المساعد الشخصي الرقمي

مشاهدة النسخة كاملة : حرارة المكسيما اتعبتـني الفزعه يا الرجال


راعــي النــفــود
07/06/2004, 12:10 PM
بسم الله الرحمن الرحيم
السلام عليكم ورحمة الله وبركاته

بعد طول غياب ...............

الى كافة اعضاء هذا المنتدى

عندي صراحة حرارة المكسيما اتعبتني وصرفت عليها واجد وكل ما صلحت فيها تروح الحرارة فتره بسيطه وبعدين ترجع مرة ثانية

رحت لواحد وقال حساسات حقت المراوح قلت اكيد قال مايحتاج غير الرجال الحساسات وضبطت فترة بسيطه وبعدين رجعت
وديتها لواحد ثاني قال فيه تهريب قي الكوع مدري وشو كوعه ذا المهم قلنا غير الكوع وبعد ماغيره ضبطت فتره وبعدين رجعت ثاني مره
وديتها بعد واحد ثاني قال الثلاجه قلنا اكيد قال ايه اكيد قلنا غيرها وغيرها وضبطت نوعاً ما يعني صارت الحرارة ماتعدى النص وبعد فتره بدت ترتفع تاصل HHH خاصة في الظهر والعصر والى وقت كتابة المقال وانا مدري وش ازين فيها
وتركت الحل لكم وش السوات
هل فيه ورشه مضمونه ويفكوني من ها الحرارة
ونسيت اقول تراي فكيت البلف وطلعت الحرارة من احسن مايكون خلال التنقل بين الورش وبعدين ركبته جديد من الوكاله عند اللي صلحت عنده الثلاجه علماً ان الرديتر مغيره جديد ب 890 الله لاتخسّر وكاله ونفس الكلام

معليش على هاالأسلوب اللي مدري وش يبي موديل السيارة 98 قي عايدي
وجزاكم الله خير
بن نويشر
07/06/2004, 01:03 PM
يا أخي وده للوكالة وطلب كشف فقط مع القيمة التقديرة للتصليح ووفر فلوسك .
ساق الجواء
08/06/2004, 10:12 AM
افحص التالي إن لم تكن فعلت من قبل:

هل تشتغل المراوح الكهربائية عند وصول الحرارة للدرجة المطلوبة وعند عمل المكيف؟

هل المراوح تسحب الهواء نحو المحرك؟

هل توقيت الإشعال مضبوط؟

هل ساعة الحرارة ومؤشرها مضبوطين؟
راعــي النــفــود
08/06/2004, 01:59 PM
السلام عليكم ورحمة الله وبركاته

اولاً اشكرالأخوان على الرد وابداء رأيهم ( سنيدي ، ساق الخبراء )

اقول للأخ العزيز سنيدي الوكاله مهوب دايم يعرفون المشكلة بالضبط واحد من الزملاء عنده صوت اظن في العكس
مايدرون وشو الصوت غيروا له قواعد عكوس وكراسي مكينه وغيرها ولا راح الصوت علماً ان سيارته مكسيما


على العموم انا فكرت ادخلها الوكالة للكشف فقط لأني صراحه عرفت ان وكالة نيسان لأكل فلوس الناس فقط
على أشياء ماتستاهل يطلعون في السيارة الف خراب وخراب وسيارتك مافيها اي شي

وجزاك الله الف خير

الأخ العزيز ساق الجواء

بالنسبة للسؤال الأول فيه مروحه من المراوح على طول شغاله من يوم اشغل السيارة
بالنسبة لسؤال الثاني مدري والله ماتأكدت لكن اتوقع انها باتجاه المحرك لكن هل فعلاً صارالشيء هذا
ساعة الحرارة ومؤ شرها مافيهن شي تمام
السؤال الثالث والله مافهمته

وجزاك الله الف خير
وجزاك الله الف خير
راعــي النــفــود
08/06/2004, 02:05 PM
المعذرة يا ساق الجواء بالنسبه للخطأ الذي في كتابة الإسم
بن نويشر
09/06/2004, 10:14 AM
عزيزي راعي النفود .... تحية طيبة ،،

شف بارك الله فيك الاستغلال التجاري في كل مكان سواء في الوكالة أو حتى الورش الصغيرة ، وقد وضحت لك بأن تكشف فقط مجرد كشف ، وعرض بقيمة التصليح .

وعلى فكرة .. فيه واحد سوداني على طريق الشفا أول طريق الخدمة يقال له عبدالله بس للأسف نقل من مكانه ، وبإمكانك السؤال عنه عند المحلات القريبة .

وعسى الله يشفى سيارتك ، وترى إحتمال تكون عين اللهم يا كافي ..


تحياتي ،،
بن نويشر
09/06/2004, 10:16 AM
عفواً نسيت أوضح لك ، السوداني هذا هو كهربائي قديم له أكثر من 20 سنة في هذا المجال وتراه طويل القامة نحيل الجسم يتكلم سوادني :D
تبريزة
09/06/2004, 10:43 AM
انا عندي سبب قد يكون قد خفا على كثير منكم

بما انك غيرت اغلب الاشياء التي تتعلق بارتفاع ونزول الحرارة

وكانت الحرارة تزين وتخرب مرة ثانيه

فهذا واتوقع والله اعلم ان السيارة فيها عين ما صلت على النبي

وهذا رأيي والله اعلم

وبالنسبة للمراوح هل هي تسحب او تدفع بصراحة هذا احس انه سبب قوي
لأنه بمجرد عكس السالب مع الموجب راح يتغير اتجاه المروحة من سحب الى دفع
والله اعلم

ودمتم

اخوكم
تبريزة
أبو يوسف
09/06/2004, 12:55 PM
طيب جربت تغير رديتر ابو رصتين
ولا ثلاث

ولو يكون المنيوم افضل

اسأل الله لسيارتك الشفاء


تحياتي


أبوهديل
السالمي
09/06/2004, 07:52 PM
نصيحه اذا تبي تكتشف هل الحراره هي في الماكينه او خلل في الانبير ( مؤشر الحراره )

اذا ارتفعت الحراره للحد اللي تاصل له دايم

افتح الكبوت وجب لك منشفه او قطعت قماش حتى تتفادى حرارة الراديتر

وافتح غطاء الراديتر فتح بسيطه حتى يخرج الهواء الحار

ثم افتح الغطاء بالكامل وابعد وجهك عن الغطاء حتى تتفاد الماء اللي راح يتطاير

اذا فتحت الغطاء الراديتر وتطاير الماء للأعلى معاتها ان الحراره صحيحه

واذا فتحت الغطاء ولاتطاير الماء معناتها الامؤشر فيه خلل

وهذي الطريقه قالها لي ميكانيكي له خبرته وجربتها انا بعد مابهذلتني حرارة الكراسيد اللي كانت معي

واكتشفت ان الخلل بالحساس وغيرته
aahhhh2
15/06/2004, 09:17 AM
السلام عليكم ورحمة الله وبركاته

اذا انك غيرت كل شي ولا زبطت فل واضح انه وجيه رائس المكينه
برغي
15/06/2004, 06:03 PM
المشكله واضحه جدا الموتر ترتفع وتنخفض الحراره بشكل عشوائي يعني تنسيم بالراس
الحل بدل وجيه راس المكينه وشيك على الراس وبلوفه احتمال تاثرت من الحراره