هذا ما سيحدث يوم الثلاثاء القادم بإذن الله الساعة 8 و19 دقيقة صباحا

[ابو شكاع]

بسم الله الرحمن الرحيم

السلام عليكم ورحمة الله وبركاته

ستحدث هذه الظاهرة بإذن الله يوم الثلاثاء القادم

وهي مرور كوكب الزهرة من امام قرص الشمس .....

اترككم مع القصاصة التي سحبتها بالسكانر وهي من جريدة الجزيرة عدد هذا اليوم الجمعة 16 ربيع ثاني



http://alrassxp.com/upload/up//SWScan0000.jpg


عن نفسي بحاول اني اسوي الطريقة هذي علشان اشوف هالظاهرة

وما اقول الا سبحان الله تبارك الله


شكرا لكم

ولاهنتوا

اخوكم ابو صالح

[الـ ع ـارض]

سبحان الله


الا على طاري الشمس وينك يا قمر مالك شوفه ؟؟؟

[ابو شكاع]

هلا هلا بالعارض

موجود ياخلفهم ..............

تسلم ولاهنت

[شَعَّـاااال]

السلام عليكم ورحمة الله وبركاته


مساك االه بالخير


اخوي ابو شكاع

ويعطيك العافيه وما قصرت والله ولا درينا عنها


لكن باذن الله راااااح نشوفها


لكن هالطريق هذي آمنه للعين يعني نو بربلم

نتوكل على الله .

[صقر]

مشكور اخي ابو شكاع على هالخبر

وننصح اخواننا بعدم النظر مباشرة الى قرص الشمس والنظر بالطرق السليمة .

وبارك الله فيك.

[ابو شكاع]

هلابك شَعَّـاااال

ربي محييك وانا اخوك

انا انصحك انك ما تشوفه مباشرة ,,,,,,,,,,,,, استخدم الطريقة اللي مشروحة واعتقد انه افضل من النظر من خلال اشعة اكس

لأنك تبي تتعب وتمل ............ ويمكن تدوخ وان رافع راسك ولا برقت زين

لكن طريقة الشريحة المعدنية اعتقد ممتازه

لأن راسك يبي يكون نازل يعني ما تطالع فوق ... تطالع تحت

وهلابك

[ابو شكاع]

هلابك ابو احمد

نم كلامك صحيح

النظر المباشر احتمال انه يفقد البشر مثل ما هو مكتوب في القصاصة

شكرا لك ولاهنت

[بركان]

( هذا ما سيحدث يوم الثلاثاء القادم بإذن الله الساعة 8 و19 دقيقة صباحا )

كيف للساعة ان تكون 8و19 وتكون في الصباح!!!

اخي/ ابو شكاع
هل لك ان توضح الوقت.؟؟؟

تحياتي

[ابو شكاع]

هلابك بركان

نظام الكتابة على الكي بورد ما يسمح بان نحط الوقت على اللي نبي

الوقت الله يسلمك هو الثامنة صباحا والدقيقة التاسعة عشر

وشوف الوقت مشروح وواضح في القصاصة اللي فوق

هلابك

[طمطماية]

من زمان وأنا أتحرى ذي الظاهرة ...

وبأحاول أصورها لكم إن شاء الله ....

بس يا ليت أحد يوضح لي الطريقة اللي يقولون عليها آمنه ..

بصراحة أنقلب مخي

ولكم تحياتي
طمطم

[خشم الحصان]

الاخ الغالي
ابوشكاع
السلام عليكم
يادكتور العيون وش رايك في نضارات حقة لحام زينه نشوف ابها ولا وش تنصح بوه تكفي
مشكور يابعدهم علي هالموضوع والله يجزاك عنا الجنه
اخوك
خشم:cool: الحصان
حلوه التشخيصه بنضارات الحام

[ابو شكاع]

هلابك طمطماية

ربي محييك

شف ياخوي الطريقة السليمة شفها مشروحة بنفس القصاصة

وانا بإذن الله ناوي اطبقها

هلابك

ولاهنت

[ابو شكاع]

خشم الحصان: يادختور

دختور ابو شكاع :نعم

خشم الحصان: يادختور تكفى شف النظر عندي ضعيف

دختور ابو شكاع: طيب كشفت على الكتاوت؟

خشم الحصان : وش كتاوته يادختور ....وش قالوا لك ددسن!

دختور ابو شكاع :ايه صح نسيت ........ طيب ابسالك سؤال

خشم الحصان: اسال يادختور

دختور ابو شكاع: كيف لاحظت ان نظرك ضعيف ؟

خشم الحصان: يادكتور النظر قاصر منول اشوف على مسافة 3 كلم لو نملة على هالمسافة اشوفه تمام وهالحين لا ........ يالله اشوف على مسافة 1 كلم

دختور ابو شكاع: يعني انت قبل كنت تشوف على مسافة 3 كلم ؟

خشم الحصان : ايه

دختور ابو شكاع : هذي خرازة مهوب نظر

خشم الحصان : اذكر الله يادختور والا قسم بالله لا ادخل جهاز فحص النظر هذا في فمك ودور عاد احد يسحبه لك بواير

دختور ابو شكاع : ما شاء الله تبارك الله خلاص خلاص يابن الحلال انا عرفت وش علتك

خشم الحصان : وشي يادختور

دختور ابو شكاع : اللي اعدم نظرك واتعبك هو تبريقك لك 6 ايام في خرايط الزعيمة اللي جابتهن ........ وانت وش اللي مشغلك مره تقول ما هنا حدود ومره تقول وراه مكتوب الخليج الفارسي

خشم الحصان : اقول يادختور

دختور ابو شكاع : نعم

خشم الحصان : نعامة ترفسك ........ انتا اما انك رجالن تبي تعطين مرهم اعصره بهالعيون ....... ويطيبن ان شاء الله .. او انك تلطم واسكت ولا يكثر هرجك

دختور ابو شكاع : احم ... يابن الحلال لا تعصب وسع صدرك ...... اهه هذي كتبت لك هالوصفة وان شاء الله يطيبن عيونك ......

خشم الحصان : وشو اللي كتبت لي ..... مرهم او قطرة ؟

دختور ابو شكاع : هذي قطرة ممتاااااااااااازة بالحيل بس ما تلقاه بالصيدليات

خشم الحصان : اجل وين القاه؟

دختور ابو شكاع : هذي الله يسلمك قطرة تتكون من موية نار + اسيد ........ تلقاه عند حقين البطاريات

خشم الحصان وهو حمقان : زين .ابروح اجيبه ........ وان ما غرقت عيونك من هالقطرة ما اكون خشمشم

:)