مقيظنا هذا الموسم (صور, علاجات ,نصائح )~ تقرير كل شهر

[أبو رداد]

السلام عليكم ورحمة الله وبركاته







مقيضنا القديم الي تخبروه هدمناه

لان البنيان وصل عنده !!
أحترت في أمرالطيور...لان أختيار المكان والبنيان يبطي
أقيظهن ربط ولاأوزعهن على الربع ولاولا
والله يسر الامور....
أحتليت مقيظ خوي قديم هههه
ترك الطيور والصقاره عقب مقناص العراق !
,,,
وهذه صور (المقيظ المحتل) ههههه
لايروح بالكم مع الاحتلال هههههه تراه أحتلال أخوي مؤقت (بالطيب)
قلنا له نحتل المقيظ ونجيب طيورناوعمالنا
قال لاتشاورني في حلالك .. أحتلال أحتلال
جزاه الله خير....
ومشى عليه (المقيظ المحتل)
المقيظ عباره عن قاعه مستطيله
طولها حوال 60 متر و عرضها 20متر وأرتفاعها 10 أمتار
القياسات تقريبيه ....
أحد جوانبها مغلقه على شكل (غرفه مبرده)
فيهاشباكين لدخول وخروج الطيوروالصور توضح اكثر
,,,
منظر خارجي للمقيظ



http://www.mekshat.com/pix/upload03/images112/mk8675_ee1.jpg

,,,
السندويج بنل هو الغرفه المبرده


http://www.mekshat.com/pix/upload03/images112/mk8675_ee2.jpg
,,,
بديل عن الوكر
يجب أن يغسل يوميا ويعرض للشمس
أذا لم يطهر سوف يكون بيئه ملائمه لنمو البكتريا والفايروسات
بسبب بقايا الطعام
http://www.mekshat.com/pix/upload03/images112/mk8675_ee3.jpg
,,,
لابد يجون معي بحجة شوف طيورهم ههههه
http://www.mekshat.com/pix/upload03/images112/mk8675_ee4.jpg
,,,
الجو طيب ... الطيور ماتريد الغرفه المبرده
http://www.mekshat.com/pix/upload03/images112/mk8675_ee5.jpg
,,,
صوره من االغرفه المبرده
http://www.mekshat.com/pix/upload03/images114/mk8675_eb.jpg
,,,
الغرفه المبرده من بعيد وشبابيك الدخول والخروج واضحه
شوفوا الطيران ... الي ماعنده بريك مضبوط ممكن يسوي حادث هههه
http://www.mekshat.com/pix/upload03/images112/mk8675_ee7.jpg
,,,
الغرفه المبرده من الداخل ... ياحب السيبريات للبراد
http://www.mekshat.com/pix/upload03/images112/mk8675_ee8.jpg
,,,
حال الطيور يقول .. أزعجتنا هههه
http://www.mekshat.com/pix/upload03/images112/mk8675_ee9.jpg
,,,
أكبر قرموشه بيور نقلتها الموسم الماضي من أنتاج فالكون سنتر وزنها قبل المقيظ 1260 طولها حول17


http://www.mekshat.com/pix/upload03/images112/mk8675_ee10.jpg



يتبع ........

[أبو رداد]

تتمه ....






مايفارق الغرفه المبرده الاقليل...

كل مافيه طيب ... الله يستر عليه





http://www.mekshat.com/pix/upload03/images112/mk8675_ee11.jpg

,,,
أبو شلايل ...لاتعليق
http://www.mekshat.com/pix/upload03/images112/mk8675_ee12.jpg
,,,
منتظر يقول ...
عقب حباري العراق مالي نفس بأفخاذ الدجاج
http://www.mekshat.com/pix/upload03/images112/mk8675_ee13.jpg
,,,
بيور جير أنتاج ند الشبا
شريناه اخر الموسم ماهو مصقور ورخيص
صيدناه البط والصلال والحبش والرومي
وحمامة القفص السلم ماتروح عليه ...
http://www.mekshat.com/pix/upload03/images112/mk8675_ee14.jpg
,,,
طيور مابقت غير أربع أو ثلاث ريشات
http://www.mekshat.com/pix/upload03/images112/mk8675_ee15.jpg
,,,
راعي حبة الأخلاق ههههه مارمى ولاريشه !!!
لحد الان زعلان ولايقاربني ههه
http://www.mekshat.com/pix/upload03/images112/mk8675_ee16.jpg
,,,
أخو الجني ...تعبان من كثر مايلف
http://www.mekshat.com/pix/upload03/images112/mk8675_ee17.jpg
,,,
مجموع الريش الي رمته الطيور ... ضاع علينا الحساب ولاعزلنا ريش كل طير
أبو رداد كل أسبوع يشوفها وضاعت الحسبه
http://www.mekshat.com/pix/upload03/images112/mk8675_ee18.jpg
,,,
أربع نقاط مهمه في المقيظ
وكر رمل او مكان مرتفع فيه رمل علشان تاخذ الطيور راحتها في النوم
كرات التنس ... لتهذيب مخالب ومنسر الطير وكذلك لتقوية الاعصاب
نظافة حوض الماء وتبديل دوري للمياه
مصيدة الذباب والناموس المعروفه بنقلها للفيروسات والمايكروبات
http://www.mekshat.com/pix/upload03/images112/mk8675_ee19.jpg
,,,
أغلى طيرين على قلب أبو رداد
(ذيبان والجني)
في لقطة نادره لتقاربهم وأحتكارهم لكرة تنس في وكر مرتفع هههههه
القلوب سواقي ......
أهداء للجميع
http://www.mekshat.com/pix/upload03/images112/mk8675_ee20.jpg




هذا الموضوع أن شاء الله يكون متجدد
كل شهر أوافيكم بتقرير عن المقيظ في هذا لموضوع
وأن شاء الله اكتب رد عن الطعام والادويه الي نقدمها للطيور خلال فترة المقيظ
وسلامتكم
,,,
يتبع .....

[أبو رداد]

السلام عليكم ورحمة الله وبركاته

هذا الموضوع تكمله ~ لموضوع المقيظ
وجميع هذه العقاقير أستخدمها لطيوري (من ثلاث سنوات)
خلال فترة المقيظ من باب الاحتياط
واي ضرر مافيها(أن شاء الله) أذا تم استخدامها بشكل صحيح
وكما مبين أدناه

,,,

~ أدويه خاليه من الاذيه ~
متوفره عند الصيدليات البيطريه

هذا دواء (القرحه)
والقرحه هي نتءات بيضاء تظهر في فرسة الطير
واهم مسبباتها هو أطعام الطير وجبات بدون ريش (مافيها روباجه)
وهذا الدواء نعطيه للطيور في الدعو (التدريب) والمقيظ
المهم
الحبه الواحد تعطى لطير وزنه 500 غرام
في مقيظ الهدد يضيع عليك الحساب
وهذه الحبوب مافيها ضرر لوزادت او نقصت قليل من حيث (الكميه)
يعني في المقيظ عندي طيور وزنها 800غرام وطيور وزنها 1800 غرام
الحل
اعطي لكل طير حبتين .... شهريا
طريقة اعطائها تكون مع الطعام (وسط اللحم او قلب الحمامه او او)
وهذه صوره واضح للدواء (من اجل سهولة كتابة اسمه)
http://www.mekshat.com/pix/upload03/images114/mk8675_ss2.jpg

,,,

وهذا الدواء لمعالجة (ديدان البطن والكوكسيديا)
واستخدمه اغلب الاحيان في المقيظ فقط لانه خفيف ويتقبله الطير
http://www.mekshat.com/pix/upload03/images114/mk8675_ss3.jpg

أيام التدريب نستخدم للكوكسيديا سائل خاص لعلاج الكوكسيدا (قوي المفعول)
لكن صعب تعطيه للطير في المقيظ لانه يجب امساك الطير !!
ولديدان البطن (حبوب مخصصه للكلاب اعزكم الله /جزء من الحبه وحسب وزن الطير)
وكذلك صعب اعطائها للطير لانها حاره وأغلب الطيور تردها أذا ماكنت حولها

,,,,,,,,

~ الخيـّــل دواء العليل ~

الخيّل بتشديد الياء دواء العليل
هذا مثل شائع في الامارات كونه علاج شعبي مشهور
ويستخدم لكل المخلوقات
من الانسان الى الجمال الى الصقور الى الحمام
والخيل أنواع منه الصلب ومنه اللزج الابيض أوالاسود (متوفر لدى العطارين)
رائحته كريهه لكن نتائجه طيبه
(تم تحليله في المختبرات واتضح بأنه أقوى مضاد حيوي طبيعي)
وان شاء الله لي موضوع مفصل عنه
وسوف اتطرق هنا لفائدته في المقيظ فقط
يوضع في الماء لتطهيره وفي نفس الوقت تشرب الطيورالي يحل مع الماء
يستبدل كل أسبوعين
وهذه صور توضح الطريقه

http://www.mekshat.com/pix/upload03/images114/mk8675_k1.jpg
,,,
http://www.mekshat.com/pix/upload03/images114/mk8675_k2.jpg
,,,
http://www.mekshat.com/pix/upload03/images114/mk8675_k3.jpg
,,,
http://www.mekshat.com/pix/upload03/images114/mk8675_k4.jpg
,,,
http://www.mekshat.com/pix/upload03/images114/mk8675_k5.jpg

,,,,,,,

~ بدون تشويش لطرح الريش ~
وهذا مكمل غذائي
مجموعه من الفيتامينات والمعادن
التي تعوض الطير عن طعامه المتنوع في الخلا
نصحتني به الدكتوره الالمانيه
وقد لمست له نتائج ممتازه
(مره في الاسبوع مع الطعام)

http://www.mekshat.com/pix/upload03/images114/mk8675_ss1.jpg

وسلامتكم

[ســـــــنافي]

مقيظ امير يعطيك العافيه

[مخاوي شيهانه]

تسلم على الموضوع اشيق والله يعدي المقيض على خير

[طلال زابن]

مشاللة ماشاللة مشاللة تسلم يابو رادد اللة اللة في بو شلالي اللة يستر علاهن00000000000000000000000

[أبو محمود 70]

مقيض على كيفك ما شاء الله ياابورداد وطيور طيبة الله يبارك فيك وان شاء الله تبدل ريشها بخير وعافية الف شكر لك

[بو غازي]

السلام عليكم ورحمه الله وبركاته
ابو رداد:عسى الله يبارك لك في حلالك والنعم بك وبخويك وقفة طيبة ونعم الأخويا الله يجمعكم على طاعته ولايفرقكم يارب.

[ذراع الذيب]

السلام عليكم ورحمة الله وبركاته
مسيت بالخير يابو رداد ماشالله تبارك الله لو اني في محلك كان قيضت عندهم
هههه كثير السلام والتحايا مني لملفي بن عون الشاعر الوحيد في
الساحه ومن بين الصقاقير الذي يهتم بشعر المقناص
وخصوصا الطير في اكثر قصايده

[أبوإبراهيم1]

كفوووو
وان اشهد إنكم تعتنون با الطير اشد العناية
امتعتنا بها المقيض المميز
والزيارات الجميلة
تحياتي

[هواي البرr]

ماشاء الله على هاذا المقيظ مرتب والصقور مرتاحة

[أبو أمين]

موضوع قمه في الروعه
ابو رداد الله لا يحرمكم من الجمعه والخوه الطيبه على طاعه الله

شاااااااااااااكر لك

[صقار الهواشم]

بيض الله وجهك وماقصرت يبو رداد وعلومك غانمه

[ابوخالد المطيري]

السلام عليكم
مشاءالله تبارك الله
جعله مقيض خير وبركه

[هواي داورد]

ماشاء الله تبارك الرحمن عليك يابو رداد

رجال طيب وطيور طيبه وخوة طيبه

ما خليت من المرجلة شي ....


الله يستر عليك ويوفقك ..

[ابوسعد 3]

ماشاء الله تبارك الله
بيض الله وجهك
تسلم وماقصرت
.........

[خوي الساري]

مقيظ خمس نجوم 00000000

[خبت قوس]

ماشاء الله تبارك الله
الله يقويكم ويعطيكم العافية
وإن شاء الله تخلص الطيور في وقتها مع كل هالجهد والتعب
تحياتي وفائق احترامي

[بن حويرب]

مشاء الله يا بو رداد
بس شوفك من الابعاد ماسد يازين قبل اتواصل اويك

[بـــن خــتروش]

بورداد مشكور على الموضوع اول شي وهذي عوايدك ماتجيب الا الطيب


لكن هالصور ياخوي خلنا انشوفها قبل وعقب نتفاهم على اللي بينزل


ثانيا ياخوي بالنسبه لعزيمة ملفي بن عون انته مابك قصور كفيت ووفيت وصلت وعزمت وكان البرنامج انا نمر عليك لكن اجازة ملفي انقطعت لاسبابه الخاصه ولا كمل الفتره اللي متفقين عليها عندنا وانشالله معاوض


ثالثا مشكور على تنزيل القصيده وصحيح هذي اخر ماكتبت وقصايد الطيور الجديده ماراح تنزل اولاً الا بمنتدى مكشات وعن طريقك انشالله


وياليت تحولي القصيده بمنتدى القصيد اذا في مجال ياخوي


ودايم وافي الله لا هانك ياراعي الذيب

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخير ياخوي / ابو رداد
مشاء الله تبارك الرحمن ..
شي يبهج الخاطر .. شي مايطري على البال
يحق للطيور تحذف اما راعي الشناذره شكله ما صحى لها لحين منها
مهوب مدرك وينه بالضبط والا كان ما بقى فيه الا وحده وحده


وبارك الله في بن ختروش وضيفه بن عون لولاهم وشرواهم من الشعار الصقاقير
كان سمعنا من المستشعرين المتصيقرين
طيري ليا شاف الحــــبارى تعـلـٌت .. يصخي بها للي توجب طيورها
وطبعي مثل طيري مابي من تغــلت .. لوكان لذات اللحم في نحورها
*
والسلام
الفيتو
الحجاز
6/5/1430هـ

[دهمان]

ما شاء الله تبارك الله مقيض طيب .......

[قعقاع التميمي]

وعليكم السلام ماشاء الله ويعطيك العافيه على التقرير

[قرناس ارامكو]

السلام عليكم
مشاءالله تبارك الله يابو رداد
مقيض ******* أنجوم
الله يستر عليك ويوفقك

[@قرناص@]

ماشاء الله/

لاهنت يابورداد ع الصور الطيبه


بيض الله وجهك

[يوسف 206]

مشكور اخوي ابو رداد على هالموضوع الرائع والمتكامل بيض الله وجهك

[501]

ابو رداد ويش ها الزيـــــــــــن ماشاء الله مقيض خمسة الف نجمه
و
الله يبارك لك بطيورك ويعجل في مقيضه انشاء الله
501

[بدران123]

بيض الله وجهك يابو رداد وجعل الطيور تسلم وتغسل وتصفي مع اول الطيور...

وننتظر باقي الحلقات منك والمعلومات القيمه يابو رداد..

تقبل مروري بدراااااان

[صقار أبوظبي]

بيض الله وجهك يابو رداد
مقيض وافي وقصيد وافي ويعطيك الف عااااااافيه يالوافي

[عبد المجيد123]

ماشاء الله عليك

[الرجل الطموح]

ماشاء الله تبارك الله

[ابوأرام]

ماشاء الله عليك ياابو رداد عز الله انك تستاهل النادر من الطيور والنادر يستاهلك الله يقويك

[ابوكميخ 911]

ماشاء الله على المقيض والطيور وتقبل مروري ..........

[ابوعاشق فهد]

ماشاء الله تبارك الله

[يحيي بن حمد]

ما شاء الله تبارك الرحمن

[محمد الفهيد]

ماشالله يابورداد مقيض طيب واستراحه طيبه جامعه الطيبين

والطيور الله يبارك فيها وانشالله نسمع عن مزرعة انتاج خاصه فيك (لاتنساني)

وابن عون شاعر كبير ومروف وعمه اتوقع عبدالله ابن عون له قصايد طيبه حيل

الله يجمعكم على الطيب
ومشكور على التقرير الطيب ومتابعين معاك كل جديد

[كامل الدسم]

رائع .... شغل طيب الله يبارك لك
تحياتي

[أبو رداد]

الله يحي الجميع
شرفتمونا بمروركم وتعليكم
,,,,
وصلتني رساله من احد الاخوه مفادها

ودي استفسر عن كره التنس اللي توضع بالمقيض لأني سمعت عنها اكثر من مره ياليتك تشرحلي عنها وهل لازم يتعلم عليها الطير والا بس اتركها بالارض لأني ودي احطها بالمقيض عندي

قلت خلني اجيب في الموضوع يمكن بعض الاخوه عندهم نفس الاستفسار
سمعت واحد من الخواجات يقول انها تهذب مخالب ومنسر الطير
وكذلك تشد اعصابه !!!!
قلت خلني اجربها ... شفتها تسر وماتضر (اشوف الطيور متونسه عليها)
من خمس او ست سنوات احطها في المقيظ لين تهريها الطيور ارميها واجيب جديده هههههه
بخصوص تعليم الطيور ... مايحتاج انت حطها في المقيظ والطيور هي تجيها وتنتفها وتنقلها وتلعب فيها
وسلامتكم

[صاحب نوماس]

ماشاء الله على المقيض يابوردار

[ابوفارس 5350]

مقيض على كيفك ما شاء الله ياابورداد
وطيور طيبة الله يبارك فيها وان شاء الله تخرج سالمه من كل شر
والجمعة مع الرجال وتعلله ماتناتفوت خاصة في ليالي هلقيض
وبن ختروش وبن عون جمعه طيبه ماتناتفوت
ومشكور الله يعطيك ألعافية يابورداد

[سيف الظفير]

الله يهنيكم بحلالك يا الذيابة ومقيض من فئة *****

[الخالدي11]

ماشاء الله تقرير طيب الله يعطيك العافية

[ريتني صقار]

مـآشـآء الله :-

لآهنت يابو رداد على الصور الرآئعـه ,, بيض الله وجهك

تقبل مرور اخوك .. .. ..

[ولد سرحان]

بيض الله وجهك وماقصرت يبو رداد وعلومك غانمه

[أبو رداد]

صاحب نوماس
ابوفارس 5350
سيف الظفير
الخالدي 11
ريتني صقار
ولد سرحان


حياكم الله
سرني مروركم الكريم

[حب الوطن]

السلام عليكم ورحمة الله وبركاته ...

اخوي المشرف ابو رداد

افا ابو رداد ينزل موضوع ولا اتشرف وارد عليه مصيبه بس اعذرني ياخوي ....

والله مقيض روعه وطيور ماشاءالله تبارك الرحمن الله يباركلك فيها وتسعد بها بعد المقيض ...

وسلم واسلم على الربع ...

اخوك / حب الوطن ابو عبدالرحمن

[الهواوي 502]

ماشاءلله تبارك الرحمان

[بحرة حوشان]

السلام عليكم ورحمة الله
ماشاء الله تبارك الرحمن على طيورك ووالمقيض روعه الله يستر عليهم

توضيح يالبناخي الطير ينقاله يفح مو يلهث
وتقبل مروري ياللخو

[أبو رداد]

حب الوطن
الهواوي502
ثامر العنزي

حياكم الله
سرني مروركم الكريم

,,,

توضيح يالبناخي الطير ينقاله يفح مو يلهث
الله يحيك يثامر كنت أظن مصطلح (يفح ) بس عندنا هههههههه
مشكور على الملاحظه
لكن المتعودين عليه (يفح) نقولها على الادمي لما يتعب بس
وباقي المخلوقات نقول عليها تلهث

[المري]

ابو رداد كلمة تلهث تقال للكلب الله يعزكم ماتقال للطير..

الطير ينقاله يفح..

[ميراج]

السلام عليكم ورحمة الله وبركاته

مشاء الله تبارك الرحمن مقيض 5 نجوم

ومفروض مايدخله أى طير لازم طير على مستوى المكان

إذا جيت الأمارات ابا امر عليك وشوف المقيض عن قرب

تقبل تحياتى

[أبو رداد]

ابو رداد كلمة تلهث تقال للكلب الله يعزكم ماتقال للطير..

الطير ينقاله يفح..
الله يحيك يابو معيض
لخاطرك أنت وثامر ولايهون باقي الاخوان
بدلت (يلهث الى تعبان)
ولي عوده لغويه تفصيله ههههههههههههه




السلام عليكم ورحمة الله وبركاته
مشاء الله تبارك الرحمن مقيض 5 نجوم
ومفروض مايدخله أى طير لازم طير على مستوى المكان
إذا جيت الأمارات ابا امر عليك وشوف المقيض عن قرب
تقبل تحياتى
الله يحيك يابوطارق
هذه الساعه المباركه والله
نتشرف بزيارتك

[عاشق المقناص3]

مشــــــــــــــــــــــــكووور بارك الله فيك

[عوق الخريش]

بسم الله الرحمن الرحيم
وعليكم السلام ورحمة الله وبركاتة
يعطيك العافيه أخوي : أبورداد على الموضوع المميزوالرائع
ماشاء الله تبارك الله على مقيضكم ياليتني طيرعندكم هههه عناية أشكرك عليها
والجوهادي جداّوبارد وطيورمبسوطة من شكلهاودبرتهاومجلس يجمع الوجية الطيبة
الله يلحقنا وياكم السنة الجاية وطيوركم تغسل وتسلم بأذن الله من الصواديــف والله يسترعلاها
تحياتي لك وشكراّعلى التغطية الرائعة والمميزة,,
أخوك :عوق الخريش,,

[لعّاب المنايا]

ما شاء الله تبارك الله

مقيض طيب والله يابورداد ويستااااهل

[أبو رداد]

عاشق المقناص 3
عوق الخريش
لعاب المنايا


حياكم الله
شرفتمونا بمروركم الكريم

[ناصر الحمد]

الله لا يهينك على الموضوع الطيب

[دلوع الهوى]

ماشاء اللة عليك يابو رداد وبيض اللة وجهك على المقيض الطيب وانت طيب ماجيب الا طيب

[واصف]

اخوي ابو رداد
مشكور على هالموضوع الطيب ياطيب
اللي الحقيقه استفدنا منه كثير الفائدة