تانكي ماء للجيب الصالون.... صور

[الضاري]

السلام عليكم ورحمه الله وبركاتة

تانكي ماء للجيب الصالون..
يقع التانكي في أسفل الجيب الخلفي ( تحت الشنطة )

هذا موقع التانكي..

http://www.mekshat.com/pix/upload/images5/mk658_tan11.jpg

وهذة صورة أخرى للتانكي

http://www.mekshat.com/pix/upload/images5/mk658_tan22.jpg

من هنا تعبئة التانكي بالماء..

http://www.mekshat.com/pix/upload/images5/mk658_tan33.jpg

تحياتي للجميع

[أبو فراس]

السلام عليكم ورحمة الله وبركاته

ولكن الاستبنة وين راحت

[الضاري]

الأصل كُتب بواسطة abu feras
السلام عليكم ورحمة الله وبركاته

ولكن الاستبنة وين راحت

الأستبنة يالغالي في خلف الموتر مثبتة.

[مهيلان]

شكرا لك يا الضاري

هل التانكي ستيل او حديد ؟؟

مبروك الكمره الجديده ... وماشاء الله عليك تصويرك ميه ميه

وش نوعها ؟؟؟


وسلام

[أبو فراس]

السلام عليكم ورحمة الله وبركاته

اخوي الضاري ولكن جيبي ( GXR 2003 ) والاستبنة تحت ولذلك ما راح استفيد

عموما عساك على القوة

[الضاري]

السلام عليكم ورحمه الله وبركاته

أخي العزيز / مهيلان
ياهلا وحياك الله..

والله يالغالي التانكي حديد .. وسبب تصويري له من أجل الفائدة لمن يريد أن يفصّل حديد أو ستيل..

والله يبارك بعمرك ..

رحت ادور كميرة سوني لقيتها 890 ريال والميزانية أقل من المبلغ هذا ولا لقيت ماركة مشهورة الا كوداك ب500 ريال 2 ميقا وركبت فيها شريحة 128 ميقا وبصراحة فيها مميزات مناسبة ..

تحياتي يالغالي

هلا والله بأبوفارس
وعليك السلام ورحمه الله وبركاته

والله يالغالي ودي افيدك .. لكن التانكي يفيد اللي استبنة موترة مثبتة بخلف الموتر..
تحياتي

[hakim]

تسلم علا ها الصور-----السؤال:كم وزن التانكي فاضى؛ هل التانكي واضح من بره؛وكم لتر ياخذ؛وتقريبا كم سعره ؛ ووين احصله؟ ---------------------------------- تحقيق هاذا مهوب سؤال:D

[بركان]

اخوي الضاري شكرا على هذه المعلومة المفيدة واسمح لي بهذه الاضافه:

انا مركب واحد زي اللي في الحكايه وهو مثله من البداية الى النهايه.
وهو لا يصلح الا لاهل اللاندكروزر (استبنه تعليق).
اما لمن خلفيته لكزس فالله يخلف عليه ( خل مظاهر اللكزس تنفعه)

انواعه:
حديد
ستينلس
المونيوم

فصلت المونيوم سعة (90) ليتر كما يقول اصحاب الورشه والا انا ما عديت اللترات, فصلته بمبلغ 1000 ريال.
وللعلم فقد بعت الجيب ( م 97) ونزلت التانكي على اساس اني باركبه على الموتر الجديد ومن سوء الحظ فهو لا يركب على الموديلات الجديده. لذا قررت عرضه للبيع ومن اراد شرائه فما يغلى عليه, استخدام محدود عبيته 4 مرات فقط وعمره 7 اشهر.
جربت تانكي الماء اللي معي ومع الاصحاب عملي ومريح جدا ولا يزعجك لكونه خارجي وقد عمل بطريقة انسيابية لا يمكن ان يرى الا ان تدخل تحت السياره يعني مخفي.

[الضاري]

ياهلا ولله بـ hakim

على قولتك هذا تحقيق ماهو .. اسئلة عادية؟؟؟

أحد موصيك علي..:D :D :D

آمر يالغالي..
وزن التانكي ؟؟ لم أقيسة لأني شفت التانكي بجيب واحد من الربع (( أنبسط يابوعبدالله دخلت الأنترنت من أوسع ابوابة :D أنت وتانكيك هاللي مثل صوابرك )) المهم طيران لموتري وجبت الكميرة وطقيتة كم صورة علشانكم..

التانكي غير واضح من براء .. يعني ( مخفي )

ياخذ حوالي 90 لتر

سعرتفصيل التانكي / 450 ريال

تحصلة عند أقرب ورشة لك .. حسب طلبك.. لكن رح لورشة شغلهم مضبوط:good: علشان ما يخرب عليك.


v^v^v^v^v^v^v^v^v^v^v^v^v^v^v^v^v^v^v^v

ياهلا والله ببركان ..
أستهلت وأمطرت ..

راحوا فيها راعين الخلفية اللكزس:D

تسلم يالغالي على هالاضافة .. والله يخليك لنا.

v^v^v^v^v^v^v^v^v^v^v^v^v^v^v^v^v^v^v^vv^v^v^v^v^v ^v^v^v^v^v^v^v^v^v^v^v^v^v^v

[ابو الجود]

السلام عليكم ورحمة الله وبركاته
الى اخواني الي معهم جيب تويوتا لاند كوزر بخلفيه لكزس فقط
ابشــــروا لايهمونكم الي معلقين الأستبنه خلف الشنطه كانه من تراث الحرب العالميه التانيه .
ادخلو الى هذا الرابط وشفوا كيف يمكن حل مشله تركيب خزان ماء اسفل السياره.

http://www.mekshat.com/vb/showthread.php?s=&threadid=18858 السلام :p :p

[الضاري]

مشكور يابو الجود على هذة الأضافة ..

[الفياضي]

شكرا يااخوي الضاري على هذا التصوير المفصل للتانكي وبيض الله وجهك

[الرماي]

مشكور على هذا الموضوع


ةعلى فكره في للسفاري الموديلات الجديده

واستخدامه ممتاز

[ابوفزعه]

اخوي الضاري


السلام عليكم ورحمة الله وبركاته


بالنسبه للسعر انا ركبته قبل سنتين ب400 ريال

وصناعة الحديد ياباني وعلى فكره ماشاء الله على التانكي ماتغير علي

انتبهو يالربع من بعض الصناعات للحديد لانه خلال 6 شهور يصدي ويصب ماء احمر من سوء الصناعه

ارجو اني افدتكم ولكم شكري

[الضاري]

السلام عليكم ورحمه الله وبركاته

الأخوة الأعزاء..

الفياضي ... ووجهك إن شاء الله ولا شكر على واجب يالغالي .

الرماي ... مشكور على الأضافة ومرورك الكريم .

ابوفزعة ...مشكور على أضافتك ومرورك الكريم على الموضوع وكلامك صحيح ... لأن التانكي اللي معي خرب علي ويا تأخر الماء بالتانكي يطلع لونة أحمر قليلا ... ولذلك حولتة للغسيل فقط.

أشكركم جميعا على أضافاتكم ومروركم الكريم.