المساعد الشخصي الرقمي

مشاهدة النسخة كاملة : صيانة الــ 1000 كم للسيارة الجديدة ضرورة ام ضحكة ؟؟


هبوب الصبا
18/05/2009, 05:58 PM
بسم الله الرحمن الرحيم

السلام عليكم

الوكالة يقولون لازم تجي بعد الألف كم للتشييك عليها

هل ذلك ضروري ولا ينصبون علينا والسيارة أصلا ماتحتاج

يعني وش بيسوون ويمكن بعد ينزلوني منها ويدخلون بها ويقولون ممنوع الدخول ولا أدري وش السالفه .. حركة تقهر :mad:

وش رايكم ..؟؟
ابو ناصر2020
18/05/2009, 06:27 PM
مادري بس انا اشوف 1000 كيلو ماله لزمه انا وديته 5000 لانه لو وديته 1000 حتا الزيت مايتغير


انا موتري قبل 8 شهور ماوديته الا 5000 بس
هبوب الصبا
18/05/2009, 10:32 PM
يعطيك العافية اخوي ابو ناصر

ننتظر المزيد من المشاركات
browny
18/05/2009, 10:39 PM
حسب اعتقادي تشييك ال ١٠٠٠ مهم لانه السياره لسه طالعه من الحفيز يعني المكينه لسه طازه ومثل ماانت عارف المكينه فيها بساتن طالعه ونازله واحتكاك وحراره ولانها جديده فا الزيت راح يتوسخ اكثر من اي تشييك بعد ال ١٠٠٠ الاولى على ماتاخذ البساتن وضعها الطبيعي وبهالتشييك راح تتخلص من براده الحديد واذا مارحت وديتها براده الحديد راح تاكل من اجزاء السياره ...يمكن شغله ماتحس فيها بس منطقياً موجوده
ابو شهد جدة
18/05/2009, 10:52 PM
والله ياغالي انا اشوف انها مهمة

لأنه هي اول صيانة وهي الي تبين المشاكل من بدايتها قبل لاتكبر
والـ 1000 كيلو ترى موقليله بالنسبه للسيارة الجديدة.
الثويرات
18/05/2009, 11:03 PM
انا من وجهة نظري ان المكينه والمحركات مازالة جديده وانا ارى انك تشيك على الاشياء المهمه مثل الاذرعه والمساعدات فقط في اي ورشه لان الذراع لاقدر الله لوطاح خلاص ماتملك السيارة يعني يابسيارة ثانيه او بجدار ....... الله يستر عليك دنيا واخره
الهوى جنوبي
18/05/2009, 11:05 PM
توكل على الله ساو صيانة الألف لأنه لو في مشكله بتظهر معك وبعدين اسحب عليهم ولا عاد تجيهم الا في خير
تحـــيـــاتــــي للجــــميع
mo7taj
18/05/2009, 11:09 PM
تراها مو غاليه تغيير زيت بس...........وبعدها لا يشوفو وجهك.................
كاشت وحداني
19/05/2009, 01:14 AM
والله يالربع من واقع تجربتي اشوف انها ضحكه لعدة اسباب :
اولا ً : يقولون امش اقل من 100 اول الف كيلوا . ليش لان السرعه اقل من ميه ما تبين عيوب الموتر .
ثانيا : شريت كامري 2005 عى وقتها واستلمتها بعد العشاء ومشيت عليها حوالي مية كيلوا داخل الرياض ما تعديت الميه . ثم مسكت خط الشرقيه وطبلونها والمكيف شغال . والحمدلله وصلت بحمد الله وتمشيت في الدمام ورجعت ونفس الشئ .
الحين السياره ماشيه 280 الف والحمدلله نشيطه ميه ميه .
يعني تشييكات ما شافو وجهي . وانا الكسبان
ثالثا : كامري 2008 شرينها واحترمناها ومشينا شوي شوي حتى خلصت الالف كيلو ورجعناها للتشييك
وبعد الاستلام عزم السياره بارد جدا ووجود ىصوت قرقعه في المساعد اليسار.
رجعتها لهم وبعد الكشف قالوا مسمامير المساعد محلوله . طيب كيف قبل الالف تمام وبعد التشييك انحلت .
وقلبتها هوشه معاهم حتى فاوضوني اني اخذ سياره اقساط بسعر الكاش
ورفضت لسؤ الخدمه .
نصيحتي :
اذا شريت موتر جديد
اول مية مية كيلو امش شوي شوي
ثم بعدها العن والدينه لان لو طلع اي شئ بالمكينه قبل الالف كيلو تتحمله الوكاله بدون اي نقاش .
ابوريناد1979
19/05/2009, 01:47 AM
بلاش وش انت اخسران
يمكن ياخذون حق الزيت والسيفون بس
عشان لو صارت مشله بعدين لاقدر الله وجتهم مايقولون تراك ماشيكت الف كيلو
ZIAD_KSA
19/05/2009, 08:37 AM
كاشت وحداني
انتا ميه ميه
واالله انك كذا يا شيخ
عجبتني بدون نقاش
ههههههه
هبوب الصبا
19/05/2009, 05:59 PM
الله يعطيكم العافية على تفاعلكم
عزا الله انكم ذيابة وينشد بكم الظهر
ماقصرتوا
تقبلوا تحياتي
القاصي1
19/05/2009, 08:16 PM
من خلال اكثر من تجربة
اعتقد انها ضحك على الناس
وومره كان معي كامري
ورحت لصيانه 1000 وكان نور السقف مايشتغل وعند التشييك لقيت في الفاتوره قيمة اللمبة ....سألته قلت من اول مااستلمت السيارة وهي خربانه ..قال اللمبات مايشملها الضمان !!!!!!!!!!!!!!!!!
عموما تدري ان الفورد اول صيانه بعد 8000
وضمان من جد صح 5سنوات او 200000
واما التويوتا وهي سيارتي الثانية فللاسف الوكيل اسوء من كذا مافيه
تعامل وخداع وغلاء

هذا من وجهه نظري
هبوب الصبا
19/05/2009, 10:07 PM
يعطيك العافية اخوي القاصي على ردك الطيب

والله يخلي لك حلالك ويمتعك به يارب
قف وناظر
20/05/2009, 11:25 PM
السلام عليكم
انا اتفق مع الشباب اللي يقولون انها ضحكة فعلا لو فكرنا فيها ليه لان الواحد منا يسأل نفسه وش يسون في التشييك الغالب في الوكالات اذا ماكان كلهم المعروف انهم تغيير زيت وسيفون وكثر خيرهم كان وزنوا البلوف ودايم يسألونك فيه ملاحظات طبعا سيارة جديدة اكيد ما فيها ملاحظات الا رجت وحلها ترصيص ميلان في الطارة بعض الاحيان وحلها وزن وانا من رايي مسالة الزيت جديد وحق بلده يعني يمشي 8000 او 5000 ما عندك مشكلة لانه حق المصنع مومثل اللي يجينا وانا شخصيا ما اغير الزيت الا بعد 8000 لكن احتياطا شيك عليهم عند 5000 واسف على الاطالة
yes999
14/06/2013, 11:14 PM
موضوع قديم - لكن مهم - الحين بالوكالة طالبين 350 ريال ع تشييك 1000 كيلو ويقولون يغيرون زيوت كل السيارة ...
طيب بدليل المالك والسائق يقول لك على 5000 تغير اصدق مين ؟؟؟؟؟؟؟؟؟؟؟؟؟ الوكالة ام المصنع ؟؟؟؟ ومعروف هم الوكالات بس الفلوس
مخ سعودي
15/06/2013, 12:13 AM
طلعت سيارة وكاله نوع ماكسيما اول ٧٥ كيلو يالله امشيها اقل من ٦٠ وجاني ظرف وسافرت وامشي حول ٨٠ كيلو حول ١٠٠ اخر شي طفشت واجلدها في البدايه عيت تعدي ١٨٠ وبعد ٤٥٠ كيلو وقفت اعبي بنزين الا هي تمشي طبلونها لبى الماكس وبس سياره اعتماديه بما تعنية الكلمه
yes999
15/06/2013, 12:24 AM
الله يعطيك خيرها ويكفيك شرها مخ سعودي - لكن السؤال هل ضروري تغير الزيت والتشييك ع 1000 ام 5000 زي ماهو مبين في دليل المالك - ناس تقول الزيت الى من المصنع خفيف !! كيف خفيف والسياره مخصصه للخليج
مخ سعودي
15/06/2013, 10:12 AM
الصيانة لابد منها وغالبا الشركات يكون لديهم صيانه الالف مجانية بالنسبة لي اغيره على ٣٠٠٠ الاف
ع المشاري
15/06/2013, 10:22 AM
اصلا مسافة الف كيلو تمرين للسيارة يعني جديدة يعني ماتحتاج تروح الوكاله السيارة جديده المفروض 5000الاف فمافوق معقولة فيها تفيير زيت زفلاتر 0 انا مشتري سيارة جديدة قبل شهر قالولي جبها بعد خمس الاف والحين لي شهر مامشت غير 1400كم
التعـ King ـديل
16/06/2013, 12:17 AM
تشيك اول 1000 كيلو مهم جدا للسياره

ولكن السيارات الجديده مافيها سالفه امش 100 تمرين ولا شي

انا فكيت موتر جديد وطقيت المكيف وانا بالمعرض وبنفس اليوم فرفرت عليه لين الفجر ماوقف الموتر وطفيته ماشي حول 500 وكان يوم خميس ودخلته على الوكاله يوم السبت ماشي 1450 تقريبا وغيرو زيته واموره طيبه لين بعته