يا أهل البرادو

[خادم الإسلام]

أولاً : بارك الله في كل من شارك .... وقدم النصيحة لأخوكم ....يارجال وش رأيكم بالــ برادو ... وأيهن أزين فئة الـ vx ..... أوفئة الـ GX .... ووشوا الفرق بينهن .

وجزاكم الله خير

[can123]

6vx سلندل
4GXسلندل
هذا الفرق بينهم والاختيار يعود لرغبة المشتري

[البدراني11]

موتر وعملي ويكفي انه من تويوتا

وفيه سالف يتناقلها بعض الناس عن البرادو انه ينقلب بسرعة ...بس انا ما اشوف هالسبب كبير لان اغلب اسباب الانقلاب من السواق وطفاقته ....يعني فيه لاندكروزرات وباترولات انقلبت بسبب السواق وفيه برادوات ما انقلبت

وتراه مثل الشيك اذا ما جازلك تقدر تبيعه في اي وقت بدون خساير واضحة .


والفرق وضحه اخونا can123 بس ترا ال4 سلندر عزمه ضعيف
وسلامتك

[خادم الإسلام]

بارك الله فيكم وغفر الله لكم .... للنصيحة

[العود&& الازرق]

اخوي خالد عندنا برااادو 2007 ((اربعه اسلندر بس والله ممتازه طبعا حق اخوي راااااعي سفر لكن للبر ما اعرفه تقبل مروري

[ابو شهد جدة]

ليتني اقدر افيدك اخوي خالد
لكن للأسف مالي خلفيه في الرادو


اخوك ابو شهد

[سمبوك]

اخي العزيز
عندي برادو 2006 v6
وعندي خبره بالجيوب
ولم ارى اروع واقوى طبعاً في الطعس والجبال
والخط والعزم من البرادو v6
عيوبه :
1- مرتفع شويه يعني في اللفات مثل الهدا يبغالك تهديله شوي .
2- الباب الخلفي كبير شويه .
3- اذا كان به ثلاجه تبريد مشروبات اذا قمت بتشغيل الثلاجه يعمل المكيف دايركت واذا اردت ان تقفل مكيف الهواء والثلاجه شغاله لا يقفل مكيف الهواء الا ان تطفي الثلاجه .
مزاياه :
1- قوى عزم يجمل عليك .
2- دفع رباعي مستمر .
3- فيه خاصية التوازن يعني اذا كانت كفره نازلة في حفره تبقى السيارة كأنها على ارض مستوية اي تنزل الكفره والباقي يوازي وقوف السيارة ومجربها انا في التغاريز .
4- بمقدور الراكب الذي بجانب السواق التحكم في المكيف اي الفتحتين التي امامه في درجة التبريد او الحراة وكذلك السائق كلا على حده يعني بامكان الراكب تشغيل مكيفه على الحار والسائق تشغيله على البارد في آن واحد .
6- كل زجاج الابواب تنزل وتطلع بكبسة زر واحدة دون التعليق على الزر .
5- خلفيته مميزه والمقدمه رائعه الشكل .
وبسراحه انا انصح بشراءه ولن تندم ولا بد ان يكون v6 يعني 6 سلندر
والله يوفقك

[راعي المجهم]

سرييييييييييييييع الأنقلاب بسبب خفة وزنه وأرتفاعه عن الأرض

[525]

السلام عليكم
احب أشارك في الموضوع
البرادو سيارة من أروع السيارات التي أمتلكتها والنوع هو vx2 موديل 2007
وأنصح به

[ابوالوليد2222]

موتر وعملي ويكفي انه من تويوتا




وفيه سالف يتناقلها بعض الناس عن البرادو انه ينقلب بسرعة ...بس انا ما اشوف هالسبب كبير لان اغلب اسباب الانقلاب من السواق وطفاقته ....يعني فيه لاندكروزرات وباترولات انقلبت بسبب السواق وفيه برادوات ما انقلبت


وتراه مثل الشيك اذا ما جازلك تقدر تبيعه في اي وقت بدون خساير واضحة .



والفرق وضحه اخونا can123 بس ترا ال4 سلندر عزمه ضعيف


وسلامتك

كلام زي العسل :good:

[ابو وليد55]

اشكر الجميع كل الشكر على النصائح

وما اقول إلا بيض الله وجهكم

[hamha1394]

السلام عيكم ورحمة الله
انا من قريب شريت برادو الصراحة سيارة بس
gx ضعيف في الطلعات القوية مرة 4 سلندر ما يشرب بنزين يتمضمض به بس
vx خذ ولد 6 سلندر
اما سالفة ينقلب يا خي خذ وخل
البرادو 60% دفع خلفي 40% دفع امامي مستمر يعني في الفات خذ ولد من واقع تجربة سيارة تجمل

[المميـز]

اخوي سمبوك ماقصر الله يجزاه خير

نصيحة لاتاخذ Gx

خذ لك Vx
لأنه 6 سلندر ويبيض الوجه في جميع المواقف

اما جي اكس 4 سلندر وجيب ماتشيله المكينه الصغيره هذي

وبالنسبه لمن قال انه سريع الانقلاب

انا اقول عكس هذا الكلام ومافيه شيء اسمه سيارة سريعة الانقلاب لخف وزنها او لإرتفاعها

السيارة مصنعة في اشهر المصانع وعلى ايدي دكاتره في السيارات

ادخل على اليوتيوب وشوف اداء السيارة في المنعطفات كلها تجارب للسيارة في اليابان
قبل ان يعتمدونها ويدخلونها على السوق

دعواتي لك بالتوفيق وحسن الاختيار

وعليك
بالاستخاره بعد الاستشاره

[رجل كريم]

انصحك بالفي اكس 3 لوجود خاصية التراكشن كنترول .


بالتوفيق ان شاء الله

[عبد الله 01]

سرييييييييييييييع الأنقلاب بسبب خفة وزنه وأرتفاعه عن الأرض .كلام سليييم.راعي المجهم.
اخوي
انا كان معي برادو vx 2006
بالبر موتر وعزمه خطيييييييير وفزته ما مثلها لكن مسأله الانقلاب اسمحلي اخوي المميز
اسأل مجرب مايبيله شي من رصيف انقلب
ولا كنت مسرع ولله الحمد الله ستر علي وتبي الدليل انه سريع الانقلاب رح للصناعيه وشف وش كثره ولله شي مهول كلها متقلبه حبيت ابلغك وانت لك الخيار

[خادم الإسلام]

الحمد لله اخوكم شرى له ارمادا ولله الحمد

[رجل كريم]

الله يبارك لك في سيارتك ويجعلها قدوم خير عليك وعلى اهلك .,