استفسار عن تصليح الكسر في الزجاج الأمامي

[المعيلي]

يشباب مكشات تكفون عندي سياره جديده وحصل لها كسر في الزجاج الامامي افيدوني الافضل تغيير الزجاج كامل او اقوم بتلحيمه عند طبيب الزجاج وهل هو يضبط اذا لحمته او اذا غيرته صرت محتار لان بعض الزملاء قالو حتى لو غيرته من الوكاله لن يضبط زي شد البلد والسياره غاليه عندي ارجو سرعة الرد علي الناس المجربين السياره جيب موديل 2007م Vx R

[sameer_1798]

أخوي نصيحتي لك لحمه ... والله أنه عملي وأنا مجربه الآن لي أكثر من ستة أشهر ولم أواجه مشاكل معه ويعطونك عليه ضمان أظن ستة أشهر وإذا زاد الكسر ولو قليل يلحمه لك ببلاش .

أما لو فكيت الزجاج الامامي فنادراً يرجع مشدود مثل بلده لابد يخرج معه صوت هواء .

[المحترف800]

قزاز سيارتي جتها ضربه حصاة وانا بالخط السريع وتشعرت شي خفـيف مره ورحت لمحل بطريق خريص

إذا كنت بـ (الرياض) والله مااردي وش اسمه بالضبط وزينها لي والحمد لله لي حدود سنه وياربي لك الحمد

وبحدود خمسين ريال ...

[absent4]

اللي يسمونه طبيب زجاج يعالج المشكلة ويتوقف شعر الزجاج نهائيا مراح يمشى ملي واحد

لكن المشكلة في الفحص الدوري اذا فحصت السيارة راح يطلبون منك تغير زجاج

[ابوعراده]

صلحها ولا تغيرها مضمونه ولو كلفتك قيمة الجديده لحمها

[sameer_1798]

اللي يسمونه طبيب زجاج يعالج المشكلة ويتوقف شعر الزجاج نهائيا مراح يمشى ملي واحد

لكن المشكلة في الفحص الدوري اذا فحصت السيارة راح يطلبون منك تغير زجاج
أنا فحصة السيارة وأخذت فاتورة تصليح الزجاج معي إحتياطاً ولكنهم ماجابوا طاري الكسر ونجحت في الفحص .

[زنكي]

انتبه تغير القزاز لو الشرخ طوله كيلو اذا تشوف الطريق طبيعي
رح لم طبيب القزاز وكاسره على طريق خريص يمين وانت متجه الى شارع الاربعين النسيم
أنا جربته 80% يختفي الكسر وعليه ضمان أكيد وبيعجك شغلهم والقيمه من 80 ريال الى 120 حسب المكاسر

تغيير القزاز يا عزيزي يعني إنتهاء عصر جدة الموتر ولو غيرته بالوكالة ( أقصد الورش اللي ماتقدر تدخل فيها وعليها علامة سيارتك وشغلها نازي)

[ابو الجواهر]

نصيحة مجرب رح طبيب الزجاج بالصناعية القديمة بالرياض وباسرع وقت علشان الغبار والموية ما تخش في كسر القزازة

[لاتكب البيالة]

شف انصحك تلحمه عند اللي يلحمونه

وفيه واحد طرح موضوع عن تلحيم القزاز ليت تدوره تستفيد منه

لكن فيه نقطة الا وهي ان المحلات اللي يلحمون القزاز يبقى له اثر بسيط وبعد فتره تبي تحس انه بدى ياضح مع الحر والحركة
انا لحمت قزازتي وصار الشطب مثل الشعرة ما يبين وبعد فترة بدى ياضح ما ادري هو كل المحلات كذا ولا لا
وبالنسبة للفحص حسب اللي يفحص لك انا مشان والشطب باين واعرف واحد قالوا له غير القزازة ولا به شطب بس مخوش

[عزيز النفس 66]

مثل ما قالو الشباب طبيب الزجاج افضل بكثير

تقبل مروري

[المعيلي]

عزالله م اقصرتو الله يبض وجيهكم طمنتوني والآن عسى الصبح يصبح نروح نلحم الزجاج والله يوفقنا بطبيب الزجاج الجيد ومشكورين على تفاعلكم معي تحياتي

[الهوى جنوبي]

ما يحتاج تغيير لحمه اول اذا ظبط معك والا بعدين غير الزجاج