بعض الأسئلة عن الباترول الربع2006

[واو917]

السلام عليكم ورحمة الله وبركاته
أسعدالله جميع أوقاتكم بكل خير
يالربع أنا معي باترول ربع 2006وعندي فيه بعض المشاكل وأهمها:
1-الرجه على سرعة 100 تقريبا علما إني مركب جنوط هلل وكفرات شاهين,وسويت ترصيص أرضي عند المجد ولا فيه فايدة.
2-اللمبة الحمراء إللي تجي على الطبلون(السكيورتي)أكثر الأحيان تكون معلقة والسيارة شغالة ولا أدري ايش العلة,علما بأني سويت فحص كمبيوتر عند الجابري في الصناعية القديمة ويقول ما فيه شي.
3-عزم الموتر لك عليه,ودي أقويه شوي بدون إضافات ووجع راس.
الرجاء من الله ثم من إللي عنده إجابة كافية ووافية بخصوص هذه التساؤلات يتكرم علي بالإجابه شاكر ومقدر لكم حسن الإطلاع
ولكم خالص الود والاحترام

[ابو شجاع]

وعليكم السلام ورحمة الله وبركاته:

اخوى... واو917

اتشرف بالرد على اسألتك وبعطيك بعض الخطوات اللي لازم تاخذها فى عين الاعتبار واهميتها.......

1_ رجة السيارة موب شرط تكون من الكفر ممكن تكون من الجنط نفسة هل انت متاكد ان مافية اي طعوج
او تعديل من قبل........؟

2_ اللمبة الحمراء ماتعلق الا من المفتاح لأن السلف فيه برمجه لازم يقراء المفتاح والطريقة الصحيحة للمشكله

هذى انك اول ماتحط المفتاح وتفر المفتاح على الدقة الثانية انتظر ثواتى الين تطفاء اللمبة الحمراءاللي فوق فى الطبلون وثمن شغل مهوب زى باقى المواتر وخاصة القـديمة

3_عزم الموتر يعتمد على (فلتر الهواء والبواجى) متى اخر مرة نظفت الفلتر او غيرتة وكذلك البواجى

هذى اهم شيء بعدين ناظر باقى الامور


ارجو من الله انى افدتك

[واو917]

الله يعطيك العافية اخوي(ابو شجاع)على هذه المعلومات القيمة
ألف شكر

[هارون97]

اخوي الشاهين اصبر عليه اربعة اشهر بهدين تروح الرجة ( حتي يشتد ) كان مع ومركب طقمين هذا عيبة هبل فيني

[خشيمان]

السلام عليكم

بالنسبة للرجة سببها الكفرات والجنوط
كان معي 2008 زي الحلاوة وبعد ما ركبت عليه جنوط هلل وكفرات بالون ازعجني بالرجة

اما اللمبة اللي في الطبلون حتى 2008 كانت فيه نفس الحركة احيانا تعلق واتوقع انه خطأ مصنعي

والعزم ترا الموتر عزمه ثقيل حتى وهو وكالة
بس لابد تشيك على البواجي والفلتر زي ما تفضل اخونا ابو شجاع

وأي استفسارات أنا حاضر
أخوك \
خشيمان

[التعـ King ـديل]

اخوي ابو شجاع كفى ووفى لكن شف ركب جنوط وكفرات غير اللي عندك وجربها لمده يومين

اذا الرجه باقيه فالمشكله تكون عندك من نفس السياره خل مركز المجد يشيكون لك بطن

السياره بالكامل .. وبالنسبه للعزم ركب لك مرواح كهربا سوبارو او مكسيما وهدرز

بس انتبه لاتركب الدبه الوسطا مفرغه وبدل البواجي والفلتر قبل وشف فرق العزم

[واو917]

السلام عليكم

بالنسبة للرجة سببها الكفرات والجنوط
كان معي 2008 زي الحلاوة وبعد ما ركبت عليه جنوط هلل وكفرات بالون ازعجني بالرجة

اما اللمبة اللي في الطبلون حتى 2008 كانت فيه نفس الحركة احيانا تعلق واتوقع انه خطأ مصنعي

والعزم ترا الموتر عزمه ثقيل حتى وهو وكالة
بس لابد تشيك على البواجي والفلتر زي ما تفضل اخونا ابو شجاع

وأي استفسارات أنا حاضر
أخوك \
خشيمان
ألف شكر أخوي (خشيمان)على هذه الإجابة إللي تشرح الخاطر الله يوفقك ويجزاك خير

[واو917]

اخوي ابو شجاع كفى ووفى لكن شف ركب جنوط وكفرات غير اللي عندك وجربها لمده يومين

اذا الرجه باقيه فالمشكله تكون عندك من نفس السياره خل مركز المجد يشيكون لك بطن

السياره بالكامل .. وبالنسبه للعزم ركب لك مرواح كهربا سوبارو او مكسيما وهدرز

بس انتبه لاتركب الدبه الوسطا مفرغه وبدل البواجي والفلتر قبل وشف فرق العزم
ألف شكر أخوي (عسول) على الإجابات والمرور
تمنياتي لك بالتوفيق

[مسايف الطعس]

تبي عزم ركب فلتر وهدرز ومرواح وشف الفرق يبي يخف واااااااااااااجد واااااااجد

بيغدى ماشاء الله مهنااا ازين منه

[ابو وسام 1]

السلام على الجميع000 كان عندي شروكي فيه رجه بعد سرعه 120ماعرف وش السبب مع ان الكفرات نظيفه والجنوط وسويت ترصيص عند ميزان العضيب ومانفع اكتشفت السبب هو عمود الكردان مضروب 00سويت له تعديل في المخرطه ب 150ريال راحت الرجه حبيت انبه الاخوان في المنتدى للاستفاده من تجربتي0000000000

[خشيمان]

الله يجزاك خير اخوي ابو وسام
بس ياليت تطرح مشكلتك بالمنتدى بموضوع مستقل عشان يشوفها اكبر عدد من الاعضاء ويستفيدون منها ان شاء الله

أخوي واو:

وش دعوى يالذيب ما سوينا الا الواجب وعيوننا لك يالغالي

[ابو شجاع]

هلا اخوى عسول:

اشوفك تحذر من الدبة المفرغة وش السبب

علما انى مركب دبة اماراتية حمراء لها صوت قلق ركبها لى ولد اختى الله يعطيه العافية:D

و وشى فايدت الهدرز وافضل انواعها واقيامها وعسى ماله صوت مثل الدبة:confused:

من بعد اذن صاحب الموظوع:cool: