تكفوووووون ... وشلون أرفع السياره

[انــــــــــا]

السلام عليكم ورحمة الله وبركاته

أسعد الله أوقاتكم بكل خيييييير يا الكشاااااااته

هاذي أول مشاركاتي معكم ,,, والصراحه
ماكان ودي أنها تصير مشاركة طلب ،،، كنت ودي أفيد ثم أستفيد

أخواني ...... معي بليزر و عندي مشكلة
.
.

وجه السياره نازل واجد ....

وأبي نصيحتكم ,,, هــل كيـــف أرفعه

ترى الموتر ما عليه أي كلام ,, إلا هالسالفه .. وش رايكـــــم

الفزعة يا نشاااااااامى

جعل الصيد والربيع يلحقكم وين ما رحتو ;)

[أيمن]

وعليكم السلام ورحمة الله وبركاته ..
هلا بك يا أنا !!
إلا وش لونك أنت :)

الله يحييك عمومًا لكن ياليت تبين لنا وش السيارة حتى نقدر نساعدك ..

تحيتي

[انــــــــــا]

الأصل كُتب بواسطة انــــــــــا


أخواني ...... معي بليزر و عندي مشكلة
.
.

-------------------
مرحبتيين .. سعادة المشرف ,,

أنــــــــــا لوني ،،، تركواز .... بس بالنهار والليل قمحي ;)

انت اللي وشلونك ,,

السيارة ((( تــــــريـــــل بــــــلــــيـــــزر )))

[ريع الدياب]

بسم الله الرحمن الرحيم
السلام عليكم ورحمة الله وبركاته

أخى أنا

بداية ما عندى فكرة كيف ترفع سيارتك ....

ولكنى لم أتمالك نفسى من الضحك حوالى ربع ساعة على اجابتك

أنــــــــــا لوني ،،، تركواز .... بس بالنهار والليل قمحي

انت اللي وشلونك ,,

شكرا وتحية لروحك المرحة

[طمطماية]

هلا أخوي أنت :)

بصراحه ما اقدر افتيك في سياراتك ... لاكن

إذا كانت سيارتك سست .... تقدر تزيد السستات وترتفع

إذا كانت ياي ومساعدات ..... تقدر تركب كراسي لها أو تغير الياي لأنه ممكن يكون مقصوص أو لين ...


وفيه شي يركبونه في السيارة يسمونه (( بالون )) على ما اضن .... هذا طول الله عمرك تعبيه هوا ترتفع السيارة ... تنسمه تنزل السيارة


لك تحياتي
طمطم

[راعي الحمره]

اخوي الغالي انــــــــــا حياك الله معانا وهذي الساعه المباركه الي نفيدك فيها , موضوعك سهل انشاء الله , تروح طال عمرك للوكاله وتاخذ ربلات اماميه ينقالها كعكات واذا خذيتها تروح لحداد سيارات ويركبهم لك ويرتفع وجه الموتر وكان الله غفورا رحيما وسلامتك .



مع تحيات
اخوك راعي الحمره

[الضاري]

طيب .. ما حاولت برفع وجة الموتر عن طريق مسمار الوزنية ؟؟

[انــــــــــا]

أخواني ,, أول شي آآآآآآآسف على التأخير بالرد ,,,

ثاني شي ،،، أعتقد أن الأخ أيمن ... شكله زعلان ,,
آآآآسفين ولا عاد نتعودها ونمزح معك مرة ثانيه ...

أخوي ريع الدياب ،،، مشكور على مرورك ,, وشكل الروح المرحه ،، ماتجوز لكل الناس :(

أخوي طمطماية ،، بالنسبة للموتر فهو ياي والموتر جديد وهو كذا شد بلاده ..
وبالنسبة للبالون يقولون أنه ما ينفع مع السرعة أكثر من 50 والا تنفجر ...
خاصة لا صرت بالبر وعلى دباية تبي تجلد ويقابلك بعض الحفيرات ,,,
ألف شكر على أهتمامك .

أخوي راعي الحمره ،، كعكات الوكاله ما تسوي شي ،،
وحتى لو بغيت تحطهن أمتن شوي فأن المطب كذا بيصير أقشر لأن الياي بيصير على آخره ,,,
وهذا آخر العلاج إن ما لقينا درب أزين ،،
ألف شكر على أهتمامك .

أخوي الضاري ،، ليتك تفسر أكثر ،، ترى أخوك مهو بالحيل بالحيل ,,
برضو ,,, ألف ألف شكر على أهتمامك .

أخيراً وليس آخراً <---- حلووووووووووه وقوووووويه .. مدري وشلون جت معي :D

أشكر كل من مر وكل من رد وكل من نوى يرد بس ,,,, تعيجز

وتحيــــــــــــــــاتي،

[مهيلان]

اخوي
سلام عليكم

افهمني زين

نوع التعليق الامامي عندك وش هو :

هل هو نظام عمود زي الهايلكس بدون ياي

او ياي

اذا كان الاول فامره بسيط .. شد الميزانيه ويرتفع

اذا كان ياي مالك الا كعكات ولها مقاسات . عموما مر ميزان المجد بالرياض ويتسهل امرك ..


الا على فكره .. انت وشلونك :D :D :rolleyes:

[أيمن]

أنـــــا:eek: !!

على أي أساس خليتني زعلان :rolleyes:
هذا وأنا ما تكلمت :confused:
أيضا أنا ضحكت من ردك فترة لكن أقل مما قضاه "ريع الدياب:D" في ذلك ..

على العموم أنا أيضا الأربعة الأيام الأخيرة ما دخلت النت فاعذرني والشباب كفوا ووفوا ..

تحيتي

[بركان]

يا اخ انا
ازعجتنا ابى ارفع خشة موتري ابي ارفع خشة موتري
احد رادك لا ترفع خشة موترك؟؟؟
قل لي من هو واوريك فيه!!
هديء اعصابك ترى اخوك مزاح ويحب المزاحين امثالك
قبل ما تتمشكل انت وخلق الله
وعلى شان ترفع خشيشة موترك و على شان ما ترفع خشيشتك على خلق الله وجدت لك الحل ان كانك فعلا جاد.

اتجه مع طريق التخصصي شمالا وبعد تقاطعه مع شارع الامير عبد الله استمر ايضا شمالا ادخل مع النفق القادم وبعد خروجك منه خذ المخرج ستجد على يمينك محطة بنزين فيها سوبرماركت ( ميد) في نفس المحطة محل يديره فلبيني متخصص فقط في رفع مؤخرات وخشش السيارات لديه فقط يايات ومساعدات وكل ما تحتاج بعدين سريع بالمره ما يعطلك وانت واقف وكاسره ( فاصله) تراه يعطي خصم خاصة للي يبي يرفعون خشيشاتهم .
اذهب له وادع لي سيحل مشكلتك باذن الله. !!!

وان كان الفلبيني ما حل مشكلتك فقل له ينزل مؤخرة موترك على شان ترتفع مقدمته!!! وش رايك في ها الحل!!!

تحياتي لك.