اشتكي من حرارة البترول تعبنا

[ابوعاشق فهد]

السلام عليكم ورحمةالله وبركاته
اخوي عنده بترول موديل 2000 وبه مشكلة بالحرارة وعجز يحلها

اولا صيخ الرديتر ونظفه وكان فعلا وسخ مطين من جوا
بس الحرارة موجودة
قام وشال البلف وايضا من دون فايدة
غير تماتيك المروحة وايضا الى الان مافيه فايدة
غير طرنبة الماء وفعلا وجد ريش القديمة الداخلية مصدية وذايبة
ولكن الحرارة لم تتغير الى الان
وش هالحل مع هذي البلشه مع العلم ان راس المكينة سليم ومابه مشاكل

الذي عنده خبرة وتجربه مثيلة يفيدنا المدينة الحفر

[rpk]

نظف مجاري المكينه

[سيد النشاما..]

الموتر وأهو ماشي وين توصل الحرارة ؟؟

وإذا وقفت السيارة ؟؟؟؟؟

ودي توضح للأخوان علشان يفهمونك صح ويقدرون يفيدونك
............
موتري كان كذا
وصار الرديتر ماهب اصلي سعودي أو مدري وش رنـقه

المراد / بعد ماغيرت الرديتر لجديد (المنيوم ) ضبطت الحرارة

[ابويارا1001]

انا عندي باترول 90 عذبني مع الحرارة اذا وقفت مع المكيف

غيرت كل شي له علاقة بتبريد المكينه وما تغير شي

وآخر ما غيرت كاور المروحة ب60 ريال وانتهت المشكلة ولله الحمد

لانه كان ناقص منه القطعة اللي تحت وكان من الجوانب متآكل ركب واحد جديد

وطابق على الرديتر مضبوط عشان كل الهوا اللي يمر بالرديتر بتجاه المكينه

ويبرد الماء اللي بالرديتر

طبعا هذا اذا كان الموتر يحتر وانت واقف

وبالتوفيق

[ابوعاشق فهد]

الموتر وهو ماشي الحرارة فوق الربع شوي

واذا وقفت الموتر شوي, ترتفع الحرارة لأخر شيء

كيف اعرف الرديتر اصلي او لأ
جزاكم الله خيرا

[ابوعراده]

شف مراوح التبريد الأماميه يمكن تكون ضعيفه
بعدبن دام ان الحرارة وصلت للآخر اذا الراس فيه مشكله
وابيك تفتح الكبوت والحراره مرتفعه اذا هو يبخر وله صوت
الراس رايح فيها وان شاء الله مايكون الراس

[ابونايف الروقي]

تصييخ الراديتر اكبر غلط تصيخه وتضبطه 150 ريال ولا يضبط معك غيره 800 ابرك لك وغير خراطيش المويه وتاكد من الحساس يمكنه يعطيك حراره زياده عن القياس الصحيح . وركب بلف ضغط 65 حق 2002 وفوق . ولاتنسى تتاكد من غطاء الراديتر لان اي تنسيم فيه يرفع الحراره .

[daif1]

اخوي موترك مافية شي غير حساس الحرارة في جانب الاديتر

[رعد سدير]

والله يخوي نفس الي صاري بضبط بس انا صيخت الاديتر ومانفع وركبت تمتيك مروحه ولا نفع وفكيت البلف ولا نفع وركبت طرنبه
ولليوم مالقيت لها حل أذا مسكت خط وصلت الحراره النص
والموتر مايتعدى ميه وربعين وقالو ان المشكله في دبت الشكمان ولازالت المعاناه

[salih100]

اول شي ياليت تتاكد لا يكون عندك التماس مع الاصطبات او فيش سرعات المكيف مع امبير الحراره لانها قد صارت معي ,,,,,, خل الامبير لمى يطق ال H وشف هل السياره تفور ولا لا ,,,,,,, واذا كانت تفور ع طول وانت واقف فادر انه راس المكينه يعني تشغله شوي يبدى يفور معك هذا الراس ,,,,وبعدين انت ما خليت شي ما سويته بس غير الخراطيش وغطى اللديتر ترا يسوي بلاوي ذا الغطى,,,,,ومثل ما قالو الاخوان نضف مجاري الماء بالمكينه لانها تسوي عاااازل بين الماء والمكينه,,,,,والله يعينك

[م.بندر]

السلام عليكم ورحمة الله وبركاته

اسأل مجرب ولا تسأل خبير
نفس المشكله صارت معي
ركبت مروحه تشتغل مع المكيف وتطفي لاطفي المكيف
على اديتر المكيف
والحمدالله انتهت المشكله
تكلفك قرابت 250 مع التركيب

[ابو مكازي2002]

شيك علي مراوح التبريد لانه صارت معي جيب فتك بس تبي الصراحه كانت وحده ما تشتغل والثانيه كانت شغاله بس كانت ضعيفه وكنت ماني دايرله بال علي اساس انها مهي مهمه كانت الحراره زي موترك مع الممشى علي اربع او اعلا شوي واذا وقفت ولع بس يوم غيرته المراوح طقم تغير الموتر 180 درجة يعني ولع المكيف وقف ومش نفس الشي فوق الربع بشوي ما تحرك اتمنى اني وصلتلك المعلومه
تحياتي

[ابوسعودد]

صارت لي نفس المشكله واكتشفت ان احد مراوح التبريد قدام الاديتر معكوس احد اسلاكها يعني تدور بالعكسي ... تاكد من هالنقطه

[بحر القصيد]

مدري ليش إحساسي يقول ان موترك قير تماتيك