب في اللاند موديل 96 97 لا يبخل علينا الله يسلمه

تكفون يا الأجاويد لا أحد يستخسر مشاركته .... يكفي إني أشوف رده بس


وتحياتي لكم كل أبوكم :D

طمطم

[Bader-M]

وعليكم السلام ورحمة الله وبركاتة
....
شف يا بعدي

مكينك تحتاج نصف توضيب ( على كلامك )
يعني تقريبا راح تكلف حول 2500 ريال
هذا اذا ماطلعت عليك مشاكل ثانيه
وعندك التنجيب
هذا تقريبا 500 ريال
اما التلميع الخارجي
على حسب المحل الي تبي تروح لمه

ولا تنسى يمكن تطلع لك مشاكل ثانيه
مثل مقصات او اذرعه و كفرات ...الخ

شف انت كل شهر سوي فيه شغله ;)
حتى ما تثقل عليك الدراهم

يعني شهر توضيب و الشهر الثاني تنجيب و .... وهكذا
يعني ما يجي الشتاء الى هو وكاله :good:



تقبل تحياتي

[عضى]

السلام عليكم ورحمة الله وبركاتة
أسمع الكلام علشان ماتخسر نفسك كثير
1- المراتب الحل سهل جداُ تلبيسة محترمة وسعر معقول لآلآلآ تأخذ غالية يوجد في الغرابي تلبيسات
محترمة ومعقولة السعر جلد ومخمل
2- المكينة تهريب الزيت بمكاين تويوتا عمومُ أمره سهل أكشف على المكينه ممكن يكون التهريب من
كثرت تعبئة الزيت ففي هذه الحالة تكون الوجية تحتاج تغيير فقط ويرجع الوضع طبيعي ولتنسى الكشف عند مركز محترم وذا كنت في الرياض يوجد مركز هيف مخرج 14 في نفس المحطة هيف مهندسين
فاهمين شغلهم صح دارسين المكنيكا دراسة وليس تعلم
3- الأذرعه والمقصات أكشف قبل ماتغير أي شي
4- الجنوط الغربي مليان جنوط مستعمله ورخيصه ( خصوصاُ الجنوط المسروقة والكفرات أكثر من
ثلاثين محل الوصف إذا جاك تفرع شارع الغرابي غربي الخيام وغربي السيارات التفت يمين تشوف شارع ضيق جداُ أدخله على رجولك وأسأل الصحاب المحلات ولاتقول مسروقة

[السالمي]

نصيحه نصيحه

التوضيب احيانن يفشل ووين تلقى اللي يوضب صح

خذلك مكينه من التشليح اصرفلك

[طمطماية]

طاير بالعجة ..
عضى ..
السالمي..

ما قصرتوا والله .... بس بيني وبينكم أحب الشغل يكون نظيف ... وسياراتي ما شاء الله علي :) فل كامل وجلدها وكاله أحس إنه حرام إني أركب جلد الغرابي :(

وكل سنه أسوي لها صيانه عند عبداللطيف جميل ... أصفي المكينة .. ونشوف أي خرابات نصلحها ..

وأنا ناوي أفك المكينه عندهم لأسباب :

1- شغلهم نظيف ولا يسرقونك في قطع الغيار .

2- يعطونك التكلفة العليا لإصلاح السيارة ... يعني يقلون لك سيارتك بتكلفك في أسواء الأحوال كذا .... يعني يحسبون كل خطوه يسوونها

3- يضمنون المكينه 6 شهور ضمان شامل .

4- سعرهم معقول على شغلهم .

وأتوقع المقصات والركب وما شابه ما فيها شي ..

أما عن سالفة الجنوط المستعمله .. فما حبيتها ... يا خوفك يكون الجنط ملحم ولا مطقوق .. والله ما تسوى .

البوية ... وتلميعها ... هذي يبيلي محل تلميع ممتاز ... وناوي على محل نسيت أسمه على طريق الأمير عبدالله قبل اسواق العثيم <<< ما خلا محل ما سوا له إعلان :)

بس المراتب والله متحير ... أخاف أغسلها وألمعها وما تطلع مثل ما أبغى ! .. والله إني متحير في سالفة المراتب :( بس إحس إني بأشتري مراتب جديده ... فيه أحد عنده خبره عن المراتب وأسعارها ؟؟ يا ليت يخبرني ... بس آخذ فكرة عامه عنها ..

والميزانيها اللي حاطها 25 ألف .. تتوقعون كافيه إذا بأشتغل فيها شغل وكالة .؟؟

وتحياتي لكم

[راعي الحمره]

اخوي الغالي طمطماية


تبي نصيحتي اخذلك مكينه مستعمله طيعني تركبها وانت واقف ويا خوك ترا التوضيب مرات ما يظبط وخوفك تخسر فيها كثير وانت على زواج جديد الله يباركلك ويوفقك .



مع تحيات
اخوك راعي الحمره

[شبوب]

بسم الله الرحمن الرحيم

اخوووووي 00

السلام عليكم

انت تقول 00

(عندي لاندكروزر96 ... والحمد لله ما أشتكي منه أبد ... ولا فيه مشاكل )

رأي ونا اخوك موترك الى الحين به ( عراش ) :D ( هماك تقول ما تحب الكلام
الرسمي ) 00 المهم توك باقي وراك ( 200الف كم )00 لان التايوتا مبروك 00 يعني على الاقل
سنيتين ( الا اذا كانك كداد خطوط ):confused: 00 هذا عاد شي ثاني00!

واذا الله احياك بعد سنيتين ( ابيرزقك الله من واسع فضله ) ولكل حادث حديث 00 اما الحين
ونا اخوك احس انه غلط ( تبدل وتخربط بالمكينه ):mad:

اما ( الخرابيط الثانيه ) :D تلميع ومراتب هذا شئ عائد لك 00 ايه آسف نسيت انك
ابتعرس00 لا 00اجل لازم مراتب جديده للعروسه :D

الله يوفقك ويرزقك بالذريه الصالحه

تحياااااااتي ،،،

[جميل جمال]

بصراحه ما اقدر اقدر افتيك الا بسالفة المراتب .. لان الاشيا الباقيه ما هنا ذيك الخبره والشباب كفوا ووفوا ..

بالنسبه للمراتب اذا ما كانت متقطعه فانا انصحك انك تلمعها عند اي محل ..

لانها شغله سهله ولا تبي حريف ولا فنان وصدقني راح ترجع لك وكاله او قريب من الجديد ..

اما شغله تغيير مراتب والله اتوقع تكون مكلفه ولا هنا ذاك الفرق لو تلمع ..

[متاخر]

مدامك تقول ميزانيتك 25 الف

اشور عليك تبيع موترك وتحط فوق قيمته ال25 الف وتشتري لك جيب من موديل 2000 وطالع
خصوصا انك مقبل على عرس ولازم تكشخ لذلك خل الكشخه على اصولها :p

[طمطماية]

راعي الحمره : تسلم اخوي ... وكلامك في محله ... بس لو بغير نصف مكينه وفي الوكالة (( طبعا إذا إحتاج الأمر )) ومع توفيق ربك ... ما اتوقع فيها مشاكل .... خصوص إن الشكمان ما يدخن .. يعني الوضع مطمن ..

شبوب : والله كلامك في محله وعلا قولتك ... الموتر فيه عراش ... بس ودنا نسوي شوي علشان نعرشه صح :D ....

جميل جمال : الله يسلمك ... وبصراحه المراتبه يابسه من الشمس .. ومتشلخه ... أذكر قبل فتره وديتها لم محل تلميع ... قال نلمعها لك بالتشلخ والتمصع اللي في مراتبك مالها حل !!! ويا اخوفك اركب سعيدة الحظ :) عليها ويجيني كعب متهور ولا شي .. !!

متأخر : ما عليه نمشيها لك هل المررة ولا عاد تتأخر :P ... تسلم لي أخوي ... وصدقني فكرت إني أبيعها ... بس سيارتي فل كامل ... يعني لو ابيعها وأزيدها 25 ما راح توصل قيمتها 100 ألف ... يعني امش خشمي اشتري لاندكروزر فل كامل ;)


بصراحه يا أخوان متردد ... بصفة السيارة فل كامل .. ومحافظ عليها .. ولا تعدى الوكالة ... ودي تعيش معي خمس سنين قدام (( طماع ))

حبايبي .... من يقدر فيدني (( نصف المكينه )) وش عبارة عنه ؟؟

[جميل جمال]

اخوي طمطماية ...

رح المعرض وتلقى لك فكس ار 99 نظيييييف ولا انظف منه بـ 95000

والجي اكس ار تلقى فل كامل 2001 على الميه وحولها ..

نصيحتي بع موترك وعلى كلامك انه ما فيه شي يغريك انك تحرص على عدم التفريط فيه ..