وش الحل في الرجه ياجماعه

[الكايف2]

السلام عليكم اخواني
عندي مشكله وش حلها سياره شاص نيسان الي وصلت السرعه 80كيلوالي 100ك
فيه رجه قويه وانا مغيرالجنوط ومرصص الموترعطونا الحل قبل لانروح للورشه
وسلامتكم

[4*4]

هذي مشكلة النيسان عموما وسببها الرئيسي الرمان اللي يمسك البطيخات
تجي رمانتين على شكل اسطواني فوق وتحت الدفرنس وتنفك من برا
ركب رمان شاص تايوتا وباذن الله تروح

[بن محفوظ]

اذا كنت مركب فررات فالمشكلة مثل ما تفضل 4*4

لكن اذا ما فيه فرارات شيك على عمود الدبل وكذلك العمود الي يربط بين القير و الدفرنس الخلفي لانه احتمال جايه طعجة او يبي له ترصيص او يبي له تنظيف لانه احتمال لازق فيه طين

والله ييسر امورك

[عاشق السيل]

إضافة لكلام الشباب ،،

تأكد إن مساعد الدركسون سليم لأنه يلعب دور كبير برجة الكفرات الأمامية !!

[مخاوي العريس]

أخوي كانت معي نفس المشكلة بشاص تويوتا , والحل بالترصيص الأرضي
ولا تخسِّر نفسك.

[رجل كريم]

وعليكم السلام ورحمة الله وبركاته

انصحك تاخذ اقصر الطرق واقلها تكاليف وهو الترصيص الارضي .،

تحياتي لك .,

[مرساب]

اخوي شيك على كراسي المكينة. صارت معي والحمد لله راحت الرجة

[ملف علاقي]

وش نوع الرجه هل هي في العمدان اوالكفرات او ألأذرعه حدد اجابتك وبدون الأستعانه بصديق0000

[ابويزيد1]

اخوى رصص ترصيص ارضي وركب عامود ( مساعد للدركسيون ) للدفرنس الامامي وتنحل المشكلة صارت معي في سفاري 97

[مخاوووي الليل]

مسااااااااااااااعد الدركسون

قد حصلت اخوي عندي وغيرته وصار تمام

[جيب بيج]

السلام عليكم أضم صوتي بنسبة 100% للأخ 4*4 وفيه طريقه هي خرط قاعدة الرمان العلويه بالمخرطه بالملي حاجه بسيطه تحت الوجه تقريباً والسعر30-40ريال .

[يوكن]

انا عندي نفس المشكلة في الشروكي ورصصت أرضي وما فيه فايدة أفيدونا تكفون بالحل

[غاوي رومانس]

اخوي انت تقول انك مغير الجنوط

حبيت استفسر اذا الجنوط اصلية ولا تجارية

اذا اصلية فاحتمالات الشباب واردة

واذا مو اصليه اتوقع انه من الجنوط

فلذا ابتدي باقصر الطرق

ركب لك جنوط اصلية من الشباب اي واحد تعرفه من اخويانك

وجرب الموتر اذا مافيها رجه فاعرف ان المشكلة من الجنوط

اتمنى انك تكون استفدت

تحياتي

[عنيد]

اكثر من علة اولاً الترصيص الارضي 2- الاضرعة 3- الرمانات 4- اذا كان الكفرات بالون منتهيه فلازم تغيرها

[الكايف2]

هذي مشكلة النيسان عموما وسببها الرئيسي الرمان اللي يمسك البطيخات
تجي رمانتين على شكل اسطواني فوق وتحت الدفرنس وتنفك من برا
ركب رمان شاص تايوتا وباذن الله تروح
هلابك اخوي 4*4يعطيك العافيه ومشكورعلي المرور

[الكايف2]

اذا كنت مركب فررات فالمشكلة مثل ما تفضل 4*4

لكن اذا ما فيه فرارات شيك على عمود الدبل وكذلك العمود الي يربط بين القير و الدفرنس الخلفي لانه احتمال جايه طعجة او يبي له ترصيص او يبي له تنظيف لانه احتمال لازق فيه طين

والله ييسر امورك
مرحبا اخوي بن محفوظ ماركبت فرارات لكن بشيك علي عمود الدبل واشوف
مشكورعلي مرورك

[الكايف2]

إضافة لكلام الشباب ،،

تأكد إن مساعد الدركسون سليم لأنه يلعب دور كبير برجة الكفرات الأمامية !!
مرحبا اخوي عاشق السيل توني مغيره قبل عشره ايام والظاهرانه ماركبه زين
يعطيك العافيه ومشكورعلي المرور

[الكايف2]

أخوي كانت معي نفس المشكلة بشاص تويوتا , والحل بالترصيص الأرضي
ولا تخسِّر نفسك.
مرحبا اخوي مخاوي العريس توني مرصص امس لكن وش تقصد بالترصيص الارضي
مشكورعلي مرورك

[الكايف2]

وعليكم السلام ورحمة الله وبركاته

انصحك تاخذ اقصر الطرق واقلها تكاليف وهو الترصيص الارضي .،

تحياتي لك .,
مرحبا اخوي رجل كريم يعطيك العافيه بس وش الترصيص الارضي
مشكورعلي مرورك

[الكايف2]

اخوي شيك على كراسي المكينة. صارت معي والحمد لله راحت الرجة
مرحبا اخوي مرساب يعطيك العافيه ومشكورعلي المرور

[الكايف2]

وش نوع الرجه هل هي في العمدان اوالكفرات او ألأذرعه حدد اجابتك وبدون الأستعانه بصديق0000
مرحبا خوي ملف علاقي الرجه في الموتركله يرج والركسون ينفض يدي طبعا الاجابه بدون صديق ولارفيق اخخخ مشكورعلي المرور

[الكايف2]

اخوى رصص ترصيص ارضي وركب عامود ( مساعد للدركسيون ) للدفرنس الامامي وتنحل المشكلة صارت معي في سفاري 97
مرحبا اخوي ابويزيد وش تقصد بالعمود هل هوزود مع المساعد والا ومشكورعلي المرور

[الكايف2]

مسااااااااااااااعد الدركسون

قد حصلت اخوي عندي وغيرته وصار تمام
هلا بك اخوي مخاوووي توني مغيرالمساعد الا اذا التركيب مهوب مضبوط
علي كلا بشيك واشوف مشكورعلي المرور

[الكايف2]

السلام عليكم أضم صوتي بنسبة 100% للأخ 4*4 وفيه طريقه هي خرط قاعدة الرمان العلويه بالمخرطه بالملي حاجه بسيطه تحت الوجه تقريباً والسعر30-40ريال .
هلا بك اخوي جيب بيج يعطيك العافيه ومشكورعلي المرور

[الكايف2]

انا عندي نفس المشكلة في الشروكي ورصصت أرضي وما فيه فايدة أفيدونا تكفون بالحل
مرحبا اخوي يوكن ان شاءالله نلقي الحل من الشباب وتزين الامورلكن ان لقيت الحل علمنا وانا بفيدك ان لقيت الحل لكن ملاحظه بصيطه اسمك يوكن ومعك شروكي مشكورعلي مرورك

[Nasser-ahah]

شف إفحص عمود الكردان الخلفي الصليبات

[المارينز]

الترصيص الارضي ياطويل العمر

انهم يرصصون لك الكفرات وهي راكبه بالموتر

يعني مايفكونه يرصصونه وهي بمكانه

بعدين يعلمونك اذا كفراته سليمه ولا فيها تحبيل << تسبب رجه

رح لميزان العضيب وخلهم يفحصونها قبل بعدين يعلمونك اذا تحتاج ترصيص ارضي والا لأ

انا رحت لهم اللي بالمصيف والفحص مجاني عندهم

[حسين السبيعي]

مع التحيه والتقدير لعموم الخوان وازيد علي كلاام الاخوان شيك علي عمود التوازن الامامي وحاول اذ جت الرجه تمسك فرمل علي شكل ظربه سريعه للفرامل ثم تفك اذا راحة الرجه غير عمود التوازن الامامي الطويل وراح تروح الرجه لكم كل الحترام

[4*4]

انا معي نيسان شاص من ست سنوات ولا بقى شي ماسويته بغيت اغير الدقرنس من القهر
وفي النهايه طلع السبب مثل ماقلت لك من الرمان
اختصر الدرب وسو مثل ماقلت لك وباذن الله بتدعي لي ولا تخرط مثل ماقال اخوي جيب بيج ,,صحيح الخرط ينفع لكنه ياكل البطيخات مع الزمن وتصير كل فتره تخرط وتزود الين تنكسر البطيخه
ركب حق تويوتا مثلي بس اهم شي اصلي وباذن الله ترتاح

[الكايف2]

اخوي انت تقول انك مغير الجنوط

حبيت استفسر اذا الجنوط اصلية ولا تجارية

اذا اصلية فاحتمالات الشباب واردة

واذا مو اصليه اتوقع انه من الجنوط

فلذا ابتدي باقصر الطرق

ركب لك جنوط اصلية من الشباب اي واحد تعرفه من اخويانك

وجرب الموتر اذا مافيها رجه فاعرف ان المشكلة من الجنوط

اتمنى انك تكون استفدت

تحياتي
هلا بك اخوي غاوي رومنس الجنوط اصليه والرجه قبل اغيرها مشكورعلي المرور

[الكايف2]

اكثر من علة اولاً الترصيص الارضي 2- الاضرعة 3- الرمانات 4- اذا كان الكفرات بالون منتهيه فلازم تغيرها
هلا بك اخوي عنيد يعطيك العافيه ومشكورعلي المرور

[الكايف2]

شف إفحص عمود الكردان الخلفي الصليبات
مرحبا اخوي انا قلت كذا بس قلت نشوف الشباب قبل مشكورعلي المرور

[يوكن]

مرحبا اخوي يوكن ان شاءالله نلقي الحل من الشباب وتزين الامورلكن ان لقيت الحل علمنا وانا بفيدك ان لقيت الحل لكن ملاحظه بصيطه اسمك يوكن ومعك شروكي مشكورعلي مرورك
مشكور اخوي وحلوة الملاحظة ؟؟ اليوكن موجود ، وبعدين شرينا شروكي لنه موتر بر مايعلى عليه وانا مجرب الشروكي وبس ، عاد لاتحسدنا تراقرمبعات يعني لك عليها ، وخلنا في الموضوع وش الحل في الرجة غيرت مساعد الدركسون ما فيه فايدة رصصت ارضي وعادي ومافيه فايدة غيرت رمانات وصليب ومافيه فايدة غيرتتتتتتتتتتتتتتتتتتتتتت ومافيه ؟؟؟؟؟؟؟؟؟؟؟؟ وش الحل ينفع لو دحدرنا مع وادي لبن يمكن يصلح ههههههههههه .

[بر الوالدين]

ارى و الله العالم إنك تسوي الآتي

بدل الكفرات ( فك الخلفيات و ركبهن قدام ) و تأكد إن الإتجاه واحد

إذا إستمرت الرجه فـ شف الرمان مثل ما ذكر أخونا / 4*4 لإنه مصر على رايه :)

[ابوعراده]

ياخي سيارتي موديل 98 رح يم ميزان اليرموك بيغيرون لك جلد المقصات ويرصصونه لك ويضمنونه لك شهر او شهرين وانا متأكد 100%100 من العله وعلى طريقك غير مساعد الدركسون واذا تبيني اكلمك واعلمك بالعله راسلني على الخاص

[الكايف2]

ياخي سيارتي موديل 98 رح يم ميزان اليرموك بيغيرون لك جلد المقصات ويرصصونه لك ويضمنونه لك شهر او شهرين وانا متأكد 100%100 من العله وعلى طريقك غير مساعد الدركسون واذا تبيني اكلمك واعلمك بالعله راسلني على الخاص
هلا بك اخوي ابوعراد راح اكلمك ان شاءالله مشكورعلي مرورك