قناة الجزيرة تعلن انتصار حملة خلوها تصدي ( 42% تكسبها تويوتا خسارة )

[الكاروش]

الحمد لك يالله .. وتبقى القوة والعزة لك ايها المواطن
وتبقى أنت صاحب الإمكانيات الكبيرة والقادر على تحطيم الاسوار المنيعة
وتنتصر حملتكم المظفرة ( حملة خلوها تصدي )
.
.
فقد اعلنت قناة الجزيرة في تقريرها حول مبيعات السيارات
لشهر ( إبريل 2009 ) تراجع مبيعات شركات السيارات العالمية


حيث تراجعت مبيعات تويوتا بنسبة ( 42% )
فيما تراجعت نيسان إلى ( 38 % )
ثم جنرال موتورز الأمريكية
وأخيرا هوندا اليابانية ( 28 % )
.
.
وأخيرا تنفسوا الصعداء
وواصلوا الضغط
ومر شهر يناير وفبراير ومارس وإبريل
اربعة اشهر وانهارت المبيعات بنسبة كبيرة
.
.
واصلوا الضغط لأربعة أشهر اخرى وستجدون المبيعات تنهار
وستكسبون الجولة
وسيعلم الذين ظلموا اي منقلب ينقبلون
.
.
وخلوها التصدي


ولكم التحية

[قوقول]

بس اخوي المبيعات في العالم والا في السعودية هونا الفراق والله وادي ابوجميل يعرف انا الله حق ويركد هو واسعاره الي اغالى من المعقول

[قلبي طيب]

واصلوا الضغط لأربعة أشهر اخرى وستجدون المبيعات تنهار وستكسبون الجولةوسيكون درسا لأبو جميل وشركاه الطيبين الطاهرينوسيعلم الذين ظلموا اي منقلب ينقبلون

[ابو مكازي2002]

الله يبشرك بالخير
تحياتي

[االجباب]

وخلوها التصدي
وخلوها التصدي
وخلوها التصدي
وخلوها التصدي
وخلوها التصدي
وخلوها التصدي
وخلوها التصدي

[ابو جملا]

متى يقولون الجيب الهدد ب35000ريال
ابي اشري واحد

خلوهاا تصدي خلوها تصدي

[مشتاق للمطر 2]

بارك الله بك أخي الكاروش

[عز الدواسر]

صح فيه خسائر ؟؟؟؟؟؟
بس مافيه نزول بالأسعار!!!!!

[أبونورة777]

(( كثر الطق يفك الحديد ))

إذا ما فيه نزول في الأسعار .. المصانع الأم والوكالات ما راح تصبر على غربلة ولد جميل وطقته في الخليج .. ( جاهدو في الحملة ولا تيأسو .. وان شاء الله خير )

ان شاء الله نسمع ان الفكس ار 2010 فل كامل

صار سعره بـ 50 ألف أو حتى 70 ألف ما في مشكلة
ويكفي جشع واجرام بالأسعار

[طارق الحربي]

زين


رح مر الوكالات شف عدد اللي يشترون


الا حمله خلوها تصدي وينها


الظاهر هي بنفسها صدت

[سسته]

ان شاء الله نسمع ان الفكس ار 2010 فل كامل

صار سعره بـ 50 ألف أو حتى 70 ألف ما في مشكلة
ويكفي جشع واجرام بالأسعار

حياك الله ابو نورة
... اللي اسمعه ان الفكس ار فل الفل يوصل للسعوديه بـ80 الف ... وانت تبي تشتريه 70 ...

لاتخاف انا ابكلم ابو جميل ومايصير خاطرك الا طيب .

[سسته]

زين


رح مر الوكالات شف عدد اللي يشترون


الا حمله خلوها تصدي وينها


الظاهر هي بنفسها صدت

اخي طارق .... اللي يقولون خلوها تصدي ... هذولا ناس طفرانين من الاساس ماعندهم دراهم ولو صار صار الفكس ار فل كامل بـ100 والله مايشترونة ياحبيبي نصهم ساكنين في اجار وعنده بزرين ... وعلى المرتبة الخامسة وتبية يشتري موتر بـ100 الف صاحي انت .
طارق ... الرجال اذا دخل يده في مخباته ولا سمع شي يخرفش مهوب رجال ... لانك انت الان في زمن معك ريال تسوى ريال معك الف تسوى الف معك مليون تسوى مليون مامعك شي ماتسوي شي ومرجلتك خلها لك

واذا معك دراهم رح اشتر موتر وكالة واذا انت من الطفارى ردد / خلوها تصدي :D

[ابو صالح888]

رجعنا على طاري الي ههههههه طيب فل نفرض انه موب خسرانين 42% لو خسرو 100% هل تتوقع انه بكرا تبي تلقاهم مرخصين السيارات خصوصا انه موب اول مره نسمع مثل هالاخبار لنا اكثر من 8 شهور وحنا كل يومين سامعين عن خساره قويه للوكالات والي كانت ستعلن اغلاقها وحنا مكانك سر لا تخفيض ولا شي بالعكس الا زادت بعض السيارات وقطع الغيار
يعني خلاصت الكلام انه وش الفايده من هالتباشير والافراح عشان خساره الوكلات اذا كات النتيجه رفع اسعار يعني اتمنا خبر تخفيض اسعار السيارات 5% ولا يهمني خبر خساره الوكاله 99%
لنه بصراحه اكتشفنا انه عندنا هنا ماله علاقه خساره الوكاله باسعار السيارات وذالك لعده اسباب
اهمها مافيه جهه حكوميه متخصصها بمراقبه السلع واسعارها وايضا الاحتكار

[( الزاهر )]

نهاية شهر خمسة وستة هذي السنة تؤكد حملة خلوها تصدي من عدمة ...... لانها بداية نزول الموديلات الجديدة ... الصبر طيب .... ونشوف بنهاية يونية وايش يصير ياطيبين ... واحنا عارفين بيننا ناس مدسوسين للوكالات يطبلون لهم .. بس خلوها تصدي وموديلها يعدي وتشوفون .... انخفاض الأسعار واللي ماعنده يتفرج على نصرة اخوانه ...

[straitlaced]

والله أن ما أستمرة الحمله

ترا هم ألي راح يربونا ويخلونا كيف نفكر نقاطعهم عيبنا كا شعب سعودي أن نفسنا ماهو

طويل ولا نطول وينقطع النفس أستمرو تكفون يا نشاما وخلوها تصدي صح

لآنه أذا مانزلو ألحين والله ماراح ينزلون لنا بعدين

[الطيف الموادع]

ياليت والله ابي هلي 2009 وانشا ءالله اخذها ب 30 الف

واصمول يالذيابه تكفووووووووووون نبي نعطيهم درس

خلوهااااااااااااااااااااااااااااا تصدي

[ابويارا1001]

خلوها تصدددددددددددي

[فتى التويم]

اخي طارق .... اللي يقولون خلوها تصدي ... هذولا ناس طفرانين من الاساس ماعندهم دراهم ولو صار صار الفكس ار فل كامل بـ100 والله مايشترونة ياحبيبي نصهم ساكنين في اجار وعنده بزرين ... وعلى المرتبة الخامسة وتبية يشتري موتر بـ100 الف صاحي انت .
طارق ... الرجال اذا دخل يده في مخباته ولا سمع شي يخرفش مهوب رجال ... لانك انت الان في زمن معك ريال تسوى ريال معك الف تسوى الف معك مليون تسوى مليون مامعك شي ماتسوي شي ومرجلتك خلها لك

واذا معك دراهم رح اشتر موتر وكالة واذا انت من الطفارى ردد / خلوها تصدي :D

سسته كلام منطقي

وكلامك على متمه طيب وان كان كل الشعب طفران وش بتسوي

ترا اغلب اللي يروحون للوكاله كلهم تقسييييط ولا يطلع من الــ100 إلا واحد ريدفع كاش وتلقاه متسلف كاشه:cool:

[سيف الظفير]

الحمد لك يالله .. وتبقى القوة والعزة لك ايها المواطن
وتبقى أنت صاحب الإمكانيات الكبيرة والقادر على تحطيم الاسوار المنيعة
وتنتصر حملتكم المظفرة ( حملة خلوها تصدي )
.
.
فقد اعلنت قناة الجزيرة في تقريرها حول مبيعات السيارات
لشهر ( إبريل 2009 ) تراجع مبيعات شركات السيارات العالمية

حيث تراجعت مبيعات تويوتا بنسبة ( 42% )
فيما تراجعت نيسان إلى ( 38 % )
ثم جنرال موتورز الأمريكية
وأخيرا هوندا اليابانية ( 28 % )
.
.
وأخيرا تنفسوا الصعداء
وواصلوا الضغط
ومر شهر يناير وفبراير ومارس وإبريل
اربعة اشهر وانهارت المبيعات بنسبة كبيرة
.
.
واصلوا الضغط لأربعة أشهر اخرى وستجدون المبيعات تنهار
وستكسبون الجولة
وسيكون درسا لأبو جميل وشركاه الطيبين الطاهرين
وسيعلم الذين ظلموا اي منقلب ينقبلون
.
.
وخلوها التصدي

ولكم التحية









الله يبشرك بالخير يا الذيب


وكلامك ينومس الجميع


ولكن ياليت غيرت هالجزئية ادنااااااه


لأن العزة والقوة والمنعه لله جل جلالــــــــــــــه
طبعاً اقصد التي باللون الاحمر



الحمد لك يالله .. وتبقى القوة والعزة لك ايها المواطن وتبقى أنت صاحب الإمكانيات الكبيرة والقادر على تحطيم الاسوار المنيعة
وتنتصر حملتكم المظفرة ( حملة خلوها تصدي )

[راعي ساموده]

وفي النهايه اي حمله غير مدروسه, عواقبها سيئه على المواطن البسيط على المدى الطويل .
يعني المفروض بدل ماتكون مقاطعه كامله تكون مطالبه لوكلاء السيارات اثبات حسن النيه وان اسعارهم غير مبالغ فيها, وان ارباحهم منطقيه.

[abu_omer]

تصدقون ان الجشع وصل هالهدرجة في ابو جميل

يوم الخميس كنت في الوكالة لأني وصلت حدي من السيارات المستعملة اللي هلكتني في انتظار نتايج حملة خلوها تصدي ولاصدت

المهم كنت ابي الجيب ار اكس واللي كنت اتذكره كل موديل جديد ينزل في حدود المائة واربعين الف

تخيلوا ان سعره وصل 205 الف ريال

وال إي اس كانت ب 147 الف صارت ب 176 الف

بس تبون تعرفون ابو جميل ليه رفع الاسعار لأنه للأسف يدري ان السعوديين مايصبرون وقال في نفسه انا اعرف كيف اربيهم اذا هم ينتظرون تخفيض اربعين في الميه انا راح ارفع اربعين في المية وراح يجوني ويشترون

هذا اللي صار

بس السؤال وين المراقبة عن الجشع هذا ؟

[الهوى جنوبي]

بترخص السيارات في العالم كله الا عندنا تدرون ليش لأننا الحلقه الأضعف في معادلة البيع والشراء كل شي ضد المواطن ما معنا الا الله سبحانه
وان غداً لناضره قريب
تحياتي للجميع

[برق الشمال 11]

خلوها تصدي

[هبوب الصبا]

يقولون ان ابو جميل يملك في الشركة الأم 49%

هل ذلك صحيح ؟؟

بس اقول خلوها تصدي وتحلي

[صقر الشوق]

:D خلوها تصدي:D

[قرناس ارامكو]

الله يبشرك بالخير
تحياتي

[ابوخالد المطيري]

الله يكتب الي فيه خير

[ابوحماد]

متى يقولون الجيب الهدد ب35000ريال
ابي اشري واحد

خلوهاا تصدي خلوها تصدي

حلم بليس في الجنه

[بـلـيـهـان 1]

اخي طارق .... اللي يقولون خلوها تصدي ... هذولا ناس طفرانين من الاساس ماعندهم دراهم ولو صار صار الفكس ار فل كامل بـ100 والله مايشترونة ياحبيبي نصهم ساكنين في اجار وعنده بزرين ... وعلى المرتبة الخامسة وتبية يشتري موتر بـ100 الف صاحي انت .
طارق ... الرجال اذا دخل يده في مخباته ولا سمع شي يخرفش مهوب رجال ... لانك انت الان في زمن معك ريال تسوى ريال معك الف تسوى الف معك مليون تسوى مليون مامعك شي ماتسوي شي ومرجلتك خلها لك

واذا معك دراهم رح اشتر موتر وكالة واذا انت من الطفارى ردد / خلوها تصدي :D
جبتها على الجرح

[يازين القنص]

خلوووووووها تصدي

[الرامي82]

ههههههههههههاااااااااااااااااااااي


شر البليه مايضحك


والله انكم مساااكين والفاقه للجيوب وللبر خلتكم كذا


وانا ما الومكم لأن ماحلى البراد فالبر وبذات العصر جنااااان

واسمحولي ان الحمله المذكوره والتي اثبتت فشلها في السعوديه


لاتخدم المواطن البسيط الذي يريد لقمه العيش لأبنائه كما تزعمون بل هي تخدمكم انتم الذين تزيد رواتبكم عن 3500 ريال


لان ليس من المعقول ان كل شهر مواطن سعودي يشتري سياره جديده :D

واصلا الي اطلق هلحمله عني انه فقرااان ويبي سياره اخر موديل للمضاهر

وحب يجرب وللاسف يوجد ناس ****** صدقوه بدون شويه تفكير


اذا انكم جد تهمك مصلحه المواطن البسيط فهذا يدل على طيب اصلك

الناس حولت دجاج وتركو اللحم للجل الغلاء حتى الحليب 1.50 ريال

هنا المهم هو المعيشه

وترى اغلبكم نص الشهر يشتكي وبدل مايتعشى مندي يحول نواشف

والمصيبه يقول خلوها تصدي والله اضحك على حال بعض الناس



وللمعلوميه خذوها مني شركه عبداللطيف جميل

80 بالميه من مكاسبها هي قطع الغيار والصيانه وبيع السيارات للشركات التاجير والقطاعات الامنيه بافرعها



وكل واحد فيك لاخربت سيارته تلقاه مسنتر عند القطع العصر ويبي بعد الخصم ويتنشد عن الاصلي

بالله هذا وش معناه اذا انك صحيح راعي للحمله اترك سيارتك وخذلك حاشي بس لاتبيعه اخر الشهر انتبه ولاتعشى عليه


وصدقوني كلامي هو المنطق والواقع.... والي ماهو راضي يفهم خلوه يخزن تايد لانه يبي يغلى



والي يخبرلي جيب صالون 84 على قد الحال نضيف يراسلني على الخاص

[AL-Hadbani]

اخي طارق .... اللي يقولون خلوها تصدي ... هذولا ناس طفرانين من الاساس ماعندهم دراهم ولو صار صار الفكس ار فل كامل بـ100 والله مايشترونة ياحبيبي نصهم ساكنين في اجار وعنده بزرين ... وعلى المرتبة الخامسة وتبية يشتري موتر بـ100 الف صاحي انت .
طارق ... الرجال اذا دخل يده في مخباته ولا سمع شي يخرفش مهوب رجال ... لانك انت الان في زمن معك ريال تسوى ريال معك الف تسوى الف معك مليون تسوى مليون مامعك شي ماتسوي شي ومرجلتك خلها لك

واذا معك دراهم رح اشتر موتر وكالة واذا انت من الطفارى ردد / خلوها تصدي :D

الله يهديك يا سسته .......... ماودي ازعلك بس تعقيباً على ردك

كل انسان يعيش في مجتمع وهذا المجتمع يعكس على هذا الإنسان جميع المفاهيم ....
إن كنت ترى انا المرجلة في الفلوس فهذه تربية خاطئة للاسف ولا أتوقع إن شايبك الله يعطيه الجنة حياً أو ميتاً رباك على هذا ...........

ولتعلم اخي الفاضل سسته أنه ((( لا يستحقر الرجال إلى حقير ))) واتمنى ان لا تكون منهم

ولتعلم رحمك الله أنك إن كنت كريم ففيه من الناس أكرم منك وإن كنت غني ففيه من الناس أغنى مني ومنك وإن كنت رجل ففيه من هو يرى نفسه أرجل منك وإن كنت متحدث قوي أو كاتب قوي ففيه من هو أفضل مني ومنك \\\\رحم الله إمرئَ عرف قدر نفسه \\\

وسجل صوتي أنني ولله الحمد في وظيفة أفضل منك بدون أي شك وأنني أملك ولله الحمد المال الذي يجعلني أشتري سيارة وكالة ومعها سيارتك بل وسيارات جيرانكم كلها ولكن مع الحملة لأن هذا فيه استغفال للمغفلين امثال بعض الناس فهمت الله يحفظك

آخيراً التواضع حلو وإحترامي لكل شخص مع الحملة أو ضدها ولتعلم رحمك الله أن ردي على ردك وليس عليك فلك مني كل الإحترام ....
وليست المرجلة بالدراهم ((( عندنا يموت الرجال مامد يده ..... يعني ما يأخذها من بابا وماما ولا أقساط ...فهمت

[abuziyad3]

شغل نظيف
الله يكتب اللي فيه صالح للمواطنين

[راعي السيل]

الحملة تذكرني بقضية فلسطين ، في البداية كانت المشاكل بين المسلمين واليهود ، والان المشاكل صارت بين المسلمين بدون تدخل اليهود! (انا ما اقول ان الوكالات يهود لذلك لاحد يفهمني غلط).

[مدمن.]

خلوها تصدي

[الحايلي 1119]

لا تشترووون منهم
خلوها تصدي

[محمد بن سعيد]

الله كريم
والله يبشرك بالخير

[سامي 4800]

خلها تصدي
وان شاء الله سعر الشاص يطيح

[بياله شاي]

المشكل بالذي يبون قروض هم من يشتري علشان يتزوج او يرمم بيته

والمشكله الاخرى التجار عندنا يشترون ولا همهم

[aooa]

هذه النسبه على مستوى العالم وليس السعودية

وما جابوا خبر المقاطعه

والسبب ان سيارات تويوتا ونيسان وخاصه بالسعوديه ما تشتري الا عن طريق قائمة الانتظار والسبب ان هذه الشركتين بالذات عليها طلب للسيارات الحكوميه

انا اتمنى ان المقاطعة توتي اكولها ولكن مثل ما قلت سابقاً هذه الشركتين بالذات ما عليها خوف خاصه عندنا

اما الامريكي فهو اللي بيهوي الين ما يلقى واحد يشتريه وخاصه اذا اعلنت الشركات في امريكا الافلاس وهذا متوقع لتحمي نفسها من الدائنين .....

[abu_omer]

شباب بالعقل والمنطق

الشركات هذي قاعدة توفر الالاف السيارات للقطاعات الحكومية والخاصة يعني عمره ماراح يكون لنا تأثير ولكن رأيت التأثير على من قطعت أرزاقهم ممن هم موظفون في هذي الشركات لابارك الله في جشعهم

الشي الثاني والأهم وزي مانشوف كل اليوم الشباب السعودي ماتكاتف ابد واللي معاه سيارة موديل 2008 يطلع 2009 ويقول انا لحالي مالي تأثير وهذا اللي خلي ابو جميل واشكاله يزيدون السعر اضعاف لأنه يعرف الشعب السعودي

واكرر واقول اين الرقابة من هذا الجشع ؟

[الخالدي11]

اللهم زد وبارك ورد كيد عبد اللطيف جميل في نحره

[هواي البرr]

والله الاخوة كلامهم صحيح بس احنا وش ورانا خلونا نجرب . خلوها تصدي. ونشوف وش يصير ان شاء الله يرخصون الاسعار

[سسته]

إن كنت ترى انا المرجلة في الفلوس فهذه تربية خاطئة للاسف ولا أتوقع إن شايبك الله يعطيه الجنة حياً أو ميتاً رباك على هذا

انا اقول في الزمن هذا ... ابضربلك مثال وخل الجواب بينك وبين نفسك .
لو جاواحد يخطب بنتك وهو رجااااال وداهية ... وراتبة 1000 ريال تزوجه ولا لا ..
يعين انا يوم اقول المرجله بالفلوس وانا صادق الطفارى مالهم نصيب من الدنيا .

((( لا يستحقر الرجال إلى حقير )))
وش انا قايل طيب .


ولتعلم رحمك الله أنك إن كنت كريم ففيه من الناس أكرم منك وإن كنت غني ففيه من الناس أغنى مني ومنك وإن كنت رجل ففيه من هو يرى نفسه أرجل منك وإن كنت متحدث قوي أو كاتب قوي ففيه من هو أفضل مني ومنك \\\\رحم الله إمرئَ عرف قدر نفسه \\\

طيب وش السالفه ... انا ماقلت اني قوي ولا قلت اني كاتب ولا قلت انك كريم ... طيب


وسجل صوتي أنني ولله الحمد في وظيفة أفضل منك بدون أي شك وأنني أملك ولله الحمد المال الذي يجعلني أشتري سيارة وكالة ومعها سيارتك بل وسيارات جيرانكم كلها ولكن مع الحملة لأن هذا فيه استغفال للمغفلين امثال بعض الناس فهمت الله يحفظك


طيب ليش قلت انك افضل مني بالوظيفة ... وليش تشتري سياراتنا وسيارات جيرانا ناوي تخلينا بدون سيارات الله يهديك .
في النهاية . اشكرك اخي هواوي على المداخلة الجميلة الذي تعلمت منها انك رجال كااااش ووظيفتك مرموقه .
ياخي عندي احساس انك منصور البلوي .

[turkiq]

لكل المترددين اقول ...
في قبل نهاية كل سنة تصير حسابات وعلوم عند كل وكيل وبينه وبين الشركة الام لتقييم الوضع.

الحاصل ان ال 4 او 5 شهور الجاية اذا استمر الوضع على ماهو عليه او زادت الحملة اكثر راح تشوفون عروض ما تتخيلونها في رمضان الجاي ونهاية السنة الميلادية 2009.

وهذا راح يكون تخفيض مؤقت لان الحملة فاجأت جميع الوكلاء هنا في السعودية في هذا العام وغالبا كل الوكلاء راح يعيدون حساباتهم السنة الجاية 2010 ومبيعاتهم راح تكون حذرة.

يعني الزبدة فرصتنا في هذي السنة فقط وحطوا تحتها 20 خط.

شدوا حيلكم واي واحد يفكر في مشروع سيارة يأجلها 5 او 6 شهور وان شاء الله هو الكسبان

اخوكم تركي

[نيسان 807]

الله يصبرنا عليهم وعلى فكره جشع الحمراني مستمر 5% زيادة في قطع الغيار قبل ثلاث ايام .


رساله الى اخوننا في دول الخليج لاتشترون من عندنا تراكم تخربون علينا

[راعي المجهم]

خلوها تصدي بقوووووووة حتى نرى أسعار حقيقية للسيارات

إذا السيارة معروضة عند الوكيل بــ 120 ألف فأعلم أنه مشتريها بــ 60 ألف ريال

لأن مكاسب وكلاء السعودية دبل وزيادة

والسعر العادل لها هو 75 ألف ريال مكسب الوكيل 15 ألف موووووو كفاية له ؟؟؟

[مجاديف السحاب]

المختصر/ تراجعت مبيعات شركات السيارات في الولايات المتحدة بنسبة 33.7 في المئة في أبريل/ نيسان ومنيت شركة تويوتا بأكبر تراجع بلغت نسبته 41.9 في المئة.
واظهرت تقارير نشرت الجمعة ان مبيعات السيارات في الولايات المتحدة في ابريل نيسان تتجه لتسجيل أدنى مستوياتها في حوالي 30 عاما وذلك في اليوم التالي لتقديم شركة كرايسلر الامريكية طلبا لاشهار الافلاس.
وأعلنت "جنرال موتورز" الجمعة ان مبيعات السيارات في الولايات المتحدة تراجعت بنسبة 33.7 في المئة الشهر الماضي مقارنة مع الفترة ذاتها من العام الماضي.
وباعت "جنرال موتورز" 173.0007 وحدة في أبريل/نيسان وقالت ان حجم المبيعات تراجع بنسبة 11 في المئة عما كان في مارس/ آذار.
وشهدت كل من "جنرال موتورز" و"تويوتا" و"فورد" و"نيسان" و"هوندا" وهي خمس من أصل ست أكبر شركات في الولايات المتحدة تراجعاً في المبيعات في أبريل/ نيسان مقارنة بالعام السابق.
وأعلنت "فورد" ان مبيعات سياراتها في الولايات المتحدة بلغت 129.898 وحدة بتراجع نسبته 31 في المئة.
وسجلت "نيسان" تراجعاً بنسبة 37.8 في المئة في المبيعات في حين قالت "هوندا" ان مبيعاتها انخفضت بنسبة 25.3 في المئة.
المصدر: لجينيات

[ATRAIA]

عندنا في سلطنة عمان اسعار جميع الوكالات زادت عن السنة الماضية الندكروزر موديل 2009 Vxr رقم واحد كاش ب 260 الف ريال سعودي امس اشتراها صديق لي امس ونفس الشيء وكالة Gmc لقد سئلت على اليوكن وسعرها 200 الف ريال سعودي

[قلب الأسد7E]

خلوها التصدي
خلوها التصدي
خلوها التصدي
خلوها التصدي
خلوها التصدي
خلوها التصدي
خلوها التصدي
خلوها التصدي
خلوها التصدي
خلوها التصدي
خلوها التصدي
خلوها التصدي

[Nawaf alrawaily]

بارك الله فيك
يا بعدي الناس معد عندها دراهم على شان تشتري سيارة وغصب خلوها تصدي .

تحاتي

[abu fares]

والله جد خلوها تصدي نقولها غصب ولو معنا كان شرينا

[سعد777]

ترى مافيه الا حنا نشتري منهم كثييييييير اللي يشترون وش كثرهم خاصه عند ابو جميل وسراء بعد

[ابو ناصر2020]

والله مادري وش اقول

بس نشوف خساير على الجرايد والاعلام

بس الشركات عندنا ترفع السعر عشان تعوض خساير شركة الام

[SilverSniper]

قالت الذبابة تشددي يالنخلة أبطير.. :)
أنا قلت ربعنا عقلوا عقب سالفة سنجر بس الظاهر ماش ما في ربعنا طب..ما توقعت ان فيه سذج وطفارى عندنا لدرجة تصديق مثل هذي التفاهات .. وش خلوها تصدي اللي تسبب خسائر لشركات السيارات العالمية اللي رؤوس أموالها أكبر من ميزانيات دول؟؟؟ الحمد لله والشكر بس.. ولا أزيد على كلام اخوي سستة حرف.. شلة طفارى تبي شي مهوب لها.. واللي ابتلاه الله ويظن ان هالخراط اللي اسمه مقاطعة مسوية شي.. يمر الله لا يهينه الجميح والا الحمراني والا عبداللطيف جميل ويشوف السعر دبل وقائمة الحجز فل يالله عقب شهرين..
فيه مثل شعبي معروف للي يتمنى شي أكبر منه بس بأحترم المجلس ومانيب قايله واللي يعرفه يعرفه.. :)

[عالم المعالي]

بارك الله فيك:s

[راعي الركيات]

بالامس مريت وكالة تويوتا وكنت ابغي صيانه لسيارتي وبعد ماخلصت قلت خلني اشوف وش

تغير في سيارات 2010 م

المهم شفت اللاند كروزر وصراحه قلت ابستفسر عنه وعن قيمته قلت كم قيمت لاند كروزر

بهذه المواصفات قالي 187 الف ريال قلت طيب بكم بتحسبونه اجار منتهي بالتمليك قال اي

اجار واي تمليك ياعم :D مافيه لاند اجار عندنا الحجز علي الكاش يوصل الانتظار الي

شهرين وانت تقول اجار منتهي بالتمليك:mad:

[Gm Bas Gm]

السلام عليكم


مهما عمل من حملات خلها تصدي

الدوائر الحكومية تغطي النقص الحاصل للوكلاء بشراء سيارات بكميات مضاعفه وهذا هو الحاصل والمشاهد للعيان



ومعلومة سعر لاند كروزر vxr واصل للسعودية من اليابان بمواصفات خليجية مع جميع التكاليف 150 الف ريال

................

[SULIMAN-24]

عقبال مايخيس البيبسي الي بريال ونصف

[s3ads]

اللي يشوف الاعداد الهائله للناس اللي تشتري يقول الظاهر هذي حملة

" بيعوا لنا قبل تصدي "

الله يعين

[kifal7al]

الله يهديك يا سسته .......... ماودي ازعلك بس تعقيباً على ردك

كل انسان يعيش في مجتمع وهذا المجتمع يعكس على هذا الإنسان جميع المفاهيم ....
إن كنت ترى انا المرجلة في الفلوس فهذه تربية خاطئة للاسف ولا أتوقع إن شايبك الله يعطيه الجنة حياً أو ميتاً رباك على هذا ...........

ولتعلم اخي الفاضل سسته أنه ((( لا يستحقر الرجال إلى حقير ))) واتمنى ان لا تكون منهم

ولتعلم رحمك الله أنك إن كنت كريم ففيه من الناس أكرم منك وإن كنت غني ففيه من الناس أغنى مني ومنك وإن كنت رجل ففيه من هو يرى نفسه أرجل منك وإن كنت متحدث قوي أو كاتب قوي ففيه من هو أفضل مني ومنك \\\\رحم الله إمرئَ عرف قدر نفسه \\\

وسجل صوتي أنني ولله الحمد في وظيفة أفضل منك بدون أي شك وأنني أملك ولله الحمد المال الذي يجعلني أشتري سيارة وكالة ومعها سيارتك بل وسيارات جيرانكم كلها ولكن مع الحملة لأن هذا فيه استغفال للمغفلين امثال بعض الناس فهمت الله يحفظك

آخيراً التواضع حلو وإحترامي لكل شخص مع الحملة أو ضدها ولتعلم رحمك الله أن ردي على ردك وليس عليك فلك مني كل الإحترام ....
وليست المرجلة بالدراهم ((( عندنا يموت الرجال مامد يده ..... يعني ما يأخذها من بابا وماما ولا أقساط ...فهمت
اي والله يازين التواضع بالله هذا رد يالكاش ههههههههه:D

[مغلي]

طااااااااااااااااااااال انتظارنا
حسبي الله على الاندنوسي ابوجميل
.
كامري سياحي (استراليه) = 68 الف ريال
سوناتا سياحي (كوريه = اخت الياباني) 50 الف ريال