هل يركب للشيروكي مكينه غير مكينته..؟؟

[كاشت وحداني]

السلام عليكم اخواني اعضاء مكشات .
طول الله اعماركم تعرفون ان الشيروكي قطعه وصيانته مكلفه .
ولكن بكل صراحه عاجبني شكله خصوصا النوع اللي يسمونه سبورت بعضه يجي باب واحد .
سؤالي
هل يركب عليه مكينه غير مكينته .
مكينة جيب تويوتا او جيب نيسان .
.
من له خبره يفيدني انا وبقية الاعضاء ربي يعافيكم .

[عاشق سمر]

و عليكم السلام

نفس التفكير و ننتظر اجابة الرجاجيل شرواك.

مدري اذا احد يقدر يفيدنا بمكينة اللومينا او الكابرس.

[ترهيم]

السلام عليكم

الله لايهينكم ماكتبتو التفاصيل الموديل والقير هل هو عادي ولا تماتيك ...

مافيه شي مايترهم ...

التماتيك بتصادفك مشاكل كثيره في الترهيم اولها الدبل ...

اما اذا عادي تقدر تسقطه ماكينه وقير جمس وماكينة كابرس تركب وماكينة اللومينا تركب ..

[لن أمل من العطاء]

كل شيء يترهم

لو تبغى مكينة شاحنه

(في اليوتيوب شخص مرهم مكينة شاحنة ديزل على جمس قديم غمارتين ومسوي الفرامل هواء مثل الشاحنات

فيه ايضا محركات الدووج والكرايسلر هي نفسها

يعني
شيروكي ودودج وكرايسلر نفس الشركة

[هايبر]

عندي شيروكي باب واحد مديل 99 .الصراحه مستغرب من كلامك يوم تقول قطع غياره غاليه بعطيك أسعار أكبر قطع فيه و انت تقدر تحكم على غلاه او رخصه مقارنه مع السيارات الاخرى طبعا الاسعار المذكوره أدناه انا محصلها في المحلات:

1- مكينه 98 او 98 استخدام ياباني مع ضمان 6 شهور بدون تركيب او رجيع 2500
2- مكينه 00 او 01×استخدام ياباني مع ضمان 6 شهور بدون تركيب او رجيع 3000
3- قير مستخدم مع رجيع مع ضمان 6 شهور 900 ريال
4- دبل مستخدم مع ضمان شهر 500
5- دبل جديد بكرتونه 1000
6- دفرنس امامي مستخدم مع الرجيع مع التركيب 1000
7- دفرنس خلفي مستخدم مع الرجيع مع التركيب 2000
8- كمبيوتر 600 امريكي

و تقدر تقيس باقي القطع على المذكور اعلاه طبعا ما اتوقع تلاقي اسعار القطع المذكوره على اي سياره ثانيه و انصحك انك ما تفكر في غير قطع الشيروكي لانها جدا معقوله. يمكن ما تصدق لو اقولك من رخص القطع انحن نركب بديل ما نصلحها لان سعر التصليح مقارب لسعر مستخدم نظيف.طبعا يعيبه ان القطع تخرب بشكل أسرع من التويوتا و النيسان بس تفي بالغرض مقارنه مع سعره
و هذا مجرد راي شخصي من واقع تجربه فقط و ليس خبره

[واطي الجمرة]

اخوي هايبر بارك الله فيك

القطع المذكوره وين محلها؟؟؟؟؟

[ترهيم]

السلام عليكم ..

اول مره اصادف واحد يقول قطع الشروكي رخيصه !!

انا اصلا ما انصح بشروكي ككل ... انحش عنه .. ودامها بقطع الغيار انا اقولك عن تجربتي فيه عامود دبل ماحصلته لافي تشليح ولا غيره عند الوكاله فقط وسعره 3005 ريال ماينزلك ريال واحد ..

كلتشات الدبل سعرها 4700 ريال الكلتشات فقـــط وليتك تلقاها عندهم غير متوفره في الوكاله ..

راس المكينه 4800 واله يعينك اذا المكينه راسين ..

ومابي اتكلم عن البساتم روح وشوف سعرها بنفسك لا وتخيل انك تشريها 8 او 6 اغلى من قيمة السياره نفسها :) ون قلت باخذ ماكينه تشليح ماتلقى غير محل واحد هناك يقولك هو المتخصص شروكي طبعاُ كل اهل الشروكي يعرفونه المكينه هناك سعرها 11 الف

اتكلم عن تجربتي مع القراند شروكي موديل 99

الي يفكر يشري شروكي نصيحه لوجة الله والله اني نصوح لكم مثل اخواني انحاشو والي بيشريه عشان يرهم ياخذ باترول وذف وكل شين يركب وحبيب نفس وكل قطعه تلقاها والي ماتلقاه يتهرم برغم ان مافيه شي ماتلقاه اغلب الترهيم لزيادة اعزم .

[Magellan]

اتكلم عن تجربتي مع القراند شروكي موديل 99
.
جاوبت نفسك بنفسك
الإخوان هنا يسألون عن الشيروكي الكلاسيك والسبورت مو القراند شيروكي
ومعروف القراند شيروكي ما أحد يدوره إلا المقرود

[حزم نجد]

الله يهيدك اخوي ترهيم ... تقارن قراند شيوركي في الشيروكي كلاسك والسبورت ؟؟

قطع الشيروكي تكلمو عنها الاخوان واسعارها معروفه وفيها 5 صناعات تقدر تختار الي تبي منها وهي رخيصه جداً ولا تقارن بباقي الجيوب بالسعر لأنها الاقل ..

والقراند شيروكي الموديل 2000 تحصله ب13 الف وش السبب علشانه غير مرغوب واسعار قطعه ناار ..

[أبو ياسر العمراني]

السلام عليكم ..

اول مره اصادف واحد يقول قطع الشروكي رخيصه !!

انا اصلا ما انصح بشروكي ككل ... انحش عنه .. ودامها بقطع الغيار انا اقولك عن تجربتي فيه عامود دبل ماحصلته لافي تشليح ولا غيره عند الوكاله فقط وسعره 3005 ريال ماينزلك ريال واحد ..

كلتشات الدبل سعرها 4700 ريال الكلتشات فقـــط وليتك تلقاها عندهم غير متوفره في الوكاله ..

راس المكينه 4800 واله يعينك اذا المكينه راسين ..

ومابي اتكلم عن البساتم روح وشوف سعرها بنفسك لا وتخيل انك تشريها 8 او 6 اغلى من قيمة السياره نفسها :) ون قلت باخذ ماكينه تشليح ماتلقى غير محل واحد هناك يقولك هو المتخصص شروكي طبعاُ كل اهل الشروكي يعرفونه المكينه هناك سعرها 11 الف

اتكلم عن تجربتي مع القراند شروكي موديل 99

الي يفكر يشري شروكي نصيحه لوجة الله والله اني نصوح لكم مثل اخواني انحاشو والي بيشريه عشان يرهم ياخذ باترول وذف وكل شين يركب وحبيب نفس وكل قطعه تلقاها والي ماتلقاه يتهرم برغم ان مافيه شي ماتلقاه اغلب الترهيم لزيادة اعزم .
ياخي غالبية قطع الشروكي أرخص من قطع التويوتا والنيسان
بعض القطع التي أذكر أسعارها
دينمو قراند شروكي م 2002 بـ 1050 ريال
= فكس آر نفس الموديل 1350
= بترول ===== 2600 (قبل سنه ونص مسعرها بنفسي )

مساعدات قراند شروكي 2002 الأماميه 440 ريال
= فكس آر نف الموديل 720 ريال عند أبو جميل

اللي يفكر يشري شروكي لا يأخذ كلامي ولا كلام الأخ ترهيم قبل يسأل عن سعر القطع بنفسه
الشروكي المتحده للسيارات
تويوتا أبو جميل
نيسان الحمراني
وبعدها يقرر

[هايبر]

اخوي هايبر بارك الله فيك

القطع المذكوره وين محلها؟؟؟؟؟

1+2 تلقاها عند ورشة الرشيد في القصيم و كذالك في ورشة كرامه في الرياض مخرج 17
3- عند ورشة توضيب القيور اللي عند جيب ستار في الصناعيه في الرياض
4- يوفرها ور شة كرامه
5- عند جيب ستار لقطع غيار الشيروكي في الصناعيه خابر عنده قطعه وحده
6+7 عند ورشة كرامه و كذلك ورشة الرشيد و المطيويع اسعارهم كلهم متقاربه مع اختلاف مدة الضمان
8- وا حد من الشباب سعودي يوفرها مدري من وين ما عنده ورشه

[ترهيم]

السلام عليكم

اخوياني الافاضل .. فرصه الموضوع نتبادل فيه الخبرات وشي حلو بس هدو اعصابكم علي شوي :)

اخواني انا ماقارنت بينهم نهائي .. معروف الكلسك ومفروق القراند شروكي . حتي بالمكينه .
وحتي اول مشاركتي معاكم قلتلكم يترهم عليه المكاين الي قلت عليها والان فيه شوركي مسقطين له مكينة جمس وقير بس للحين ماكتمل التركيب ..
بس انا كتبت تجربتي الخاصه فقط ..
اخواني السيارات تختلف بالتجارب الشخصيه الان الكل يمدح الفكس ار 96 مع انه طلع الشيب فيني مافيه عله إلا ومرت عليه ..
وكانت معي سيارات انا امدحها وغيري يسفل فيها ..
اما الشروكي الوكيل نفسه لاتتوفر عنده القطع .. واكثر من مره نسئل عن قطع ولا نحصلها وتشليح يقولك المطيويع ..
اما التشليح الي قلت عليهم بالصناعيه القديمه الي قبال توضيب القيور قبل 8 اشهر فار عليهم واحد واحد كل ماسئلتهم عن قطعه قالي روح المطيويع كانت القطع المستورده من اليابان 90 بالميه منها تختص بالفورد .. واكثر نجرب مكاين الفور من عندهم سراحه لايعلا عليها شبه جديده ..

[اللهيب ssss]

معليش بس كم سعر مكينة الجمس والقير وش الموديل

[عاشق سمر]

طيب الكلاسيك 98 اوتوماتيك + دبل، هل تركب عليه مكينة كابرس او جمس 2500 او ماكينة 8100؟؟؟؟

و كم تكون التكلفه تقريبا؟؟؟

[انسان مو بسيط]

السلام عليكم ورحمة الله
اخوي كاشت وحداني اخبارك ولا يهونو الجماعه
بنسبه للشروكي ترى مثله مثل غيره في قطع رخيصه وقطع غاليه بس في تقارب بينه وبين باقي السيارات
موضوع تركيب المكينه ترى كل شي يصير انا شفت شروكي رنجلر عليه مكينة لومينا اس اس بعد
وترى الشروكي موتر وانا له معي اربع سنوات سبورت 99 ما عليه غبار
وانت واستخدامك
تحياتي

[abdullah41439]

اخوي ممكن ترسلي رقم ورشه الرشيد اللي عنده مكينه ع رقمي الوواتس 0500514089

[abdullah41439]

ورشه الرشيد بعنيزه او ببريده