لخبراء الحرارة في محرك الجمس نرجو الدخول لإعطاء الحل [الأرشيف]

راعي المجهم

05/05/2009, 03:50 PM

جمس أمريكي محركه حجم 305 زي محرك الكابرسات

يقول إذا شغلت المكيف ومشيت خط فوق 140 تزيد الحرارة فوق النص !!!

وإذا هديت على 120 وتحت نزلت وأستقرت تحت النص بشوي !!!

وإذا أبطيت واقف 10 دقائق وأكثر والمكيف شغال وقت الظهيرة ترتفع فوق النص !!!

وإذا مشيت نزلت تحت النص !!!

وإذا مسكت الخرطوش الي رايح للديتر من المحرك يجده محجر قوي ماينضغط !!!!

يقول غيرت لديتر جديد ثلاث رصات نحاس بــ 800 ريال

غيرت تماتيك مروحة جديد بــ 150 ريال

غيرت طرمبة ماء جديدة بــ 120 ريال

غيرت غطاء ردايتر جديد بــ 20 ريال

حطيت ماء أصلي بــ 50 ريال

سويت غسيل للمحرك والسرندل بــ 80 ريال

ومع هذا كله لا زالت الحرارة مرتفعة ملاحظة فقط في حال تشغيل المكيف ترتفع

مع العلم بأن السيارة لا ينقص زيتها ولا تدخن وشايل بلف الحرارة من زماااااان

المشكلة لها شهر تقريباً ظهرت فجأة كذا

الرجاء أبدى آراكم أخواني الخبراء لحل هذه المشكلة لأني وعدته بإيجاد الحل

له بعد عرضه عليكم أخواني المكشاتية

راعي الركيات

05/05/2009, 04:06 PM

افتح غطاء الزيت اذا هو يشفط هواء معناه ان الراس يبي مسح بحدود ربع ملي طبعآ الموضوع مايضر الموتر اذا

هي من النص وتحت لكن للتاكد ان الراس سليم وبالتوفيق يارب

بدوي جنوبي

05/05/2009, 04:08 PM

الحراره حتي النص تعتبر طبيعي
واذا وصلت فوق النص والمكيف شغال وبسرعه 140 طبيعي
لكن الافضل يستقر علي سرعه معينه 120 مثلا
وان شاء الله ان المحرك سليم ،، والحراره ما تستقر اذا تم الغاء الترموستات

ولو ركب رديتر 4 رصات كان افضل ،،، واذا ركب مروحة كهربائيه اضافيه
يشغلها عند الحاجه .

تحياتي

احمد الدوسري

05/05/2009, 04:12 PM

الله يعينك طبيعي هذا بالجمس لكن انا لقيت للجمس حق الوالد حل موديله 93 وركبتله بلف حراره حق بيوك نفس الموديل 93 والحراره على الربع والظهر تحت النص وثابته ماتتحرك وهذا طبيعي وفك الصاجه التحتيه علشان يتهوى الموتر من تحت انا فاكها وفيه فرق اذا مشيت .....
هذا رأيي لاكن انشاء الله يفيدونك اللي اكبر مني وافهم

بدوي جنوبي

05/05/2009, 04:17 PM

وفك الصاجه التحتيه علشان يتهوى الموتر من تحت انا فاكها وفيه فرق اذا مشيت .....

اذا فكيت الصاجة اي كيس في الشارع بتشفطه المروحة :D
وايضا يصير الهواء يدخل من اسفل المحرك بدلا من الامام (امام الاديتر)

يعني الصاجه مهمه :no2: تفكها

راعي المجهم

05/05/2009, 05:58 PM

يا أخوان الرجال يقول سياراته لها معه فترة طويلة ويعرفها زين يقول الحرارة دائماً على الربع

وفجأة صارت تتعدى النص مع الدعس أو الوقفة الطويلة وهي شغالة وتوصل للـ H

بعدها غير القطع المذكورة في الأعلى ولم تضبط لا زالت الحرارة مرتفعة !!!!

أرجو التفاعل من البقية لحل المشكلة

RASHED1384

05/05/2009, 06:23 PM

اخوي راعي المجهم افحص الخرطوش الى تحت لأنه يوجد فيه مثل الياي عشان ما ينصفط ويمنع مرور الماء وعسى يكون في رايي الفايدة وشكرا للجميع على التفاعل

بحر القصيد

05/05/2009, 09:06 PM

السلام عليكم ورحمة الله وبركاته

سوف أسرد لك ماعندي وسامحني على القصور اخوي

وضيفة الكوع(الثيرموستات)

هو تنظيم دخول الماء وخروجه من المحرك والرديتر

يعني اذا دخل الماء للمحرك قفل حتى يبرد ماء الرديتر ويفتح مره أخرى للماء الساخن الخارج من المحرك للـرديتر وبذالك ( يخرج الماء الساخن من المحرك ويستبدله بماء قليل السخونه من الرديتر)
وبذالك يكون عامل (كنترول) للحراره

اما اذا السياره بدون كوع (ثيرموستات)

فإن الماء يدخل المحرك ويخرج ويدخل الرديتر ويخرج (بشكل سريع وشبه دوران في حلقة مقفله)
وبذالك تبدأ الحراره بالإرتفاع لأن الماء في دوران دائم وحراره متزايده على طول
وأول خسائر هذه الطريقة ( شرخ في رأس المكينه )

اذا كانت سيارتك (قير تماتيك)

فـ الأغلب يكون السبب من مبرد قير التماتيك(الكولر)لأن الزيت حق القير
يخرج من القير ويمر بالمبرد وبعده بالرديتر اذا لم يبرده المبرد(الكولر) يدخل الرديتر وهو ساخن مما يسبب ارتفاع درجة الحراره

ركب كوع رياضي وإسأل شباب التزويد عن مكان وجوده

(او كوع مطابق لكوع سيارتك من محركات الديزل)

وبعد تركيبه (( اذا ارتفعت حرارة السياره طفها وتحسس صوت المكينه ممكن يكون فيه تهريب ماء ليس واضح))
وبعد تركب الثيرموستات الرياضي (( اذا ارتفعت الحراره كل ما زدت السرعه)) مشكلة سيارتك في الديكلو

فكه وشوف فيه من الإسفل ريش (اذا الريش فيها خراب او كسر) هذا من اسباب ارتفاع الحراره

تحيتي ولاتحرمنا من دعائك

بـلـيـهـان 1

05/05/2009, 10:56 PM

ركب مرواح كهرب

--

راعي المجهم

06/05/2009, 03:06 AM

الشكر لجميع الأخوان الذين شاركوا بآرائهم والله لا يحرمهم الأجر

بالنسبة لردودكم سوف أجاوب عليها بالتفصيل لأني اليوم العصر عاينت السيارة وفحصتها

تبين لي أن الخرطوش الي تحت مايجي فيه ياي من بلاده وكانت الحرارة فوق النص بكثير

مع المكيف والخرطوش عادي لم ينصفط حتى مع دوس البنزين .

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,

بالنسبة للثرموستات البلف يقول الرجال شايله من 5سنوات بعد التوضيب

والحرارة طبيعية جداً تحت الربع بدون مكيف ومع المكيف في عز الحر فوق الربع

لها 5 سنوات على هذا الوضع وقبل شهر بدأ مسلسل الحرارة فجاة

,,,,,,,,,,,,,,,,,,,,,,,,,,,,,,,,,,,,,,,,,,,,,,,,

وبالنسبة للتهريب لا يوجد تهريب فيها أبداً وصاحب السيارة يقول الماء لا ينقص

أبداً لو ياخذ سنة

والديلكو يقول على وزنيته من يوم وضبت السيارة قبل 5 سنوات ولا أعتقد فيه مشكلة

لأن الديلكو لو فيه مشكلة تسمع بق بقه في الشكمان من الخلف ولا يدق سلف من النقرة

الأولى بالعكس السيارة صافية وتشتغل من أول نقره

,,,,,,,,,,,,,,,,,,,,,,,,,,,,,,,,,,,,,,,,,,,,,,

أرجو التفاعل من الجميع لمساعدة أخونا في الله لأني وعدته بعلاج المشكلة

تحياتي للجميع

تيتشر

06/05/2009, 04:01 AM

بعطيك حل بسيط سويته بموتري وضبط وكانت مشكلته مشابهه لمشكلتك نوعا ما

غطاء الرديتر لو تلاحظ له قفلتين .. قفله اولى وقفله ثانيه

بالعاده الاغلبيه يحطون القفله الثانيه

جرب تحطه على القفله الاولى وبعدها كتجربه اطلع مشوار بسيط وارجع افتح الكبوش وشيييك هل المويه تهرب مع الغطاء والا لا ؟؟

اذا ما تهرب روح امسك لك خط بسرعة 140 بالمكيف وشوف ترجع لك المشكله والا لا؟؟

انا سويتها وراحت المشكله

تحياتي

جاسر2009

06/05/2009, 06:42 AM

انا عندي حل وهو انه يتاكد من حساس الحراره ممكن يعطي قراءه خاطئه يغيره ون شاء الله يكون هو السبب وهذا من تجربه

نيزو

06/05/2009, 07:30 AM

ممكن تشييك على الراديتر

my own

06/05/2009, 07:48 AM

هل ينقص ماء الرديتر !
اذا ما ينقص تاكد من كلتش المروحة انه شغال زين وتاكد من ليات الرديتر اذا سخنت السيارة انها ما تتسفط ..

راعي المجهم

06/05/2009, 04:45 PM

اخوي تيتشر تم تجربة كلامك ولم تنزل الحرارة بدون فائدة والف شكر لك

.................................................

أخوي جاسر حساس الحرارة الأمبير سوف نتأكد منه واوافيك بالنتيجة

.................................................. .....

أخوي ماي اون الخرطوش عادي مفتوح لم ينصفط حتى مع دوس البنزين ....

.............................................

اخوي نيزو الرديتر جديد ومافيه مشكلة

..............................................

وننتظر البقية للمشاركة

راعي المجهم

07/05/2009, 12:54 AM

معلومة

(الي) الي جاي من المكينة الى الرديتر إذا أحترت السيارة ومسكته القاه محجر قوي جداً

my own

07/05/2009, 01:56 AM

انت ما قريت كامل الرد !
الماء ينقص ولا لا ....
كلتش المروحة حتى لو جديد احيانا يكون خربان لازم تتاكد منه ....
وبالنسبة لـ(الي) الي جاي من المكينة الى الرديتر إذا أحترت السيارة محجر قوي جداً > طبيعي لازم يحجر عشان ضغط حرارة الماء في الرديتر

المتهم

07/05/2009, 02:17 AM

اتمنى الفايدة حصلت معي المشكله وكانت بسيطة وممكن شي تافه بس ياثر على الحرارة
شيك على حركات المراوح هل دخول الهواء بشكل صحيح يعني انتبه تكون معكوسه

راعي المجهم

07/05/2009, 04:39 AM

المناعي2

07/05/2009, 06:30 AM

السلام عليكم و رحمة الله و بركاتةمرحبا أخي العزيز جرب و رجع بلف الحراة (ترمستارت) وأنشالله اصير الامور طيبة..

زرود538

07/05/2009, 07:15 AM

السلام عليكم ورحمه الله اخي افحص راديتر المكيف يمكن انك ماشي في يوم كان فيه عواصف رمليه ويحجب دخول الهواء الى راديتر الماء = وبالتوفيق ان شاء الله

منــاكد

07/05/2009, 09:22 AM

أخي راعي المجهم...

بالبدايه أسأل صاحبك إذا فتح الكبوت بعد مشوار هل يحس ان حرارة المكينه شديده وله صلو؟؟؟

اذا كان لا فقط الحراره مرتفعه على ساعة الحراره فالمشكله بالحساس يبغا له تغيير...

اما اذا كان انه يحس ان للمكينه صلو يعني حراره زايده اذا فتح الكبوت وبعد تغيير هالأشياء اللي انت ذكرت فالمشكله يمكن ان تكون من وزنة الديلكو أو غطاء الرادييتور لأنه يعمل كصمام أمان يفتح عند ضغط معين وهو تقريباً 15 Psig...

أرجو ان اكون أفدتك بما عندي...

وتقبل احلى تحيه...

البدر1

07/05/2009, 03:18 PM

اخي الكريم
السلام عليكم
الحرارة تقريبا طبيعيه لكن ركب بلف حراراه حتي لاينشعر الراس
وانصح بتركيب بلف ياباني
مع تخريم بسيط للبلف لخروج بخار الهواءة وبيكون تبريده حلو

hosam2002

07/05/2009, 03:40 PM

هلا بك اخوي ..
ابيك -الله لايهينك- تزور هالموضوع يمكن تلقى فيه حل لمشكلة سيارتك ..
http://www.mekshat.com/vb/showthread.php?t=161939 (http://www.mekshat.com/vb/showthread.php?t=161939)

بالتوفيق

راعي المجهم

27/03/2010, 02:15 AM

والله لازالت الحرارة مرتفعة ولم نجد حل لها

لن أمل من العطاء

27/03/2010, 11:56 AM

فهدنت2007

27/03/2010, 06:53 PM

اذا كان كل شي مغير بقي عندك الخرطوش اللي تحت وغطاء الرديتر فيه ارقام شف الرقم المناسب لسيارتك (الغطاء المناسب) وهذا عند اصحاب الرديترات يعرفونه

صحيح

27/03/2010, 07:13 PM

انصحك بغطاء رديتر اصلي وليس تجاري . وبتركيب مروحة امامية للتبريد في الغالب من غطاء الرديتر حتى لو كان الموتر كله جديد وليس الرديتر فقط .
صحيح.

سحابة قبله

27/03/2010, 09:38 PM

اتوقع فيه هوا بالاديتر رح لاي محل اديترات وقله فيه هوا وهو بيعرف قصدك

سبق وصارت معي نفس مشكلتك

رفيع المقآم

27/03/2010, 10:36 PM

يالغالي عندي معلومتين الا وهي ان الرديتر النحاس ماينفع في جونا ذا الالمونيوم هو المطلوب والممتاز اوما التحجير يالغالي ابي اقولك شي يمكن الرديتر معبي هوا وما فيه ماء والمشكله ذي يحلها لك راعي الارديترات رح وقله فرغ الهوا اللي داخل وخله يشوف اللي المتحجر وهو يبي يضبطك تقبل تحياتي ان اصبت فمن الله وان اخطأت فمن نفسي والشيطان

ريوف9

27/03/2010, 10:42 PM

أبوحمييد

28/03/2010, 12:59 AM

اخوي اذا كان الجمس دنيالي تأكد من الشبك لان اهل الدينالي موديل 2006 يشتكون منه ويركبون شبك جمس الاقل منه

راعي المجهم

28/03/2010, 06:50 AM

حبيبي
بما ان اللي الخارج من المكنه يصير محجر ففيه خلل في الدوره
لان اللي مستحيل يتحجر في الوضع الطبيعي في اي سيارة كانت

وهذه تكون دايم من الرديتور
ولكنك تقول انه مغير بجديد

غريبه جدا

شيك لى الرديتور حتى وان يكن جديد يمكن فيه مشكله

ايضا اترك السيارة شغاله وامامها مروحة تبريد للاختبار فقط وشوف

متابع للموضوع وبشده

فعلاً أخوي لن أمل العطاء

أنا مركب مروحة تبريد إضافية أمامية حقت مرسدس كبيرة

1/ إذا شغلت السيارة مع المكيف 20 دقيقة وهي واقفة

بدون تشغيل المروحة (يحجر الي شوي)

2/ إذا شغلت السيارة مع المكيف 20 دقيقة وهي واقفة

مع تشغيل المروحة (أحس تحجير الي يخف عن أول )

والحرارة تثبت ماتزيد !!!!

وش الرأي ؟؟؟

راعي المجهم

29/03/2010, 02:46 AM

وينك أخوي لن أمل العطاء

سوبر VTC

29/03/2010, 06:43 AM

راعي الجهم

سبق انك نزلت موضوع
حل مشكلة حرارة الجمس م94 :good: بعد غسل السلندر
وش اللي حصل الان ؟
كم له الان يحتمي ؟

Abu Sary

29/03/2010, 04:49 PM

إذا زت السعرة وزادة الحراره ، يحتـاج مسح للرأس

أو ركب طبقتين للرأس ..

والله يعينـك ،

بالتوفيق للجميع ،

( اللهم حسن الخاتمة )

راعي المجهم

30/03/2010, 04:28 AM

راعي الجهم

سبق انك نزلت موضوع
حل مشكلة حرارة الجمس م94 :good: بعد غسل السلندر
وش اللي حصل الان ؟
كم له الان يحتمي ؟

مشى فترة هم عودت عليه علته

وركب له مروحة تبريد ومشى الحال

لكن أنصاف الحلول ماترضي أبد

الموتر شد بلد أول ماترتفع حرارته

سوبر VTC

30/03/2010, 06:16 AM

مشى فترة هم عودت عليه علته

وركب له مروحة تبريد ومشى الحال

لكن أنصاف الحلول ماترضي أبد

الموتر شد بلد أول ماترتفع حرارته

سؤال ياطويل العمر
هل ركبت بلف كابرس ؟
لان الجمس على وقته جديد م93 او 94
يركبون بلف اقل من حق بلاده
تصير الحرارة ثابتة :good:
على الثلث او فوق الربع بشوي

راعي المجهم

30/03/2010, 01:57 PM

البلف ركبناه طاااارت الحرارة للـ h

على طول وهو اصلاً بدون بلف له أكثر من 12 سنة وحرارته طبيعية بين الربع و c

في عز الظهرية

راعي المجهم

31/03/2010, 02:21 PM

ويييييييييييين الشباب

سوبر VTC

31/03/2010, 03:24 PM

ماعندي علم اكيد
لكن هل يركب اديتر الكابرس على طول ام يحتاج ترهيم قواعد
عندنا ببريدة اسعار الاديتر كالتالي
اديتر سعودي نحاس 4رصات يجي نوعين
1 لمكينة جمس 350 ب500ريال
2 لمكينة جمس 454 ب600ريال

اديتر امريكي 3رصات هو تحت الاصلي المنيوم ب1100
350 و 454

اصلي درجة اولى 4رصات ب1400المنيوم

اديتر كابرس 87 88 ب650ريال تقريبا 4رصات نحاس
اظنه اصلي و مايجي معه غطاء
يشراله غطاء ب35ريال
الغطاء مكتوب عليه رقم 1.9 يعني يفتح على هالرقم
انت لاتشريه اشر اللي اقل منه
مكتوب عليه .9 يعني اقل من 1
ميزته ابرد من 1.9 يعني مايحشر المكينة يعني مايكون ضاغط
.9 خفيف

الموتر يحتمي و اعتقد لعدة اسباب
1 المرواح ماتلحق تبرد
2 الطرمبة ماتدفع الماء دس بنزين و الغطاء مفتوح هل يتحرك الماء ؟ هل ينزل الماء؟
3 سدد بمجاري الاديتر
4 البلف يشكل مره يقفل يعلق و مرة مضبوط اذا كان مركب
5 ممكن الخلل من انبير الحرارة او من حساس الحرارة ملخبط

حل اخير اذا كانت مروحه المكينة سير
اذا احتمى الموتر دس بنزين خل الابنص يوصل 2.5 لمدة دقيقتين
اذا نزل انبير الحرارة فالمشكلة من مروحة المكينة ماتلحق على تبريد الماء
و الحل مرواح كهرب مثل اليوكن م2007
لانه كلما كبرت رصة الاديتر فتحة كبيرة اضف لذلك 4رصات
فان الحل الوحيد للتبريد هو مرواح كهرب بديلة عن مروحة السير
طبعا كل كلامي هذا عند الوقوف فقط
المنيوم كما هو معلوم ابرد من النحاس
و كلما صغرت فتحة الرصه كان افضل و اسرع لتبريد الماء
هذي وجهة نظري

موفق

راعي المجهم

31/03/2010, 07:24 PM

الجمس أمريكي مكينته 305

والرديتر حق بلاده 2 رصات نحااااس

وغير موجود في السوق ابداً

قمة افرست

01/04/2010, 01:12 AM

اخوي الشباب ماقصروا حقيقة طرحوا حلول عده
وانا اتوقع من الراس هو المتسبب بالحرارة او عندك مشكلة بنفس الطرمبة اداءها ضعيف او نوع تجاري
عموما سواء اختبار للراس
خل السيارة تبرد وشيل غطاء الاديتر وبعدين سد الغطاء بيدك ودوس بنزين دوسات وسط الى 5 مرات وشيل يدك اذا طلع الماء بقوة من الاديتر عندك مشكلة بالراس واذا دورت الماء طبيعية اذا الراس سليم
هل يوجد صوت بلوف او تكايات بالمكينة
هل السيارة تنقص ماء مابين فترة واخرى
هل سيارتك من النوع الي بلوفه تماتيك ولاموديلها قديم قد تحتاج وزن
اذا الامور السابقه سليمة ركب اديتر اربع رصات وبتنسى الحرارة والافضل المنيوم

سوبر VTC

01/04/2010, 03:12 AM

الجمس أمريكي مكينته 305

والرديتر حق بلاده 2 رصات نحااااس

وغير موجود في السوق ابداً

يعني شد بلده وكالة ===> نحاس ؟؟؟
طيب الان وش انت مركب نوعه ؟ كم رصه ؟ صناعته ؟ سعره ؟

راعي المجهم

01/04/2010, 03:59 AM

يعني شد بلده وكالة ===> نحاس ؟؟؟
طيب الان وش انت مركب نوعه ؟ كم رصه ؟ صناعته ؟ سعره ؟

الي مركب عليه الآن نحاس 3 رصات صناعته أمريكي اسمه (مدين)

درجة ثانية بعد الأصلي 800 ريال

Bader-M

01/04/2010, 02:35 PM

اممممم

تاكد من خرطوش الماء (بين الرديتر و المحرك)

في بعض الحالات ينكمش مع السرعات العالية ولا يسمح بمرور الماء
يوجد خراطيش بها زنبرك (ياي) داخلي حتى يمنع الانكماش انصحك بتركيبة

والله اعلم

الدبره

12/06/2010, 07:35 AM

اذا ماخاب ضني مشكلتك بالقزوز الزهر القطعه الي تركب بالراااس فيها لسان صغير من داخل الماسوره يفتح ويسكر اكثر الناس يلغيها وهي لها فايده لما تشغل السياره وقت البرد تسكر على الهواء قليلاً حتى يحتمي المحرك واضن انها مسكره بقدر قليل ولما تمشي بسرعه عاليه يصير قوة الدخان الناتج من المحرك تسكر على الاخر ارجو التاكد منها

جمس_454_97

05/01/2012, 07:17 AM

بشر وش صارمعاااك انحلت المشكله ؟؟

جمس_454_97

05/01/2012, 11:30 AM

ضع زيت ثلاث علب زيت فرامل اصلي بالرديتر وامسك لك خط 30 او 50 كيلو وبعدها مر قطع الغيار اشتري موية ريديتر اصليه ومر على اي محل غسيل رديترات وخله يفك الرديتر يغسله لك برى السياره ويتأكد انه نظفه تمام لان فيه اوصاخ بالرديتر ماتطلع بالطريقه العاديه وبعدها اعمل عملية غسيل للمجرى الماء المتعارف عليها
وعبي موية الرديتر وان شاء الله بيضبط موترك
ومعلومه عن زيت الفرامل هو قوي وفعال جداً على ازالة الترسبات ولا يضر الربلات حسب ماسمعت ماهو زي الاسيد وغيره من المنظفات التي تستخدم تنظف من جهه وتخرب من جهه اخرى