المساعد الشخصي الرقمي

مشاهدة النسخة كاملة : تكفووووون ابي حل للمكيف الخلفي في الجكس 0000000


مخاوووي الليل
22/05/2009, 06:29 PM
السلام عليكم ورحمة الله وبركاته

اخوووواني عندي المكيف الخلفي في الجكس موديله 2002
حااار والامامي بااارد والثلاجه ثلج ماشاء الله
بس المشكله بالاخلفي رحت للورش الي يقول الحساسات طبعا الاماميه والخلفيه عند الثلاجه
والا بلف الثلاجه والسعر نار الي يقول 450 ولا700 منوعين من سوري وبكستاني
واكثرهم يقول ماعرف اصلحه هذا الي خوفني انهم يلعبون علي ويتعلمون او خرابه بسيط ويستغلوني
ودي الحل الي عندكم اواحد منكم قد صارت معه ويعطينا السعر والكهربائي الممتاز قد صلحه عنده وسعره حلو
وانا من اهل الرياض الشرقي والف شكر للجميع
سديراوي 13
22/05/2009, 08:59 PM
وعليكم السلام

مشكلتك اخوي مخاوووي الليل (http://www.mekshat.com/vb/member.php?u=113479) في بلف الثلاجه حقة المكيف الخلفي
واتوقع سعر تغيير البلف يكلف 250 مع تعبئة الفريون لانه لازم يفك الثلاجه
وهذا الي اقدر افيدك فيه تحياتي
قناص خلاوي
22/05/2009, 10:23 PM
الاحتمالات كثيرة اخوي
بلف الثلاجة أو مشكلة كهرب

اذا رحت لكهربائي اشترط عليه ما تدفع شي لين يصلح المكيف
صارت معي بمكيف باترول ودفعت 500 ريال قيمة بلف خلفي وتصلح والمكيف ماصلح هواه حاااار ،رحت لكهربائي ثاني شيك على بلف تحت مرتبة الراكب الأمامي وصلحه بعده ضبط المكيف بـ 200 ريال بس

واذا تدور كهربائي فاهم عليك بورشة الناصرية بالصناعية القديمة
عوق الخريش
22/05/2009, 10:38 PM
يعطيك العافية على الموضوع
~EmPeRor~
22/05/2009, 10:44 PM
انصحك ياصلحة بالوكالة او عند واحد فنان
فية الدوسري الي بشرق الرياض
وفية الفلبيني الي ورى الجفالي
بالتوفيق
اذا بغيت ادلك راسني ومايكون بالك الا طيب
مخاوووي الليل
23/05/2009, 12:44 AM
مشكورين على المرور
قناص خلاوي بعيد علي أخوي والف شكر
ترانيم الوداع وين موقع بضبط خلف الجفالي على طول من جهة الشمال
وكم سعره عس ماهو غالي لاني مقدر اراسلك على الخاص مشركاتي اقل من خمسين
مشكورين وبالتوفيق للجميع
~EmPeRor~
23/05/2009, 09:37 AM
يالغالي ادخل من بين دوج والجفالي يصير اتجاهك شمال
تجيك اول اشارة عدها
بعد ماتعديها تجي على يسارك محطة بنزين دور وارجع للمحطة هو موجود هناك فلبيني واسعارة شوي غالي بس انت استشير واذا ناسبك سعره صلح عنده << شغلة بالضمان
او روح لصناعية النسيم مقابل الحرس الوطني وانت على خط المية متجة من الشرق << ركز عليها من الشرق
الى الغرب بين شارع الحمزة والنخيل يجي الدوسري للمكيفات على يمينك قبل شركة تبيع رديترات
روحله هو بعد فهمان
واي استفسار حاظرين لك يالغالي
بالتوفيق
مخاوووي الليل
23/05/2009, 01:57 PM
اخي ترانيم يعطيك الف عافيه ويجزاك خير انت والاخوان
انا رايح لهم اليوم ان شاء الله
بشوف الي في الروضه
وبالتوفيق للجميع
الذيب مصلوخ
23/05/2009, 02:08 PM
السلام عليكم ورحمة الله وبركاته
يااااااااااااااااااااااااااااامخاوي الليل لاتتوهق مثل ما توهقت أنا عندي جكس آر 2000 ونفس المشكلة لي والله أكثر من شهر رحت وجيت ومافي فايدة.
رح للوكالة وقلهم أبي فحص شامل للمكيف يكون سعر الفحص تقريبا 240 ريال.
مخاوووي الليل
23/05/2009, 02:29 PM
بالذيب طيب وبعدين وش طلع عندك يوم رحت للوكاله
وصلحته الوكاله لك ولا صلحته برى وكم كلف
الوسم
23/05/2009, 04:51 PM
وكالة الضحيان في الصناعية القديمة

وعلى حسب كلامك إن اللي خربان عندك هو بلف الثلاجة الخلفية

وإذا فكيت ثلاجات التكييف الثلاث على طريقك غير بلوف الثلاجات الباقية لآنها مثل صوفة المكينة الخلفيه قيمتها رخيصة ما تعدي خمسين ريال في أغلى المكاين !!!!

لكن شغلها يبي له فك كراسي مكينه وكراسي قير وكمرات وحوسة طويله عريضه ما أتوقع إنك في حاجتها

فكها يبيله شغله طويله عريضه وتبي وقت

ونصيييييييييحة مثل نصيحة الذيب مصلوخ

لا تعدى الوكالة لأن الشغل مضمون والقطع ضمانها ثلاثة أشهر وشغل اليد ستة أشهر

ولعلمك ترى دورة التبريد يبيلها تنظيف مع الفك كاااااااااااااامل من إلى بغاز فريون رقم 12 وعلى حسب علمي لا يوجد إلا في الوكالة

ويبيلك تغيير فلتر في أديتر المكيف كيس فيه حبات صغيرة مثل الرمل

إضف إلى ذلك كليبسات الديكور عند الفك والتركيب تتكسر بعض منها وإظاهر إنك ما تلقاها إلا في الوكالة

وإسأل عن تجربة الأخ الذيب مصلوخ وهو منزل موضوع عنها في المنتدى

لعلك تستفيد !! ويصير شغلك مرة واحده وتفتك من - تبريد غير جيد ،، إرتفاع حرارة ،، مشاكل أخرى لا تكون واضحة ألا بعد فترة من الزمن قد تكون يوم أو يومين أو شهر أو أكثر

وبالمناسبة يا الذيب مصلوخ !! وش صار معك ؟؟ بشرني ؟؟ وش صار معك حتى الآن ؟؟

والله إنني مهتم معك ومع صاحب الموضوع ولا ودي يصير معكم مثل ما صار معي علشانني رحت لورش الصناعية وكل واحد يجيب من راسة صوت على قولت الشيبان

وتاليها أغير كومبريسور كامل وأديتر مكيف وفي الوكالة وشغلهم على الضمان وأبشركم حتى الآن ما عليه خلاف التبريد ممتااااااااز ولكن في الرياض إذا وقفت السياره وخف دخول الهواء إلى شبك السياره وبالتالي إلى المكينه وإجزاءها لاااااااااااااازم يقل التبريد

وهذا شيء طبيعي جداً جداً ولا تخاف من ها المسأله فبمجرد ما ينطلق الموتر ويدخل الهواء لأجزاء المكينه وتدفعه المراوح بسرعه يختلف التبريد وحتى حرارة السياره تقل تدريجياً حتى تصل للمستوى الطبيعي ولكن حاول إنك ماتتوقف أكثر من دقيقتين أو إدفع دواسة الوقود قليلاً حتى تتعدى إلى ألف أو ألفين دورة في الدقيقة لكي تعمل المروحة على دفع الهواء إلى المكينة وبالتالي التبريد على عليها وعلى باقي الأجزاء واللتي منها الكومبريسور ليعمل بكفاءة عاليه

والله يدلك على الخير