المساعد الشخصي الرقمي

مشاهدة النسخة كاملة : اللاندكروزر اخضر والا احمر ؟


غربي هواوي
27/04/2009, 03:28 PM
السلام عليكم





كيف حالكم

يالربع انا شريت يوم السبت جيب 2002 جي اكس ار الله يبارك لي فيه ويكفيني شره

وقالي راعيه انه يعبي بنزيم اخضر انا ما اعجبني هالشيء صفرت التوانك وعبيت بنزيم احمر وكل شيء كان طبيعي الممشي صوت المكينة لكن اللي لاحظت انه عند التشغيل كان بالاخضر من اول نقرة يشتغل اما بعد الاحمر لا كأنه يتأخر قليل

ف وش رايكم بالنسبة لمثل هالموديلات وش افضل بنزيم


والسلام ختام
VXR.2007
27/04/2009, 05:01 PM
مبروك على الموتر والله يكفيك شره
انا اعبي بنزين احمر ثم عبيت بالغلط اخضر مادريت بس مثل ماقلت اذا جيت تشغل الجيب مافيه صوت مثل اول يعني كنه هيلوكس او مثل كذا ثم يوم خلص الاخضر عبيت احمر وضبط صوته الحين اذا جيت اشغل الجيب يافح صوته قلت هذا الجيب والا بلاش وانا اقول لاتبعد عن الاحمر
دله وفنجال
27/04/2009, 05:36 PM
السلام عليكم...

والله ونا اخوك معي موتر 2006 في اكس ار ما اعبيه الا اخضر ولا شفت شي ولله الحمد ...

لو تقراء الكتاب المرفق تبي تلقاه يقولك عب 91 الي هو الاخضر ...

اخواني والله مافية فرق لامنك عبيت اخضر او احمر للجيب التايوتا بس الناس شي نفسي يعبون احمر...


وعلى طاري الاخضر والاحمر هذا واحد من الربع معه باترول قديم يوم طلع التصنيف الجديد للبانزين صار مايعبي الا من الاحمر قلتله يافلان وراك على الغالي.. قالي ابد موتري يتعتع لاعبيته اخضر.. قلتله والله الي انت اتعتع قيمت البانزين حق سنه اغلا من موترك... مع انه عندنا باترول قديم 97 احدث من موديله ولا انعبيه الا اخضر وماشفنا شي...بس الرجال يتوهم...


اسف على الاطاله...
غربي هواوي
27/04/2009, 07:29 PM
شاكر مروركم

وبالنسبة للفرق انا ما لاحظت فرق

الشيء الوحيد الللي الاحظه انه بعد الاحمر ما يشتغل من اول نقرة هذا قصدي

يعني ارجع للاخضر احسن والا شلوووون
صقر الحراملة
27/04/2009, 08:27 PM
و الله براحتك بس أنا أعبيه أحمر ... و يمكن على قول الرجال شي نفسي

و لكن اللي لاحظته أن الأخضر ينتهي بسرعة يعني ما يمشي مثل الأحمر لأنه خفيف

و برضه يقولون الأخضر يخرب الطرمبة في بعض السيارات

و تحياتي
دله وفنجال
27/04/2009, 08:41 PM
السلام عليكم...

اما من ناحيت الممشا فتراهن واحد..شغلي كثير بلمنطقة الشرقية وتردد مابين الشرقية والرياض شبه اسبوعي.. ولا اعبي الا من الاخضر ومرة قلت ابعبي من الاحمر وشوف الفرق لقيت مافية فرق ابد ابد ابد الموتر على سرعة 140 كيلو ادخل الخبر وباقي فيه الربع مافيه فرق بين النوعين وهذا من باب تجربه ..

الاحمر مخصص اغلبه للسيارات وارد المانيا والاوروبيه بشكل عام وبعض السيارات اليابانيه والامريكيه وليست كلها...

والافضل كلن يقراء الكتلوج ويناضر...
L I M I T E D
27/04/2009, 08:48 PM
وعلى طاري الاخضر والاحمر هذا واحد من الربع معه باترول قديم يوم طلع التصنيف الجديد للبانزين صار مايعبي الا من الاحمر قلتله يافلان وراك على الغالي.. قالي ابد موتري يتعتع لاعبيته اخضر.. قلتله والله الي انت اتعتع قيمت البانزين حق سنه اغلا من موترك... مع انه عندنا باترول قديم 97 احدث من موديله ولا انعبيه الا اخضر وماشفنا شي...بس الرجال يتوهم...

الباترول عن تجربه بالبنزين الاخضر
يتعتع اذا صار مشتغل وقعد 10 دقايق وهو واقف

اما بالنسبه للفرق " اللي انت مخليه فرق السماء عن الاض "
مايفرق اكثر من 9 ريال بين الاخضر والاحمر
قطب 999
27/04/2009, 08:54 PM
فكر بالاحمر
دله وفنجال
27/04/2009, 09:09 PM
السلام عليكم...

هلابك اخوي لميتد المقصد بلموضوع ان البانزين بشكل عام اغلا من قيمت الموتر موديله 87 سوائن اخضر ولا احمر...
ومن ناحيت التعتعه لا والله مواتر ربعنا باترول فيه منهن شي قديم وشي جديد والحمد لله مانعبيها الا اخضر ولا شفنا تعتعه ولا يحزنون ...

ومن ناحيت الفرق اكيد مافيه فرق واجد لاكن السوالف بين الربع لابد ان يتخلله نوع من الدعابه...ولا وشوله ربع ورفاقه ...
ابوفرايديز
27/04/2009, 09:39 PM
الاحمر افضل وخل عنك القرقر ههههههه