المساعد الشخصي الرقمي

مشاهدة النسخة كاملة : مشكلة الحراره


كاشت المدن
22/05/2009, 03:26 PM
السلام عليكم
معي جمس 2002 ومع الطلعات بالزفلت ولما اشبك الدبل ترتفع الحراره حتى الاتش
رحت وركبت مروحه اضافيه قدام الرديتر وشبكتها مع المكيف ولكن بالبر مني مشغل المكيف
ونصحوني اشيل المروحه اللي مع السير (الميكانيكيه ) واركب مروحتين كهرب زي موديل 2004
فهل تنصحوني بهاطريقه ويين يركبونها ويضبطونها بالرياض
وهل هي افضل
وشكرا
abo-lma
22/05/2009, 03:42 PM
2002 وكذا من الله ترتفع حرارته

يخوي الوكالة لابارك الله في الوكالة

أهم شي في السيارة الحرارة أذا ماتكون ثابته وطبيعية والا الله يخلف على السيارة

موفق خير
عوق الخريش
22/05/2009, 03:56 PM
مشكووور على الموضوع المفيد
الحارثى محمد
22/05/2009, 04:02 PM
اول خطوة هى التأكد بأن المروحه والرديتر أصليه وما تكون تجارى ويكون الرديتر نظيف وليس به سدد

اذا كانت القطع المذكوره اصليه بأمكانك اضافة مراوح كهربائيه وعليك متابعة هذا الموضوع
http://www.mekshat.com/vb/showthread.php?t=204139
ابوحماد
22/05/2009, 04:05 PM
تاكد من وجيه راس المكينه و الرديترلايكون مسدود
شنطة عده
22/05/2009, 04:10 PM
السلام عليكم
معي جمس 2002 ومع الطلعات بالزفلت ولما اشبك الدبل ترتفع الحراره حتى الاتش
رحت وركبت مروحه اضافيه قدام الرديتر وشبكتها مع المكيف ولكن بالبر مني مشغل المكيف
ونصحوني اشيل المروحه اللي مع السير (الميكانيكيه ) واركب مروحتين كهرب زي موديل 2004
فهل تنصحوني بهاطريقه ويين يركبونها ويضبطونها بالرياض
وهل هي افضل
وشكرا


السلام عليكم
والله كارثة 2002 والحراره توصل الى الاتش
على العموم السيارات الامريكية بشكل عام تصدر منها حراره عالية جداً


حاول ان تشيل بلف الحراره في الصيف بس انتبه رجعه بداية الشتاء


.
.
.
.
تبي الزبدة استخر ربك وبيعه ترى ما ينفع في البر الا الياباني
لاحراره ولاهم يحزنون واعتبر الياباني مثل الشيك في جيبك متى ما بغيت تبيعه يجيب لك السعر المناسب
مهوب زي الامريكي يطيح من سعره عشرة الاف اول ما تطلعه من باب الوكالة :D
راعي المجهم
22/05/2009, 06:32 PM
غريبة جداً

أنا معي جمس 2002 تاهو دبل ماخليت ولا طعس الا وطلعت فوقه

ماخليت ولا شعيب الا ودخلته والدبل شغال ومحط في الخطوط والمكيف شغال

والحرارة ثابته !!!!

أرتفاع الحرارة من سبب معين أبحث عنه ونصيحة لا تغير في نظام تبريد السيارة

1 / كلتش المروحة 2 / بلف الحرارة 3 / الرديتر

تأكد منها وإذا أردت تغيرها

ركب أصلي ركب أصلي ركب أصلي نصيحة
الحارثى محمد
22/05/2009, 07:51 PM
منقول من احد المنتديات

[الكثير منا يشتكي من المروحة الميكانيكية لاسباب :

1ـ الحنه والصوت المزعج .
2ـ ضعف العزم وقلة استجابة المكينه اذا كان الجو حار .
3ـ ارتفاع حرارة السيارة ومشاكل اتوماتيك المروحه التي لاتنتهي .

هذه اغلب دوافع من يقدم على تغيير المروحه الاصليه الى كهربائيه
وقد يكون هناك دوافع اخرى منها على سبيل المثال : حب التغيير والترهيم .

حسناً اياً كان سبب تغييرك للمروحة الاصليه ( الميكانيكيه ) الى كهربائيه
فهذه بعض النصائح والتجارب لمن اقدم على هذه الخطوه :

1ــ يجب ان تتاكد من ان المراوح ستوفر لسيارتك التهويه الكافيه فبعض المكائن لا يمكن ان
توفر المراوح الكهربائية التبريد المناسب لها مثل مكائن(450 ) 8 سرندل.
2ــ احرص على المراوح الاصليه لعلك ان تجدها في الصناعيه القديمه بالرياض وبالتحديد
في التشاليح اليابانيه واقصد بذلك التشاليح التي تبيع قطع غيار مستعمله مستورده من اليابان .
3ــ تاكد من ان المراوح تغطي اكثر من 85% من واجهة الاديتر الداخليه لافضل النتائج .
4ــ (نقطه مهمه ) تأكد من المراوح واطارها لا تلامس الاديتر والاسيحصل مالا تحمد عواقبه حيث
حيث انه مع الهتزاز سيسبب الاحتكاك تهريب الماء خارج الاديتر وارتفاع الحراره .

5ــ ابعد ريش المروحه عن السيور وبكرات المكينه .
6ــ اسلاك لكهرباء يجب ان تكون قويه (2) ملم كادنى حد .
7ــ يجب توصيل المراوح بكتاوت لاعطائها كهرباء كافيه .
8ــ الافضل ان تركب مروحتين واحده تعمل بمجرد فتح السويتش بالمفتاح
والثانيه تركب لها حساس على ماء المكينه وانصحك بحساس المرسيدس
يأتي منه درجات منها ما يشتغل اذا وصلت درجة الحرارة 75 وبعضها 50
وبعضها 100والاول افضل لجو الرياض . ( قيمة الواحد 25 ريال )
9ــ انتبه لموقع الحساس فهو مهم : يجب ان يكون يلامس الماء الخارج من المكينه
قبل ان يصل الاديتر حتى يعطيك القراءه الصحيحه لحرارة المكينه .

10ــ بعض السيارات تجد فيها فتحات للحساس جاهزه وفاضيه ومن لم يجد فعلي ان يشتري
الحساس ثم يذهب للمخرطه لعمل فتحه نفس مقاس الحساس

لا تنسى ان تحمل المروحه الاصليه معك في السياره اينما ذهبت
فقد تحتاجها في اي لحظه فلا تأمن المراوح الكهربائيه .
راعي المجهم
22/05/2009, 07:58 PM
نصيحة لا تغير المروحة الميكانيكية فدفعها للهواء أقوى من الكهربائية

السيارة صنعت وعاشت سنين بدون حرارة والآن فيها حرارة

معناته هناك مشكلة في منظومة الحرارة حاول تصليحها

أما رديتر أو طرمبة أو كلتش مروحة أو بلف حرارة
monsixnet
22/05/2009, 08:32 PM
مشكور

مجهود رائع وتقرير روعه
~EmPeRor~
22/05/2009, 11:02 PM
اخوي كاشت
انا خبير بشغلت المراوح
ليس مدح في ولاكن بفضل الله واشتغل فيها بمحلي الخاص الى قبل شهر ثم قبلت بسبب ضروفي
نصيحتي لك
لاتفك مروحة الوكالة
المروحة المكيانيكية دفعها للهواء اكثر واقوى من الكهربائية
نصيحتي لك
المروحة الخارجية اشبكها على ساس مرسدس مقاس 75
قيمت الحساس 45 ريال
تركيب الحساس على الكوع في المخرطة 30 ريال
يشبكها الكهربائي بتوصيل السالب للكتاوت على الحساس ب 20 ريال
كذا تكون شغالة معاك عند ارتفاع الحرارة
ولاكن اكد له ان لاتعمل اذا كان السوتش مفتوح تعمل عند دوران المحرك << اهم نقطة

الشي الثاني
تاكد من نظام التبريد عندك
من الثرموستات( بلف الحرارة ) + الرديتر + الخرطوش الي يخرج من الرديتر الى المكينة بحيث انك اذا دعست بنزين بقوة لايثني <<< مشكلة في الامريكي
وانشالله تكون سيارتك بوضعها السليم
بالتوفيق وتقبل مروري
Magellan
23/05/2009, 09:10 AM
كاشت المدن بنسبة 80% المشكلة من كلتش المروحة...
لاتتعب حالك وترهم ، المسأله كلها في الكلتش وأضف لذلك أراء أهل الخبرة مثل الأخ الكريم راعي المجهم
عاشق z71
23/05/2009, 10:10 PM
اخوي اكيد انت عندك مشكله بالكلتش

بس على كل حال

انا معي نفس موترك 2005

مراوح كهرب

مافي امل ترتفع الحراره ولله الحمد
مع انه قبله كان معي 2000 والحراره اثناء التطعيس والوقفه الطويله ترتفع

بعد المراوح الكهرب ماترتفع ولله الحمد
كاشت المدن
24/05/2009, 03:26 PM
شاكرلكم جميعا
monsixnet (http://www.mekshat.com/vb/member.php?u=17361)
عوق الخريش (http://www.mekshat.com/vb/member.php?u=77123)
العفو لكم مع اني اسئل وانتم تقولون شكرا؟؟؟؟
باقي الاخوان
تاكدت من المروحه والطرمبه وكلتشات المروحه والرديتر صيخته وكان نظيف والخراطيش تمام
المشكله انه مايسخن الا بالطلعات او مع شبك الدبل

وكان مع المكيف لكن بعد ماركبتله مروحه مع المكيف صار تمام
وشكلي ابحط للمروحه الثانيه حساس مع الحراره لكن مين يضبطه
اكرر شكري لكم جميعا
كاشت المدن
26/05/2009, 12:34 PM
ياليت توصفلي ورشه يركبون مروحه على حساس الحراره