مشاهدة النسخة كاملة : هام جدا جدا لأصحاب الـvtc 4800 قبل ما ينحاس القير وقبل الكلافة -المشكلةوكيفية الوقاية
الثقيل
03/05/2009, 06:15 PM
السلام عليكم ورحمة الله وبركاته
أعضاء مكشات وخاصة أصحاب جيوب الباترول VTC 4800
وقبل ما تقعون في المشكلة وينفك القير وتنحاس السيارة وتخسرون مبالغ
المشكلة هاذي معرض لها جميع سيارات قير التماتيك من هذا النوع
ولا يفرق السيارة نظيفة أو مكروفة
المشكلة اللي حصلت معي أحاول سردها ليستفيد منها الجميع وتختصر مسافات عليهم
في نهاية الموضوع تنبيه للسلامة من هذه المشكلة
وأعراض أتوقع أنا لبدايتها
قبل فترة وأنا طالع مشوار 120 كلم
وقفت وطفيت وإذا بالسيارة تفور مع العلم أني مالاحظت تغير على أمبير الحرارة
فتحت الكبوت لقيت قربة الألديتر تفور مادة رصاصية ثقيلة
خفت أن الزيت خلط بالماء فتحت عيار زيتت المكينة لقيته سليم
حملت السيارة على سطحة ثم تبينت الأمور
زيت القير له مبرد موجود في الألديتر
المبرد من ألمنيوم شد بلد وبسهولة وبدون أي مقدمات
ينخرم المبرد ولا يؤثر حسن الاستعمال أو سوءه
طبعاً هذا كلام فَنيَّين اثنين
لكون المبرد ألمنيوم مع العلم أن المناسب كون المبرد نحاس
يؤدي الغرض وأقوى وأصبر
وهنا يبدأ مشوار الكلافة
يبدأ من ورشة ألديترات بحيث يفك الألديتر والقرب ويرهم مبرد نحاس
ثم ينظف الزيت منها لفترة عمل يوم كامل متواصل حتى تنظف الألديترات ومواصيرها من الزيت
مع العلم أنه يحتاج تغيير الماء كل ثلاث أيام حتى ما يبقى أثر للزيت
عند الانتهاء من الألديتر يستمر مشوار الكلافة مع القير
لأن الماء دخل على القير فيحتاج تنظيف
ومشكلة تنظيفه أنه يستهلك زيت بكمية كبيرة تقدر قيمة الزيت فيها بـ400 ريال
طبعا يستعمل في التنظيف زيت القير العادي اللتر بـ10 ريال
ولا زيت القير للباترول خاص نفس زيت الـ BMW اللتر بـ 65ريال
وتنظيف القير يكون بطريقة خاصة لأنه لو فك غطاءالقير من تحت ماينزل إلا كمية قليله من الزيت
فالحل تشبك المواصير اللي طالعة من القير للألديتر للتبريد تشبك في بعض
ثم يعبأ القير زيت وتشغل السيارة ويترك يدور الزيت ثم يفك وينثر وهكذا حتى تنظف السيارة تماماً
وهنا أحياناً تنتهي المشكلة وأحياناً يستمر مشوار الكلافة
سيارتي يوم أخذتها بعد هذه العملية لاحظت قومتها ثقيلة
وإذا بالقير معلق على الرابع
وهذي تحتاج إعادة برمجة تقوم بها الوكالة أو صاحب ورشة متميزة ومتخصصة عندنا في القصيم
يستاهلون الدعاية خصوصاً أن صاحب الورشة السعودي يشتغل بيده ويتابع عماله بنفسه عارف بالشغلة ومتخصص قيرات
ورشة الشيبان في الخضيرا ببريدة
يسوي إعادة برمجه للقير حساساته
وأحياناً تحل المشكلة وغالباً يستمر مشوار الكلافة
يصلح القير ثم شوي ويعلق على الرابع
هنا يحتاج تغيير للحساسات
طبعاً جديد ما تباع الحساسات إلا بالخارطة حقت القير بحوالي 4500 ريال حسب ما سمعت
والحل عند الله ثم التشليح
وبما أن هالقطع مطلوبة فليس من السهولة أبداً أنك تحصل فالتشاليح
وإذا وفق الله وحصلت تركب الحساسات
واحتمال تسلك واحتمال يستمر مشوار الكلافة
اللي حصل أن الخراب مازال مستمر
فالحل بعد توفيق الله تغيير الخارطة كلها مع حساساتها سواء جديد أو مستعمل
بعد تغيير الخارطة مع حساساتها
احتمال يكتفي الباترول بهذه الخساير واحتمال يستمر مشوار الكلافة
فتكون هناك مشكلة في كلتش الرابع يحتاج فك القير وتغيير
وهنا بعون الله تنتهي مشكلة الباترول VTC 4800 الكبرى
ويعود الباترول لموقعه المرموق الذي يستحقه
هذا تفصيل قصتي مع مبرد الباترول لأنه هو أساس المشكلة
ذكرتها ليستفيد منها أعضاء مكشات زملائي أصحاب الباترول
للأهمية:
- للسلامة من هذه المشكلة أن يغير المبرد فوراً ويرهم ((نحاس)) _حسب توجيه المتخصصين_
لأن الوكالة يضعون مبرد ألمنيوم وهو هزيل من صناعته
- قبل المشكلة بيوم لا حظت القير كل ما أهدي وآخذ ملف إذا دعست على البانزين ألاحظ فضاوة في القير كأنه مفضى ثم يلقم وتمشي السيارة
طبعاً هذا دليل نقص القير ويمكن أنه يكون بداية المشكلة
وقبل كل شيء الحمدلله على ما أراد وقدّر
شمس المغيب
03/05/2009, 06:27 PM
الله يجزاك بالخير وجعلها اخر المشاكل بأذن الله
ولكن اخوي هل بعد الشغل هذا كله اخرجت المبرد القديم او تركته وقفلت الفتحات بس
حمد808
03/05/2009, 06:51 PM
الله يجزاك خير
كم ماشي موترك يوم تجية المشكلة
وكم مديلة
وكم كلفك تصليح الماسورة نحاس
لاتكب البيالة
03/05/2009, 07:03 PM
انا سمعت نفس كلامك لكن من واحد عنده باثفندر 2006 زيت القير خلط مع المكينة ومن هالامور
باترول للأبد
03/05/2009, 07:20 PM
وعليكم السلام ورحمة الله وبركاته
جزاك الله خير أخوي الثقيل وصراحه موضوع رائع وجهد جبار
وكلامك كله صحيح 100% وأن شاء الله نطبق كل ماسويته
عععبيد
03/05/2009, 07:36 PM
معلومات مهمه
تشكر عليها اخوي الثقيل
واتمنى انها تكون اخر المشاكل لعمنا الفتك
تقبل مروري /عععبيد
والله صدقت أخوي الثقيل وكنت بنزل موضوع بهذا الخصوص لكن سبقتني علما أن الرديتر مع الوقت يهرب من الطبله.
فيه واحد شغال في شركه يقول مافيه أصبر منه يكرف كرف عندهم واحد ماشي 250 الف بون تغيير زيت القير
الهوى جنوبي
04/05/2009, 12:41 AM
والله بعد ما قريت كلامك وشرحك الوافي عن هذه المشكله اني كرهت الvtc وكرهت القيرات اللي تجي مثل هالنوع يازين القير العادي بس لا وتقول (عاد الباترول لموقعه المرموق الذي يستحقه ) اي موقع الله يحفظك بعد هذه الخبصه
الله يعوض عليك ويخلف عليك بخير في خسارتك وتقبل تحياتي،،،
ابو مكازي2002
04/05/2009, 01:07 AM
الله يعطيك الف عافية علي الشرح الوافي والكافي واعجبتني كلمت ويعود مشووار الكلافه ههههه
اشوى ان موتر قير عادي ولا كان انواع الوسوسه
تحياتي
joooon11
04/05/2009, 02:37 PM
الحمد لله انها جت على كذا
وعندي سؤال وش تحط موية للرديتر هل من الحنفية ؟؟؟؟؟
أبو علي
الثقيل
04/05/2009, 04:38 PM
شكر الله للأخوان مرورهم
واقتطاعهم من أوقاتهم للموضوع
أخوي شمس المغيب
مبرد الوكالة مهوب قديم لو تشوفه ماتصدق
يمكن تمنظر عليه من نظافته
لكن نوعيته ألمنيوم ما تصبر
أنا غيرته ورهمت مبرد نحاس
وهو ناجح بفضل الله
الثقيل
04/05/2009, 04:49 PM
أخوي حمد 808
الموتر ماشي 178 ألف تقربياً
الموديل 2003
كلف المبرد نحاس مع شغل يد 150 ريال
الله يعطيك العافية
الثقيل
04/05/2009, 05:07 PM
أخوي
لا تكب البيالة
الله يعطيك العافية على مرورك
باترول للأبد
إن شاء الله ما تجرب ولا ينحاس عليك شي
عععبيد
الله لا يوريك المشاكل
أخوي 6670
المشكلة هاذي متكررة مع أصحاب النوع
راعي الورشة اللي صلحت عنده واقف عنده 7 سبع جيوب نفس النوع ونفس المشكلة
حمد808
04/05/2009, 07:56 PM
الله يعطيك العافية
اي واحد يصلح اديترات يقدر يصلح الماسورة نحاس
قطب 999
05/05/2009, 10:15 AM
شف لك ميكانيكي يلغي المبرد اللي داخل الرديتر ويركب مبرد خارجي
Magellan
05/05/2009, 10:31 AM
مشكور على هذا السرد الطيب
وترى مافي سيارة بوقتنا الحالي سواء فتك أو غيره إلا موجود فيهن الكلافة والتعب لسبب بحث مصنعين السيارات في وقتنا الحالي عن الربح وتقليل العمر الإفتراضي للقطع...
بس مادام الأمر يدور على الكلافة ونحوه،،
وهي كلمة أعتبرها ماركة مسجلة وأعجبتني كثيرا
فأقول لابد من وضع مبرد خارجي للقير وإلغاء الداخلي داخل الرديتر
وفيه أصلي من مبردات القير صناعه أمريكية مضمونه بسعر لايتجاوز 200 ريال
وبعضهن مجهزه بمروحه،وتباع بمحلات الزينة والترهيم وأكيد بالقصيم فيه وخصوصا بعنيزه (مثل الحسون) ...
والله يفك عوق موترك
مشكور على هذا السرد الطيب
وترى مافي سيارة بوقتنا الحالي سواء فتك أو غيره إلا موجود فيهن الكلافة والتعب لسبب بحث مصنعين السيارات في وقتنا الحالي عن الربح وتقليل العمر الإفتراضي للقطع...
بس مادام الأمر يدور على الكلافة ونحوه،،
وهي كلمة أعتبرها ماركة مسجلة وأعجبتني كثيرا
فأقول لابد من وضع مبرد خارجي للقير وإلغاء الداخلي داخل الرديتر
وفيه أصلي من مبردات القير صناعه أمريكية مضمونه بسعر لايتجاوز 200 ريال
وبعضهن مجهزه بمروحه،وتباع بمحلات الزينة والترهيم وأكيد بالقصيم فيه وخصوصا بعنيزه (مثل الحسون) ...
والله يفك عوق موترك
بعد بحث مع الاخوان والتشاور يكون المبرد في الداخل ابرد ليكون بجانب الماء
أخوي الثقيل:
أنا مصدقك وخوي اللي شغال بشركه يقول تعبنا تهريب الطبله للاديتر مايقعد الا سنه ويهرب ويقول المبرد جانا الى الان ثلاثه سيارات واحده تم توليف مبرد له للتجربه
الثقيل
07/05/2009, 06:32 PM
أعتذر للجميع على تأخر ردودي
أخوي الهوى جنوبي
الفتك موتر عليه العلم
وإذا جاك قير عادي وش خليت
أخوي أبو مكازي2002
أحمد ربك على القير العادي
الله يبارك لك فيه
أخوي أبو علي
الموية الخضراء الأصلية
ونظيفة حتى مع طول استعمالها
Magellan
09/05/2009, 01:02 AM
بعد بحث مع الاخوان والتشاور يكون المبرد في الداخل ابرد ليكون بجانب الماء
أخوي الثقيل:
أنا مصدقك وخوي اللي شغال بشركه يقول تعبنا تهريب الطبله للاديتر مايقعد الا سنه ويهرب ويقول المبرد جانا الى الان ثلاثه سيارات واحده تم توليف مبرد له للتجربه
أخوي فيه مبرد قير مزود بمروحة معه يعني ماتحتاج لمبرد داخل القير
لأنه لو إختلط ماء الرديتر مع زيت القير ودخل طنجرة القير فيلزمك توضيب القير
ومن الممكن تزويد السيارة بمبردين يعني الأصلي اللي يجي في الرديتر زائد خارجي قبل مايدخل الرديتر عشان مايضرب الطبات من الحرارة ....
وطبات النحاس هي سبب المشاكل من التهريب لكن الفيبر أضمن ،لكن عيبها في الحرارة الزائدة جدا
عبدالرحمن305
09/05/2009, 01:46 AM
هلا باخوي الثقيل
مشكور وجزاك الله خير على النصيحه
انا عندي سفاريsgl موديل92 اوتماتيك
اتصدق مشى 380 الف بدون مبالغه مافيه شئ
جبر وماكينه ممتازه والراديتر مافكيناه ماشاء الله عليه بس حسافه بعته
وشريت 2005 اتوماتيك الله يعين لاوصلت السرعه 80 سمعت طقه بالقير قويه
تحياتي
بانثر
10/05/2009, 02:11 AM
اخوي الثقيل الله يجزاك خير على المعلومه المهمه وين اللي يرهم المبر نحاس اي ورشه
مخاوي البيئه
10/05/2009, 06:31 AM
ألف شكر ياخوي على الموضوع والنصائح
أبو.محمد
10/05/2009, 06:58 AM
جزاك الله خير ,,,
الله يحفظنا من كل مكرووه ..
بـتّاع
10/05/2009, 07:33 AM
الله يفك عوق موترك ..
واشكرك جزيل الشكر على الإيضاح المهم ..بارك الله فيك وفي حلالك .ومالك
سوبر VTC
21/07/2009, 03:34 PM
و عليكم السلام و رحمة الله
مشكور على الموضوع وخدمت اخوانك و جزيت خيرا
تاكيد لكلامك
طبعا الماء يدخل على زيت القير من خلال سيلة او وجه المبرد اللي بداخل طبلة الاديتر
و اذا دخل الماء خبط القير
عندنا العثمان ببريده وضب موتر فتك لاحد الربع م2003 ب7000الاف على الضمان
و يقول راعي الورشة الافضل ان الواحد يحط اديتر خارجي للقير ب600ريال
و هن توفيق بعد الله
لكن انا اتصور ان الفتك اذا احتمى او جاه جلد بالنفود تنسم السيلة و يدخل الماء على القير
تقدر تعرف ان الزيت دخل على الماء
من خلال ملاحظة ماء الاديتر هل به بقع زيت ام لا
و يمكنك شم الماء و معرفه رائحة الزيت
abomeshal
21/07/2009, 08:34 PM
بيض الله وجهك لو كل واحد صارت له شغله زى كذا وكتبها راح يستفيد اخوانه وانا اولهم بس ما عندى سفارى الاكيد صار عندى فكره عن الموضوووع
الوجيه 96
21/07/2009, 10:05 PM
يا اخوان
انا عندي صالون Gxr 97
قير عايدي بس وجدت من فترة ان في غطاء اللديتر زيت وفي مو ية اللديتر وسويت له غسيل بالماكينة وما راح
وفكيت مبرد زيت الماكينة واختبرة المهندس وطلع سليم وغيرت وجه ورجعته وما تغير شي نفس المشكلة
وفيه ناس يقولون انه من السلندر وبيكلف 1800 ريال
الي عنده الحل يقول وربي يجزاكم خير
سوبر VTC
22/07/2009, 01:05 AM
يا اخوان
انا عندي صالون Gxr 97
قير عايدي بس وجدت من فترة ان في غطاء اللديتر زيت وفي مو ية اللديتر وسويت له غسيل بالماكينة وما راح
وفكيت مبرد زيت الماكينة واختبرة المهندس وطلع سليم وغيرت وجه ورجعته وما تغير شي نفس المشكلة
وفيه ناس يقولون انه من السلندر وبيكلف 1800 ريال
الي عنده الحل يقول وربي يجزاكم خير
احتمال ان وجه الراس تعبان
و ما يحجب بين الماء و الزيت
اذا كانت المكينه صافيه لا تحرك ساكن
اهم شي تاكد من عيار الزيت لا يكون به بقع ماء
اذا كان الزيت قليل جدا بالاديتر لا تحرك ساكن
اجلد الموتر بمشوار 10دقائق يعني شغل حامي تقل احد يلحقك
ثم وقف و افتح غطاء الزيت
اذا لاحظت على نفس الغطاء حليب فهذا معناته ان عندك تبخير ماء
و الماء يدخل على الزيت من خلال وجه الراس
تاكد من الماء لايكون ينقص
سبب اخر
انه احتمال ان موتر ك قد احتمى سابقا و تاثر وجه الراس
باثفندر
22/07/2009, 01:29 AM
ليتك تذكر الموديل لحصر المشكلة ،،، مع اني اعتبرها بسيطة .
سوبر VTC
22/07/2009, 01:49 AM
ليتك تذكر الموديل لحصر المشكلة ،،، مع اني اعتبرها بسيطة .
عن اذنك اخوي الثقيل
المشكله بالفتك من م2002 و طالع
طيب اذا كانت المشكلة بسيطه و خرب عليك القير لا قدر الله
تقدر تدفع و توضب ب7000الاف !!!!!
اذا كنت تقدر غيرك ما يقدر يدفع اقساط و ديون
اهم شي ان الواحد يقرا ورده اليومي و يتوكل على الله
اللي كاتبه الله يبي يصير لكن مع الاخذ بالاسباب المعينه
محسن اليامي
22/07/2009, 01:55 AM
مشكور ويعطيك العافيه
فتك ابوفهد
22/07/2009, 07:30 AM
السلام عليكم ورحمة الله وبركاته
أعضاء مكشات وخاصة أصحاب جيوب الباترول VTC 4800
وقبل ما تقعون في المشكلة وينفك القير وتنحاس السيارة وتخسرون مبالغ
المشكلة هاذي معرض لها جميع سيارات قير التماتيك من هذا النوع
ولا يفرق السيارة نظيفة أو مكروفة
المشكلة اللي حصلت معي أحاول سردها ليستفيد منها الجميع وتختصر مسافات عليهم
في نهاية الموضوع تنبيه للسلامة من هذه المشكلة
وأعراض أتوقع أنا لبدايتها
قبل فترة وأنا طالع مشوار 120 كلم
وقفت وطفيت وإذا بالسيارة تفور مع العلم أني مالاحظت تغير على أمبير الحرارة
فتحت الكبوت لقيت قربة الألديتر تفور مادة رصاصية ثقيلة
خفت أن الزيت خلط بالماء فتحت عيار زيتت المكينة لقيته سليم
حملت السيارة على سطحة ثم تبينت الأمور
زيت القير له مبرد موجود في الألديتر
المبرد من ألمنيوم شد بلد وبسهولة وبدون أي مقدمات
ينخرم المبرد ولا يؤثر حسن الاستعمال أو سوءه
طبعاً هذا كلام فَنيَّين اثنين
لكون المبرد ألمنيوم مع العلم أن المناسب كون المبرد نحاس
يؤدي الغرض وأقوى وأصبر
وهنا يبدأ مشوار الكلافة
يبدأ من ورشة ألديترات بحيث يفك الألديتر والقرب ويرهم مبرد نحاس
ثم ينظف الزيت منها لفترة عمل يوم كامل متواصل حتى تنظف الألديترات ومواصيرها من الزيت
مع العلم أنه يحتاج تغيير الماء كل ثلاث أيام حتى ما يبقى أثر للزيت
عند الانتهاء من الألديتر يستمر مشوار الكلافة مع القير
لأن الماء دخل على القير فيحتاج تنظيف
ومشكلة تنظيفه أنه يستهلك زيت بكمية كبيرة تقدر قيمة الزيت فيها بـ400 ريال
طبعا يستعمل في التنظيف زيت القير العادي اللتر بـ10 ريال
ولا زيت القير للباترول خاص نفس زيت الـ BMW اللتر بـ 65ريال
وتنظيف القير يكون بطريقة خاصة لأنه لو فك غطاءالقير من تحت ماينزل إلا كمية قليله من الزيت
فالحل تشبك المواصير اللي طالعة من القير للألديتر للتبريد تشبك في بعض
ثم يعبأ القير زيت وتشغل السيارة ويترك يدور الزيت ثم يفك وينثر وهكذا حتى تنظف السيارة تماماً
وهنا أحياناً تنتهي المشكلة وأحياناً يستمر مشوار الكلافة
سيارتي يوم أخذتها بعد هذه العملية لاحظت قومتها ثقيلة
وإذا بالقير معلق على الرابع
وهذي تحتاج إعادة برمجة تقوم بها الوكالة أو صاحب ورشة متميزة ومتخصصة عندنا في القصيم
يستاهلون الدعاية خصوصاً أن صاحب الورشة السعودي يشتغل بيده ويتابع عماله بنفسه عارف بالشغلة ومتخصص قيرات
ورشة الشيبان في الخضيرا ببريدة
يسوي إعادة برمجه للقير حساساته
وأحياناً تحل المشكلة وغالباً يستمر مشوار الكلافة
يصلح القير ثم شوي ويعلق على الرابع
هنا يحتاج تغيير للحساسات
طبعاً جديد ما تباع الحساسات إلا بالخارطة حقت القير بحوالي 4500 ريال حسب ما سمعت
والحل عند الله ثم التشليح
وبما أن هالقطع مطلوبة فليس من السهولة أبداً أنك تحصل فالتشاليح
وإذا وفق الله وحصلت تركب الحساسات
واحتمال تسلك واحتمال يستمر مشوار الكلافة
اللي حصل أن الخراب مازال مستمر
فالحل بعد توفيق الله تغيير الخارطة كلها مع حساساتها سواء جديد أو مستعمل
بعد تغيير الخارطة مع حساساتها
احتمال يكتفي الباترول بهذه الخساير واحتمال يستمر مشوار الكلافة
فتكون هناك مشكلة في كلتش الرابع يحتاج فك القير وتغيير
وهنا بعون الله تنتهي مشكلة الباترول VTC 4800 الكبرى
ويعود الباترول لموقعه المرموق الذي يستحقه
هذا تفصيل قصتي مع مبرد الباترول لأنه هو أساس المشكلة
ذكرتها ليستفيد منها أعضاء مكشات زملائي أصحاب الباترول
للأهمية:
- للسلامة من هذه المشكلة أن يغير المبرد فوراً ويرهم ((نحاس)) _حسب توجيه المتخصصين_
لأن الوكالة يضعون مبرد ألمنيوم وهو هزيل من صناعته
- قبل المشكلة بيوم لا حظت القير كل ما أهدي وآخذ ملف إذا دعست على البانزين ألاحظ فضاوة في القير كأنه مفضى ثم يلقم وتمشي السيارة
طبعاً هذا دليل نقص القير ويمكن أنه يكون بداية المشكلة
وقبل كل شيء الحمدلله على ما أراد وقدّر
وعليكم السلام ورحمة الله وبركاته
اخوي انا صار لي مثل اللي صارلك وغيرت المبرد عند حق الرديترات وضبط بعدين خرب مره ثانيه بعد تقريبا شهرين وغيرته وليتني ماغيرته تمنيت اني مغير الرديتر كامل والسبب
اني يوم طلعته من عند حق الرديترات مسكت خط علطول وبعد مامشيت 50 كيلو انطلق علي اللي حق مبرد الزيت ونزل الزيت كله بالأرض حسبي الله على اللي ركبه
وبعدها دخلته الوكاله وغيرو الزيت والرديتر وقالو سيارتك لازم تغير الخارطه حقت حساسات القير وقالو السعر 4500 ريال وشغل اليد 1500 واستغربت غلائها وقلت مالي الا التشليح
والله ورحت شريتها من التشليح وركبتها عند ورشه متخصصه وضبطت السياره لكن وهنا بيت القصيد
السياره تبديلاتها مظبوطه وسافرت عليها الحمد لله مظبوطه بس فيها عيب واحد القير اذا حطيته على D يتأخر وبعدين يعشق ويمشي مظبوط ياليت ألقى الحل عند اصحاب الخبره مع اني كل شي غيرته
وبس الحين ما عندي غير هالمشكله
ارجو اني القى الحل ... وآسف على الاطاله
وتقبل مروري اخوي
الربع الغالي
22/07/2009, 11:28 AM
والله أنك صادق أنا صارت لي في جيبي الفتك 2002
نظفت الأديتر وعبيته المويه والقيرنظفته وحطيت زيت قير تويوتا
وبعدها غسلت السيارة وعلى المعارض ((((((والفكه غنيمه))))))
دحدوح المملوح
22/07/2009, 03:02 PM
الباترول خايس وقطع غياره غاليه
مامثل التايوتا
فتك ابوفهد
22/07/2009, 06:38 PM
الباترول خايس وقطع غياره غاليه
مامثل التايوتا
احسن مافي التويوتا الهايلكس ولا غيره لا ترجي خير
محمدالعريني
23/07/2009, 05:47 AM
يالربع انا عندي استفسار تحويل الفتك من تماتيك الا عادي كم يكلف شامل كل القطع وشغل اليد
والله بيصير الموتر طياره قير عادي على دفرنس تماتيك ارجو الافاده
سوبر VTC
23/07/2009, 06:17 AM
يالربع انا عندي استفسار تحويل الفتك من تماتيك الا عادي كم يكلف شامل كل القطع وشغل اليد
والله بيصير الموتر طياره قير عادي على دفرنس تماتيك ارجو الافاده
هو يمكن يبي يصير طيارة لكن لا تنسى (يمكن) رقم او مقاس الكارونة يختلف
و بالتالي يمكن يختلف العزم زيادة او نقص
فتك ابوفهد
23/07/2009, 11:51 AM
وعليكم السلام ورحمة الله وبركاته
اخوي انا صار لي مثل اللي صارلك وغيرت المبرد عند حق الرديترات وضبط بعدين خرب مره ثانيه بعد تقريبا شهرين وغيرته وليتني ماغيرته تمنيت اني مغير الرديتر كامل والسبب
اني يوم طلعته من عند حق الرديترات مسكت خط علطول وبعد مامشيت 50 كيلو انطلق علي اللي حق مبرد الزيت ونزل الزيت كله بالأرض حسبي الله على اللي ركبه
وبعدها دخلته الوكاله وغيرو الزيت والرديتر وقالو سيارتك لازم تغير الخارطه حقت حساسات القير وقالو السعر 4500 ريال وشغل اليد 1500 واستغربت غلائها وقلت مالي الا التشليح
والله ورحت شريتها من التشليح وركبتها عند ورشه متخصصه وضبطت السياره لكن وهنا بيت القصيد
السياره تبديلاتها مظبوطه وسافرت عليها الحمد لله مظبوطه بس فيها عيب واحد القير اذا حطيته على D يتأخر وبعدين يعشق ويمشي مظبوط ياليت ألقى الحل عند اصحاب الخبره مع اني كل شي غيرته
وبس الحين ما عندي غير هالمشكله
ارجو اني القى الحل ... وآسف على الاطاله
وتقبل مروري اخوي
للرفع والمشكله تأخير بالقير ياأخوان
اذا عشقته D يتأخر وبعدين يعشق والتبديل مظبووووط واذا عشقته R يعشق علطوووووووووول
الفزعه يا >>> سوبر فتك ولا يهونون الربع
سوبر VTC
23/07/2009, 07:50 PM
للرفع والمشكله تأخير بالقير ياأخوان
اذا عشقته D يتأخر وبعدين يعشق والتبديل مظبووووط واذا عشقته R يعشق علطوووووووووول
الفزعه يا >>> سوبر فتك ولا يهونون الربع
لاهنت
و البركه بالاعضاء و المشرفين ما يقصرون
و انا اخر واحد يوخذ رايه
و الله يابعدي ماقدر اعطيك علمن اكيد
الخراب قد يختلف من موتر الى اخر
قد يكون الخلل اما تنسيم بالخارطه او خراب باحد حساسات الخارطه
او يكون الخراب من كمبيوتر القير
او المشكله من كتاوت القير في الرفرف
اخبر احد الربع عيا يمشي موتره طبعا امريكي
حصل ان الخارطة ماربطت مساميره => تاكد من ذلك
او تكون المشكله من كلتشات القير بسبب المشكلة السابقة و الحرارة
عموما ابعطيك رقم على الخاص و كلم الرجال و بشر وش يقول لك
ابولولو
23/07/2009, 08:03 PM
المشاكل بكل السيارت ماهب بس بالفتك كل موتر به حقه من الخرابات شكرا لراعي الموضوع والتوضيح
فتك ابوفهد
23/07/2009, 08:26 PM
كل اعضاء مكشات فيهم الخير والبركه
بالنسبه للخارطه غيرتها كامله والقديمه مازالت عندي بحساساتها كامله
والكمبيوتر رحت للتشليح وطابقت رقم الكمبيوتر بفتك مديل 2005 وطلع نفس الرقم وركبته للتجربه وماتغير شي
والكتاوت تم تغييره
والقير اذا مشيت عليه ما تلاحظ عليه اي شي ونشيط بعد ماشاء الله
فتك ابوفهد
23/07/2009, 08:30 PM
حصل ان الخارطة ماربطت مساميره => تاكد من ذلك
او تكون المشكله من كلتشات القير بسبب المشكلة السابقة و الحرارة
كيف اتاكد من المسامير مع العلم ان التأخير كان موجود من قبل ما أغير الخارطه
ادري كثرت الاسئله بس تحملني
مقلع الرمث
23/07/2009, 09:04 PM
شوكرن على النصيحه
ابوناصر426
01/09/2009, 03:22 AM
شكر الله للأخوان مرورهم
واقتطاعهم من أوقاتهم للموضوع
أخوي شمس المغيب
مبرد الوكالة مهوب قديم لو تشوفه ماتصدق
يمكن تمنظر عليه من نظافته
لكن نوعيته ألمنيوم ما تصبر
أنا غيرته ورهمت مبرد نحاس
وهو ناجح بفضل الله
كيف رهمته
اذا تعرف ورشة بالرياض ترهم افزع لنا الله لايهينك
سوبر VTC
01/09/2009, 03:25 AM
العثمان ببريده
يركب اديتر خارجي للقير مع كل شي ب600ريال
ابوناصر426
01/09/2009, 03:32 AM
العثمان ببريده
يركب اديتر خارجي للقير مع كل شي ب600ريال
الله يعطيك العافية
انا ادور لي محل بالرياض لان موقعي بالرياض
ابوناصر426
01/09/2009, 05:59 AM
الاخ ابوحمد666 (http://www.mekshat.com/vb/member.php?u=112090) ممكن ترسل لي رقم جوالك او ايميلك على الخاص
وشكرا
ناصر ابويوسف
01/09/2009, 07:07 AM
الله يخلف عليك ويرزقك
ياااجماعه وش الله حااادكم على النيـسااان ياجماعه قسم بالله ان اكثر سياارات الورشااات نيساان وخصووصا البوواترول والباثفدنر ياجماعه ريحو اعماركم انا مادري وشلون متحملين هنوود الورشات ونصبهم ياجماعه افتكو وارتاحو وريحو طقوو تايووتا وارقد وامن
التايوووتا >>> وريح نفسك
هااااااوي
02/09/2009, 11:47 PM
بااااااااالتووفيق
ابرق نثيل
13/10/2009, 07:38 PM
مشكور اخوي على الموضوع والله يعوضك عن الكلافه
لو كل واحد صارت له شغله زى كذا وكتبها راح يستفيد اخوانه
انا اذكر سبق وان صارت لي نفس المشكله مع كابرس 2001 وضبته مرتين
وهناك نقطه غاية في الاهمية احب اشير لها
اديتر الفتك المنيوم ولايسيخ ابداً لانه متربط مع مبرد زيت القير
يلزم تغيير الاديتر كامل خصوصاً للقير الاتوماتيك
واحد من الزملاء وقت تسييخ الاديتر هرب زيت القير واشو انتبه ووده الوكاله واخذ له اديتر جديد وانتهت المشكله
Nasser-ahah
13/10/2009, 07:57 PM
واحد من جماعتنا معه فتك 2004 خبط القير عنده ووضبه عند العثمان في بريدة
ب7000 ورهم له العثمان رديتر خارجي لتبريد زيت الجير
سؤال للأخ سوبر فتك بالنسبة للترهيم اللي عند العثمان هل الرديتر ألمونيوم ولا ؟؟؟ ماذا
اللي يجي لونه فضي
أبوراشد
12/08/2011, 12:07 AM
جزاك الله خير
الظاهر وقعنا بنفس المشكلة مع الردي الأرمادا
والشيبان يقول أنه عيب مصنعي بمبرد زيت القير للباترول و الأرمادا يقول المشكلة متكررة في السيارتين
أرجو من المشرف تثبيت الموضوع ,,,
وأي شخص يقرأ الموضوع غيّر مبرد زيت القير لا يدمر عليك القير
سلكي نت
12/08/2011, 12:35 AM
تسلم يمينك على النصيحة
والله يجزاك خير
شمالي طي
12/08/2011, 01:14 AM
جزاك الله الف خير يالغالي بس ياليت اسم الورشه وباي شارع او الاتصال علي بعد اذن الاداره 0531293335
وليد46
14/08/2011, 01:39 AM
ياشباب تكفون فيه احد جرب يركب مبرد للقير خارجي ؟ ؟
انا سمعت ان ورشة الفوزان بالتشاليح بريدة تركب وبقيمة 200 ريال بس ويضمن لك شغلة
بس ودي اعرف تكفون فيه احد ركب انا معي 2007 وودي اركب وش رايكم تفكون ابي احد جرب الله لا يحرمكم الاجر
السليطين
14/08/2011, 01:45 AM
الله يخلف عليك ويرزقك
ياااجماعه وش الله حااادكم على النيـسااان ياجماعه قسم بالله ان اكثر سياارات الورشااات نيساان وخصووصا البوواترول والباثفدنر ياجماعه ريحو اعماركم انا مادري وشلون متحملين هنوود الورشات ونصبهم ياجماعه افتكو وارتاحو وريحو طقوو تايووتا وارقد وامن
التايوووتا >>> وريح نفسك
وش حادنا ؟؟؟؟؟
والله مارتحت الين تركت تويوتا ,,,, يمكن انا ماتوفقت فيه ...
كلن يعد ما واجهه يارجال ..
وليد46
14/08/2011, 02:16 AM
ولا رد ؟معقوووووووووووووووووووووووووووووولة
ابومناحي
14/08/2011, 02:18 AM
الله يخلف عليك ويرزقك
ياااجماعه وش الله حااادكم على النيـسااان ياجماعه قسم بالله ان اكثر سياارات الورشااات نيساان وخصووصا البوواترول والباثفدنر ياجماعه ريحو اعماركم انا مادري وشلون متحملين هنوود الورشات ونصبهم ياجماعه افتكو وارتاحو وريحو طقوو تايووتا وارقد وامن
التايوووتا >>> وريح نفسك
والله ماشفت الراحه الا يوم دحرجت الباترول للمعارض
المنيعي1
14/08/2011, 03:17 AM
طيب ماء الرديتر عندك قبل المشكله كان ماء عايدي أو ماء رديتر ملون وتغيره كل 40000 كلم
مركز الثقل
14/08/2011, 03:20 AM
بلاه والله من شغل الصين ابو كلب اللي بالسفاري
VTC 2002
14/08/2011, 03:32 AM
الاديتر الالمنيوم ما يصلح له الا ماء مقطر يعني مثل موية الصحه لاني سمعت ان الماء الاخضر ما يصلح للالمنيوم ويخربه فا انتبهوا للنقطه هذي يا اخوان وتاكدوا من هالمعلومه. وشكراً
ذيب شمر2
14/08/2011, 03:43 AM
والله بعد ما قريت كلامك وشرحك الوافي عن هذه المشكله اني كرهت الvtc وكرهت القيرات اللي تجي مثل هالنوع يازين القير العادي بس لا وتقول (عاد الباترول لموقعه المرموق الذي يستحقه ) اي موقع الله يحفظك بعد هذه الخبصه
الله يعوض عليك ويخلف عليك بخير في خسارتك وتقبل تحياتي،،،
يا الطيب نصيحه مني اذا انت ما تعرف شيخ المواتر لا تغلط عليه وخلك معه محترم نعم السفاري او الباترول شيخ في كل شي واسئل اي واحد مجربه مهب تقول ماله مكانه مرموقه له مكانه ونص غصب على اللي ما يبي مهب طيب لان الباترول ماخذ العز بذراعه مهب بقيمته الله يهديك ...
وليد46
14/08/2011, 04:08 AM
اقووول خلو عنا الهواش والمهايط وابي واحد عااقل يقولي اطلع مبرد القير برااا ولا لاااا
سوبر فتك
14/08/2011, 04:09 AM
يا اخوان انا من يومين ضرب عندي القير توب ترونك سفارى 2 2007 وديته للوكاله قالو خلط الزيت مع موية الاديتر وقالو يكلف توضيبه 11 الف ريال مع اديتر جديد
ياخوان بالله احد يدلنا على ورشه شغله نظيف لان اسعار الوكاله غاليه علينا والعيد جاي
جزاكم الله خير
واثق الخطوه-
14/08/2011, 04:14 AM
شباب لا تروعونا ههههههههههههه
وليد46
14/08/2011, 04:23 AM
لا والله هالمشكلة. منتشرة بقووه وانصح اي واحد معه فتك يفصل مبرد القير عن الاديتر عند اي ورشة وفيييه ورشة الفوزان خمس صلحوا عنده لهم اكثر من سنة بس اناا محتااااار مدري ليش وابي شوووركم
الباثفندر 3.5
14/08/2011, 04:37 AM
و الله انه هالمشكله منتشره بالفتك و الباث و الارمادا
وليد46
14/08/2011, 04:57 AM
معقوووله ماافيه احد جرب يفصل المبرد عن الاديتر يااااشبااب ابي احد جرب هالطريقة تكفووون
وليد46
14/08/2011, 05:01 AM
والله ودي القا واحد امجرب ازين لي مع العلم اني لاقي بس ودي اقنع اكثر مادري وراي متردد
ترى فيه اختلاف بالتبريد
تبريد المصنع عن طريق الاديتر بالماء والتبريد الخارجي عن طريق الهواء اخاف بزحمة المدينه يحتمي القير اكثر
وليد46
14/08/2011, 05:15 AM
يااااسلام عليك والله نفس الشي الي افكر به بس ياخي الي اعرفهم مركبينه برا لهم فتره طويله يعني حول سنتين وش رااايك وبعدين يقوول راعي الورشة انا معي الفين وسته من الوكاله وفاكه برااا عن الاديتر اول ماشريت الموتر والله ياااخي مادري
بصراحه اذا شفت الرد رقم 64 تحيرت لان بصراحه تخاف تركب اديتر خارجي يحتمي ويخبط القير وتخاف تتركه مثل وكالته برضو تنشق الماصورة ويخلط الما مع الزيت ويخبط
وليد46
14/08/2011, 05:33 AM
ياااخي غريبه وين الي جربواا طيب مايعلمونناااا واللله انه غريبه
وليد46
14/08/2011, 05:38 AM
وبعدين انا اتوقع انه قداام بوجه الموتر لايمكن يحترر بالعكس مكانه قبل هو الي يحتر وبنفس الوقت
اقووول اليبانييين ابخص والله اني محتااار قسمن بالله بس شكلي بتوكل على الله
شكلي بركب اديتر واحطه بالغماره عشان مايحتمي
ساري 111
14/08/2011, 10:38 AM
موضوع طرحته قبل كم سنه يمكن يفيدكم
http://www.mekshat.com/vb/showthread.php?t=155215
أبو فروة
18/08/2011, 02:40 AM
شباب لا تروعونا ههههههههههههه
والله جد ترويع
عطونا الخلاصة فيه احد يسوي الاديتر الخارجي بمروحة ولا مستحيل بمروحة
وليد46
18/08/2011, 02:41 AM
الفتك مستحيل مروحه لان مافيه مكان وبعدين المروحه تضر زيت القير بالشتاء والافضل بدون مروحة
comابوسليمانwww
18/08/2011, 03:19 AM
ركب مبرد وعليه مروحة وخل لها فاصل عندك بوسط الغمارة اذا حسيت ان الدنيا حر وكنت بزحمة طق المروحة ... واذا كنت بخط وكنت مسرع او بالشتاء طف المروحة ...
مجرد راي
وليد46
18/08/2011, 03:46 AM
رايك اخوي ابو سليمان في محله بس مافيه مكان للمروحة ابد ولا فيه خوف ولا خطر تركيب مبرد من دون مروحه كثير من الشباب ركبوا من دون مروحه وتمام لهم سنوات وواحد من اخوياي راعي جور وصيد والحمدالله تمام التمام
البر عشقي
18/08/2011, 04:22 AM
طيب وين نلقى المبرد النحاس وش افضل ورشة تركبه بالقصيم 150 ولا 11000
وليد46
18/08/2011, 04:26 AM
هلا فيك اخوي افضل ورشة الفوزان امركبين عنده اربع اعرفهم وكلهم يمدحون شغله واحد له اكثر من سنه وتمام والله الله يتمم عليه
وسعره مع التركيب حول 200 ريال
موقع الورشة تشاليح بريده وفيه العثمان بعد يمدحون شغله
«نجم الخير»
18/08/2011, 04:31 AM
الى الحين انتم والمبرد
وليد46
18/08/2011, 04:35 AM
الى الحين انتم والمبرد
والله يانت عــله ياخي وش عليك منا انت خخخخخخخخخخخخخخخخخخخخخخخخخخخخخخخخخخخخخخخخخخخخخخخ ياحبي لك بس
أبو فروة
18/08/2011, 04:55 AM
ههههههههه
وليد شرايك تقول له وانت للحين تدور دعامية للفتك
SX30 IS امزح معك لاتزعل
ارفع مقامك
18/08/2011, 05:03 AM
الله يجعله في موازين حسناتك
ALBDRANE
18/08/2011, 06:23 AM
موضوع مفيد ومشكور يالطيب لاااااكن
ما أحد فكر ليه الوكالة حطو المبرد في الاديتر !!!!
بالعقل زيت القير لا بد أن يحتمي لدرجة معينه قبل أن تتحرك السيارة خاصة في الشتا ولا تنسى أن الحرارة تصل في بعض المناطق لدرجة الصفر التجمد وعلى هذا الاساس تم وضع المبرد داخل الاديتر ليتم تسخين الزيت في درجات البروده العالية لكي يعمل القيربوكس بكفائه عالية وبكل سهولة عند بداية الانطلاق ولا تنسى أن الفتك قيره ومكينته رياضيه وذات قوة جبارة من بداية القومة ( الواحد في الشتا أذا أصبح ياخذ له فترة لين يدفى ويدفي يدياته ويتقهوى ويتنشط ) ههه فما بالك بالسيارة الحديده وعلى هذا الأساس ارى أن عزل المبرد عن الاديتر فيه أيضا مخاطرة كبيرة .
والصحيح والذي يجهله الكثيرين وهذا يتضح من الردود أن المبرد يعمل بوظيفتين في وقت واحد فهوا مبرد ومسخن للزيت يعني يحافظ على الزيت عند درجة حرارة معينه
ولابد أن الواحد يتكلم بشي يقنع وليس تخمين وفلان وفلان
أرجع وأقول اليابانيين ما حطو المبرد في الاديتر عبث ولابد من التفكير السليم قبل أي تصرف غير محسوب .
والصراحة أني أعتبره غباء مصنعي فالمفترض أن يوجد لهذه المشكلة حل طالما منتشرة ويشوفون الشركات الثانية وش مسوين ويسوون مثلهم الدعوه مهيب صناعة طيارات .... مثلها مثل كتاوت طرمبة البنزين الصراحة الشركة وللاسف لا يوجد لديها ما يسمى بالتغذية العكسية .!
أرجو أن أكون وفقت في أيصال المعلومة والسلام محبكم albdrane
comابوسليمانwww
18/08/2011, 02:49 PM
كلامك جميل اخوي albdrane
لكن اخاف نخليه على شغل البلد ويصير لنا مثل ماصار لاخونا صاحب الموضوع
وليد46
18/08/2011, 05:23 PM
ههههههههه
وليد شرايك تقول له وانت للحين تدور دعامية للفتك
SX30 IS امزح معك لاتزعل
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههه
والله انك جبته يابو فروة لكن منك انتعلم خيره بغيره خخخخخخخخخخخخخخخخخ
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir