زيت و فلتر القير للفتك أغيره ولا لا ؟؟؟

[طخيمان]

يا جماعة الخير بدأ يراودني هالأيام اني اغير زيت القير و الفلتر

ولكن والله اني خايف لأن القير حساس وقير الفتك بالذات

وش رايكم بالموضوع مع العلم ان الموتر ماشي 130 ألف وموديله 2004 ويقولن ان موديل 2002 و 2003 و 2004 ما فيها فلتر !!

وبما ان الموضوع عن الفتك ودنا تعلمونا الله لا يهينكم بالأشياء الدورية المهم و الواجب

تغييرها و تبديلها

والله يعطيكم العافية

[البرحه]

القير التماتيك لازم تغير الزيت والفلتر كل مسافه معينه في الكتلوج 60000 مثلا

بس كانك مشيت 130 الف ولاقد غيرته فلا تغيره ابد لانه احتمال يخبط

[قرم العيال]

شف يالغالي

الفتك ما له فلتر زيت للقير .. هذا التماتيك اما العادي مدري

والزيت يعاير ويزاد فقط ما يغير كامل

[طخيمان]

والله يا جماعة كلن يقول لنا راي ولا ندري من نصدق حتى الوكالات في السعودية و الامارات و الكويت كلن له رايه وحنا اللي ضايعين

[Abu Saad]

صدق الكتالوج وش يقول؟

[سعود الحربي]

طخيمان يامال الماغص اللي يمغص بطن العدوا قل امين


روح لوكالة ابو جميل وقل ابي فلتر قير فتق وان قال لك هذي هي اشترها مع الزيت وغيرها عند اقرب ورشه


تراء الفلتر له اهميه قصوى لا تدفع بعدين ااربع طعش الف وانت تظحك بالقير

وكل سنه غير الفلتر انت ومن تعرف ها سمعتني يعني توحي ايه توحي

[faris2006]

واده للوكاله افضل لك
اما ان كنت قد مشيت مسافه طويله ما غيرت زيت خل الوكاله ينظفونه قبل انهم يحطون الزيت الجديد
هذا افضل واضمن لك من لصوص الصناعيات ادفع 1000ريال افضل من التورط بقيري من ورشه الى ورشه من يوضبه

[ابو مكازي2002]

يا شباب انا موتري فتك بس من شريته قبل سنه ونص ما غيرة الفلتر بس الزيد الزيت اذا نقص هل فيه فلتر هل ضروري التغيير ارجوا الافاده مع العلم ان موتري قير عادي 2002
تحياتي

[مقلع الرمث]

للعلم والاحاطه الزيت يتغير لكن بدون فلتر هذا اللي اعرفه وانا معي فتك وانشاء الله راح اغيره في اقرب وقت ممكن

[طخيمان]

روح لوكالة ابو جميل وقل ابي فلتر قير فتق وان قال لك هذي هي اشترها مع الزيت وغيرها عند اقرب ورشه

الموتر باترول مهوب لاند

خخخخخخخخخخخخخخخخخخخخخخخ

[ABO AL-HESH]

زيت القير والدفرنس ما يغير بس يزاد اذا نقص..

[بحر القصيد]

اخوي الغالي خذ الكلام اللي يجمد على الشارب

اذا موترك قير عادي (لايطري على بالك تغير زيته حتى لو كان فالوكاله زيدة فقط ولاتغيره هو والدفرنشات)
اما اذا موترك قير تماتيك ( غير زيت القير كل 40 الف وطالع ) ومن ناحية الفلتراي فرع لوكيل النيسان عندك بيقولك اذا فيه فلتر او لا .
ملاااااااااااااااااااااحظة مهمة ((تغيير زيت القير التماتيك لاتسويه إلا في ورشة اي وكيل للنيسان))
والسبب : ان مع تغيير الزيت يفك صاجه توجد تحت القير يكون فيها افياش(حساسات إليكترونية) تتحكم في تبديلات القير زي ماتقول قلب القير .

الأسباب :

بالنسبة لأي ورشة (يعني الورش العاديه):
الحاصل الورش يفكون الصاجه ويغيرون الزيت ويركبون الصاجه بدون تنظيف حساسات كهرب القير وبدون وضع معجون على اطراف الصاجه لتمنع دخول الأتربه والماء للحساسات .......وبذالك يدخل الغبار ويعرقل عمل الحساسات وبذالك يصيب القير حالة عدم استقرار في تبديل النمره وممكن تعدم عليك القير
او كلتشات او تروس داخليه بسبب عدم انتظام تغييرات القير
او يدخل الماء للحساسات بواسطة التسرب من اطراف الصاجه ويسبب التماس في كهرب القير وبذالك يحرق الحساسات عليك ورقع يامرقع ^_^ قيمة الحساس الواحد لقير الجيب التيوتا 6سلندر 1500 ريال على حسب علمي.

بالنسبة للوكيل (مركز خدمة سيارات نيسان ):
هذولا شغلهم كالتالي يفكون الصاجه ويغيرون الزيت وينظفون الأفياش ويحطون معجون على اطراف الصاجه ويركبونها .......((عشان لا وصل بطن السياره ماء مايدخل على الأفياش ويحرقها عليك)) وقيمة الأفياش غااااااليه وممكن تعدم عليك القير
سعرهم مرتفع ولكن شغلهم مظمون بعد توفيق الله.

[زايــ ابومحمد ــد]

000000نصيحه غيره وعند الوكاله000000000
http://www.mekshat.com/pix/upload/sign/images/mk118917.gif

[راعي طويلات]

السلام عليكم
أخوي طخيمان ولايهون الشباب
توكل على الله ومر أقرب وكالة وغير زيت القير لانه يغير وأنا شخصيا قد غيرته وواحد من الشباب معه فتك 2002 تماتيك ماشي حدود 200 الف كان ملاحظ في قيره طقه وتاخير في التعشيق واحيانا يريح ومايعطي النمره حقها نصحته يغير زيت القير وكان متخوف وخايف ان قيره ينضر لانه ماقد غير زيت القير قبل هالمره راح للوكاله وغيره يقول الزيت ماكان محترق مره بس مافيه لزوجه نهائيا بعكس الزيت الجديد لونه فاتح ولزوجته عاليه
بعد ماغيره يقول القير تبديلاته صارت ناعمه وصوت الطقة خف بدرجة كبيرة واستجابته وقبوله للنمر تحسن والموتر مافيه احسن منه ولله الحمد
واذا بتغير غير بواجي+سيور+صفاية بنزين+فلتر هواء+كويلات(إذا انك ملاحظ ضعف في العزم ) وشيك على الكفرات
وبعدها توكل على الله والدرب الي تبيه بيوديك له

[التميمي123]

صحيح كلامك اخوي بحر القصيد انا اعرف مهندس بوكالة نيسان ونفس الكلام قالي

[ابو مكازي2002]

بحر القصيد + راعي طويلات ولا يهونون الشباب الله يعطيكم العافية علي الكلم المضبوط
تحياتي

[عز الدواسر]

الله يعطيك العافيه يا طخيمان عمت الفايده استفدت وافدت..
الشكر موصول لجميع الاعضاء المشاركين..

[قلب الأسد7E]

راعي القصيد كفى وفى