المساعد الشخصي الرقمي

مشاهدة النسخة كاملة : يوكن2006 وهذي المشكله


ابوغلا2004
19/05/2009, 10:37 PM
اخواني اعضاء هذا المنتدى المتميز السلام عليكم مشكلتي مع اليوكن وما ادراك ماليوكن وهو ان الدبل لاشغلت الموتر اما انه طافي تماما او يقول يجب تصليح الدفع 4 عجلات او تولع لمبة الn الحمرا حقت الدبل اويقول جهاز تحسين الثبات مطفاء وأحياناً لما أضغط زر الدبل مرة يشبك ومرة مايشبك ياجماعه شفولي حل اخاف اروح لها الورش ويلعبون علي
وبيض الله وجيهكم.
.
.
.
.
.
.
.................................................. .........
لن أمل من العطاء
19/05/2009, 11:20 PM
سؤال واريد اجابه دقيقه
هل اذا شغلت السوتش وقبل تشغيل السلف (تدور المكينه) هل تشتغل جميع لمبات الدبل بما فيها الحمراء لثواني وتطفي ام لأ؟
هل مره تشتغل ومره لا تشتغل ؟
مرقاب
19/05/2009, 11:40 PM
اخوي شيك على حساس الدبل يمكن يحتاج تغيير انا صارت معي وغيرته عند اتوستار بالصناعيه القديمه الرياض يكلف حول 600 ريال والحمدالله من بعد تغييره مافيه مشاكل وانتبه احد يقولك غير دينمو الدبل شيك على الحساس اول شي
Magellan
20/05/2009, 12:24 AM
إذا أنت بالرياض فيه الورش الجنوبية من الصناعية القديمة عند الموسى لتصليح الدبلات والقيرات ، يغير لك قطعه عباره عن حساس كبر حجم الريال المعدن مرتين قيمة القطعه أخبرها جمله 270 ريال ويمكن يعطيك إياها بحدود 300 من نوع ديلفي ويصلحها امحل بـ150 ريال
ابوفروحه
20/05/2009, 05:11 AM
اخي الفاضل لاتلعب بلسياره غير حساس الدبل ولاتغير الاوكاله وللمعلوميه تراالاصلي مايجي الاوكاله من الجميح الاتاخذمن التشليح وترافيه واحدكويس في صناعية الخليج بلرياض وتراهاصارت معي
ابوغلا2004
20/05/2009, 11:44 AM
سؤال واريد اجابه دقيقه
هل اذا شغلت السوتش وقبل تشغيل السلف (تدور المكينه) هل تشتغل جميع لمبات الدبل بما فيها الحمراء لثواني وتطفي ام لأ؟
هل مره تشتغل ومره لا تشتغل ؟
اخوي لن امل من العطاء يشتغلن مره ومره مايشتغلن.
اشكر جميع الأخوان على مرورهم.
.
.
.
.
.
ابوغلا2004
20/05/2009, 11:30 PM
اخوي لن امل من العطاء لاهنت
ابوغلا2004
21/05/2009, 11:47 AM
للرفع للرفع
لن أمل من العطاء
21/05/2009, 02:48 PM
حبيبي

كتجهيز اساسي في السيارة وغالب السيارات

جميع اللمبات الارشادية في الطبلون
لمبة المكينه
الدبل
الايه بي اس للفرامل
التي سي اس
لمبة البريك
ومنها لمبة ازرار الدبل

عند تشغيل السويتش تشتغل اللمبات وبعدد ثواني تتقفل وهذا يعني ان الجهاز الخاص بكل لمبه

عند عدم اطفاء اللمبه او عدم اشتغالها من الاصل يظهر مشكله للكمبيوتر وينبهك على وجود مشكله

اذن انت ابدأ باقل واسرع شيء ممكن تسويه
وهو اخراج ازرار الدبل من مكانها وبعد ذلك تشوف الفيش الخاص فيها تجده متوسع كثير وتصير الاسلاك ما توصل كهرباء
اما تضيق الفيش بمفك صغير او تلحمها

وبعدها لا تنسى الدعاء لي


اخوك

لن امل من العطاء
مرقاب
21/05/2009, 07:02 PM
اخوي حساس الدبل خذ الاصلي مثل ماقال ابو فروحه- من العيسى اوالجميح وكلهم بالصناعيه القديمه- انا اخذته من العيسى وركبته عند اوتو ستار
زيزو
21/05/2009, 09:32 PM
اخوي

رح لمركز محترم

وافحص كمبيوتر احسن لك

يمكن شي ثاني غير الحساس

اقطع الشك باليقين

تحياتي لك
مداوي الهلي
21/05/2009, 10:37 PM
نفس اللي صار لك صار لي بالضبط والحل هو الحساس تبع الدبل غيره وتنتهي المشكلة
ان شاء الله
ابوغلا2004
22/05/2009, 10:36 AM
اشكر جميع الأخوه على المرور وما اقول الا جزاكم الله الف خير.