المساعد الشخصي الرقمي

مشاهدة النسخة كاملة : الى اصحاب النياسين الربع من موديل 89 الى 97


فزااع
02/05/2009, 09:58 AM
السلام عليكم ورحمة الله وبركاته...

صباح الخير لجميع اعضاء مكشات..

اخواني بغيت اسأل وين القى ربل القزاز الخلفي لنيسان باترول موديل 89 غير التشليح والوكالة..

× التشليح كلها منتهيه:no: .
×الوكالة غاااااااااالية:j .

اللي عنده خبر عن اماكن بيعاها اوترهيمها او تفصيليها لا حد يبخل علينا:no2: :no2: ..


وشاكر للجميع:) :) ...
فزااع
02/05/2009, 10:13 AM
طبعا الجانبي يااخوان..
دله وفنجال
02/05/2009, 04:25 PM
السلام عليكم...


والله ونا اخوك ما اعتقد انك تبي تلقا الربل الي انت ناشد عنه...

سبق وكان عندي ربع 97 وبغيت الربل الجانبي ولا لقيته الا بلوكاله وكان يجي كامل وسعره تقريباً 1700 ريال

الداخلي والمسالك للقزاز الوسط والخارجي ... ويوم شفت السعر كذا هونت وخليته على ماهو علية ...

للأسف نيسان من تالي الاسعار غاليه(القطع الغيار) وغير موجوده وكنهم يمنون كليك بجيبته...

فيا انك تشوفلك بتشاليح الامارات او الله يعينك...

بتوفيق اخوي...
فزااع
03/05/2009, 01:51 PM
لاهنت يادلة وفنجال وعلمك غانم,,,
راعي المجهم
03/05/2009, 02:06 PM
رهم له أي ربل حق زجاج نوافذ البيوت مع سليكون أسود أفضل من ربلات الوكالة
التعـ King ـديل
03/05/2009, 03:41 PM
كانك بالرياض رح للصناعيه القديمه فيه محل اسمه السالم تلاقيه بزاويه تقاطع شارع العنوز

مع طريق الخرج القديم وجنبه محل قزاز نسيت وش اسمه المهم كل الاثنين يفصلون لك ربل
ابوسعودد
03/05/2009, 03:46 PM
علمك غانم ياعسول وردك هذا راح يستفيدون كثير منه المكشاتيه الله يجزاك الف خير
فزااع
06/05/2009, 10:47 PM
الله لا يهينكم يالربع..

وعسول لاهنت وبيض وترا ذي المشكلة اظن يعاني منها الكثير من اهل النياسين.

شكرا للجميع..
التعـ King ـديل
07/05/2009, 12:00 AM
اخوي فزاع لو ماعرفت ولا بغيت اي خدمه لايردك الا الجوال شفه بالتوقيع
فزااع
07/05/2009, 08:23 AM
لاهنت ياعسول وان شاء الله بيننا تلفون..