عـــــاجل : يالربع ... وين أحسن خبير تكييف سيارات في الرياض ؟؟

[ابو رواف]

السلام عليكم .. يا أخوان اللي يعرف خبير في تكييف السيارات في الرياض ممتاز .. ويفضل أن يكون من العمالة الفلبينية يعلمنا .. وجزاكم الله خير


للمعلومية السيارة باث فايندر ..

[سعود الحربي]

نوع سيارتك ومشكلتك ربما ناجد لها حل ياحلو

[ابو رواف]

حياك الله اخوي سعود .. المشكله أن المكيف مو بارد وخصوصا اذا كان واقف في الشمس .. وتم تعبئته فريون مرتين ونفس المشكله ... واحيانا يبرد فترة في الطريق ويرجع يحتر... وتم عرض المشكله على فني سوري في الصناعية القديمة وسمع صوت في الكمبروسر وقال بغيره لك بواحد عنده من التشليح بـ 500 ريال وشغل يده 300 !! بصراحه ما أثق فيه يمكن تكون المشكله من تنسيم في التمديدات او البلف .. ودي اشوف احد مختص .. السيارة مثل ما ذكرت باث فايندر..

[aziz2727]

شف يا بو رواف
عندك واحد حضرمي معروف ومجرب وقديم وشغلته مكيفات اذا حصلته زين على زين مكانه في شارع الشميسي الجديد وانت نازل من عند المستشفى المركزي بتجاه الشرق بتشوف محله في زاوية عماره على اليمين هذا رح له ووكل الله .
وعندك واحد كهربائي وعنده تصليح مكيفات على حسب ضني الي هو الجابري في الصناعيه القديمة اي محل هناك يدلك عليه

[سعود الحربي]

اللي عندك تهريب فريون اي تنسيب في التمديدات او انه مايبرد

[ابوسليم]

فيه محل قديم ومعروف تخصص مكيفات بس مشكلته زحمة في الصناعية القديمة ونت جاي من الدائري الشرقي مخرج 17 متجه غرب اذا نزلت النفق يجيك مخرج للنفق فرعي على يمينك اطلع معه وخذ يسار بعد الأشارة وامسك المحلي واول شارع سايدين يمين لف معه يجيك على اليمين محل كبير

[لاتكب البيالة]

السلام عليكم

اخوي الحبيب المكيف اذا كان يبرد احياننا ولو دقيقة وحدة فإن الكمروسر ما فيه مشكلة ابدا
اسمع كثير من الناس يروح يغير الفريون ولا الكمرسور وتطلع المشكلة بالاخير من الحساس او ما يسمى الثرمستات انا ما اقول لك غيره لكن افصل الحساس وجرب اذا برد المكيف واستمر يبرد وبراده زين اعرف ان المشكلة من الحساس غيره على طول واذا كان مهوب منه فأنا اتوقف واقول ما ادري

[ذيب طي]

اخوي ابو رواف .. مشكلتك بسيطه ان شاء الله .. وابدلك على فني (( سعودي )) :good:
تخصص مكيفات ... وان شاء الله انه بيضبطه .... هذا رقمه .. 0564779879 دق عليه منت خسران شي .. اسمه ابونايف ...
تحياتي ..