اللي عنده خبره في الجيب الربع يدخل عندي سؤالين

[abu saud]

السلام عليكم ورحمة الله وبركاته
شريتلي جيب ربع موديل 89 وبهذلتني الحراره اذا شغلت المكيف والسياره واقفه توصل الحراره النص ويمكن تتعدى النص بس أنا على طول أطفي المكيف
أما اذا كانت السياره ماشيه ترتفع الحراره فوق الربع بشوي
صيخت الرديتر ما فيه فايده حتى البوف غيرتها وخرطت الراس ودبلت وجه الراس وثبت المروحه بس ما فيه فايده

وعندي سوال ثاني هل الكمبرسر حق المكيف يفصل ويرجع يشبك مع ارتفاع صوت المكينه وانخفاضه(التماتيك اللي يرفع صوت السياره مركب في الكربريتر)والا الكمبرسر يبقا شابك على طول مع تشغيلت المكيف وما يفصل لحد ما تطفي المكيف

أرجو منكم مساعدتي ولكم جزيل الشكر

[abu saud]

وين هل الخبره

[تيمون2]

والله انا مالي خبره بس يمكن اقدر افيدك
1 تاكد ان المويه ما تنقص اهم شي اذا صارت ما تنقص انت يوم فكيت الراس كشفت عليه في المخرطه
اذا صار الراس سليم والمجاري حلوه تمام المويه الي انت حاطها وشي لايكون الخضرا ام 5 ريال تراها ما تصلح بس اذا انجبرت عليها حط ربع والباقي مويه
2 اذا كانت الحراره مع المشي كل ما اسرعت السياره ترتفع الحراره تراه من الاديتر غير وذا كانت حلوه اذا مشيت عاديه زين تاكد من الغطا 3 البلف الحراره شله وذا كن فيه مواسير الحار الغها زين يكن فيها تهريب من ثلاجه الحار لاكن اتوقع والله العالم انكان كل شي سليم الاديتر والله اعلم ترا الحراره مشكله كل شي يجي منه حراره الله يوفقك ولا تواخذنا يالغالي :d

[هويدي]

وعندي سوال ثاني هل الكمبرسر حق المكيف يفصل ويرجع يشبك مع ارتفاع صوت المكينه وانخفاضه(التماتيك اللي يرفع صوت السياره مركب في الكربريتر)والا الكمبرسر يبقا شابك على طول مع تشغيلت المكيف وما يفصل لحد ما تطفي المكيف

المفترض انه يشبك ويفصل ( يعني يدعس شوي ويفصل )

المشكله عندك والعلم عند الله انه من تماتيك المروحه

لان الدعسه اذا ارتفعت المفروض ترتفع معها سرعه المروحه لتبريد المحرك ولكن بسيارتك ترتفع الدعسه بدون جدوى

وهو الحين مايفصل عندك لانه يحاول يبرد المحرك والمروحه ساحبتن عليه ما تأدي دوره صح بالتبريد

اتمنى ان الفكره وصلت واعذرنا على ركاكه الاسلوب ;)

[abu saud]

والله انا مالي خبره بس يمكن اقدر افيدك
1 تاكد ان المويه ما تنقص اهم شي اذا صارت ما تنقص انت يوم فكيت الراس كشفت عليه في المخرطه
اذا صار الراس سليم والمجاري حلوه تمام المويه الي انت حاطها وشي لايكون الخضرا ام 5 ريال تراها ما تصلح بس اذا انجبرت عليها حط ربع والباقي مويه
2 اذا كانت الحراره مع المشي كل ما اسرعت السياره ترتفع الحراره تراه من الاديتر غير وذا كانت حلوه اذا مشيت عاديه زين تاكد من الغطا 3 البلف الحراره شله وذا كن فيه مواسير الحار الغها زين يكن فيها تهريب من ثلاجه الحار لاكن اتوقع والله العالم انكان كل شي سليم الاديتر والله اعلم ترا الحراره مشكله كل شي يجي منه حراره الله يوفقك ولا تواخذنا يالغالي :d
الله يجزيك خير وما قصرت أخي تيمون
الحراره اذا السياره ماشيه ترتفع فوق الربع وتوقف
المشكله اذا كانت السياره واقفه والمكيف شغال

[abu saud]

المفترض انه يشبك ويفصل ( يعني يدعس شوي ويفصل )

المشكله عندك والعلم عند الله انه من تماتيك المروحه

لان الدعسه اذا ارتفعت المفروض ترتفع معها سرعه المروحه لتبريد المحرك ولكن بسيارتك ترتفع الدعسه بدون جدوى

وهو الحين مايفصل عندك لانه يحاول يبرد المحرك والمروحه ساحبتن عليه ما تأدي دوره صح بالتبريد

اتمنى ان الفكره وصلت واعذرنا على ركاكه الاسلوب ;)
حياك الله أخي هويدي
ريس السياره يرتفع وينزل بس سؤالي هل الكمبرسر يفصل ويشبك معها أو لا

[شمالات نجد]

الكمبروسر إذا فصل تنخفض سرعة المحرك وإذا أشتغل تزيد سرعة المحرك

(التماتيك اللي يزيد سرعة المحرك بجانب الكربريتر)

(تأكد من الفريون لا يكون ناقص وبسببه الكمبروسر ما يفصل أو ما يشتغل)

-----------------------------------
غير بلف الحراره إذا كان قديم

شيك على المروحة الكهرب اللي تشتغل مع المكيف يمكن عطلانه أو حساسها خربان

شيك على تماتيك المروحة الرئيسية

شيك على الكمبروسر يمكن فيه عطل بسيط مثل تزييت أو رمان وبسببه جالس يجهد المحرك

غير وحط مويه حمرا من واقع تجربه (عليها علامة تويوتا)

نظف سلندر الماء والاديتر والمواصير قبل تحط مويه

تأكد من وزن الديلكو لأنه سبب رئيسي في إرتفاع الحرارة

تأكد من نوع البواجي أنه نفس الرقم المخصص لسيارتك

إذا كان الأديتر ينقص تأكد من عدم وجود صدع في أعلاه

وفقك الله والجميع

سلام

[alfawzan]

ان شاء الله الشباب يفيدونك

[اسد نجد]

اسهل حل لك من وجع الراس

كيف تتاكد ان انبير الحرارة يعطيك قراءة صحيحه للحرارة

غير حساس الحرارة قبل كل شى

الحساس قيمته لدى عبداللطيف جميل 45 ريال

وتركيبه 20 ريال

وشف وش يصير بعدها

يقول لك المثل اسئل مجرب ولاتسال طبيب انا معى نفس موترك

[abu saud]

أخواني الأعزاء
شمالات نجد
الفوزان
أسد نجد
جزاكم الله خير على المرور والرد
ولكم مني جزيل الشكر