يوكون 2002 وثلاثة مشاكل ...

[aboteef]

بسم الله الرحمن الرحيم
السلام عليكم ورحمة الله وبركاته

عندي يوكون 2002 امريكي له معي الان ثلاثة اشهر تقريبا
وبدأت الان فيه بعض الاصوات و المشاكل وهي
1) صوت طرير ( يعني طررررررررررررررررر) خفيف اول ما اشغل السيارة ويستمر الى ان تتزايد سرعة السيارة اكثر من 80 ميل وبعدين ما اسمعة
مع العلم ان الصوت اذا جيت اشغل اسمعة ورا واذا رحت ورا اسمعه قدام داخل الغمارة مو برا وكذلك فوق راس السائق في السقف فيه زي السماعة اذا سكرتها بيدي يخف الصوت ولا يختفي
2) فيه لمبه في الطبلون والعة على طول مكتوب فيها (سيرفس انجين سوون) <<< بليد في الانجليزي

3) لمبات اللوحة الخلفية انحرقت وحدة وغيرتها وعالطول طفت الثانية غيرتها ثم طفت الاولى وهكذا
4) ما هي افضل المساعدات ليونه وخدمة <<< ما ني حق تطعيس ولا تفحيط





شاكر للجميع جهودهم

والله يرعاكم

[هوى الطير]

قصدك السماعة الدائرية إللي على يسار السواق من فوق ؟

أنا عندي يوكن 2003 أمريكي

ويطلع صوت زنه مزعجة من السماعة هذي

وبصراحة ما عرفت وش الحل معها

بس الصوت يطلع أول ما أشغل السيارة شوي وبعدين خلاص يروح

عموماً أنت رح لـ( الجابري ) إللي في الصناعية القديمة بالرياض

وراح يحلها لك إن شاء الله

تراااااااه فنان وشغله عدل

أنا ضبطت الموتر عنده حتى الطبلون قلبته عربي

[aboteef]

جزاك الله خير
المشكلة اني في مكة

[ابو ناصر 1212]

فعلاً كلامك صحيح
وسمعتها عندي اكثر من مرة ولا لقيت لها بال
ولا اعتقد ان صوتها يعني حدوث مشكلة

[سكب]

اخي الحبيب
الصوت اخي صوت ماطور الهواء الخاص بالمساعد الخلفي يكون في الدينالي
مكانة خلف الكفر الخلفي للسائق ويعمل على توازن السيارة واذا كان المساعد
مفجور القطعة البلاستكيه الموجوده في منتصف المساعد يستمر الماطور طررررررررررررر وقيمة المساعد الواحد 2300 ريال


بالنسبه لسماعه التي فوق رائس السائق الله يسلمك تقوم بشفط الهواء الموجود في داخل الكبينة ضع قطعة منديل عليها وشوف عملية الشفط لا تشيل هم امرها طبيعي في كل اليوكن الدينالي
المبه سيرفس انجين سوون يوجد مشكلة في الحساس الموجود على القزوز
ومربوطه بعمل الرصاص الموجود في الكندسة الامامية بجانب الجربكس
تحياتي

[alfawzan]

زي ماقالو الشباب الله يعطيكم العافيه

[ع. بن عمار]

السلام عليكم ورحمة الله وبركاته
يا اخى الكريم ابجاوبك على اللى اعرفه
) فيه لمبه في الطبلون والعة على طول مكتوب فيها (سيرفس انجين سوون)
فيه واحد من الشباب سلمك الله طالعتله هذى اللمبه فسالته عنها فقالى هذى البخاخات يبغالها تصفيه لانها مهب تضخ البنزين بشكل كافى والله اعلم
الرجال مسوى تشيك فى تشالنجر او ترايستار منب متاكد واحد منهم بس هم اللى قالوله هذى المعلومه والله اعلم

[aboteef]

اسأل الله العظيم رب العرش العظيم ان يجزيكم خيرا جميعا



اخي الحبيب
الصوت اخي صوت ماطور الهواء الخاص بالمساعد الخلفي يكون في الدينالي
مكانة خلف الكفر الخلفي للسائق ويعمل على توازن السيارة واذا كان المساعد
مفجور القطعة البلاستكيه الموجوده في منتصف المساعد يستمر الماطور طررررررررررررر وقيمة المساعد الواحد 2300 ريال


بالنسبه لسماعه التي فوق رائس السائق الله يسلمك تقوم بشفط الهواء الموجود في داخل الكبينة ضع قطعة منديل عليها وشوف عملية الشفط لا تشيل هم امرها طبيعي في كل اليوكن الدينالي




اللي خوفني ان فيه واحد تلفسف علي وقطع قلبي يقول هذا انذار ان طرمبة البنزين راحت فيها :no2::no2::no2:

وهل يختلف الدينالي عن العادي لأن اللي معي عايدي مو دينالي:confused::confused::confused:


المبه سيرفس انجين سوون يوجد مشكلة في الحساس الموجود على القزوز
ومربوطه بعمل الرصاص الموجود في الكندسة الامامية بجانب الجربكس
تحياتي

هل افهم من كلامك انها عادية ما تأثر <<< ناوي يطنشها ;););)