راعين الكبسات والطبخات البرية رجاااء منكم خلااااص [الأرشيف]

بـدر

10/05/2009, 03:47 PM

السلام عليكم ورحمة الله وبركاته

يا راعين المكاشيت والكبسات والعلوم الطيبة

قسم بالله صار لي شهرين من يوم طبيت امريكا ما ذقت اكل عليه العلم

الله يكرم النعمة

اذا دسمنا شواربنا بهمبرقر

لذلك اطالب لمراعاة ظروفي وظروف الاخوان المغتربين للدراسة تسكير هذا القسم
او ارسال
على الاقل نص حبة بخاري مع الرز مع السلطة الحمراء اللي في كيس مع كل موضوع يكتب

قسم يآيات الله انكم تعذبونا بهذا القسم

ماله داعي تقولون كبسة حاشي والا كبسة غزال

مجرد ما اقرى ان الدعوى فيها رز ادخل ويضيق صدري واحط حيلي بهمبرقر والا بيتزا

واذا تهورت كلت مع العائلة رز

لكن الله يكرم النعمة لان الطبخ عندهم يمر بثلاث مراحل فقط

من الخيشة الى القدر الى بطنك = رز خانس لاطعم لا رائحة ولا شبعة

لذلك اتمنى ان يكون هذا القسم مخفي عن الجميع الا اللي ساكنين في دول الخليج

والله يجماعة الخير اننا بكسااافة من ناحية الاكل

لكن الله يعوضنا خير

اراك@

10/05/2009, 04:05 PM

الله يجيبك سالم غانم ان شاء الله

ههههههههههههههههههههههه

صراحه نطالب الاخ دهران بمضاعفة الصور والمواضيع

خلك ترجع من امريكا معك شهادتين

شهادة الدراسة

وشهادة الطبخ والكبسات

لازم تعلم هناك

الله يحفظك ويعطيك الصحة والعافية

ابوالجازي

10/05/2009, 04:24 PM

الله يجيبك سالم غانم ان شاء الله

ههههههههههههههههههههههه

صراحه نطالب الاخ دهران بمضاعفة الصور والمواضيع

خلك ترجع من امريكا معك شهادتين

شهادة الدراسة

وشهادة الطبخ والكبسات

لازم تعلم هناك

الله يحفظك ويعطيك الصحة والعافية

ههههههههههه
انا معك يا نياف في كلامك
ان شاء الله ترجع من امريكا ومعك شهادتين وحده من جامعات امريكا
والثانيه من جامعة مكشات
ترجع سالما غانما يا بدر

shaheenshah

10/05/2009, 04:36 PM

الله يعينك

نصيحه:
بدال البصبصه والتنظر في المواضيع حاول تشمر عن يديك الله لا يهينك وطبّق
جرب الطبخات وصدقني راح تصير طباخ غير شكل

رومنسي غير

10/05/2009, 04:37 PM

السلام عليكم ورحمة الله وبركاته

وعليكم السلام ورحمة الله وبركاته ،،،

اذا دسمنا شواربنا بهمبرقر
بالجبن ولا بدون :j

لذلك اطالب لمراعاة ظروفي وظروف الاخوان المغتربين للدراسة تسكير هذا القسم
او ارسال
على الاقل نص حبة بخاري مع الرز مع السلطة الحمراء اللي في كيس مع كل موضوع يكتب
خلاص عطني عنوانك وعلى طول بالدي اتش ال تجيك :p

لكن الله يكرم النعمة لان الطبخ عندهم يمر بثلاث مراحل فقط
ما صارت طبخة :)
من الخيشة الى القدر الى بطنك = رز خانس لاطعم لا رائحة ولا شبعة
احس يمعاناتك صراحة :(

والله يجماعة الخير اننا بكسااافة من ناحية الاكل
ابشر بالخير اخوي بدر . :good:
قولي انت في اي ولاية بالضبط وانا راح افيدك طال عمرك بأقرب مطعم بخاري ;) ههههه قصدي بأقرب مطعم لك عربي وقولي في اي جامعة لأن عندي Experience في الحاجات هذي وخاصة إذا انت في هيوستن بولاية تكساس وإذا بتحديد جامعة رايس تراني اعرف مدرس هناك كويس يضبط المندي :D .
لكن الله يعوضنا خير
يا ليتك مريت محل رحلات قبل ما تقلع الطيارة وخذيت لك كم صورة لقدر الكاتم يمكن تشبع من الشوفة , يقولك شوف العيون يشبع البطون :p .

تحياتي وترجع بالسلامة سالم غانم بإذن الله
رومنسي غير

سند333

10/05/2009, 04:52 PM

:( شهرين مااكل رز المسكين
:D وااهههههههههههههههههههههههههه انا لو انقطع عن الكبسه والمندي والحنيذ والمظبي اسبوع احس بحاله هستيريه

:confused: ماني متخيل بلد بدون كبسات وشاهي ربيع

علشان كذا دايم اذا جيت اسافر برى السعوديه اخذ خيشة رز ابو كاس وكرتون شاهي ربيع

تصدق عاد اليوم اكلت كبسه يحبها قلبك يميميميميميم ههههههههههههههههههههههه

ابوليان2009

10/05/2009, 05:16 PM

الله يردك بالسلامة يارب واعزمك في افضل مطعم للاكلات السريعة قصدي مطعم بخاري ههههههه:D :D :D :D :j

بـدر

10/05/2009, 05:37 PM

هههههههههههههههه الله يعطيكم العافية

نتمى بخاري

والا الحلوووم في انصاف الليالي حنيذ ومندي ومظبي

بس بسأل فيه أحد قد حلم حلم مثلا وهو نايم وتحقق طبعا لا

لذلك الامنية بخاري ولو جبر خاطر

ترى يمشي عندي ريحة مندي مع خبزة يابسة اشم الريحة واعرم الخبزة

والله صارت حلومي مندي ومظبي بدال حلوم هالشطار ماجستير ودكتوراة

بلاتين

10/05/2009, 08:55 PM

الله يردك لديارك سالم غانم .

ترى الكبسه راس مالها قدر كاتم عشان ماتطول ولا توسخ قدور البيت وكل سبوع اكبس لك كبسة مره لحم غنم ومره دجاج ومره غزلان .
انت جرب تطبخ يمكن تعلم هل عائله الكبسه يصير ترجع من الجامعه تلقى غداك جاهز :) .
الله يوفقك ....

الحوطي نت

10/05/2009, 10:22 PM

الله يحفظك ويرجعك لوطنك ولأهلك سالم غانم أنت وجميع إخوانك المبتعثين ولا تخاف الغربة بتعلمك الطبخ بالطيب وإلا بالغصب و بتتعرف عاى الشقردية مثلك وشرواك

كلمة الدوريات

10/05/2009, 10:29 PM

والله وشرحك سرى اخوي بدر انا في بريطانيا اول ما اطلع من المعهد اتغدى على الصور اللي في قسم الطبخ حتى تشبع عيني وبعدها احلي بكيكة وعصير من السوبرماركت لان عائلتي عجوز وشايب وانواع المطرسه الله يديم النعمه

اظم صوتي لصوتك واقترح نسوي حملة نسميها غدونا والى من صوركم فكونا

زايــ ابومحمد ــد

10/05/2009, 10:32 PM

السلام عليكم
الله يردك لنا سالم وغانم
ومالك الا تشهد هالطبخاااااات من الاخوان وتصبر والله يكون بعونك

تــــــــــــــــــحـــــــيــــــــــــــــاتــــ ـي

00000

بواسامه

10/05/2009, 10:42 PM

http://www.mekshat.com/pix/upload01/prof003/mk7296_xsxsxs.jpg

شد حيلك وابشر بالمفاطيح

mo7taj

10/05/2009, 10:50 PM

ما لكم حق يا شباب راعو شعور اخواننا المغتربين

http://www.mekshat.com/pix/upload03/images107/mk103432_2-2.jpg

مخاوى ابوه

10/05/2009, 11:00 PM

^^^^^^^^^^^
الله من النذاله:D
هالحين الرجال يقول لكم لاعاد تحطون صور وتحط له دجاجة مندى واللى فوق يحط مفطح:mad:
يا اخى انما اظم صوتى لصوته واطالب دهران انه يشوف لنا حل
:D
يا اخوك مالك الا الصبر يا بدر وش نسوى اذا رجعنا نحط حيلنا بالاكل والله يعين

خوي الساري

10/05/2009, 11:03 PM

الكبسات معوضه بالشهاده وتأمين المستقبل تحمل شوي 000

سوبر152

10/05/2009, 11:17 PM

لازم تعلم هناك

الله يحفظك ويعطيك الصحة والعافية

drhamad

11/05/2009, 02:23 AM

أنا أضم صوتي لك يا أخوي بدر
أنا هنا في كندا أعاني الأمرين
والشباب ماشاءالله عليهم من مقناص لكبسة لمناظر سيول
الله يهنيهم ويعزك يا سعودية أنا أشهد إنها ديرة
د.حمد

way

11/05/2009, 05:50 AM

الرجاء تكثيف الصور ههههههههه

بالتوفيق..

بدران123

11/05/2009, 05:59 AM

ترجع سالم غانم انشالله والله يوفقك انت والشباب المغتربين......

والشباب ماقصروا صراحه راعوا ظرووفكم من خلال الردوودههههه.....

بالتوفيق..

اخوك بردان

رعد سدير

11/05/2009, 06:06 AM

الله يوفقك لازم تعلم تطبخ وتنفخ خخخخخخ وألا تحمل أكلهم

مطر الجنوب

11/05/2009, 06:07 AM

تموا الله يحييكم اهداء لكل المغتربين مع التحية

http://up1.mlfnt.net/images/78m2yfsg8r5281h3mkc.jpg (http://up1.mlfnt.net/)

ابونايف 15

11/05/2009, 06:28 AM

الله يجيبك لأهلك سالم اخوي بدر

بس الشباب ناوين يخلوك تتعلم تسوي كبسات غصب

أبو.محمد

11/05/2009, 06:46 AM

ههههههههه

ما تنلام ,,

سفره دايمه :: مطر الجنوب ::

بدراني جلاجل

11/05/2009, 07:20 AM

الله يردك لنا سالم وغانم يابدر
ويوفقك وترجع لنا بالشهادة

escape_man

11/05/2009, 07:57 AM

والله ياخوي بدر اني معك في كل ماتشعر به

فعلا من يضطر للسفر تلاقيه دائما في خيمة الطبخ

وما انسى المشرف القدير دهران

لعب فيني لعب وكل ماسافرت تصير تكياتي بخيمة الطبخ

BAD3R

11/05/2009, 08:05 AM

ههههههههههه الله يردك بالسلامه يابدر ..

أبو درويش

11/05/2009, 08:14 AM

الله يعينكم اصبرو ويجيكم الفرج
الله يرجعكم سالمين غانمين

ههههههههههههههههههههههههههههه

ساكن بوظبي

11/05/2009, 06:46 PM

الله يعينكم ترى الغربه كربه.. الله يهون عليكم ويردكم سالمين

عايد الحربي

12/05/2009, 10:55 PM

ياخي ليش ماخذت عزبتك
بامريكا

هدد688

13/05/2009, 09:12 AM

غريبة الموضوع ما تقفل

شكل صاحب الموضوع عنده واسطة هههههه

الله يردك سالم وغانم ..

ذيب الغداري 1

13/05/2009, 12:41 PM

ههههه .

شهيتونا يالجماعة .

تسذا تخلونن أروح لأقرب طباخ " مصري " ^ يحوفه لي :) ^

احب البرواهله

16/05/2009, 10:14 AM

الرز أدمان
أخوي بدر ما ودك بكبسة حاشي على رز بشاور حبة الرز طول الأصبع من زينها وأبيض من القطن مصفوفات صف بالصحن
شف لك مطعم هندي بأمريكا يصلح برياني تصبر به إلين ترجع بالسلامه

vd321

17/05/2009, 03:57 PM

http://www.mekshat.com/pix/upload03/images114/

vd321

17/05/2009, 04:00 PM

http://www.mekshat.com/pix/upload03/images113/mk112194_18320.jpg

بـدر

18/05/2009, 02:33 PM

ابشركم عزمت نفسي عند واحد من الشباب هنا مع عائلته ماصار لي متعرف عليه يومين

واليوم الثالث متعشي عنده كبسه على الكيييييف لا وكلت بيدي هههههههه والله هذي اكبر امنية حققتها هنا اني اكل كبسة لا و بيدي على طووول

ووعدني بعد شهرين ان شاء الله راح يكرها لي .... وراح يومين وباقي 78 يوم على الموعد

واشكر كل من تواصل معي ووقف الى جانبي

واللي حط صور طبخات بموضوعي ما اقول الا جزاك الله خير على تضييق الصدر :)

ومن ناحية اخذ العزبة لامريكا كنت خايف انهم مايدخلوني انا ووشلون عاد العزبة رح فككها لهم اخاف يحسبوون الكاتم قنبلة

شكرا لكم ,,,

الودعانيه

18/05/2009, 04:19 PM

ههههههههههههههه ماعندي صوره كان رزيتها هنا

تعلم الطبخ ترى شئ سهله مايبي له اختراع هو ولا هو معجزه

يامال الشبعه والعافيه

زايــ ابومحمد ــد

18/05/2009, 04:38 PM

(ووعدني بعد شهرين ان شاء الله راح يكرها لي .... وراح يومين وباقي 78 يوم على الموعد)

شكلك راسب في الحساب0000000

بـدر

18/05/2009, 09:00 PM

(ووعدني بعد شهرين ان شاء الله راح يكرها لي .... وراح يومين وباقي 78 يوم على الموعد)

شكلك راسب في الحساب0000000

هههههههههه

عفوا والله يا انا موووولي الشهر عندي 40 يوم

عفوا الان اقدر اقول باقي 67 يوووم

شكرا للتنبية

شلهوب

19/05/2009, 01:16 AM

طيب فيه اقتراح ...

بما أنك مالك بالطبخ و النفخ ...

أقترح أن تكلم أحد يرسل لك تمر ...

< وإن حصل خلاص مجروش > كان أفضل ...

ومن أمريكا خذ لبن اللي يوزعونه بسيارات الكهرب ...

والحمد لله والشكر ...

ودمتم في رعاية الله وحفظ الله عليكم دينكم ...

سند333

19/05/2009, 08:22 AM

ابشركم عزمت نفسي عند واحد من الشباب هنا مع عائلته ماصار لي متعرف عليه يومين

واليوم الثالث متعشي عنده كبسه على الكيييييف لا وكلت بيدي هههههههه والله هذي اكبر امنية حققتها هنا اني اكل كبسة لا و بيدي على طووول

ووعدني بعد شهرين ان شاء الله راح يكرها لي .... وراح يومين وباقي 78 يوم على الموعد

واشكر كل من تواصل معي ووقف الى جانبي

واللي حط صور طبخات بموضوعي ما اقول الا جزاك الله خير على تضييق الصدر :)

ومن ناحية اخذ العزبة لامريكا كنت خايف انهم مايدخلوني انا ووشلون عاد العزبة رح فككها لهم اخاف يحسبوون الكاتم قنبلة

شكرا لكم ,,,
السلام عليكم ههههههههههههههههههههه ياخي شيلتنا همك انا ودي الاقي طريقه اوصل لك الاكل والله لو انا عندك كان اكبس لك كل يوم

بـدر

19/05/2009, 05:59 PM

السلام عليكم ههههههههههههههههههههه ياخي شيلتنا همك انا ودي الاقي طريقه اوصل لك الاكل والله لو انا عندك كان اكبس لك كل يوم

هههههههههه والله ما شلت هم الدراسة ولا شي

بس للأسف أكبر همي الكبسات

وسواليفي مع السعوديين هنا عن الكبسات وآخر الصور اللي نزلت بمكشات

تصدقون خلفيات جهازي مندي ومضبي وحنيذ

الان مخليها مندي تيس عليه تطيح الشنبات

مشكورين جميعاً لمواسات اخوانكم المشتهين كبسات في الخارج

احب البرواهله

20/05/2009, 10:16 AM

ابشركم عزمت نفسي عند واحد من الشباب هنا مع عائلته ماصار لي متعرف عليه يومين

واليوم الثالث متعشي عنده كبسه على الكيييييف لا وكلت بيدي هههههههه والله هذي اكبر امنية حققتها هنا اني اكل كبسة لا و بيدي على طووول

ووعدني بعد شهرين ان شاء الله راح يكرها لي .... وراح يومين وباقي 78 يوم على الموعد

واشكر كل من تواصل معي ووقف الى جانبي

واللي حط صور طبخات بموضوعي ما اقول الا جزاك الله خير على تضييق الصدر :)

ومن ناحية اخذ العزبة لامريكا كنت خايف انهم مايدخلوني انا ووشلون عاد العزبة رح فككها لهم اخاف يحسبوون الكاتم قنبلة

شكرا لكم ,,,
الحقوا على الرجال ياجماعه بحبة رز ضيع الأملاء ولا يعد يعرف الشهر كم يوم شكلك تدبق بالهمبرجر إلين فقدت الأملاء وحساب الأشهر .... تدري عطني عنوانك ارسل لك كبسه ما تنتخلى أنت الله يستر عليك

بـدر

21/05/2009, 10:42 AM

الحقوا على الرجال ياجماعه بحبة رز ضيع الأملاء ولا يعد يعرف الشهر كم يوم شكلك تدبق بالهمبرجر إلين فقدت الأملاء وحساب الأشهر .... تدري عطني عنوانك ارسل لك كبسه ما تنتخلى أنت الله يستر عليك
للأسف وضعي مع الكبسة الآن سيء
وكل ما دخلت مكشات وقسم الطبخ
اجيب سندوتش هوت دوق مع ذاك المايونيز والكتشب وتصير الوجبة تحوم الكبد
وافتح الصور
واردد
حدي نظر ما بغيت اكثر واعرم في الهوت دوق

الله يكرم النعمة

عوق الخريش

22/05/2009, 09:46 PM

يعطيك العافية أخوي الغالي على الموضوع المميز...لآهنتــــ
تحياتي لكـــ,,,,,

بـدر

23/05/2009, 04:17 AM

يعطيك العافية أخوي الغالي على الموضوع المميز...لآهنتــــ
تحياتي لكـــ,,,,,
هلا والله

اخوي التميز فيكم وفي ردودكم على موضوعي

مشكور على الاطراء والرد

جبل راف

24/05/2009, 12:26 AM

الله يعينك مدري كيف تصبر عن الكبسة
عطني عنوانك ارسل لك على اقرب رحلة ثلاث اكياس رز كلاسيكي

سطام vip

24/05/2009, 12:51 AM

لو مكانك ما اخلي نفسي بشي

اقرب محل رحلات والا سوبر ماركت

وطق لك عزبه طبخ خفيفه

واطبخ الي في نفسك واعزم عليها

خرب العائله الي انت عندهم علمهم علوم السعوديين

خلهم ياكلون على الاض وبالخمس ههههههههه

الله يردك بالسلامه ويوفقك

غرة سهيل

24/05/2009, 12:53 AM

هههههههههههه
اخوي بدر الله يرد سالم غانم

انا اقترح انك تشتري كل مقادير الكبسه وتجرب بالبيت لين تظبط معك وتعلم اهل البيت كيف الطبخ من شان يحكرونه لك وتخرب عاداتهم

will

25/05/2009, 02:31 PM

انا اقترح انك تشتري كل مقادير الكبسه وتجرب بالبيت لين تظبط معك وتعلم اهل البيت كيف الطبخ من شان يحكرونه لك وتخرب عاداتهم

أنا أأيدك في كلامك ..
أحسن شي انك اذا رجعت لسعوديه بتصير ضابط البيتزا أبا عن جد :d هههههههههههههههه ههههه

زايــ ابومحمد ــد

25/05/2009, 03:38 PM

يابدر00
خذ هذي الهديـــــه

http://www.mekshat.com/pix/upload03/images116/mk118917_08042009_007.jpg

بـدر

25/05/2009, 11:54 PM

يابدر00

خذ هذي الهديـــــه

http://www.mekshat.com/pix/upload03/images116/mk118917_08042009_007.jpg

هههههههههه الله يعافيكم يا غرة سهيل والجوهرة وزايد

لكن إلى متى .... على هالحال

امس والله متعشي مشوي نقانق على الكيف ولا مع ربيان

اممممممممممم

قال ايش قال كبسة وليمون اسود وحبحر ولحم وكشنة

والليمون الاسود في الصورة لحاله بس احس انه فاضي (حصى)

الله يعدي هالايام على خيرررر