المساعد الشخصي الرقمي

مشاهدة النسخة كاملة : وش الحل مع مراتب الجلد لـ vxr


المستطلع
11/05/2009, 01:04 AM
السلام عليكم ورحمة الله
عندي مراتب vxr جلد شد بلد وفي الصيف تذبحني بالحر ابغي اركب مراتب مكيفة مثل المرسدس او من اللي عندة حل الله يجزاه خير
سطام vip
11/05/2009, 01:10 AM
بسم الله الرحمن الرحيم

الله يعينك اخوي وصادق الجلد الياباني والكوري والامريكي متعب وممل

وخصوصا في عدوم وجود خاصيه التبريد للمراتب

اخوي مالك الا تنجد الموتر مخمل والا تركب جاعد ولا تنسى تضلل السياره

الوالد كان معه سفاري فل كامل مراتب جلد وزهق منه وديته الاسماعيل في شارع الغرابي وركبت له تلبيسه مخمل وارتاح معها

وبالنسبه للمراتب المكيفه ما عندي عنها علم والله يسهل امرك

دمت بخير
alfawzan
11/05/2009, 01:44 AM
زي ماقال اخوي سطام vip

والافضل انك تضلل السياره عازل حراري الي سعره رخيص ماتتعدا 80 ريال كل السياره

وتلبس المراتب تلبيسه خفيفه تنبعا عند العليان ولا تحصله في الغرابي سطحيه بس لعدم الحراره وحرام انك تنجد على الجلد ماشاء الله منضره حرام انك تغطيه
بو خليفه
11/05/2009, 09:55 AM
انا اقتراح تضليل السيارة v-kool سعر التظليل في حدود 2000 ريال تضليل كامل جميع الزجاج وخاصة الامامية تضليله بدون لون و شرط ستحص بالبرودة
رحال7
11/05/2009, 02:17 PM
التضليل لا يحل المشكله الا جزئيا اى عندما يكون المكيف شغال منذ فتره ولمقاعده اصبحت بارده؟

عندما يكون الموتر واقف الجلد يسخن حتى ولو الغماره مضلله بافضل تضليل ولا يبرد بسهوله او لا يبرد الا تكون وصلت مشوارك ... ويحرق الظهر

عندى نفس المشكله! وحرام ترمى الجلد؟!
اسهل وافضل واسرع حل هو تغيير مقعدة السائق بمقعده موديل جديد مكيفه!
والله اعلم
MeL7
11/05/2009, 04:26 PM
انا اقتراح تضليل السيارة v-kool سعر التظليل في حدود 2000 ريال تضليل كامل جميع الزجاج وخاصة الامامية تضليله بدون لون و شرط ستحص بالبرودة
انا عندي برادو فل طبعا يجي جلد ومركب التضليله نفسها والحمد لله ما اشتكي لا حرارة مراتب ولا ديركسون
المستطلع
12/05/2009, 04:58 PM
الله يعطيكم العافيه جميعا ويجزاكم خير
التظليل ماهوب حل ولكن وش التلبيسه الخفيفه اللي ممكن تعزل الجلد
واقعي وعقلاني
12/05/2009, 07:43 PM
لبسه تلبيس غير الجلد وارتاح ..
انا معاي فورد جلد ذبحني بالحراره ولبسته وارتحت