افيدو خويكم عاجلاااااا

[عاشق البسمه]

السلام عليكم ورحمة الله وبركاته :

أحيي جميع اخواني بهذه التحية الخالدة.....وبعد

ياجماعة الخير أنا هاليومين راكب راسي اني اشتري موتر دفرنسين حوض

ولقيت لي ونيت فورد حوض دفرنسين قطع كبير موديل96والله ان شكله نظييف..............

الــــــــســــــــــــوال:
وش رايكم بالموترمن ناحية :

1-قطع الغيار

2-صرف البنزين

3-الخرابات

4-وش هو من لحيه؟؟؟؟

5- نصيحه عن الموتر

6-ورشه تكشف على الموتر قبل ماأشريه


وارجو من الأخوة سرعة الرد لأني مواعد راعي الموتر هاليومين ارد له خبر


و السلام عليكم ورحمة الله وبركاته

[طمطماية]

عاشق البسمه :

الله يطعمك خيره ويكافيك شره - مقدما - :)

والله أقدر أفيدك في الورشه اللي تفحصلك السيارة ..

فيه ورشها أسمها الشروق في معارض النسيم .... مشهورة جدا جدا ... ويطلعون لك أي عذروب فيها ..


لك تحياتي
طمطم

[شَعَّـاااال]

اخوي عاشق البسمه


تحياتي


اقول عاااااااجلا رح لا قرب محل قطع غيار اصلي لفورد واسال عن اي قطعه

مثل قماش الفرامل وتشوف بنفسك ... قصدي انك تسال عن القطع اللي دايم تستهلك

سيور وغيره و مثلك عارف الفورد ماهو من السيارات العمليه والدارجه

تشتريه غالي وتبيع ليا طلع من راسك وراحت السكره جت الفَكره .


وبالتوفيق .

[حد السيف]

عاشق البسمة
السلام عليكم ورحمة الله وبركاته
ابشر من يفزعلك يالغالي
بخصوص الفرد
عليك بالموديلات التالية
98 وما فوق غمارة او غمارة ونص او غمارتين
اخي الكريم
الفرد
سيارة تستحق الاقتناء للاسباب التالية
صرف البنزين اتحدى اي سيارة مثل نوعها تمشي ممشاها لنفس المسافة بنفس قيمة التعبية واتحدى
سيارة قوية بالرمال واسئل من جربها
وعلى فكرة قيرها الدبل على التتابع وليس على التوازي مما يسهل صيانتها باقل التكاليف
على الخط مثلها مثل الصغيرة
قطع الغيار
مثلها مثل السيارات الامريكية مثل الجمس والدوج وغيرها فية الموجود وفية التي تطلب لك
اما الاسعار
اقل بي 20% من سيارت الامريكية الاخرى
وغيرها الشكل اجمل السيارات على الاطلاق
على فكرة
مصاحب الفرد لاكثر من سبع سنوات والله الشاهد

محبك اخيك
حد السيف

[شَعَّـاااال]

سبع سنوات ما شاء الله

اذا انا اعتذر معلوماتي مبطيه


واخونا حد السيف


ابخص وعشرة عمر الدعوى

اذا امكن تنزلون لنا صوره لها لسياره .

فضلا وليس امرا .

[عاشق البسمه]

السلام عليكم ورحمة الله وبركاته:

الى الأخوة الأعزاء طمطمايه,,شعاااال,,حدالسيف


اشكركم شكرا ماينقصه الا (( حبة خشوم))....

وجزاكم الله خيرا على هذه الافادة

تحياتي :)