كـــــارونة الجــــمس جننــتـني

[bmw_07450]

:no: :no: :no:
السلام عليكم ورحمة الله
اخواني الافاضل
عندي جمس يوكن دفرنس واحد شاصي قصير
ضربت عندي الكارونة بحيث صارت تطلع صوت احتكاك بعد سرعة 30 كلم
وديتها الورشة قالي جيب كارونة جديدة من الوكالة مع الصوف والرمانات رحت الوكالة وشريتها الي هي
ترس وبنيون ورمانات وصوف ووجه للدفرنس وزيت بالبيد 140المهم ركبها الميكانيكي وجربت السياره ورجع الصوت على سرعة 140 وفكها مره ثانيه ووزنها وجربتها ورجع الصوت للمره الثالثه والله قفلت الاخلاق مع العلم اني خسرت عليه الى حد الان 4500 والنتيجه لاشيئ
اتمنى من خبراء الجموس ان يدلو بدلوهم والي يعرف ورشه مجربه يدلني عليها طبعا تكون في الرياض

حفظكم الباري

[Cool 3la 6ooL]

فيه اختبار لوزن البينون وترس التاج عن طريق بويه صفراء تبين لك مكان التصاق ترس البينون وترس التاج
اطلب من الميكانيكي يسويها لك على شوفك الين تتاكد انها موزونه

وان شاء الله الشباب بيفيدونك اكثر

[مخاوووي الليل]

أخوي الي اسمعه من الناس أنها ماتصلح لابد من التشليح
انا خربت مع عمي وشريتها له من تشليح الحاير
والحمدللله له سنتين لحد الان

والشباب فيه الخير والبركه يفيدونك

[yfd]

اولا اللي ركبها لك شكلها يتعلم شوف لك واحد مجرب ولا رح للوكاله دامها وصلت هالخساير

وذا نويت تفكها مره رابعه خله يغير الزيت حط زيت فوكس جي تي ازين من بالبيد بالف مره
ولله يوفقكك .. ورشه ابو عمر على طريق حفصه بنت عمر تقاطع خالد بن وليد رساله على الخاص لتوضيح الوصف >>>

[ملف علاقي]

اولا يااخي ليش تستخدم زيت بالبيد 140 هذا غير مناسب للدفرنسات ولا كن الميكانيكيه يطلبوه علشان يغطي عيوب الدفرنسات إذا كان الشغل لك عليه الزيت هذا مع الحراره يتمدد ويفقع عليك الصوف ومع البروده يتجمد زي الشحم ومادام وصلت هاالتكاليف ليش ماشريت دفرنس كامل من التشليح افضلك مثل ماتفضل بعض الأعضاء وانت ماعندك اي مشكله لواختلف الريشو او المديل لأن موترك بدون دبل تحياتي للجميع