ابي شوركم عن تغيير زيت القير التماتيك للاند كروزر وللبرادو؟ من يفيدني

[البدراني11]

السلام عليكم ورحمة الله


اخواني قريت كثير من الاراء حول تغيير زيت القير التماتيك :eek:
منهم من قال لاتغير ابدا وزده كلما نقص
وناس اخرين قالوا غيره في الوكالة وبس ولا تقدر تغير في مكان ثاني
وفيه ناس قالو غيره عند حقين الزيوت بس اهم شي مواصفات الزيت ؟
واعرف واحد معه فورشنر غير بنفسة ويقولي غيره انت .
لا وفيه ناس قالت بين هذا وهذا يعني فض شوي وصب جديد ثم فض مرة ثانيه وصب عشان تتاقلم التروس :rolleyes:


وانا اخاف تطلع لي اصوات مالها داعي:j
قلت اشاوركم احسن فمن اللي يعطيني العلم الاكيد والتجربة في قير اللاند كروزر والا البرادو

[AMAZ]

اذا كانت ناوي تغيره مع الفلتر يحتاج لك :
1- فلتر اصلي من الوكاله
2- وجه من الوكاله عباره عن سليكون خاص سعره 70 ريال .
3- الزيت انصحك بزيت Ac Dlco لان زيت تويوتا اشوف انه كلام فاضي بعدين لازم تاخذ جالونين لانه جالون واحد لا يكفي والجالون الثاني رايح تاخذ منه تقريبا 2 لتر والباقي يضيع عليك .
طبعا تاخذ زيت اسي دلكو 6 علب تكفي

بخصوص تغييره بسيط جدا اذا تبي تغير بفنسك تفك الكرتير وينزل معاك على طول فيه ماصوره طالعه من الكارتير وتحس انها ماريح تنفك معاك لكن امرها بسيط هي عباره عن ماصورتين مشبوكات في بعضها ومجرد تفك الكرتير ينفصلون معاك وهي تطبعا عقت العيار
لكن انا انصحك تروح لمحل متخصص في توضيب القيرات والشغله كلها تكلفك 100 ريال ويمكن اقل .
اهم شي اذا حط السليكون لازم يكون بطريقه فنية ويصبر عليه 20 دقيقه لغايه مايثبت قبل التركيب واذا كانت من سكان مدينه جدة راسلني على الخاص ادلك على ورشه شغلهم نظيف

[راعي المجهم]

قيمة تغير فلتر زيت الجربكس مع الزيت مابين 50 ريالريال إلى 60

للجمس وهو أصعب من الجيب يعني الجيب يكلف 40 ريال ووواجد عليه بعد

[البدراني11]

اذا كانت ناوي تغيره مع الفلتر يحتاج لك :
1- فلتر اصلي من الوكاله
2- وجه من الوكاله عباره عن سليكون خاص سعره 70 ريال .
3- الزيت انصحك بزيت Ac Dlco لان زيت تويوتا اشوف انه كلام فاضي بعدين لازم تاخذ جالونين لانه جالون واحد لا يكفي والجالون الثاني رايح تاخذ منه تقريبا 2 لتر والباقي يضيع عليك .
طبعا تاخذ زيت اسي دلكو 6 علب تكفي

بخصوص تغييره بسيط جدا اذا تبي تغير بفنسك تفك الكرتير وينزل معاك على طول فيه ماصوره طالعه من الكارتير وتحس انها ماريح تنفك معاك لكن امرها بسيط هي عباره عن ماصورتين مشبوكات في بعضها ومجرد تفك الكرتير ينفصلون معاك وهي تطبعا عقت العيار
لكن انا انصحك تروح لمحل متخصص في توضيب القيرات والشغله كلها تكلفك 100 ريال ويمكن اقل .
اهم شي اذا حط السليكون لازم يكون بطريقه فنية ويصبر عليه 20 دقيقه لغايه مايثبت قبل التركيب واذا كانت من سكان مدينه جدة راسلني على الخاص ادلك على ورشه شغلهم نظيف


شكرا اخوي على النصيحة بس فيه ناس قالت لاتستخدم ac dlco لانه مهوب اصلي
بس اذا سويت اللي قلت ما يطلع صوت ؟؟ يعني هل جربت في لاند او برادو ؟ وانا في الرياض

قيمة تغير فلتر زيت الجربكس مع الزيت مابين 50 ريالريال إلى 60


للجمس وهو أصعب من الجيب يعني الجيب يكلف 40 ريال ووواجد عليه بعد



ابي الطريقة الزينة للتغيير ومشكور اخوي


ننتظر بقية الاعضاء للافادة بالنصيحة المناسبة

[alfawzan]

السلام عليكم

تغير الزيت من دون الفلتر مايضر انا معي كامري كل 30الف اغير الزيت من دون الفلتر

بس الفلتر هو المشكله غير الزيت قبل ماتغير الفلتر والفلتر لا تبطي عليه يعني على 60الف غير الفلتر بس في الوكاله اضمن لك او ورش تضمن لك انا معي موتر ثاني لاندكلوزر غيرت الفلتر بس مطول عليه بعدها خبط القير بسبت الفلتر لاني طولت عليه

[سعود الحربي]

اسمعني توحي ايه تو حي هذا لاند كروزر ماهو امريكي نصيحه لك من القلب غيره كل سنه او اقل شوي قبل لا يجيم عليك القير

تقول انت بالرياض اول شي ياطويل العمر تروح للوكاله تايوتا ثم تشتري الوجه اللي هو عباره عن معجون ب105 ثم تشتري فلتر والله ناسي قيمته ثالث شي تشتري جالونين زيت اصلي واللي قالو لك ان السي ديلكو مثله اقول ياليتكم شفتوا الفرق بين الثنين مثل الثراء عن الثرياء التايوتا الاصلي والله ودك تيدم فيه القرص خخخخخخخ

ثم رح للورشه كانك في شمال الرياض راسلني على الخاص لك عندي مهندس شغله فن

اخوك سعود

[ابو الجواهر]

وجة نظر
خذ الفلتر والزيت من الوكالة ورح عند جيركو اذا انت بالرياض
شغلهم مجربه ماعلية

[alshabe]

شكر الله الجميع فقد افادونا بتجاربهم