المساعد الشخصي الرقمي

مشاهدة النسخة كاملة : جيب لكزس أمريكي موديل 2000 أبي أقلبه خليجي .. فزعتكم يا النشامى


هوى الطير
13/05/2009, 03:13 PM
عندي جيب لكزس LX470 أمريكي موديل 2000

اللون : ذهبي فاتح ومن تحت ذهبي غامق

وأبي فزعتكم ، أبي أقلبه خليجي

إللي حاطها في بالي للحين :

1. الرشاشات إللي على الصدام الأمامي ( ناوي أركبها بس لونها نفس لون الصدام وإلا أسود ؟ )

2. الاصطبات الأمامية ( الأركان ) ( برتقالية ولازم تتغير بس ما أدري آخذها من الوكالة وإلا الغرابي ؟ )

3. كفرات الموتر ( ميشلان ) وناوي أحطها ( دنلوب ) وش رايكم ؟

4. الجنوط شكلها ماش ما دخلت راسي ومحتار في أي موديل من الجنوط ( وش رايكم أي موديل آخذ ؟ )

5. الأصطب الخلفي ( ودي أركب اصطب 2007 إللي كنه شرايح )

بس هل موديل 2007 يجي نفس لون موتري مقسوم فاتح وغامق

وإلا يجي ذهبي لون واحد لكامل السيارة عشان ما أقعد أرقع ؟

6. الشبك الأمامي ( لونه أسود ) وودي أركب ( نيكل ) هل يركب حق 2007 ؟ وإلا وش رايكم أي موديل آخذه ؟

7. يد القير 2007 هل تركب على قير 2000 ؟ ( أقصد الممسك ) ؟

8. هل أستطيع أركب تانكيين بدل تانكي واحد ؟ ( الأمريكي واحد والخليجي اثنين )

9. مفتاح الموتر جاي بدون ريموت هل أقدر أقص مفتاح بريموت ( زي الوكالة ) ؟ ووين يصلحونه ؟

10. نور السكن ( الناعس ) دايم شغال ليل نهار !! وشلون أفصله وأخليه يدوي ؟

11. النور أصفر وأبي أحطه زينون زي الخليجي ، وش أحسن نوع غير الوكالة ؟

12. البوري ( المنبه ) حق 2000 هل هو بوري اللكزس المعروف ( بـيـب ) وإلا ( طـاط ) لأنه جاني من أمريكا ( طـاط )

وسلامتكم

وأنا طالبكم الفزعة عاااااااااجل جعلي ما أخلى منكم
عويد محارمة
13/05/2009, 03:21 PM
اين الردود يلربع
عويد محارمة
13/05/2009, 03:24 PM
قالو الربع يجب ان اشترك 50 مشاركة لكي اخاطب احدكم مباشرة

فاخترتك ياهوى الطير

تحياتي لك
عويد محارمة
13/05/2009, 03:25 PM
اسال الله العظيم رب العرش العظيم ان يوفقك ويرزقك من حيث لاتدري وتحتسب وكل مسلم
هوى الطير
13/05/2009, 03:29 PM
جزاك الله خير يا عويد

وأنا في إنتظار أحد الأخوة يفيدنا بالاستفسارات هذي
عويد محارمة
13/05/2009, 03:42 PM
اسال الله العظيم رب العرش العظيم ان يوفقك ويرزقك من حيث لاتدري وتحتسب وكل مسلم
عويد محارمة
13/05/2009, 03:44 PM
هلا وغلا هوى الطير باذن الله ساكون صديقك الوفي
alfawzan
13/05/2009, 03:44 PM
ان شاء الله الشباب يفيدونك
عويد محارمة
13/05/2009, 03:45 PM
ياخوي من شهر 8 عام 2007 ماحد رد عليك او انا فاهم الموضوع غلط يوجد صفحات اخرى قد يكون بها رد ياغالي
عويد محارمة
13/05/2009, 03:48 PM
نصيحة متواضعة لاتقلب السيارة جمالها بموديلها ماشاء الله تبارك الله وحتى لوبغيت تبيع بعد فترة ماراح تجيبلك المبالغ الهائلة يلي دفعتها على التعديل اذا الامر لايستحق تعبك واذا مصر نساعدك ابشر بس النصيحة ضبطها وكفرات جديدة وتلميع ساطع وبر ومقناص والرهو مايجيبه الا جيب لكزس او فيكس
هوى الطير
13/05/2009, 03:52 PM
الفوزان

إن شاء الله الشباب ما يقصرون حنا بإنتظارهم




عويد محارمة

أقول الله يجزاك الله خير
عويد محارمة
13/05/2009, 04:01 PM
اذا مصر لا تقلب اللون بعدين يقولو لاسمح الله قالبه اذا بتقلب اقلب مايلي :-

(1) الاصطبات الأمامية ( الأركان ) ( برتقالية ولازم تتغير بس ما أدري آخذها من الوكالة وإلا الغرابي ؟ ) من الوكالة اجمل اذا الوضع جيد

(2) كفرات الموتر ( ميشلان ) وناوي أحطها ( دنلوب ) وش رايكم ؟ توكل على الله نوعية فاخرة بس اغلى الانواع بس وش هو النوع حجري ام عريض حق رمال

(3) الجنوط شكلها ماش ما دخلت راسي ومحتار في أي موديل من الجنوط ( وش رايكم أي موديل آخذ ؟ ) جنوطها اصلية من بلدها ؟
(4) الأصطب الخلفي ( ودي أركب اصطب 2007 إللي كنه شرايح ) يطلع روعة من جد
بس هل موديل 2007 يجي نفس لون موتري مقسوم فاتح وغامق

وإلا يجي ذهبي لون واحد لكامل السيارة عشان ما أقعد أرقع ؟ الجمال خل لونه مثل ماهو تكون مميز

(5) الشبك الأمامي ( لونه أسود ) وودي أركب ( نيكل ) هل يركب حق 2007 ؟ وإلا وش رايكم أي موديل آخذه ؟ نيكل 2007 اجمل شيء اتوقع

6) يد القير 2007 هل تركب على قير 2000 ؟ ( أقصد الممسك ) ؟ محلات الااكسسورات يركبو ابوها

(7) هل أستطيع أركب تانكيين بدل تانكي واحد ؟ ( الأمريكي واحد والخليجي ثنين )

وسلامتكم اوه روعة اذا قدرت شوف محلات البودي وانتبه من هذه النقطة حساسة ومهمة للغاية + تانكي ماء صغير اذا قدرت للبر

اسف بودي اساعدك لين يدخل واحد ويرد رد وافي بس حبيت اشاركك وبلغك بان الجميع سيخدمك والصبر جميل

http://www.mekshat.com/vb/images/buttons/quote.gif (http://www.mekshat.com/vb/newreply.php?do=newreply&p=2711059)
عويد محارمة
13/05/2009, 04:16 PM
ياربع بحاجة للمشاركة
عويد محارمة
13/05/2009, 04:27 PM
فين موجودة محلات تلبيق الجيوب وتعديلها في جدة ممكن مساعدة
سعد الليالي
13/05/2009, 05:01 PM
حياك الله يالغالي

هذي نقطتين ابيك تفهمهن قبل لا ابدا معك.

اولا اماكن التغييرات اللي راح تسويها ..
1- الغرابي / طبعا هذا المكان اللي فيه كل اللي تبي .. لكن حط في بالك ان اليمانية اللي هناك اكبر حرامية
وانهم راح ياكلونك اكل .. لازم تكون اذكاء منهم وتكاسرهم في السعر . . ولا تركب شي انت مو مقتنع فيه
واذا بتسألهم اركب هذا ولا لا .. راح يقولون ركبه وبيطلع تمام .. انتبه لا تطبعهم .. سو الشي اللي انت مقتنع
فيه .. واذا ركبت شي وحسيت انه غلبك فيه .. لاتركب عنده الشي الثاني .. قله باروح لمحل ثاني لانك غالي
وسعرك مرتفع.. وشف الخصومات اللي بالهبل .. وعندك محل في الغرابي اسمة الراجحي .. هم نصابين
على مستوى لكن عندهم اللي تبي.. والشي الاخير اللي لازم تسويه .. لاتروح للغرابي وانت مغسل السيارة
خلها بغبارها وكأنها قديمة ولا تروح وانت مكشخ عشان ما يقولون هذا منطنخ وخلونا ناكله..

المكان الثاني هو عبداللطيف جميل..
وهذولا كل قطعهم تجاري حتى وانكان وكاله .. حتى لو تروح لمحلات قطع الغيار وتطلب منه اي قطعة
بيقولك تبي حق الوكالة ولا الاصلي اليباني..


. الرشاشات إللي على الصدام الأمامي ( ناوي أركبها بس لونها نفس لون الصدام وإلا أسود ؟ ) مالي خبر فيها..ولا اعتقد انها مهمة

2. الاصطبات الأمامية ( الأركان ) ( برتقالية ولازم تتغير بس ما أدري آخذها من الوكالة وإلا الغرابي ؟ ) شف التجاري حق الوكالة افضل من التجاري حق الغرابي .. لانه مايرمل بسرعة ولا يصفر مع الشمس

3. كفرات الموتر ( ميشلان ) وناوي أحطها ( دنلوب ) وش رايكم ؟ شف دنلوب حقت الكروزرات بس عيبها القساوة اللي مو صاحية يعني كأنك تمشي على الجنوط .. لكنها حقت بر وخمبقة

4. الجنوط شكلها ماش ما دخلت راسي ومحتار في أي موديل من الجنوط ( وش رايكم أي موديل آخذ ؟ ) فيه جنوط في الغرابي تجارية حقت الاندات الجديدة وهي حلوة وخاصة المكحلة اللي معها اسود .. بس شف اللي يناسب لون موترك .. وانتبة تفرط في جنوط الوكالة حتى لو ساموها 10.000 ريال لاتعطيهم اياها

5. الأصطب الخلفي ( ودي أركب اصطب 2007 إللي كنه شرايح ) الشرايح حلوة .. ركب اللي في الغرابي ..راح تلقى اشكال والوان .. بس لاتفرط في حقت الوكالة .. احذر ثم احذر

بس هل موديل 2007 يجي نفس لون موتري مقسوم فاتح وغامق .. لا والله .. اللي تجي الوانها مقسومة بس الامريكيات .. اما الخليجيات فلونها واحد

وإلا يجي ذهبي لون واحد لكامل السيارة عشان ما أقعد أرقع ؟ لا ترقع ولا شي .. الافضل الامريكي .. لانه اصلي اصلي .. وبوية الوكالة افضل .. يعني لا ترش عشان ماتندم بعدين

6. الشبك الأمامي ( لونه أسود ) وودي أركب ( نيكل ) هل يركب حق 2007 ؟ وإلا وش رايكم أي موديل آخذه ؟ الشبوك في الغرابي لو تبيهم يفصلون لك اللي تبي .. فيه محل اسمة الاقصى .. عندة الشبوك اللي تبيها بالتفصيل .. بس عذروبهم انه غالي شوي .. ولا دور لك حق الجديد وركبه

7. يد القير 2007 هل تركب على قير 2000 ؟ ( أقصد الممسك ) ؟ ما أشوف لها داعي هالترقيعات

8. هل أستطيع أركب تانكيين بدل تانكي واحد ؟ ( الأمريكي واحد والخليجي اثنين ) والله مالي خبر فيها
لكن فيه محل اسمه خليجي على مخرج 15 في الشرق .. راح اسأل لك عنه وبرد لك خبر..

9. مفتاح الموتر جاي بدون ريموت هل أقدر أقص مفتاح بريموت ( زي الوكالة ) ؟ ووين يصلحونه ؟ في الغرابي كل اللي تبيه

10. نور السكن ( الناعس ) دايم شغال ليل نهار !! وشلون أفصله وأخليه يدوي ؟ لاتحوس في الكهرباء وتندم بعدين .. خله على حاله

11. النور أصفر وأبي أحطه زينون زي الخليجي ، وش أحسن نوع غير الوكالة ؟ في الغرابي زينون انا مركبه على الجمس اللي معي .. بـ300 ريال بس .. وعليه ضمان لمدة سنه .. والاصلي قيمته في حدود الالف ريال
وفيه الاصلي الاصلي بـ 2000 ريال على ما اعتقد .. وحق الفياقرا احسن شي هو والباثفيندر الجديد

12. البوري ( المنبه ) حق 2000 هل هو بوري اللكزس المعروف ( بـيـب ) وإلا ( طـاط ) لأنه جاني من أمريكا ( طـاط ) بوري الاكازز الجيوب هي نفس الكراسيدات .. وماله اي طعم .. ركب حق فورد ولا اي امريكي ثاني .. عشان يطلع له هيبة لا ضربت بوري .. مو كأنه تكسي ..

وفي النهاية اتمنى انك ماتحوس في موترك واجد .. خله امريكي احلا لان كل القطع اللي فيه اصلية
مو مثل الخليجي .. من تلفيقات ابو جميل واخوانه.. والله يعطيك خيره ويكفيك شره

على العموم كنت بارقد لي 24 ساعة ما رقدت بس يوم شفت موضوعك قلت لازم افزع له .. مع اني ما اداني الاكازز والتويوتا بشكل عام الا لعيونك رديت عليك

واذا فيه اي استفسار تراني حاضر وتحت امرك راسلني وانشاء الله اقدر اعينك .. تحياتي لك
هوى الطير
13/05/2009, 07:35 PM
والله ونعم يا سعد الليالي

وبيض الله وجهك يا الغالي وأشهد بالله إنك ما قصرت

عز الله إني تعبتك معي ، وعساني أرد لو نص جميلك

أنا عموماً رحت الغرابي وركبت شبك 2007 نيكل من عند أبو سعود

وخذته بـ( 650 ) ريال الأصلي طبعاً بـ( 800 ) بس ما يركب عريض من تحت

وركبت يا طويل العمر الأركان الجانبية الطقم على ( 50 ) ريال تجاري طبعاً

وركبت زينون مكتوب عليه ألماني ولاهوب ألماني

خذته بـ( 300 ) ريال تجاري بس عليه ضمان سنه

وبس هذا اللي ناوي أسويه والباقي الظاهر اني ما راح احوس فيه واجد

اللهم الإشارات الجانبية اللي على الرفارف
سعد الليالي
13/05/2009, 08:22 PM
على البركة

.. والله يعطيك خيرة ويكفيك شرة

وما سويت الا الواجب .. واذا فيه اي شي ثاني تراني حاظر وبالشوفة

تحياتي لك
بدراني نت
07/08/2009, 04:09 AM
حياك الله هوي الطير

لك رساله على الخاص
Magellan
07/08/2009, 05:59 AM
حياك الله هوي الطير

لك رساله على الخاص

أبو ابراهيم شكلك مطفي النور;)
الموضوع له 3 أشهر وراعيه مادخل من عقبه:p
سوبر VTC
07/08/2009, 06:17 AM
أبو ابراهيم شكلك مطفي النور;)
الموضوع له 3 أشهر وراعيه مادخل من عقبه:p



ههههههههه :D:p:D
الربذي
07/08/2009, 02:06 PM
بوري الكزس هو طاط لانه الفخامة اما بيب فهو مضحك وحق العراوي وغير مااقدر افيدك بشي موفق خير ...
بدراني نت
08/08/2009, 01:44 AM
أبو ابراهيم شكلك مطفي النور;)
الموضوع له 3 أشهر وراعيه مادخل من عقبه:p

حياك الله ماجلان
ياخي بنرفع الموضوع لاقل ولا اكثر

ونتبادل الخبرات
~EmPeRor~
08/08/2009, 02:05 AM
يالغالي بالنسبة لاسطبات الامامية اذا لك الرغبة بالبدل بخليجي فهي موجودة عندي ابدلك فيها راس براس انتظر ردك لاهنت