وش راايكم نتعرّف على التمر الزين ، ومواصفاته بالسوق ...

[سماوي]

بسم الله الرحمن الرحيم
السلام عليكم ورحمة الله وبركاته


الله يكفينا شر ( بعض أهل سوق التمر ) سروقين ...
يهكّون عليك وعينك طايره ...
يمدحون لك التمر ولو برّقت فيه ( دققت النظر ) لقيته حويل ..

لا وآخر صيحة من صيحات الغش بالتمر السكري خاصة ... إنهم يرشّونوه بمادة إتخليه يبلص ( يلمع )
وإلى شفته تحسبه سكري رقم واحد .... وهو بالحقيقة رقم ( تبن ) ... الله يكرمكم :D :D

فحبّيت إني أحط هالموضوع ... وقلت ودنا نتعاون ونعلّم بعض ...
وشلون نشتري التمر الزين ...سواء سكري أو غيره ...؟؟؟

وأقصد بالتمر اللي ينزل بالسوق عقب أيام ... ويباع بالسطول ..:p :p

والله ودّنا الكل يشارك ...
ومعروفه اللي ما يشارك ... أكيد إنه يتاجر بالتمر ويمكن يكون من الغشّاشين :D :D
يالله حنّا بالانتظار ....

والله يرعاكم

[ابو شكاع]

هلابك سماوي

اما انا ........... لو يحطون ليمون اسود بسطول ويقولون هذا التمر السكري رقم واحد كان شريته من زود دباشتي بالتمر

لكن افضل شي ان توصي احد هو اللي يشري لك يعني خلك مثلي

هلابك

ولاهنت

[سماوي]

:D :D :D

يا حليلك يا أبو شكاع ...

أجل وش أقول عن نفسي ...

أنا لو يحطّون بيدجان .... كان تطير عيوني وأقول للي معي شف وش زين الكيمثرى :D :D

لكن يا أخوي الصراحة أنا مشغلن شيء واحد ...

تدري وشو ....؟؟؟؟؟!!!!

وشلون يفرقون بين القرع والكراث :what: :what:

غدينا نلقى واحد يعلّمنا للتمر قبل ما ينزل بالسوق ....

وبعدين ما تشوف إلا مسط القروش على الهبنّي ...:confused: :confused:

[احمد الثقفي]

ترى حنا أهل جده مالنا خبرة بالتمر مثلكم:D

أحسن وقت تشتري التمر فيه هو بالليل يوم انك تشوفه وهو يلق ( يلمع ) لاجل النور المسلط عليه من

الكشفات ...... لاتصدق عاد ..... امزح.

اسرد لك خبرتي بتمر البرني ( أحسن تمر والله ياخوي كنه لبان في فم الواحد )

أحسنها التمرة المطوقة وتكون طول الأصبع تقريبا .....

وأن كان التمر في السطل اقلبه وشوف التمر اللي في قاع السطل بعضهم يغشون في القاع.

وأن كان في تنك شق التنكه نصفين وأن أختلف النصف عن الآخر يكون فيه غشش.

وأهم شيء يكون مثل الجواهر ومايكون مهصود يعني كل حبة تطلع لحالها.

وان حبيت تعرف أنه من تمر هالسنه شوف نواتها باللون الابيض.

وبعدين اخوي ليش تشتري تمر والصيف ( الرطب ) على الأبواب:confused:

تحياتي

[الضاري]

أوووة .. الربع هنا يبون يشترون تمر..

مالكم الا تشوفون واحد خبير في شراء التمر .. وأدهن سيرة بسطل سكري أول ما تدخل السوق ( قل هذا للعيال قدوع لهم مع القهوة ) .. علشان يدور مضبوط.. عن الزين

حتى السطول اللي بغمارة سيارات البياعين اللي بالسوق يفتشهن..:D

وأبشر بالتمر الزين (( خلوكم مثلي لاقي هالطريقة .. ومبسوط والحمدلله على التمر اللي على كيفك )

ويما الله يفرجة .

تحياتي