المساعد الشخصي الرقمي

مشاهدة النسخة كاملة : تكفون من صارت له هالمشكلة في الفتك ...؟ ضروري جداً


طخيمان
03/05/2009, 09:05 PM
يا جماعة الخير معي فتك 2004 وفيه مشكلة وهي اني اذا جيت والسيارة على الd ووقفت اسمع زي صوت الطقة او الدفة واحياناً اذا كانت السيارة في D وحطيتها في الإن اسمع نفس الشي

ورحت لواحد وقال لي شحّم عمود الكردان والصليبات وشحمتهن ولا فاد

وش الحل تكفون
ملف علاقي
03/05/2009, 09:15 PM
مرحبابك اخوي انا كان معي نفس موترك وفيه نفس الطقه ومزعجتني حيل وخاصه إذا وقفت عند الأشاره بسرعه اسمعها ولفيت ماخليت مكان واخير صارت اليايات تطق من عند الربلات حقتها وصدقني راح تتعب مثلي والصوت يرجع مالك إلا تجرب ياي إسترالي مع ربلاته ممكن تروح بس انا بعته ماجربت واسأل إذا تعرف احد مركبها وانتبه تلمس العمدان او الفرنسات نصيحه وتقبل تحياتي0000
عاشق السيل
03/05/2009, 09:20 PM
هذي الطقة طبيعية جدا في أي باترول تماتيك ،، ولو شحمت الصليب الخلفي راح تخف معك 80% بس ماتختفي ومع الوقت تبي ترجع زي أول ،،،

تطمن ياخوي طبيعية وماتضر الموتر وأنا موجودة بموتري من أربع سنوات ومن كثر ماحاولت أعالجها وبدون فايدة خليتها وإلى يومك زي ماهي !!!!
بحر القصيد
03/05/2009, 09:32 PM
السلام عليكم

اخوي اذا الصوت يجي مع اول ماتتحرك السياره وأول ماتوقف

يعني السياره واقفه وتعشقها بـD يطلع طقه هذي مالها شغل فالقير

هذي سلمك الله ( فالسفاريات كل الموديلات ...فيه رود (عمود) يركب فالدفرنش الخلفي وفي الشاصي)

إذا تآكل (البوش) الربل اللي فيه من داخل يصدر طقه مع تعشيق القير (يعني مع بداية تحرك السياره)

او بالوقوف ( افحصه انت بنفسك امسك العمود بيدك وهزه اذا تحرك في يدك معناه الربل اللي فيه يبي تغيير)

السبب ان مع بداية تعشيق القير اول مايدور الدفرنش وضيفة الرود هذا تثبيت الدفرنش عشان تمشي السياره

ولكن اذا اخترب البوش اللي هو الربل ( يتحرك الدفرنش الرد مايثبته كامل فـ يصدر صوت اللي هو صادر من البوش) لأنه ماثبت الدفرنش عدل

طريقة تصليحه ( اي ورشة راح تقولك تغير عمود كامل // ممكن يدونون كذابين وممكن يكونون يجهلون طريقة التصليح)

تروح لأي ورشة عندهم مكبس يفكون العمود وبالمكبس يفكون البوش الخربان ويركبون غيره


وسلامتك


تحية اخوك ولاتنسانا من صادق دعائك

وفقك الله
طخيمان
04/05/2009, 04:22 PM
الله يعطيكم العافية وان شاء الله بروح للورشة اليوم
طخيمان
04/05/2009, 08:52 PM
يا جماعة ما تتوقعون انها من كراسي القير ؟؟
capricorn99
12/05/2009, 10:54 AM
السلام عليكم اخوي طخيمان
ارجو موافاتنا بالنتائج ان امكن...انا جربت التشحيم وفر معاي واجد (تقول السيارة صارت لكزس) لكن ما استمرت اكثر من 3 اسابيع وبعدين تعيجزت لا اشحمها مرة ثانية.:confused:
طخيمان
12/05/2009, 12:14 PM
انا والله شحمتها وخفت بس ما راحت يعني احس فيها اذا وقفت او اذا بغيت امشي
alfawzan
12/05/2009, 03:26 PM
ان شاء الله يفيدونك الشباب ماشاء الله عليهم مايقصرون ابد