أرجو الفزززززززززززززززززززززعة عاجلاً [الأرشيف]

الذيب مصلوخ

25/04/2009, 08:59 PM

السلام عليكم ورحمة الله وبركاته.... صبحكم/مساكم الله بالخير، الله حي الربع والاخوان، ياشباب عندي مشكلة حيرتني وهي:
عندي مكيف الجي إكس آر 2000 إذا مشيت برّد وإذا وقفت عند الإشارة إحتر، حتى براده مب بالحيل، غيرت البلف، نظفت المواصير، غيرت قلب الكمبرسر، فريون أصلي، فلتر الفريون. ولكن للأسف نفس المشكلة. فأرجو من حصلت لديه هذه المشكلة وحلها أو أحد عنده خبرة لايبخل علي ويفيدني وجزاكم الله ألف ألف خير. والسلام عليكم

Cool 3la 6ooL

25/04/2009, 09:11 PM

الله العالم انه ضعف في الكمبروسور.

جرب وانت واقف ومفضي القير تدوس البنزين الين يوصل الضغط على 3 وخلك معلق شف يزيد براده او لا.

الذيب مصلوخ

25/04/2009, 09:14 PM

نعم تزيد البروده لكني مغير الكمبرسر

الذيب مصلوخ

25/04/2009, 09:22 PM

وينكم يا الربع

دله وفنجال

25/04/2009, 09:27 PM

السلام عليكم...

اخوي الذيب شيك على مروحت المكيف تلقاها قدام الاديتر خلف الشبك الامامي للسيارة يمكن هي المتعطله او ضعيف دورانها ووضيفتها تبريد المكيف اذا وقفت السيارة او شيك على رديتر المكيف يمكن فية بلا...

هذا والله اعلم...

بنزرت

25/04/2009, 09:28 PM

شكلك توك مغير البطاريه ببطاريه قوتها او اميراتها وسعتها مختلفه عن اللي تجي مع السيارة
او ان البطاريه الحاليه ضعيفه

الذيب مصلوخ

25/04/2009, 09:45 PM

المروحة سليمة، والبطارية نفس مقاس الوكالة، ورديتر المكيف نظيف

الذيب مصلوخ

25/04/2009, 09:54 PM

رحت ودرت ولم أجد الحل!!!

دله وفنجال

25/04/2009, 09:55 PM

السلام عليكم...

طيب لايصير نوع الغاز الي انت معبيه ماهوب اصلي...

لان الغاز لاصار ماهوب اصلي سرعة برودته اقل من الاصلي وكذلك يسببلك ترسبان بمواصير المكيف وغير كذا مشاكل اكبر...

الذيب مصلوخ

25/04/2009, 09:58 PM

والله أصلي ميه في الميه

بنزرت

25/04/2009, 10:01 PM

يعني انت غيرت البطاريه ثم صارت المشكله بعدها على طول

سديراوي 13

25/04/2009, 10:01 PM

اذا الغاز ماهوب اصلي ترى المشكله منه

الذيب مصلوخ

25/04/2009, 10:06 PM

المشكلة حصلت من أسبوع والبطارية مبطي مغيرها

الذيب مصلوخ

25/04/2009, 10:08 PM

الغاز أصلي 100 فـ 100 ي

أبوسليم

25/04/2009, 10:11 PM

1- ربما ضغط الغاز قليل يعني عايز زيادة
2- ضغط الكمبريسور ضعيف غيره بجديد او مستعمل ضغطه قوي واشرط التبريد عل الواقف وعلى الصلنصيه يعني دوران المكينه دون دوس

ونسأل الله لك التوفيق

الذيب مصلوخ

25/04/2009, 10:14 PM

مع العلم بالليل يبرد والنهار كأنه مكيف صحراوي مافيه ماء

سديراوي 13

25/04/2009, 10:17 PM

طيب هل حرارة الموتر طبيعيه

الذيب مصلوخ

25/04/2009, 10:17 PM

ضغط الغاز بين 40/35 "الطبيعي" لكن اليوم الظهر 65!!!!!!!!!!! وكبينا ماء على الرديتر نزل ل45/50 والله شي يحير حتى الكهربائي انهبل إلا شوي وش!

الذيب مصلوخ

25/04/2009, 10:18 PM

بدون المكيف تقريبا الثلث مع المكيف النص

خوي الساري

25/04/2009, 10:25 PM

شرحك سرا نفس المشكله عندي بالباترول 98 وعسى الاخوان يفيدوننا 00000000شكرا لك لطرح هذا الموضوع00000

دله وفنجال

25/04/2009, 10:26 PM

السلام عليكم...

اخوي ترتفع حرارة الموتر عندك اذا وقفت ,,,

اذا كانت ترتفع فمعناته انه عنك الاديتر يبيله تنضيف ومجاري الماء بلمكينه تنضيف بلضغط العالي ...

لان ارتفاع حرارة الموتر له دخل بتبريد المكيف فارجو انك تشيك على امبير الحرارة...

واذا كانت طبيعية والاديتر ممتاز اذاً ارجع وشيك على المروحة يمكنه تشتغل بس ماتعطي الدفع المطلوب للهواء علشان يبرد المكيف...سبق وصارت معي المشكله هذي...

ولا الكمبرسر فيه بلا ويمكن القلب الي انت مغيرة ماهوب مضبوط او كلتشات الكمبروسور تعبانه...

سديراوي 13

25/04/2009, 10:28 PM

طيب هل مروحة المكيف تشتغل

الذيب مصلوخ

25/04/2009, 10:39 PM

محب البرق

25/04/2009, 10:42 PM

يمكن لازم تنظيف

الذيب مصلوخ

25/04/2009, 10:43 PM

شكلي طفشتكم لكن هذا الواقع

الذيب مصلوخ

25/04/2009, 10:44 PM

أخوي محب البرق ولا يهون الربع كل شي بخاطرك سويتة وخسرت مالله به عليم

دله وفنجال

25/04/2009, 10:46 PM

السلام عليكم...

اخوي قلنا وش سويت بتفصيل الممل حبه حبه وبترتيب...

يعني اول ماسويت وشغيرت والي بعدها صارت المشكله...لجل نعرف وين مربط الفرس...

الذيب مصلوخ

25/04/2009, 10:55 PM

يوم جا الصيف المكيف حارشوي شيكت عليه قالوا الفريون ناقص قلت فظوا الي فيه وعبوه من جديد فريون أصلي، ومشى المكيف تمام التمام شهرين تقريبا، بعدين صرت لا وقفت يحتر ولي مشيت يبرد رحت لواحد ممتاز قالي الكمبرسر ضعيف، وصلح ماذكر سابقا، وضبط تقريبا أسبوع، ورحت له شيك وشيك لقا سلك للبلف الكهربائي "تحت الشمعة اليسرى للسيارة" مقطوع وركب السلك وظبط، وبعد أسبوع نفس المشكلة رحت له اليوم وطار عقلة كل شى تمام فحص وشيك.... إلخ وقال والله أول مرة تصيرلي في حياتي. رحت لغيره وغيره كلهم!!

دله وفنجال

25/04/2009, 11:02 PM

السلام عليكم...

اخوي الذيب هن احد الامرين ياأما ان صاحبك مركبلك قطع غيار تجاري و معبيلك غاز ماهوب اصلي ولا انه مايعرفله..

حل اخير المنظم حق المكيف هل هو شغال حساساته شغاله المكيف الخلفي ابرد من الامامي...

ابو اسامه 2

25/04/2009, 11:06 PM

اذا انت من جده او قريب لها علمني عشان ارسلك لواحد يجيب خبره

واعتقد عندك وحده من الثلاثه

1 - يمكن الفريون عندك يهرب بشكل خفيف وتدريجي الى ما يروح والسبب يمكن ماصوره تهرب او لي ويبغالك في الحاله هذي كبس لي
2 - فيه قطعه زي الكتاوت خاصه بالمكيف ( افيوز كبير مكعب الشكل ) شيك عليه
3 - ممكن يكون القطعه الملتصقه في الكمبرسر اعتقد اسمه كويل الكمبرسر شيك عليه

ونصيحتي لك تجيب كمبروسر جديد وتريح راسك لان اللي تشتكي منه اذا ما طلعت من الثلاثه هذي يمكن الكمبروسر ضعيف ويبغاله تغيير والافضل جديد

اتمنى اكون أفدتك

الذيب مصلوخ

25/04/2009, 11:06 PM

1/ القطع شاريها بيدي.
2/ وش المنظم الي تقصدة؟ ووشهي الحساسات الي تقصدها؟

سديراوي 13

25/04/2009, 11:07 PM

اذا كان على كلامك الماصوره اللى رايحه للمكيف الخلفي بارده
و الماصوره اللى رايحه للمكيف الامامي حاره
فهذا المشكله من بلف المكيف الامامي

بنزرت

25/04/2009, 11:12 PM

كل شي تمام إلا المكيف، بالنسبة لكلتش المكيف تمام. في ملاحظة نسيتها وهي: الماصورة الي رايحة للمكيف الخلفي والثلاجة باردة جدا، والماصورة الي رايحة للمكيف الأمامي حارة والمكيف وأنا ماأشغل إلا الأمامي فقط لأني شغلت الخلفي والثلاجة والجو الخارجي أبرد من السيارة ولوهو عز القايلة!!!

سلام اخوي
مادام على ماذكرت فاكيد بيكون السبب هو اديتر ( مبــــــــــــــــــــــخر )المكيف الامامي اللي يكون تحت الدرج امام الراكب
تشوفه في الصوره الخامســــــــــــــــــــــــــــــــــــــــــــ ــــــــــــــــــه لموضوع اخونا بدوي جنوبي على الرابط
http://www.mekshat.com/vb/showthread.php?p=2156360

دله وفنجال

25/04/2009, 11:14 PM

السلام عليكم...

اخوي السيارات الحديثه كلها حساسات المكيف له حساس داخل السيارة وحساس خارجي عند الكمبرسور الي يسمونه ترومستات...

والمنظم تلقاه على الكمبروسر اذا مانيب واهم اذا كان مثل الفي اكس ار ...

وكذلك الامر الي نبهك عليه اخونا وهو الكويل وهذا مالي علم فيه...

ابو محمد الزهراني

25/04/2009, 11:20 PM

حبيبي اذا انت موظب الكبروسر ماينفع الله يعينك بجديد لا لموظب ضغطه ضعيف

حصلت معاي في الفورد

ابوخالد المطيري

25/04/2009, 11:21 PM

مساك الله بالخير يمكن يكون زيت المكيف قليل

الذيب مصلوخ

25/04/2009, 11:21 PM

بالنسبة للمكثف فتم فكه وإخاجة وتنظيفة والتشيك على التهريب وكذلك تغير فلتر الفريون الذي بداخله الصفاية والاولى كانت سوداء والجديده بيضاء

الذيب مصلوخ

25/04/2009, 11:24 PM

الكمرسر غُيرت البساتم التي بداخله "نص توظيبة" وزيت الفريون تقريبا حطو نص كاسة زيت سديلكو الأمريكي

دله وفنجال

25/04/2009, 11:25 PM

السلام عليكم...

اخوي اجل مالك الا انك تغير الكمبرسر لان البلا منه وهو قلب التبريد بلسياره ونت تقول ان كل شي ممتاز الاديترات والمجاري الخاصه بغاز المكيف والغاز اصلي والمنضم اصلي وشغال والفلاتر شغاله والامور كله 100% .. يعني مابقالك الا انك تعوذ من الشيطان وتغير الكمبرسر والشكوى لله مابليد حيله...

الذيب مصلوخ

25/04/2009, 11:28 PM

والله كأن راكب شيطان على المكيف

الذيب مصلوخ

25/04/2009, 11:30 PM

تدري يا أخ دله وفنجال الي مضيق خاطري هو أن الكمبرسر الجديد بـ4000 ريال وماعليه ضمان ولا يوم والمستخدم أو الموظب تقريباً بـ 600 ريال وضمان شهر

دله وفنجال

25/04/2009, 11:30 PM

السلام عليكم...

الشكوى لله مالك الا الحل هذا وحرص انك اتركب الكمبرسر ونت عنده لان اغلب المحلات بدون ذمه هداهم الله وكذلك الغاز تأكد انه ماهوب اصلي...

ملف علاقي

25/04/2009, 11:32 PM

شوف اخوي فيه بلف داخل السيار تحت الطبلون يسمونه (اكستينشن بلف ) هو الي انت غيرته ولا لا حصلت مع اخوي نفس مشكلت موترك وبدله وكاله وطلع تمام

بنزرت

25/04/2009, 11:33 PM

الذيب مصلوخ

25/04/2009, 11:37 PM

ياشباب بكره إنشاء الله برجعلهم لتغير الكمبرسر بآخر وأرجو أن تدعولي بالتوفيق. والله يجزى خير كل من رد على ووقف معي في مشكلتي وأن يغفرلكم أجمعين وأن لايجعل الدنيا أكبر همنا ووفقكم الله لكل خير... وسأخبركم إنشاء الله بنفس هذا الموضوع عن مستجدات الموضوع وأكرر شكري لكم

ملف علاقي

25/04/2009, 11:38 PM

الكمرسر غُيرت البساتم التي بداخله "نص توظيبة" وزيت الفريون تقريبا حطو نص كاسة زيت سديلكو الأمريكي
ياخوي مشكلتك الكمبروسر!! ماينفع معه توضيب بدله جديد وتراه بالأمارات يقولون 1500درهم جديد حسب كلام واحد يقول بدله هناك عند الوكاله كلفه 1800درهم مع التركيب والعمده علي الراوي وانت تأكد بنفسك 0

دله وفنجال

25/04/2009, 11:38 PM

السلام عليكم...

هلابك اخوي بنزت وكذلك الصورة رقم 3 تقول اذا كان هنالك عطل بأحد اجزاء الكمبرسر فلن يعطي التبريد الازم وخوينا الذيب مسويله نصف توضيب للبساتم والله اعلم ان هذي هي المشكله عنده اشتغل الكمبرسر كم شهر بعد التوضيب ثم صار العطل...

العاااازف

25/04/2009, 11:41 PM

اذا كنت من اهل الرياض ارسل لي رقمك على الخاص

مخطور

25/04/2009, 11:44 PM

ما اعتقد ان المشكله في الكومبريسر .... لو المشكله منه كان مابردت الثلاجه ولا المكيف الخلفي
ارجو ان تعود وتقرا اللي انا كتبته لاني غيرت فيه ا
انا قلت المكثف وكنت اقصد المبخر وهو موجود في الصوره الخامسه وليست الاولى من موضوع اخونا بدوي جنوبي
صحيح الكلام الي ذكر
قبل ماتغير الكمبرسر -- تاكد من تنظيف الثلاجة الي تحت الطبلون
لانها تحتاج الى غسيل مثلها مثل فريون الشباك حق البيت موكل فترة تنزل وتغسله بستم
الثلاجة الي خلف درج الراكب في الطبلون تحتاج الى غسيل من المحتمل المواصير الي تمسك البروده يوجد عليها تراب ولما تثلج ماتثلج مزبوط بسب التراب ومع ذلك تقوم المروحة داخل الثلاجة بدفع الهواء ليس بارد

ارجوووووووو اني افتك
وتقبل تحياتي

الذيب مصلوخ

25/04/2009, 11:48 PM

ملاحظة منسية:
ظغط الفريون والسيارة واقفة 65/55 ولما ندعس بنزين وهي واقفة أيضاً ينزل للمعدل الطبيعي 40/35

الذيب مصلوخ

25/04/2009, 11:50 PM

يوجد ثلاث ثلاجات ثلاجة أمامية ووسطى وخلفية

الذيب مصلوخ

25/04/2009, 11:51 PM

مع ملاحظة أن المكيف عند تغيير الفريوم أول مرة كان ثلج بمعنى الكلمة وبعد شهرين تغير 180 درجه

الذيب مصلوخ

25/04/2009, 11:52 PM

شي يرفع الظغط والحمد لله على كل حال

دله وفنجال

25/04/2009, 11:53 PM

السلام عليكم...

اكيد بس تراك بعد موضب الكمبرسر ...هذي حط تحتها الف خط...

الذيب مصلوخ

25/04/2009, 11:55 PM

يعني الخلل من الكمبرسر

ابو اسامه 2

25/04/2009, 11:59 PM

انا عندي لك نصيحه

لا تغير الكمبروسر الان

قل للكهربائي يسوي اختبار تهريب الفريون عن طريق تعبئته بالهواء كتجربه لمدة يوم كامل وخليه يشوف عيار الساعه

اذا نقصت معناة المشكله في التهريب

ولا تستعجل عليه

خليه يسوي اختبار الى اليوم الثاني والساعه مشبوكه

لان احتمال يكون هناك تهريب ما حد منتبهله

والكهربائيين يعرفون الطريقه هذي زين

هذي نصيحتي لك

لا تستعجل في شراء واحد جديد قبل ما تختبر التهريب

دمت بخير

أمطار الخريف

26/04/2009, 12:00 AM

واضح ان السياره جديده
وممكن صار فيهاء عين من شخص كان نفسه فيهاء
لاكن اذا ماكانت عين يمكن يكون التماتيك حق المروحة فيه مشكله او ضعف او عطل
لانه عندما تسير بلمركبة يكون معاك اوكيه بس تقف يقل الهواء فيسبب لك المشكله
ان شاء الله تكون بصحه وسلامه ...

دله وفنجال

26/04/2009, 12:01 AM

السلام عليكم...

الله اعلم اخوي تبي نصيحه قبل لاتشري جديد رح لم التشاليح او الي يقولولك موضب وعليه ضمان ركب واحد كنك تبي تشري وجرب اذا اشتغل الكمبرسر وبرد المكيف فمعناته منه وخله يفكة وعلطول خذلك جديد.. واذا والله العله هي هي فمعنات ان الكمبرسر مضلوم ولاله دخل...

جرب الي قلتلك لجل لاتدفع 4000 ريال ثم مايطلع هو...

الذيب مصلوخ

26/04/2009, 12:09 AM

برجع للأول لأن الضمان الظاهر مازال ساري وآخذ برايك السديد وإنشاء الله تكون المشكلة بسيطة جدااااا ولا تكون عويصه آآآآآآآآآآآآآآآآآآآآآآآآآآآآآمين

ابو شجاع

26/04/2009, 12:15 AM

السلام عليكم ورحمة الله وبركاتة:

اخوى الذيب مصلوخ

ما اقدر افيدك الا بهذا الرابـط ارجو مراجعتة واتمنى انى افدتك
http://www.mekshat.com/vb/showthread.php?threadid=201834&goto=newpost

دله وفنجال

26/04/2009, 12:15 AM

السلام عليكم...

اخوي الذيب هذا خوينا الغالي ابو شجاع كاتب موضوع ومبين مشكلته مع المكيف يمكنه نفس مشكلك بسنه حاط رقم الرجال الي موصي علية ويمدحة وهو سعودي ...

هذا رقمه..

رقم جواله:0564779879
اسم صاحب المحل:ابـــو نــايف

او ادخل على موضوعه يمكن يفيدك...

الوسم

26/04/2009, 01:03 AM

اذا كان على كلامك الماصوره اللى رايحه للمكيف الخلفي بارده

و الماصوره اللى رايحه للمكيف الامامي حاره

فهذا المشكله من بلف المكيف الامامي

والله أعلم إن المشكلة في وعلى حسب كلامك إن مواسير الخلفي باردة والأمامي حارة !!
((بلف الثلاجة الأماميية))

وتراها قد صارت معي تقريييييييباً نفس مشكلتك ولكن بدون ضعف في البتبريد يوم سمعت صوت صرير من المكيف عند تشغيل المكيف ثم تلقفت وعبيت فريون من محل كهربائي عادي من الصناعية وإضاهر إنه تجاري وهو اللي أعدم الكوبريسور ودورة التبريد عندي

وبعدها إضطريت أني أودية للوكالة وأغير الريديتر والكموبريسور مع التنظيف بزيت رقم 12 مع البلوف الأمامي والخلفي

يعني ما باقي إلا المواصير ما غيرتهن

وأبشرك الآن من فظل الله تمااااااااااام

وعندي لك ملاحظة من خبرة وإن شاء الله تفيدك :-

ركب مروحة تبريد نفس مروحة المكيف وبجانبها زيادة في التبريد على الكومبريسور عندما تكون السيارة واقفة
وغير دورة الموية مع التنظيف ولكن حط بلف حرارة ديزل لأنه يبي يفرق معك حتى في حرارة السيارة وبشكل مستمر وللأفظل بإذن الله

سديراوي 13

26/04/2009, 02:10 AM

والله أعلم إن المشكلة في وعلى حسب كلامك إن مواسير الخلفي باردة والأمامي حارة !!
((بلف الثلاجة الأماميية))

وتراها قد صارت معي تقريييييييباً نفس مشكلتك ولكن بدون ضعف في البتبريد يوم سمعت صوت صرير من المكيف عند تشغيل المكيف ثم تلقفت وعبيت فريون من محل كهربائي عادي من الصناعية وإضاهر إنه تجاري وهو اللي أعدم الكوبريسور ودورة التبريد عندي

وبعدها إضطريت أني أودية للوكالة وأغير الريديتر والكموبريسور مع التنظيف بزيت رقم 12 مع البلوف الأمامي والخلفي

يعني ما باقي إلا المواصير ما غيرتهن

وأبشرك الآن من فظل الله تمااااااااااام

وعندي لك ملاحظة من خبرة وإن شاء الله تفيدك :-

ركب مروحة تبريد نفس مروحة المكيف وبجانبها زيادة في التبريد على الكومبريسور عندما تكون السيارة واقفة
وغير دورة الموية مع التنظيف ولكن حط بلف حرارة ديزل لأنه يبي يفرق معك حتى في حرارة السيارة وبشكل مستمر وللأفظل بإذن الله[/center]

ماشاء الله عليك شرح وافي وكافي
لكن المشكله اللى صارت لي نفس مشكلة اخونا الذيب
صار المكيف الامامي حار والمكيف والمكيف الخلفي بارد

واكتشفت ان المشكله من بلف المكيف الامامي وغيرته
والحمدلله المكيف صار افضل

الوسم

26/04/2009, 05:37 PM

بدون المكيف تقريبا الثلث مع المكيف النص

وينك يا صاحب الموضوع

(((( رميت علينا حصاة وخليتنا نحتريك ))))

شف الردود وعلمنا وش صار معك

الوجيه 96

27/04/2009, 01:41 AM

انا ماقرأت اردود كلها ولكن
1- فيه الكتاوت الي تحت الدرج تأكد منه وروح للكهربائي يتأكد منه
طبعا اذا دعست بنزين يرتفع انبير ضغط الماكينة الى 1600 لفه يعني فوق الواحد بشرطيتين وييرد معاك
اذا هذه مشكلة وزن صوت الماكينة لازم يعلى عشان يقدر لماتشغل المكيف يرتفع الانبير ويشغل المكيف

VXR.2007

27/04/2009, 02:06 AM

سلام اخوي
مادام على ماذكرت فاكيد بيكون السبب هو اديتر ( مبــــــــــــــــــــــخر )المكيف الامامي اللي يكون تحت الدرج امام الراكب
تشوفه في الصوره الخامســــــــــــــــــــــــــــــــــــــــــــ ــــــــــــــــــه لموضوع اخونا بدوي جنوبي على الرابط
http://www.mekshat.com/vb/showthread.php?p=2156360

اتوقع مثل ماقال اخوي بنزرت اديتر المكيف ياليت تشوفه

تركي1127

27/04/2009, 02:37 AM

غير تماتيك المروحة
قيمتة 290ريال
وماجاك عندي

ابوعراده

27/04/2009, 09:35 AM

غير تماتيك المروحة
قيمتة 290ريال
وماجاك عندي

انت :good:

الذيب مصلوخ

27/04/2009, 10:57 PM

السلام عليكم ورحمة الله وبركاته
مساكم/صبحكم الله بالخير يا الربع.
توني راجع من الصناعية وكنت بها من الساعة 2 ظهرا ولم أجد حل للمكيف حتى الآن، آخر شي وصلت له هواش مع راعي المحل وشل وخل وهات وخذ لين وصلنا لحل يرضيني، وألحين وش السوات المكيف مازال العطل به، وأرجو لحل سريع لمن يعرف الحل أو مر بهذي المشكله. وشكرا

fahd saad

27/04/2009, 11:45 PM

الله يعينك والأخوان مشالله مابقوا شي

صحاري 97

28/04/2009, 12:23 AM

نصيحة مجرب
سيخ الاديتر

الوسم

28/04/2009, 01:10 AM

إنا لله وإنا إليه راجعون

عزالله إن الربع ما قصروا بصراحة

لكن أنت الله يهديك بعد ما فهمتنا وش صار معك بالضبط

يوم إنك تقول إنك في الصناعية من الساعة 2 الظهر ؟؟؟

وش سويت 0000؟؟؟ أو بالأحرى وش غيرت 00؟؟أو حطيت جديد 00؟؟؟

وما هو الحل اللي تقول إنه أرضاك عند الورشة ؟؟

هل 0000 طبقت نصايح الأخوان ؟؟

هل 0000 غيرت قطع جديده ؟؟

هل 0000 فحصت كلٍ من مستوى الظغط في الفريون أو الثلاجات أو الثيرموستات أو المراوح عند المكيفات أو الثلاجة الوسطية ؟؟

هل 0000 فحصت أديتر المكيف والفلتر الموجود فيه لأن فيه فلتر مثل الكيس المعبأ بالرمل بشكل طولي بأحد الجوانب ؟؟

وأهم سؤال 00000 وأتوقع إن المشكلة عندك منه 000000

كم توصل معك حرارة المحرك ؟؟

لأنه وبسب الخبرة اللي كونتها عن التكييف في مكيفات التويوتا 000 بأنه يوجد حساس يقفل الكوبريسور عند وصول درجة حرارة السياره إلى النصف وقد أعطيتك حل هذه المشكله في أحد ردودي السابقة

ولا تنسى !!!! علمنا وش صار معك

الذيب مصلوخ

04/05/2009, 08:50 PM

آآآآآآآآآسف جدا جدا على التأخر بالرد، الحل إني أخذت دراهمي كاملة والورشة أخذت القطع اللي ركبوها والآن لي تقريبا أسبوع بدون مكيف. وإنشاء الله إن الله بوفقني بانهاء مشكلتي. وشكرا للجميع وشكر خاص للوسم ولكل واحد...

الذيب مصلوخ

04/05/2009, 08:59 PM

وبانتظار ردودكم المفيدة لعدم حل المشكلة إلى الآن

شاص1988

04/05/2009, 10:03 PM

هلا وغلا
اخوي الله يعينك على بلواك والجي دائمنا يخرب ونا معرفتها

Nasser-ahah

04/05/2009, 11:01 PM

0531834606
إختصاصي مكيفات أنا معي Gxr 97
صلحته عنده الرجال أمين ولا هوب راعي لف ودوران

الذيب مصلوخ

11/05/2009, 04:26 PM

السلام عليكم ورحمة الله وبركاته، تصدقون بالله يالربع لين ألحين ماضبط المكيف. إدعوا الله أن يحل لي المشكله وشكراً

ابو خالد 1992

11/05/2009, 06:17 PM

والله ياخوي هذي مصيبة ماهيب مشكلة الله يكون في عونك انت ماقصرت و الشباب بيض الله وجيهم ماقصرو فصلو الامور باتفصيل ما شاء الله عليهم , بس تذكر الفترة السابقة فية احد ركب معك ومدح المكيف ولاذكر الله ؟ ؟ ؟ او معروف بعيونة الكحيلة ؟ ولوهي عين مالك إلى تبيع الموتر ( وجهة نظر )