المساعد الشخصي الرقمي

مشاهدة النسخة كاملة : من يفسر لي هذه الظاهر؟؟؟؟


واطي الجمرة
26/04/2009, 12:03 PM
السلام عليكم
واسعد الله صباحكم
اليوم ياشباب رحت لمغسلة سيارات وقمت بغسيل الشيروكي.......وقلت بالمره خلني اطلع فلتر الهوا وانفخه وانظفه عقب هالغبره الي جتنا لي يمكن شهرين مانفخته المهم طلعت الفلتر وانتم عاد تخبرون الفلتر يجي ناشف ويتطاير منه الغبار عادةً,,الا فلتري اليوم؟؟؟؟يوم طلعته ماطار منه غبار؟ وكان فيه زيت؟؟؟؟متشبع قليللا بالزيت؟؟نفخته بلي المغسله القوي دون فائده؟

مع انها صارت لي اول مره

سؤالي مادلالة وجود الزيت في فلتر الهوا؟؟؟
هل هي دلاله لقرب حدوث شئ؟؟؟او عطل في شئ

مع العلم ان المكينه عندي فيها رشح زيت خارجي طبيعي تقريبا؟؟؟؟


افيدوني بارك الله فيكم
Cool 3la 6ooL
26/04/2009, 12:28 PM
تأكد لاتكون حاط علبة زيت فرامل او دركسون جمب علبة الفلتر وانكب شوي منها.
الكيان
26/04/2009, 12:36 PM
ممكن الفلتر غير اصلي وشيك على زيت المحرك يمكن يكون ناقص وتسرب بطريقة او اخرى الى داخل الفلتر وهذا اللي افسره لك مع العلم ان خبرتي بالشيروكي محدودة ولكن أسال لك ناس معهم شيروكي وارد عليك والله يوفقك..
كاسر الأمواج
26/04/2009, 12:41 PM
بالنسبة لي كانت معي مرسيدس وهذا يدل على بوش خفيف في المكينة

ولا تشيل هم اهم شي لاينقص الزيت وماعليك

وبالتوفيق
واطي الجمرة
26/04/2009, 12:41 PM
يارك الله فيكم
بالنسبه لأخي كول على طول--لايوجد اي علبه او زيت حول الفلتر

اخي الكيان الفلتر اصلي من المتحده والسياره تنقص زيت بس طبيعي يعني في 3000كيلو علبه

اخي كاسر انا اخاف مما ذكرت؟؟
Black VTC
26/04/2009, 03:16 PM
انا اعتقد ان الغبار مع رطوبة المطر هي سببت تطين شرائح الفلتر واللي هي مصنوعة من الكتان والكربون مشكل طبقة اسفنجية لترشيح الهواء وادخاله الى الماكينة بدون شوائب ... فالغبار الدقيق و الرطوبة اللي عقب المطر مع عامل تركه مدة طويلة بدون تنظيف سبب تشكله بهالشكل اللي زي الزيت يعني غير الفلتر و خله شهر الى 45 يوم وشف اذا تكررت المشكلة ....
واطي الجمرة
26/04/2009, 04:50 PM
بلاك فتك بارك الله فيك بجرب اركب جديد واشوف

لكن يبقى السؤال ؟؟؟هل لها دلاله؟؟
سوبر VTC
06/07/2009, 03:12 PM
و عليكم السلام و رحمة الله
اخوي واطي الجمرة
عندي جمس 2001
و شيروكي 2001
كلهن الفلاتر بهن زيت
السبب
انت عندك و عندي لي مبرد (لي التبخير) راس المكينة يخرج من غطاء راس المكينة الى القربه
اي الى الفلتر
في هذه الحالة يتبخر الزيت من شدة الحرارة و ينتقل عبر اللي الى الفلتر
اي الى الفلتر
ثم يترسب على الفلتر مكونا طبقة زيت او رشح
طبعا انا اقول لا تخاف اطمئن
الوضع طبيعي جدا
و لاحد يخدعك
من حقين الورشات
تحياتي