وش الحل مع الحليب المكبوب بالسياره؟ [الأرشيف]

الغاااااطي

18/05/2009, 01:33 PM

السلام عليكم

حياكم الله وبياكم يا أعضاء منديات مكشات

عندي سطل فيه حليب نياق تقريبا 10 لتر وكبه أخوي الصغير بأرضيه السياره

وطلعت عندي روائح خايسه من هذا الحليب

وزاد الطين بله أن الأرضيه بلاستيك مقوى من شغل محلات الزينه

وش الحل تكفون لأني شريت أنواع وأشكال الأطياب ولا فاد

الثويرات

18/05/2009, 01:43 PM

لو تجيب عطر السوق كله مارايح تروح الريح

والحل انك توديها المغسله يغسلون الارضيه والفرشات

الغاااااطي

18/05/2009, 01:45 PM

لو تجيب عطر السوق كله مارايح تروح الريح

والحل انك توديها المغسله يغسلون الارضيه والفرشات

الأخ الثويرات

لك الشكر

بس هل كل المغاسل تغسل الفرشات ؟؟؟

لأن الي عندنا الظاهر مافيها شي

browny

18/05/2009, 01:45 PM

اذكر احد الاخوان قالي نفس سالفتك بس هالمره كان ناسي سمك بالسياره

واخذ انواع الروائح وبعد التنظيف ظل السياره فيها رائحه سمكن وشار عليه احد الاخوان يحط فحم افريقي اصلي لانه معروف عن الفحط يشفط الريحه

حطلك فحم واتركه يوم

الغاااااطي

18/05/2009, 01:48 PM

الثويرات

18/05/2009, 01:56 PM

الأخ الثويرات

لك الشكر

بس هل كل المغاسل تغسل الفرشات ؟؟؟

لأن الي عندنا الظاهر مافيها شي

اخي الكريم انصك بمغسلة الشلال او الدوليه ببريده

لاكن مغاسل الغاط والله مدري عنها

واي خدمة انا حاظر

الغاااااطي

18/05/2009, 01:59 PM

اخي الكريم انصك بمغسلة الشلال او الدوليه ببريده

لاكن مغاسل الغاط والله مدري عنها

واي خدمة انا حاظر

الله يعافيك يالثويرات

أنا أروح لبريده واجد وربعنا هناك واجد شرواك

وإن شاء الله إذا أحتجت شي أبدق عليك برسال خاصه :D

جزاك الله خير

Dead

18/05/2009, 02:08 PM

مثل ما قالوا الشباب اغسل السيارة من داخل وعرض الفرش للشمس ... وانصحك تجيب قهوه عربيه وتخليها بالسيارة يوم أو يومين تسحب الريح كله

قاصد الصمان

18/05/2009, 05:45 PM

لابد من تنظيف المكان اولاً ثم اوضع فحم في السيارة واتركه فترة طويلة له دور كبير في ازالة الروائح

VXR.2007

18/05/2009, 06:55 PM

ترا فيه مغسله في الرياض للتلميع وغسيل داخل السياره كامل اسمها الساطع وله كم فرع
اذكر انا كبيته حليب نياق في سيارة اابوي الله يرحمه بس انواع الرواح واذا جاه ماء زادة الريحه وماله حل الا غسيل بخار اتوقع الغسيل العادي مايسوي شي

وسيع البنايد

18/05/2009, 08:11 PM

نسم الدرايش الاربع وخل وقفتها في الشمس دائما وعطها اسبوعين ان شاء الله تروح

المكشات

18/05/2009, 11:26 PM

الحمد لله موسعها الله

طلع الفرشة واسعر به >> أوقد بها في المشب

و رح محلات التنجيد وطق موكيت أبو شعر غزير واكشخ به بعد

شرط عقبها ما تسوق إلا حافي

ولا تحتاج حتى دعاسات :)

موفق

abo-lma

18/05/2009, 11:31 PM

اما عقبها مايسوق الا حافي

الله يرج ابليسك

أفادوك الشباب ماقصرو

بدراان

18/05/2009, 11:35 PM

رح لمحل تلميع وخله يفك الفرش ويغسله بمويه وصابون

غير كذا تراك تخسر دراهم علي الفاضي . .

من تجربه كل ماحاولت تنظف المكان تنتشر البقعه وتزيد ريحة العفن

توكل علي الله وفكها بنفسك ولا رح للتلميع يفكونها ، ويبي لها يوم بالكثير

غنام11

19/05/2009, 01:58 AM

عليك بمحلات التلميع هو افضل حل

قريب الدار

19/05/2009, 06:26 AM

مثل ماقالوا الإخوان عليك محلات التلميع لغسيل الفرشات - افضل و أحسن
يقولون - والعهد على الراوي - ضع كأس فيه خل في السيارة و راح يشفط الروايح

واطي الجمرة

19/05/2009, 01:57 PM

خذ العلم مني انا صار لي ما صار لك

وجلست الريحه اسابيع وانا اغسل واعطر والريحه تزيد الي شفت شي ما صدقته ؟؟يوم شلت فرشة الأرضيه حقت الوكاله يعني طلع الحديد ولا السراوه(الدود) رايحه جايه؟؟وهي سبب دوام الريحه قمت وفكيت المراتب وغسلت الأرظيه بالمطهر والمنظف وغسلت الفرشات ونشرتها في القايله
وراحت الريحه
مع العلم انه حليب بقر

قناص تبوك511

19/05/2009, 02:16 PM

التلميع الساطع وسكرا

الوانيت1

19/05/2009, 03:58 PM

لااااااااااااااااااااااا تلميع ولاااااااااا غيرة
نظف المكان وأغسلة بالماء ولاااا تنشفة خلة مبلول ثم أنثر علية ملح ناعم وخلة لين ينشف ويمص الملح الماء وكثر الملح وكرر العملية مرة أو مرتين لين تروح الريحة . أنا مجربها مع شىء أعبر من ريحة الحليب أزفرت سمك ونفعت بتوفق من رب العالمين .
أسأل مجرب ...

هوى الطير

20/05/2009, 12:36 AM

تبيع الموتر بـ( 4000 )

قل تم ترى فيه ريحة حليب !!

ههههههه

شغل شريطية

ههههههه

لا ما عليك وأنا أخوك الأمر سهل مثل ما قالوا الإخوان

بس لا تتعب عمرك بهالعطورات والأطياب

رح لأي محل تلميع وخله يفك الموكيت ويفركه بالصابون

وإنشره في الشمس ولا تركبه إلين ينشف مررررررره

ثم هات مدخنة وحط فيه جميرات وش زينها وحط عليها قشور حطب أما سمر وإلا غضا

وخله يدخن في الموتر وتدعي لي

تحس إنك جالس في بيت شعر فوق نفد يحبه قلبك