المساعد الشخصي الرقمي

مشاهدة النسخة كاملة : الفزعه ابي ريموت للجمس الصالون 2003


ابوسعودد
25/04/2009, 01:51 PM
واحد من الشباب اشترى جمس 2003 امريكي الله يطعمه من خيره ويكفيه شره
المشكله انه مافيه ريموت للابواب والمعرض يقول انه من يوم جاء من امريكا ما معاه ريموت قلت له المكشاتيه ماراح يقصرون وراح يعطوني الخبر الاكيد
الزبده
ريموت شد البلد وين الاقيه ؟ كم سعره ؟ وبرمجته كيف ؟
وان حصل يكون في منطقة القصيم افضل او اي مكان اخر مافيه مشكله .
ألنشمي
25/04/2009, 02:23 PM
السلام علبكم

ألاخ ابوسعودد

ريموت شد البلد تلاقيه بالوكاله بعد اعطائهم رقم الشاصي وسعره ب،550 ريال للواحد قبل سنه.

ويمكن تلاقيه بالرياض , الغرابي بسعر 180 ريال للواحد بس لازم تكون السياره موجوده لغرض البرمجه.
ابوعقل
25/04/2009, 02:23 PM
الله يعطيه خيره ويكفيه شره

خله ياخذ الأستماره ويروح للوكاله ويطلبون له الريموت

او انه يركب من محلات زينة السيارات
حمرعين1
25/04/2009, 02:42 PM
وعليكم السلام ورحمة الله وبركاته الريموت الاصلي اغلب محلات المفاتيح يبرمجونها لك وفيه واحد في الرياض مخرج 15 الدائري الشرقي مقابل قصر الف ليله وليله سبقا اتمنى لك التوفيق
ابو منار22
25/04/2009, 04:56 PM
السلام عليكم

اخي الكريم انا شريت اثنين واحد لي وواحد للوالد شريتها من جدة ب 50 ريال للواحد بدون برمجة اما اذا برمجة لك ياخذ 50 زيادة للريموت الواحد

اما برمجتها فهي سهلة وممكن انت تبرمجها بكل سهولة
المحل بجدة عند معارض السيارات اسمة الحربي بجانب محطة بنزين اللي على طريق الليث جدة

اذا حبيت رقم المحل راسلني على الخاص


انتبة تروح للوكاله تراهم نصابين
مضارب100
25/04/2009, 04:59 PM
أخوي السلام عليك
انا شريت استعمال أمريكي2004 ونفس الحكاية ما جاء معه ريموت رحت للغرابي فيه حضرمي محله إذا دخلت الغرابي وجهك شمال يجيك على يدك اليسار ماهو على الشارع داخل جو أهم شيء يبرمج لك عنده جهاز يشبكه في كمبيوتر السيارة شريت الريموت مع برمجته ب120 ريال وإلى الآن له ست شهور شغال تمام صراحه في رأيي ماله داعي تروح الوكالة وتقبل تحياتي
عاشق z71
25/04/2009, 08:14 PM
ايظا بمحلات الزينه مقابل معارض الشفا انا شاريه من هناك ب100 ريال مع البرمجه
راعي المجهم
25/04/2009, 09:38 PM
سعره 50 ريال مع البرمجة 20 ريال أو تبرمجه بنفسك الطريقة سهلة جداً وموجودة في

المنتدى بالخطوات
تناهيت
25/04/2009, 10:41 PM
حياللة ابو سعود بشرنا عنك يالغايب الحاضر ......
للأسف هذا واقع كل الصالات اللي تستورد الأمريكي يفكون ريموت السيارة ويقولن لك ما جاء معه ريموت عشان تركب من عندهم وتلقاه نفسه حق موترك ..يعني يدورون وراك 300 وهم كسبانين منك كم الف ومن له حيلة فليحتال :no:

اسمع رح لورشة البيان الجديد اللي في حي الملك فهد .........> انا ركبت الأصلي الكندي من عندهم بــ100 ريال ومستعمل ولا أحلى منه وقالو ا لي فيه جديد صيني قلت ما ابية ولاكن السعر هذا موب لأي واحد لأني شاري الموتر من عندهم واجبرتهم على الريموت لأني شارط عليهم قبل الشراء :good: فأنت ممكن تآخذه بــ250 ريال وانصحك بل الأصلي حتى لو مستعمل :good: ولهم فرع في الشفا والنسيم وتركيبة وبرمجتة في 5 دقايق ..

تحياتي لك ابو سعود
tabtab055
05/03/2013, 10:01 AM
ياشباب ريموت الجمس 2003 فجاه خرب ما يفتح او يغلق الابواب غيرت بطاريه الريموت ولا فيه فايده ..اذا احد منكم يعرف محل يبيع ريموت للجمس في جيزان ياليت يدلني وله دعوه بظهر الغيب
alsarem
06/03/2013, 12:58 PM
حياك الله اخوي
تلقاه عند اوتو ستار سعره قرابة 200 ريال واذا مالقيته راسلني والقا لك ان شاء الله
ودمت بصحة وعافية