المساعد الشخصي الرقمي

مشاهدة النسخة كاملة : احد اعضاء مكشات يثير الرعب على طريق الحفر- الكويت !!!


بركان
07/06/2004, 10:23 AM
ضب يثير الرعب على طريق الكويت:

حفر الباطن-قاسم الضفيري:
كاد ضب ان يتسبب في وقوع حادث مروري مروع لعدد من السيارات على طريق الكويت - حفر الباطن الدولي. حيث كانت سيارة احدى العائلات تسير بسرعة 110 كلم وتفاجأ قائدها بضب يعبر الطريق بسرعة متوسطه فما كان منه الا ان حاول تلافي دهسه ليتجه الى الجهة الاخرى من الطريق حيث كانت سيارة اخرى تسير في الاتجاه الآخر ولكن ارادة الله شاءت ان يعود السائق الى مساره بسرعة متلافيا وقوع الحادث وجها لوجه.!!!

------------------------
منقول -جريدة الرياض19 ربيع الآخر
------------------------

الله يسامحك ياضب بغيت تعدم العوايل لا وبعد تمشي بسرعة متوسطه!!!
يا اخوي فتح عيونك زين قبل ما تعبر الخطوط.
Khalid AlGhamdi
07/06/2004, 10:44 AM
خخخخخخخخخخخخ :D
خشم الحصان
07/06/2004, 10:53 AM
الاخ الغالي
بركان
السلام عليكم
ياخيي مافتكينا من البعارين ومشاكلها طلع علينا ضب زاد ياربي له مده ماشفناه اثره منحاش تدري ليش بلا طلعة النتايج وشهاته مليانه دواوير حمر وخاف لا يجلدونه عاد ياخيي ضب طريق الحفر الكويت الزديه اقرب
مشكور يابعدهم علي هالموضوع والله يغفرلك ويرفع من قدرك
اخوك
خشم الحصان
ابو شكاع
07/06/2004, 11:06 AM
ههههههههههههههه

توقعت انه ضب


لأنه صعبة يكون خشم حصان يقطع الطريق ههههههههههههه

الله يستر

هذي الهواجيس .................... شكله خامطن له كذا مادة وهو ما يدري

ما ذاكر الله يهديه


شكرا لك بركان
العود الازرق
07/06/2004, 11:34 AM
ندوره في البران وفي القوايل ويا الله نلقاه وفي الطريق الدولي يقطع السفلت فعلا غريبه
شبث
07/06/2004, 11:45 AM
ضب.. السلام عليكم ورحمة الله وبركاته. منتب عاقل بغيت تعدم العالم خلك حول جحرك ومالك ومال الخطوط . الحمد لله اني ما اطلع الا في الليل واعرف اقطع الشارع بسرعه. :good2: ضب .................................................. ..................خيرها بغيرها .
تالي الاولين*
07/06/2004, 11:53 AM
.


الله يصلحك ياضب

صحيح ان الشباب ماخلوك في حالك

وطردي وراك اللي بخرازه واللي بكنداسة واللي ممتحنك بالماء

بس عاد ماتوصل انك تنتقم بهالطريقه:D :D

واذا كان قصدك بتهاجر وتفتك وش يوديك

للكويت ،،، ترى الصورة اللي شفناها قبل

فترة حقت العسكري اللي موقف الشارع

عشان ضب ماهيب في الكويت ;)

على العموم ماقصر اخونا بركان

علمنا عنك واللى كان علوم



.
فـ(الجـوف)ـتى
07/06/2004, 12:29 PM
ههههههههههههههههههه

لازم يكون فيه طريق خاص لعبور الضبان خصوصاً هذه الايام وجسر خاص لمن هم كبار

السن من مجموعة الضبان:D
الضاري
07/06/2004, 02:00 PM
الله يغربل عدوك يابركان ..

أول ما قريت عنوان الموضوع .. قلت الله يستر..

لكن طلعت سهلة ..

عائلة كاملة .. ياضب بغيت توديهم في ستين داهية..

لاتعود له.. تسمع والا - لا ؟؟:D
عبدالعزيز الدباسي
07/06/2004, 11:41 PM
الله يغربل ابليسك ياضب ، وش موديك لحفر الباطن ،،،

او ان السياحة الصيفية تقضيها بالحفر .

اقترح ان امن الطرق يطلعون قرار ، بالزام جميع الضببه بلبس حزام فسفوري ، أسوة بالبعارين .

مشكور اخوي بركان على اتحافنا بهذا الخبر ، وتحذيرنا لهذا الخطر

وماقصرت على ابلاغنا بهروب مستر ضب
al-nashmi
08/06/2004, 01:56 PM
السلام عليكم ورحمة الله وبركاته

يا اخوان انا فاقدأ ضب لي كم يوم الله يستر عليه...وينه غائب عنا.....
___________________________________________
اخر الاخبار انه توظف في امن الطرق ...ووظيفته الرئسيه هي تحديد السرعه على خط الحفر الكويت، لن بيته بالدبدبه...ويداوم من قريب.....هههههههههههههه

.................................................. ......................

بالمناسبه ياشباب تصدقون اني لقيت داب مدعوس في الدائري الشرقي بين مخرج 11 ومخرج 12 باتجاه الشمال امس الساعه7 صباحا!!!!

نهج من ديبان الصمان وتلحقنا في الدائري!!!!!!
عاشق الصفاري
08/06/2004, 02:55 PM
ههههههههههههه
صقر
08/06/2004, 03:24 PM
وينك يابو طعم جنان...

شكله من الروعة دخل جحره عجل بالبيات الشتوي وبدا من ذالحين... وصار بيات صيفي :D