خوش توفير

[مهل]

بسم الله الرحمن الرحيم
بدايه البلاء مع ايسوزو دماكس 2004ديزل قطع من المسافه 160000 كيلومتر فقط ويبدوا ان هذه المسافه كانت القاضيه لم تغني عنه وكالة اليمني بعدها شيئا وتبرئت منه بحيلة ماكره
عندما أضائت لمبة مؤشر الماء في الديزل توقفت السياره جامدة بلا حراك حاولت اصلاحها بنفسي لكني عجزت سحبتها الى اقرب ورشه واجتمع عليها خبراء الحديد كل يبدي فيها رأيه ويعيد ولم يكونوا بأحسن حال مني وفي النهايه ربطوا ماحلوا واعلنوا فشلهم معها غير انهم اشاروا على ان اذهب بها الى الصناعيه القديمه وبالتحديد شارع العويضه حيث الورش المتخصصه في اصلاح طرمبات الديزل واستبشرت بهذه المشوره واضمرت في نفسي ان اصبحهم غدا قبل تقاطر الزبائن


ومع هبات نسيم الصباح الباكر كنت في الصناعيه في شارع العويضه اتقلب بين اعطاف الورش من ورشه الى اخرى اسائلهم وفي قلبي الاجابه اسائلهم وشكي يعتريني حتى ورش الحداده والسباكه لم اهملهاوالجميع كانت اجاباتهم كالتالي الهندي منهم (صديق سياره هازا طرمبه كهربا مافيه نفر صلح ودي وكاله) الباكستاني(خراب كتير هازا اخسن ودي وكاله هازا كهربا) المصري(نفسي اعرف ايه اللى محببكوا في الكهربا بص دي طرمبه كهربا اوعا تروح لحد تاني من النصابين دول عالوكاله على طول والوكاله كمان مش حتعمل فيها حاقه حتوديها لابوظبي في الامارات) السوري( شوف حبيبي لاتلف ولاتدورريح بالك هاي طرمبة كهربا لو كانت ميكانيكيه كان على عيني وعلى راسي بحاول فيها لكن مثل مانت شايف مالها الا الوكاله) البنقالي( قرقركتيرمايبغى ودي وكاله)


خرجت من ورشهم وفي ظني ان الوكاله بيدها العصى السحريه التي تضرب بها على كبوت السياره فتحيلها جديده وفي صباح اليوم التالي توجهت بسيارتي الدماكس المتعطله تقلها السطحه برعاية الله الى حيث خبراء الصيانه الذين اجتمع اهل الحل والربط في ورش طرمبات الديزل على ريادتهم في هذا المجال- وبئس مأجتمعوا عليه - واخترت وكالة اليمني على طريق خريص اكملت اجراءات دخول السياره للورشه وانزلوا السياره خارج الورشه والسبب ارجعوه الى الزحمه في الداخل ووعدني الموظف المختص انهم سيتصلون علي بعد ثلاثة ايام وكذب لم يتصل على احد منهم ولا بعد اليوم السابع- لعلهم استكثروا خسارة المكالمه- بل انا من اتصل بهم وكل موظف يحيلني على الاخر حتي اتى على السياره سبعة ايام عجاف بلياليهن واظنها اغلب تلك الايام خارج الورشه
ذهبت اليهم لاستجلى الخبر من خبراء الدماكس فتلقيت هذه الصفعه القويه من شركة اليمني للسيارات الوكيل المعتمد لسيارات ايسوزوا حيث ناولني الموظف المختص هذه الفاتوره والتي ظننتها لاول وهله تكاليف اصلاح مركبه فضائيه
http://www.q8boy.com/images/thncf725tdj6vm9e07h.jpg (http://www.q8boy.com/)


فقط سبعة عشر الف وثمان مائة وخمسه ريال وهي قيمة طرمبة الديزل للدماكس التي لا يملك إصلاحها الوكيل المعتمد بل يرسلها الى ابو ظبي وعلى العميل ان يتحمل كافة المصاريف وإن علا سعرها



http://www.q8boy.com/images/ldd4cxcb5fvbvfeoq783.jpg (http://www.q8boy.com/)


وبعد أن دفعت 400 ريال تكاليف الفحص زعموا اخرجت السيارة من ورشتهم ورشة اصلاح جلد المساحات وفحمات الفرامل عاقدا العزم على ان لا أعود اليهم اكرر القول ربنا اخرجنا منها فإن عدنا فإنا ظالمون ولو عرضة على هذه السياره بموديلها الجديد فلن ألتفت اليها بأذن الله مهما قل سعرها


http://www.q8boy.com/images/8xsdumcf8o0l4xay3rd.jpg (http://www.q8boy.com/)


لحظة اخراج السياره من ظلمات ورشة اليمني


اخيرا
كتبت هذه الكلمات تبصرة لكل من تسول له نفسه شراء سيارة ديزل عله يستفيد من تجربتي هذه ويسأل عن قطع الغيار فيحجم قبل أن يقدم ولإن اشتري سيارة تعمل ببنزين طياره اوفر على من دفع تكاليف قطع غيار وإصلاح إسوزوا دماكس ديزل وصلى الله على نبينا محمد

[زايــ ابومحمد ــد]

حسبنا الله ونعم الوكييييييييييييييل00
بس تصلح كاتب روائي (ماشاء الله)
:j :j :no2: :no2: :j :j

[قاصد الصمان]

هذه نهاية ايسوزو الديزل

توفير في قيمة الفرق في البنزين في فترة زمنية طويلة ودفعها في

قيمة الطرمبة مرة وحدة

الله يعوضك خيراً منها

[مركزالعبد]

أعوووووووذ بالله ....

والله لو هي بي ام !!!!

ليه كذا .حسبي الله ونعم الوكيل

[Raselny]

الله يعوضك خير منها ان شاء الله

بس بصراحة قوية الفاتورة
ليش ما تراسل الشركة الأم وتطلعهم على اللي صار معك؟

[ابوسعودد]

لا حول ولا قوة الا بالله

[NOYEB]

http://www.q8boy.com/images/8xsdumcf8o0l4xay3rd.jpg
تلكم النطيحة والمتردية من الفنيين والعاملين البخيسين تجلبهم الوكالات لقلة رواتبهم




فاتورة اصلاح طرمبة الديزل بسبعة عشر الف ريال ...هذا جشع مابعده جشع
حسبنا الله ونعم الوكيل

عوضك الله اخي مهل

[الكابتن]

اكرر القول ربنا اخرجنا منها فإن عدنا فإنا ظالمون


لاحسيب ولا رقيب
وامتعتنا باسلوب كتابتك الرائع والله يعوض عليك

[الوسم]

إنا لله وإنا إليه راجعون

الله يهون عليك مصيبتك

وعسى الله أن يخلفك خيراً منها

[هواي البرr]

اعوذ بالله يابن الحلال طقلك هايلوكس ديزل وما تشوف الا الخير وش تبي بالديماكس الله يعوظك بالازين منها

[شمس المغيب]

حسبي الله ونعم الوكيل وش ذا البلا
التكلفه بعد الخصم تكفي لتوضيب خمس طرمبات ديزل لقلاب مرسيدس وكلها قطع اصلي
لاكن هذا التطور ومايسوي طيب هي ماهي بالظمان ؟؟ولا الظمان بالكيلو

[الشهابة]

حسبنا الله و نعم الوكيل ..

الله يعوضك خير أخي الكريم ..

و الحياة دروس .. و ما احد يتعلم ببلاش ..

بس ولو حاول واسأل في الصناعيات و ورش التريلات يمكن تلقى حل .. و الله يسهل أمرك و يعينك ..

[aflaj12]

الله يعوضك خيرا منها

[قناص خلاوي]

الله يكون بعونك
أخوي دور بالتشاليح لعلك تحصل لك طرمبة ؟؟

[لاتكب البيالة]

طيب يالحبيب الطرمبة ما تقدر تولف له اي شي ولا تشوف لك سيارة ثانية تاخذ منه

خابر واحد عنده غطاس خرب بوه قطعه والوكيل يقول يكلف 2000 يقول ولفت بدال القطعة ب 30 ريال

[شاص1988]

اخوي 2007 الدفعه الثانيه تجيك طرمبه ميكنيكيه والدليل على ذالك الطرمبة 2007 الدفعه الاولا وتحت تجيك فلاتر اثنين لديزل ام الدفعه الثانيه فلتر واحد اسالك ميمنيكي متخصص بعدين يخوي المشكله كله من المحطات حسبي لله عليهم ايصبون في الديزل ماء وهاذ الي يخرب الطرمبه يعدم الريش حقت الطرمبه وفي الاخير المستهلك اهو الي يروح فيه

[مقلع الرمث]

يارجال احب ازيدك من الشعر بيت كل من شفته معه نفس موديل سيارتك او اجدد احصله فاك القير واموضبه وهي لسه جديده

[Abu Saad]

ماشاء الله قصة ادبية ورواية قصيرة(واقعية) قمة في الروعة ...
ونصيحتي دور في التشليح او رهم لها ، وبعها .
وبالتوفيق.

[رقبة حاشي]

لابد ان هناك حل ولكن عليك بالصبر قليلا والبحث والتحري لعل الله يرشدك على حل مناسب
والله معك

[مواسي الطعوس]

لله يعينك اخوي .** رح للقصيم في ورشه بتشاليح القصيم . اسمها ورسة ((اليوسف)) فيها واحد سعودي ممتاز للديزل هي شغله . يصلح طرمبات الديزل الكهرباء وياخذ عليها تقريبا 700 ريال .** اسمه ((ابو محمد الغنيمان )) .** اذا لك احد هناك ارسله له ياخذ موعد ويؤكد لك التصليح .... والا اهل مكشات مايقصرون يمرون عليه ويعطونك العلم او رقم الجوال .** ان شاء الله يضبط لك الامور احسن من الوكاله.نصيحه : اللي يبغى موتر ديزل لايتعدى ((الددسن الدبل ))

[راعي الفتك 9]

ليش فيه قطع إستعمال ياباني من التشليح
أذكر التيربو تعطل علي قيمته في الوكاله فوق 2000

وركب قطعه من التشليح مع التركيب 450 ريال

[شاقي القميري]

الله يعيننا وياك ياأخي عموما هونت كنت ناوي آخذ وحده
بس ضربت فرامل هالحين

[ملف علاقي]

هذه نهاية ايسوزو الديزل

توفير في قيمة الفرق في البنزين في فترة زمنية طويلة ودفعها في

قيمة الطرمبة مرة وحدة

الله يعوضك خيراً منها
كلا اخوي قاصد الصمان والله تمام شوف بحسبه بسيطه وانت الحكم
لوتعبي بنزين بالأسبوع 50 ريال فقط الشهر 4اسابيع
في سنه 2400ريال بنزين في 3 سنوات 7200 ريال في خمس سنوات 12000 ريال حتي الأن ماوصلنا قيمة الطرمبه واليزل في الأسبوع 20 ريال في الشهر 80ريال في سنه 960 في 3 سنوات 2880 في خمس سنوات 4800 ريال وماحسبنا تكلفة الصيانه وقطع الغيار والمخاطره واهم شي بدل ريحه !! يعني دخان الديزل هذي المقارنه ونسبة التوفير وانت الحكم 0000000000000

[شاقي القميري]

عمومآ اخوي مهل الله يجزاك خير ويعوض عليك يابعدي

[mohmad]

الله يعوضك باحسن منها

[مواسي الطعوس]

لله يعينك اخوي .** رح للقصيم في ورشه بتشاليح القصيم . اسمها ورسة ((اليوسف)) فيها واحد سعودي ممتاز للديزل هي شغله . يصلح طرمبات الديزل الكهرباء وياخذ عليها تقريبا 700 ريال .** اسمه ((ابو محمد الغنيمان )) .** اذا لك احد هناك ارسله له ياخذ موعد ويؤكد لك التصليح .... والا اهل مكشات مايقصرون يمرون عليه ويعطونك العلم او رقم الجوال .** ان شاء الله يضبط لك الامور احسن من الوكاله.نصيحه : اللي يبغى موتر ديزل لايتعدى ((الددسن الدبل ))
*****************************
***************************

وين الرجال ؟؟؟ اعطيناك وصف افضل واحد يصلحها ان لم يكن الوحيد على حسب معرفة اهل مكشات .


(((( والا ماصدق خبر يوم قراء طار للقصيم )))

[مواسي الطعوس]

لله يعينك اخوي .** رح للقصيم في ورشه بتشاليح القصيم . اسمها ورسة ((اليوسف)) فيها واحد سعودي ممتاز للديزل هي شغله . يصلح طرمبات الديزل الكهرباء وياخذ عليها تقريبا 700 ريال .** اسمه ((ابو محمد الغنيمان )) .** اذا لك احد هناك ارسله له ياخذ موعد ويؤكد لك التصليح .... والا اهل مكشات مايقصرون يمرون عليه ويعطونك العلم او رقم الجوال .** ان شاء الله يضبط لك الامور احسن من الوكاله.نصيحه : اللي يبغى موتر ديزل لايتعدى ((الددسن الدبل ))
****************8
****************

وين راح الرجال ؟؟؟؟؟؟؟؟؟؟؟؟؟؟؟؟؟؟؟


((( والا يوم قراء الخبر طار للقصيم ))))

[w2007]

الله يعوضك باحسن وأفضل منها

[جب هآت ود عط]

ليييييييييييييه لييييييييييييييييييييه <<<<<<معصب شوي

ياخي وربي ابدعت بالتعبير والله يسلم ايدينك وربي ما يستاهلون تعب كلامك ذا كله

(( 17 الف )) مهب بسيطه زد عليه كم قرش واشترلك هايلكسس والهيب قصور بالدماكسس بس ياخي طرمبه بذا المبلغ والله حرام ياخي يسما نهب ذاا ودكك تشوته

اخوي الله يعينك على ما ابتلاكـــ وهاذي حال الدنيا .......... وربي لو معطيني الفاتوره اقوله تعال تعال وش سويت عشان كل ذا المبلغ يعني بالعقل ,..... والله قهر


والله يعينك ..؟

[البدر1]

اذا ما لقيت حل غير المكينه الي مكينة لومينا 6 سلندر سمعت اها تركب بس يبغى له بعض التعديلات وتضبط

[أبوعمران]

لا حول ولا قوة الا بالله العلي العظيم :(

ياخوك المؤمن مبتلى :(

حسبي الله على هالتجار الجشعين :(

[خوي الساري]

حسبنا الله ونعم الوكيل صار القوي يسرح ويمرح ويبتز المواطن على كيفه0000000000

[عاشق القرى]

انصحكم ياخواني وهذه النصيحة لاابتغي بها الا وجه الله تعالى

اياكم والدماكس فانه خسارة في خسارة

تبي توفر ديزل وتعوض عليها في القطع الغيار

انا معي ايسوزو ديماكس فل كامل دفرنسين تماتيك فلتر لازم تغيره كل شهر ب150 ريال
والدبل يطلع صوت مع كثر استخدامه مثلا وانا ماشي ميه وعشرين ثمن اهدي يطلع صوووت ورحت الورشه ابي اصلحه قال مايتصلح الا بالوكالة رحت الوكاله قالوا اربع الاف وسبع ميه ضاق صدري منهم وطلعت..... والى هالوقت والصوت موجود بالاضافة الى ان القطع غاليه بالحيل...

بالعربي لحد يشتري الا هايلكس لك وللزمن...

[خلاوي 111]

الله يعوضك أخير منها

[ابوريناد1979]

بيض الله وجهك
ليت كل واحد يسوي مثلك

[الرووقي511]

ياخوى ركب لها مكينه بنزين

[عز الدواسر]

قول بها المبلغ تطق لك هلي غمار 2002بنزين..!!!!
هههههه

[ابو نواف المطرفي]

الله يكون بعونك
اقترح عليك انك تكتب عليها ببخاخ وترزها قدام الوكالة
مثل راعي الفياقرا
http://www.shfshf.com/vb/attachment.php?attachmentid=177&d=1168167924 (http://www.shfshf.com/vb/attachment.php?attachmentid=177&d=1168167924)

[hightech]

اذا هذا سعر الطرمبة اجل كم سعر المكينة والقير !!!

الله يعينك وحاول انك تسأل عن سعرها خارج المملكة واخلص منها.

[تميراوي55]

الله يعينك أخوي

مافي زي المستبوشي قوه و صبرا

[VXR.2007]

حسبي الله عليهم والله انه ضاق صدري

[هبوب الصبا]

وش فيها الديماكس ؟
طيب ليه الدينات ايسوزو وتنكرف كرف ولا تقول أح !!

[صايدهم]

حسبنا الله ونعم الوكيل

[مهل]

الحمد لله وحده والصلاة والسلام على من لانبي بعده
يامن منحتموني شيئا من وقتكم الثمين اصداء حروفكم تتردد بين جوانحي وردودكم زادت موضوعي توهجا
اشكركم على تفاعلكم وعرض آرائكم النيرة واقتراحاتكم المثمره لاحرمكم الله الاجر والمثوبه
هذا هو مكشات برجاله الافذاذ نافذة ضخمة تطل بنا على العالم تنير لنا الطريق وتبصرنا بكل مفيد
اما ما كان من امرالسياره فلا تزال امام الباب ركام حديد لافائدة منه تغيضني داخلا وخارجا ولاازال ابحث واسأل واستقصي كل من لاقيت

اركض وراهم وانا حفيان

اركض على حفوف رجليه

قم صلح السوزو ياكومار

لابارك الله بامك الهنديه

وان عاش راسي وانا(...)

لاابيعها ما مشت ميه


مع الاعتذار للشاعر

[لن أمل من العطاء]

اخي مهل

هل قرأت الخاص

كتبت لك رسالة من اول موضوعك

[مواسي الطعوس]

لله يعينك اخوي .** رح للقصيم في ورشه بتشاليح القصيم . اسمها ورسة ((اليوسف)) فيها واحد سعودي ممتاز للديزل هي شغله . يصلح طرمبات الديزل الكهرباء وياخذ عليها تقريبا 700 ريال .** اسمه ((ابو محمد الغنيمان )) .** اذا لك احد هناك ارسله له ياخذ موعد ويؤكد لك التصليح .... والا اهل مكشات مايقصرون يمرون عليه ويعطونك العلم او رقم الجوال .** ان شاء الله يضبط لك الامور احسن من الوكاله.نصيحه : اللي يبغى موتر ديزل لايتعدى ((الددسن الدبل ))


************************8

هذا حلها وقلناه لك وانت بكيفك .

[أبو ياسر العمراني]

الله يعوضك خير منها

[البدراني11]

اخوي مهل ...

لاتكون انت ابو سليمان ;)

والا انا اعرف واحد مثلك متوهق مثل اللي صار لك صار له والى هالحزه ما سوى شي :confused:

بس عندي لك حل اخر غير اللي قالوا الربع -جزاهم الله خير -
وهو انك تسعر قيمة الطرمبة في مواقع النت وتشتريها والا استفزع بواحد من الربع بمكشات يشريها لك ان كانك ماتقدر
والله يعوضك خير منه

ابو سليمان ماتخبر لي طلي ثلاجة طييييييبب بالحيل :D :D :D

[قلب الأسد7E]

الله يعوض عليك بجنات النعيم

[شاص2007]

ركب لها مكينة بنزين

[لن أمل من العطاء]

عندي لك حل
هو انك تركب ل كية يوكون 5300 سي سي
تركب
لان الكلورادو والذي هو الاخ الشقيق للدي ماكس عليه هذه المكينه

[سوبر VTC]

الله يعوضك ياخوي
على الاجر ان شاء الله

المواتر توفيق بعد الله

الان توجد 3سيارات سوزو ديزل مع ربع الوالد
الان لهن تقريبا اكثر من 3سنوات
و لم يخربن
و يتردون عليهن للمزارع
يوم ورا يوم رايح جاي 300كيلو
هذا غير الكشتات و مشاوير الديرة

اخطر ما على الطرمبة اذا كان بالتانكي ماء
يفضل عدم التعبئة من المحطات الصغيرة او القديمة
الطرمبة عدوه الماء

الهايلوكس الديزل م2006 ماشيات فوق 200الف دفرنسين
3مواتر
مع راعين مزارع و لم يخربن

ان بغيت ورشة خبرة
بالدرجة الاولى ابو خالد الكبير بطريق البصر امتداد طريق الملك فهد
غرب الدائري الغربي
يجي بعده بالخبرة
العتيق + الاحمد + اليوسف + الغنيمان

[Lonely001]

احمد ربك ما وديتها للعيسى او با خشب لا كانوا بيطلعون عليك قيمة 4 سيارات
انا اشتري كل سنة ما بين 30 الى 100 سيارة واتضح لي مع مرور الوقت ان d-max من بعد ما تعدي
سنة او بالكثير سنة ونص يخرب التيربو وسعره في الوكالة 6800 وتجاري (ابو طقة) 2850
بس هذا اللي مكتوب علينا وكلاء حرامية 100 %

حسبي الله ونعم الوكيل

[العقارب]

السلام عليكم
احد اسباب خراب الطرمبه .. عدم تغير الفلتر الديزل وهو فلترين وحد جنب المكينه والثاني تحت السواق ..
قيمه الطرنبه في السعوديه 8000 وقيمتها في الامارات 5000 .. هذا واحد من الجماعه مغيرها ..
وكان معي مثل موترك .. لاعن ابوه والي جابوه .. بس محافظ على تغير الفلاتر ولا اعبي ديزل لا هو طافي ولا اخلي لنبه الديزل تولع احول اعبي اذا جاء الانيير على الربع .. ومشى معي 210 الف حتى الفحمات شد بلدها مغيرتها ..

[رفيع المقآم]

الله يجزاك بالخير ويعوضك بخيرا منها

[رقبة حاشي]

الله يجزاك بالخير ويعوضك بخيرا منها انشاء الله ..................

[رقبة حاشي]

الله يعينك أخوي

مافي زي المستبوشي قوه و صبرا


أخوي تميراوي بكم طرمبة المتسوبيشي الديزل ؟؟
او تقصد قطع الغيار ..؟ نرجو توضيح للسيارة التي استخدمتها مع الشكررررر ....................

[براد نجد]

الله يعين واياك وكل مسلم هذا كلة يرجع للوكيل السيىْ وين حنا فية ياناس طرمبة ديزل تصل إلى 17.000 اجل المكينة بكم؟ حسبنا الله ونعم الوكيل

[ابو خالد 1992]

الله يعوضك خير ، حماية المستهلك نايمه وزارة التجارة ما طقت خبر ماتبي الوكيل يلعب على المستهلك خله ياخذ راحته إذا مالقى من يحاسبة . وحسبي الله على من كان على شاكلته وما انسى ان اشكر اخي الكريم توضيح المشكلة بالصورة سواء للسيارة او للفاتورة حتى يتضح للمستهلك واقع الوكيل للسيارة ويحجم عن الشراء وتحذير اي شخص تسول له نفسه شراء مثل هذى الخوابير

[ابومحيميد]

أخي الكريم أنا مثلك كنت من أرباب ملاك الديزل

مابين لاندكروز ومرسيدس وجمس ديزل بعد وسكودا

بصراحة مالقيت الا الغثا ووجع الراس ومشاكل الصيانة

[slooom755]

كان الله في عونك ..

عليك بالورش المذكورة .. من الشباب ..

أشوف اللي ذكرهـ أخوي سوبر فتك .. صحيح للغاية ..

الوالد معه 2005 .. ومشاوير مزارع وكشتات وسفريات .. ولله الحمد ما عانى أي مشاكل منها .. ( ماشاء الله تبارك الله )
ومن كثر ما أعجبته طلع وحدهـ جديدة ..

كذلك العم معه 2004 وماشاءالله .. لم يعاني أي مشاكل ولله الحمد ..

[asdali]

فك دنمو الطرمبة ووده لمصنع لف الاسلاك يفصلون لك عليه بالضبط بسعر 200 الى 300 ريال

وتنتهي المشكلة باذن الله .