هل تضر الشمس السيارة ..؟؟ شارك برأيك ..

[هبوب الصبا]

بسم الله الرحمن الرحيم

السلام عليكم

أسعد الله أوقاتكم بالمسرات

هذه شهور الصيف .. وهذه شمسه المحرقه .. وهذه طبيعتنا الصحراويه .. والحمدلله على كل حال ..
يحرص البعض على عمل مظلة بجانب المنزل لسيارته ويتجنب وقوفها تحت وهج الشمس مباشرة للحفاظ عليها ..
ولكن السؤال مامدى تضرر السيارة من حرارة الشمس ؟؟ أم انها حاجة نفسية لدى المالك والسيارة صنعت لتحمل ذلك ..http://www.assayyarat.com/forums/images/smilies/main/c024.gif

نود ان نسمع أرائكم ..
وشكرا

[عاشق وسم]

وعليكم السلام ورحمة الله وبركاته

والله الي أعرفه والي منتشر بين الناس ..

إن الشمس تخرب طبلون السيارة بشكل أساسي وتخليه يتشقق..

وتخرب كذلك المراتب وتخليها تشهّب

وهذا الي عندي ,,

أخوك / عاشق وسم

[عآشق الحره]

الي سيارته غير الأبيض الله يعينه سنه وتنعدم

[شلاش]

اخوي هبوب الصبا

الشمس تلعب دور في تشقق الكفرات وتشقق الطبلون اذاكان نوعه جلد

وهي بعد رغبه عند صاحب السياره ما يبي الشمس تلعب في السياره

شــــــــــــلاش

[sameer_1798]

بالنسبة لشمسنا ... فنعم :
البويه الخارجيه إذا كانت بغير اللون الأبيض أكيد تتضرر يبهت اللون وينحرق .وهذه نراها أكثر مضرة في اللون الأسود .
الطبلون الداخلي و الدركسون .... سوف يتشقق وبعد مدة يتكسر .
الكفرات ....... أيضاً تتشقق .

[مكشات الجنوب]

الشمس مضرة للبوية والطبلون والمراتب الجلد وكذلك تقلل من عمر الكفرات

[ابوليان2009]

اشكرك اخوي هبوب الصبا على الموضوع
الشمس تضر الطبلون والمراتب
أخوك /ابوليان

[الدربشي]

وعليكم السلام ورحمة الله وبركاته

مشكور أخوي على الموضوع المهم صراحة وفي الوقت المهم .

أكيد الشمس وحراراتها وأشعتها الحارقة تلعب دور كبير في تلف

بعض قطع السيارة وخاصة الطبلون والمراتب وبعض الجلد

البلاستيكيه في المقصات والأذرعة والكفرات لأنها تتعرض للتمدد

والتلف وتغير لون البادي الخارجي وتشهيبه وتجعله باهتا دون لمعه

وأنصح كل مكشاتي : بأن يضع مضله خاصة لسيارته لحمايتها من

أشعت الشمس الحارقة .وأنصح كل شخص بأن يترك تنسيم (فتحة

بسيطة ) بسيط في زجاج السيارة حتى لا تتعرض السيارة لظغط

الداخلي وخاصة الي عنده الزجاجة الأمامية مشطوبه شوي لانو عند

الضعط داخل السيارة من الحرارة راح يزيد الشطب ويتوسع ويخسرك

قيمة زجاجة جديدة

وهذي حادثة لأحد الجيران غلطة بسيطة : كان عنده مازدا 6 ونسي ولاعة الدخان على الطبلون وقفل السيارة ونزل واكان الجو حار وشمس محرقة وازداد الضغط داخل السيارة مع الحرارة وسرعان ما انفجرت الولاعة وشب الطبلون نار ولكن بفضل الله كان أحد المارة بالطريق شاف النار باديه تشتعل وقام نزل الطفاية من سيارته وطفاها وجا صاحب السيارة مفجوعو مو مصدق وخسرته طبلون قرابة الخمس ألاف ريال .

فالحذر الحذر ياإخوان

[عز الدواسر]

اكيد يضر..ليس شي نفسي..مثل ما قال المكشاتيه..

[برق الشمال 11]

أكيد يضر عندنا سيارة وقفناها في الشمس انكسرت قزازتها الامامية

[بلال البلوي]

والله زي ماقالو الاخوان الاعزاء تعمل تشققات على الطبلون وتشهب وتصفط المراتب

[الدربشي]

وإذا تبي تتأكد حط شريط كاسيت خربان او ما تبيه على الطبلون وذلك عند الساعه التاسعه صباحا وتعال بعد صلاة العصرو شوف كيف صار شكله

ماراح تصدق

[المميـز]

ماشاء الله الاخوان ماقصروا الله يجزاهم خير

وانت كذلك اخوي هبوب الصبا ماقصرت على الموضوع الرااائع :good:

وانا مع الاخوان الشمس لها دور كبير على البويه بالذات

وعلى الكفرات وخاصة الاستبنه اذا كانت علاقية بالجيب وماعليها غطاء بلاستك

ومن مميــــزات المظله

لاجيت تركب موترك الظهر تلقاه بـــــارد وخاصه اللي مايحط شماسية على الطبلووون

يبي يلقى الدركسون بارد

واترك المجال لغيري لعلهم يضيفون بعض الاشياء :)

[VXR.2007]

القزاز اذا كان فيه كسر خفيف ترا يمشي على القزاز وتروح عليه من الشمس او ياحدده عند اللي يركبون قزاز

[أبا مجاهد]

تأكل الطلاء ولمعته..كما تأكل النار الحطب

[سرطوقا]

شــي اكيد وانــا اخووك انها بتلعب الشمس فـ السياره .. اللــوون والطبلوون وغيره ماابي ازيد على كلاام اخوااني <.. بس داام انكَ فـ الحلووه ازبن الموتر فـ النخــل ماعليك برااد وشي طيب

ولد عمك من اسفـل البآطنَ
مشكور علىا الموضوع

[شحفان القطو]

1 :تشقق الطبلون
2:تعدم الكفرات
3:تشهب الديكور الداخلي والكراسي
4:لمعة الموتر تروح